<p>ಮಾರ್ಕ್ವೆಜ್ ಎಂದೇ ಓದುತ್ತ ಬಂದು ಆತ ಸತ್ತಾಗ<br /> ಮಾರಕೇಸ್ ಎಂದು ಕೆಲವರು ಬರೆದು ಅದೇ ಸರಿಯೆಂದಾಗ<br /> ನಮ್ಮ ಮಾರ್ಕ್ವೆಜ್ ಸತ್ತಿರಲಿಕ್ಕಿಲ್ಲ ಎಂಬ ಒಂದು ಕ್ಷಣದ ಭಾವ</p>.<p>ಬದುಕಿದ್ದ ಮಾರ್ಕ್ವೆಜ್ ಮಾರ್ಕ್ವೆಜ್ ಆಗಿಯೇ ಸಾಯಬೇಕಿತ್ತು<br /> ಆದರೆ ಇದ್ದದ್ದು ಮಾರಕೇಸ್ ಅವನು ಹಾಗೆಯೇ ಸತ್ತದ್ದು<br /> ಅವರಿಗೆ ಹಾಗೆ ಇವರಿಗೆ ಹೀಗೆ<br /> ಮುಗಿಯದ ವಾದ ಚರಿತೆಯ ಪೂರ</p>.<p>ಭೂಮಿ ಚಪ್ಪಟೆಯೆಂದು ನಂಬಿ ಸತ್ತ ಟಾಲೆಮಿಗೆ<br /> ಅದು ಚಪ್ಪಟೆಯಾಗೇ ಉಳಿಯಿತಲ್ಲ<br /> ಪ್ಲೂಟೋ ಗ್ರಹವೆಂದೇ ಓದಿದವರು ಪಾಸಾದರಲ್ಲ<br /> ಹಂಸಗೀತೆಯ ವೆಂಕಟಸುಬ್ಬಯ್ಯ ಇತಿಹಾಸವಾದನಲ್ಲ</p>.<p>ನಂಬಿಕೆಯೂ ಎಲ್ಲೋ ಜೀವಂತವಿರುತ್ತದೆ<br /> ಸುಳಿಪ ಕನಸು ಕಲಿಪ ಕಲ್ಪನೆ ನೆರಳ ನಿಜದಂತೆ<br /> ನನ್ನ ವಿಶ್ವವ ನಾನು ಕಟೆದಂತೆ<br /> ನಮ್ಮ ರೂಪವ ಯಾರೋ ತಿದ್ದಿಕೊಂಡಂತೆ<br /> ಅದಕ್ಕೆ ಬೆಳದಿಂಗಳ ಬಾಲೆ ನೋಡಲು ಕೊನೆಗೂ<br /> ರೇವಂತನಿಗೆ ಬಿಡಲಿಲ್ಲ ಯಂಡಮೂರಿ ಎಂಬ ಹಠಮಾರಿ</p>.<p>ಹೊರಗೆ ಹೇಗೋ ಹಾಗೆ ಒಳಗೆಂಬುದಲ್ಲ<br /> ಒಳಗೂ ಇನ್ನೊಂದು ಒಳಗೆ ಮತ್ತೂ ಮಗದೊಂದು ಒಳಗೆ<br /> ಯಾರು ಯಾರಿಗೆ ಹೇಗೋ<br /> ಭಾವಿಸಿಕೊಳ್ಳುವ ಹೇಗೋ<br /> ಹೇಳಲಾಗದ ಹೇಗೋ</p>.<p>ಇರವ ಇಕ್ಕಟ್ಟಿನಲ್ಲಿ<br /> ಸೂಪ ಎಂಬ ಊರೇ ಮುಳುಗಿದರೂ<br /> ಕೆಲವರಿಗೆ ಇನ್ನೂ ಸೂಪ ತಾಲೂಕು<br /> ಸರಸ್ವತೀಪುರ ಎಂದರೂ ಅದು ಕನ್ನೇಗೌಡ ಕೊಪ್ಪಲು<br /> ಅಂಕಲ್ ಎಂದು ಕರೆದರೂ ನಾನು ಇನ್ನೂ ಯುವಕ<br /> ಬೇಂದ್ರೆಗೆ ತಾನೆಂದರೆ ಒಂದು ಸಂಖ್ಯೆ</p>.<p>ಕೊನೆಗೂ ಸತ್ತದ್ದು ಮಾರ್ಕ್ವೇಜೋ ಮಾರಕೇಸೋ<br /> ಎಂಬುದೇ ಮಾಂತ್ರಿಕ ವಾಸ್ತವ<br /> ಅವನೂ ಅವನಂಥವರೂ ಕಟೆದ ಪಾತ್ರಗಳಂತೆ<br /> ಮನುಷ್ಯರು ಹುಳುವಾಗಿ ಗೋಡೆ ಕನ್ನಡಿ ತೆಂಗಿನಮರವಾಗಿ<br /> ಅವೆಲ್ಲವೂ ಏನೋ ಹೇಳುವ ಚಿತ್ರವಾಗಿ ಆತ್ಮವಾಗಿ<br /> ಆಮೇಲೆ ಇಲ್ಲವಾಗಿ<br /> ಇಲ್ಲವೆಂಬ ಇರುವಿಕೆಯ ಸೂಚಿಯಾಗಿ<br /> ಯಾರಾಗಿ ಅಳಿವೆವೋ ಕೊನೆಗೆ ಏನಾಗಿ ಉಳಿವೆವೋ</p>.