<p><strong>ಧಾರವಾಡ:</strong> ಅತಿ ಎತ್ತರ ಪಾಪಸ್ಕಳ್ಳಿ ಬೆಳೆಸಿ, ಗಿನ್ನಿಸ್ ದಾಖಲೆ ಮಾಡಿದ್ದ ಇಲ್ಲಿನ ಎಸ್ಡಿಎಂ ದಂತ ವೈದ್ಯಕೀಯ ಕಾಲೇಜು, ಇದೀಗ ತನ್ನದೇ ದಾಖಲೆ ಮುರಿಯುವ ಮತ್ತೊಂದು ಪ್ರಯತ್ನ ನಡೆಸಿದೆ.<br /> <br /> ಇಲ್ಲಿನ ಸತ್ತೂರಿನಲ್ಲಿರುವ ಎಸ್ಡಿಎಂ ಕಾಲೇಜಿನ ಉದ್ಯಾನದಲ್ಲಿರುವ ‘ಸೆರಿಯುಸ್ ಪೆರುವಿಯೆನ್ಸ್’ ಎಂಬ ಪ್ರಭೇದಕ್ಕೆ ಸೇರಿದ ಪಾಪಸ್ಕಳ್ಳಿಯು ಈಗ 105.8 ಅಡಿ ಎತ್ತರ ಬೆಳೆದು ನಿಂತಿದೆ. 2002ರ ಆಗಸ್ಟ್ 15ರಂದು ಸ್ವಾತಂತ್ರ್ಯ ದಿನಾಚರಣೆ ಅಂಗವಾಗಿ ಹಮ್ಮಿಕೊಂಡಿದ್ದ ವನಮಹೋತ್ಸವ ಕಾರ್ಯಕ್ರಮದ ಸಂದರ್ಭದಲ್ಲಿ ಈ ಸಸಿ ನೆಡಲಾಗಿತ್ತು. ಪ್ರತಿ ವರ್ಷ 3ರಿಂದ 4 ಅಡಿ ಎತ್ತರ ಬೆಳೆಯುವ ಈ ಪಾಪಸ್ಕಳ್ಳಿಯು 2009ರಲ್ಲಿ 78.8 ಅಡಿ ಬೆಳೆದು ನಿಂತಿತ್ತು. ಆಗ ಈ ಗಿಡ ಗಿನ್ನಿಸ್ ದಾಖಲೆ ಸೇರಿತ್ತು. ಇದಾದ ನಂತರ ಮುಂದಿನ ಆರು ವರ್ಷಗಳಲ್ಲಿ 27 ಅಡಿಗಳಷ್ಟು ಎತ್ತರಕ್ಕೆ ಬೆಳೆದಿದೆ!<br /> <br /> ‘ನಾಲ್ಕು ಅಂತಸ್ತಿನ ಕಟ್ಟಡ ಹಾಗೂ ಅದರ ಮೇಲೆ ಸ್ಥಾಪಿಸಲಾದ ಗೋಪುರದ ಎತ್ತರವನ್ನೂ ಮೀರಿ ಗಿಡ ಬೆಳೆದು ನಿಂತಿದೆ. ಗಿಡದ ಬೆಳವಣಿಗೆಗೆ ಪೂರಕವಾಗಿ ಆಯಾ ಹಂತದಲ್ಲಿ ತಂತಿಯ ಆಸರೆ ನೀಡಲಾಗಿದೆ. ಗಿಡದ ಎತ್ತರ ಅರಿಯಲು ಅದಕ್ಕೆ ಅಳತೆ ಟೇಪ್ ಹಚ್ಚಲಾಗಿದೆ. ಈ ಗಿಡ ಮಾರ್ಚ್ನಿಂದ ಅಕ್ಟೋಬರ್ ತಿಂಗಳ ಅಂತರದಲ್ಲಿ ಹೂವು ಹಾಗೂ ಹಣ್ಣು ಬಿಡುತ್ತಿದ್ದು, ಹಣ್ಣು ರುಚಿಯಾಗಿರುತ್ತದೆ’ ಎಂದು ಸಂಸ್ಥೆಯ ಕಾರ್ಯದರ್ಶಿ ಡಾ.ಜಿನೇಂದ್ರ ಪ್ರಸಾದ್ ತಿಳಿಸಿದರು.<br /> <br /> ‘ದಾಖಲೆ ನಿರ್ಮಿಸುವ ಸಲುವಾಗಿಯೇ ದಕ್ಷಿಣ ಆಫ್ರಿಕಾದ ಈ ಸಸ್ಯವನ್ನು ತಂದು ಇಲ್ಲಿ ನೆಡಲಾಗಿತ್ತು. ಗಿಡ ಬೆಳೆದಂತೆ ಕೊಂಬೆಗಳು ಬರುತ್ತವೆ. ಅವುಗಳನ್ನು ಆಗಾಗ ಕತ್ತರಿಸುತ್ತೇವೆ. ಉಳಿದಂತೆ 3ರಿಂದ 4 ದಿನಗಳಿಗೊಮ್ಮೆ ನೀರು, ಪ್ರತಿ ಎರಡು ತಿಂಗಳಿಗೊಮ್ಮೆ ಸಗಣಿ ಗೊಬ್ಬರ ನೀಡುತ್ತಾ ಆರೈಕೆ ಮಾಡಿಕೊಂಡು ಬರುತ್ತಿದ್ದೇವೆ. ಕಟ್ಟಡದ ಎತ್ತರವನ್ನು ಮತ್ತಷ್ಟು ಹೆಚ್ಚಿಸಲು ಸಾಧ್ಯವಾಗದಿರುವುದರಿಂದ ಈ ಗಿಡವನ್ನು ಇನ್ನಷ್ಟು ಎತ್ತರಕ್ಕೆ ಬೆಳೆಸುವುದು ತುಸು ಕಷ್ಟ’ ಎಂದು ಇಲ್ಲಿನ ಉದ್ಯಾನದ ನಿರ್ವಹಣೆಯ ಹೊಣೆ ಹೊತ್ತ ಈರಣ್ಣ ಹಾಗೂ ಸುರೇಂದ್ರ ಶೇಲಾರ್ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಧಾರವಾಡ:</strong> ಅತಿ ಎತ್ತರ ಪಾಪಸ್ಕಳ್ಳಿ ಬೆಳೆಸಿ, ಗಿನ್ನಿಸ್ ದಾಖಲೆ ಮಾಡಿದ್ದ ಇಲ್ಲಿನ ಎಸ್ಡಿಎಂ ದಂತ ವೈದ್ಯಕೀಯ ಕಾಲೇಜು, ಇದೀಗ ತನ್ನದೇ ದಾಖಲೆ ಮುರಿಯುವ ಮತ್ತೊಂದು ಪ್ರಯತ್ನ ನಡೆಸಿದೆ.<br /> <br /> ಇಲ್ಲಿನ ಸತ್ತೂರಿನಲ್ಲಿರುವ ಎಸ್ಡಿಎಂ ಕಾಲೇಜಿನ ಉದ್ಯಾನದಲ್ಲಿರುವ ‘ಸೆರಿಯುಸ್ ಪೆರುವಿಯೆನ್ಸ್’ ಎಂಬ ಪ್ರಭೇದಕ್ಕೆ ಸೇರಿದ ಪಾಪಸ್ಕಳ್ಳಿಯು ಈಗ 105.8 ಅಡಿ ಎತ್ತರ ಬೆಳೆದು ನಿಂತಿದೆ. 2002ರ ಆಗಸ್ಟ್ 15ರಂದು ಸ್ವಾತಂತ್ರ್ಯ ದಿನಾಚರಣೆ ಅಂಗವಾಗಿ ಹಮ್ಮಿಕೊಂಡಿದ್ದ ವನಮಹೋತ್ಸವ ಕಾರ್ಯಕ್ರಮದ ಸಂದರ್ಭದಲ್ಲಿ ಈ ಸಸಿ ನೆಡಲಾಗಿತ್ತು. ಪ್ರತಿ ವರ್ಷ 3ರಿಂದ 4 ಅಡಿ ಎತ್ತರ ಬೆಳೆಯುವ ಈ ಪಾಪಸ್ಕಳ್ಳಿಯು 2009ರಲ್ಲಿ 78.8 ಅಡಿ ಬೆಳೆದು ನಿಂತಿತ್ತು. ಆಗ ಈ ಗಿಡ ಗಿನ್ನಿಸ್ ದಾಖಲೆ ಸೇರಿತ್ತು. ಇದಾದ ನಂತರ ಮುಂದಿನ ಆರು ವರ್ಷಗಳಲ್ಲಿ 27 ಅಡಿಗಳಷ್ಟು ಎತ್ತರಕ್ಕೆ ಬೆಳೆದಿದೆ!<br /> <br /> ‘ನಾಲ್ಕು ಅಂತಸ್ತಿನ ಕಟ್ಟಡ ಹಾಗೂ ಅದರ ಮೇಲೆ ಸ್ಥಾಪಿಸಲಾದ ಗೋಪುರದ ಎತ್ತರವನ್ನೂ ಮೀರಿ ಗಿಡ ಬೆಳೆದು ನಿಂತಿದೆ. ಗಿಡದ ಬೆಳವಣಿಗೆಗೆ ಪೂರಕವಾಗಿ ಆಯಾ ಹಂತದಲ್ಲಿ ತಂತಿಯ ಆಸರೆ ನೀಡಲಾಗಿದೆ. ಗಿಡದ ಎತ್ತರ ಅರಿಯಲು ಅದಕ್ಕೆ ಅಳತೆ ಟೇಪ್ ಹಚ್ಚಲಾಗಿದೆ. ಈ ಗಿಡ ಮಾರ್ಚ್ನಿಂದ ಅಕ್ಟೋಬರ್ ತಿಂಗಳ ಅಂತರದಲ್ಲಿ ಹೂವು ಹಾಗೂ ಹಣ್ಣು ಬಿಡುತ್ತಿದ್ದು, ಹಣ್ಣು ರುಚಿಯಾಗಿರುತ್ತದೆ’ ಎಂದು ಸಂಸ್ಥೆಯ ಕಾರ್ಯದರ್ಶಿ ಡಾ.ಜಿನೇಂದ್ರ ಪ್ರಸಾದ್ ತಿಳಿಸಿದರು.<br /> <br /> ‘ದಾಖಲೆ ನಿರ್ಮಿಸುವ ಸಲುವಾಗಿಯೇ ದಕ್ಷಿಣ ಆಫ್ರಿಕಾದ ಈ ಸಸ್ಯವನ್ನು ತಂದು ಇಲ್ಲಿ ನೆಡಲಾಗಿತ್ತು. ಗಿಡ ಬೆಳೆದಂತೆ ಕೊಂಬೆಗಳು ಬರುತ್ತವೆ. ಅವುಗಳನ್ನು ಆಗಾಗ ಕತ್ತರಿಸುತ್ತೇವೆ. ಉಳಿದಂತೆ 3ರಿಂದ 4 ದಿನಗಳಿಗೊಮ್ಮೆ ನೀರು, ಪ್ರತಿ ಎರಡು ತಿಂಗಳಿಗೊಮ್ಮೆ ಸಗಣಿ ಗೊಬ್ಬರ ನೀಡುತ್ತಾ ಆರೈಕೆ ಮಾಡಿಕೊಂಡು ಬರುತ್ತಿದ್ದೇವೆ. ಕಟ್ಟಡದ ಎತ್ತರವನ್ನು ಮತ್ತಷ್ಟು ಹೆಚ್ಚಿಸಲು ಸಾಧ್ಯವಾಗದಿರುವುದರಿಂದ ಈ ಗಿಡವನ್ನು ಇನ್ನಷ್ಟು ಎತ್ತರಕ್ಕೆ ಬೆಳೆಸುವುದು ತುಸು ಕಷ್ಟ’ ಎಂದು ಇಲ್ಲಿನ ಉದ್ಯಾನದ ನಿರ್ವಹಣೆಯ ಹೊಣೆ ಹೊತ್ತ ಈರಣ್ಣ ಹಾಗೂ ಸುರೇಂದ್ರ ಶೇಲಾರ್ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