<p>ಯಾಕೋ ಯಾರೂ ತಲೆಕೆಡಿಸಿಕೊಂಡಂತಿಲ್ಲ<br /> ಸುಮ್ಮನೆ ನೋಡುತ್ತಿದ್ದಾರೆ ದಿನವೂ ಸಿನಿಮಾದಂತೆ<br /> ಸ್ವಲ್ಪ ಕಾಲ ತೆರೆಯ ಒಳಗೆ<br /> ಅಷ್ಟು ಕಾಲ ಹೊರಗೆ<br /> ನಮ್ಮ ಹಾಗೆ ನಮ್ಮ ಜೊತೆಗೆ</p>.<p>ಯಾರು ನಗುತ್ತಿರುವುದು<br /> ಮಾರ್ಕ್ವೇಜೋ ಮಾರಕೇಸೋ ?</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮಾರ್ಕ್ವೆಜ್ ಎಂದೇ ಓದುತ್ತ ಬಂದು ಆತ ಸತ್ತಾಗ<br /> ಮಾರಕೇಸ್ ಎಂದು ಕೆಲವರು ಬರೆದು ಅದೇ ಸರಿಯೆಂದಾಗ<br /> ನಮ್ಮ ಮಾರ್ಕ್ವೆಜ್ ಸತ್ತಿರಲಿಕ್ಕಿಲ್ಲ ಎಂಬ ಒಂದು ಕ್ಷಣದ ಭಾವ</p>.<p>ಬದುಕಿದ್ದ ಮಾರ್ಕ್ವೆಜ್ ಮಾರ್ಕ್ವೆಜ್ ಆಗಿಯೇ ಸಾಯಬೇಕಿತ್ತು<br /> ಆದರೆ ಇದ್ದದ್ದು ಮಾರಕೇಸ್ ಅವನು ಹಾಗೆಯೇ ಸತ್ತದ್ದು<br /> ಅವರಿಗೆ ಹಾಗೆ ಇವರಿಗೆ ಹೀಗೆ<br /> ಮುಗಿಯದ ವಾದ ಚರಿತೆಯ ಪೂರ</p>.<p>ಭೂಮಿ ಚಪ್ಪಟೆಯೆಂದು ನಂಬಿ ಸತ್ತ ಟಾಲೆಮಿಗೆ<br /> ಅದು ಚಪ್ಪಟೆಯಾಗೇ ಉಳಿಯಿತಲ್ಲ<br /> ಪ್ಲೂಟೋ ಗ್ರಹವೆಂದೇ ಓದಿದವರು ಪಾಸಾದರಲ್ಲ<br /> ಹಂಸಗೀತೆಯ ವೆಂಕಟಸುಬ್ಬಯ್ಯ ಇತಿಹಾಸವಾದನಲ್ಲ</p>.<p>ನಂಬಿಕೆಯೂ ಎಲ್ಲೋ ಜೀವಂತವಿರುತ್ತದೆ<br /> ಸುಳಿಪ ಕನಸು ಕಲಿಪ ಕಲ್ಪನೆ ನೆರಳ ನಿಜದಂತೆ<br /> ನನ್ನ ವಿಶ್ವವ ನಾನು ಕಟೆದಂತೆ<br /> ನಮ್ಮ ರೂಪವ ಯಾರೋ ತಿದ್ದಿಕೊಂಡಂತೆ<br /> ಅದಕ್ಕೆ ಬೆಳದಿಂಗಳ ಬಾಲೆ ನೋಡಲು ಕೊನೆಗೂ<br /> ರೇವಂತನಿಗೆ ಬಿಡಲಿಲ್ಲ ಯಂಡಮೂರಿ ಎಂಬ ಹಠಮಾರಿ</p>.<p>ಹೊರಗೆ ಹೇಗೋ ಹಾಗೆ ಒಳಗೆಂಬುದಲ್ಲ<br /> ಒಳಗೂ ಇನ್ನೊಂದು ಒಳಗೆ ಮತ್ತೂ ಮಗದೊಂದು ಒಳಗೆ<br /> ಯಾರು ಯಾರಿಗೆ ಹೇಗೋ<br /> ಭಾವಿಸಿಕೊಳ್ಳುವ ಹೇಗೋ<br /> ಹೇಳಲಾಗದ ಹೇಗೋ</p>.<p>ಇರವ ಇಕ್ಕಟ್ಟಿನಲ್ಲಿ<br /> ಸೂಪ ಎಂಬ ಊರೇ ಮುಳುಗಿದರೂ<br /> ಕೆಲವರಿಗೆ ಇನ್ನೂ ಸೂಪ ತಾಲೂಕು<br /> ಸರಸ್ವತೀಪುರ ಎಂದರೂ ಅದು ಕನ್ನೇಗೌಡ ಕೊಪ್ಪಲು<br /> ಅಂಕಲ್ ಎಂದು ಕರೆದರೂ ನಾನು ಇನ್ನೂ ಯುವಕ<br /> ಬೇಂದ್ರೆಗೆ ತಾನೆಂದರೆ ಒಂದು ಸಂಖ್ಯೆ</p>.<p>ಕೊನೆಗೂ ಸತ್ತದ್ದು ಮಾರ್ಕ್ವೇಜೋ ಮಾರಕೇಸೋ<br /> ಎಂಬುದೇ ಮಾಂತ್ರಿಕ ವಾಸ್ತವ<br /> ಅವನೂ ಅವನಂಥವರೂ ಕಟೆದ ಪಾತ್ರಗಳಂತೆ<br /> ಮನುಷ್ಯರು ಹುಳುವಾಗಿ ಗೋಡೆ ಕನ್ನಡಿ ತೆಂಗಿನಮರವಾಗಿ<br /> ಅವೆಲ್ಲವೂ ಏನೋ ಹೇಳುವ ಚಿತ್ರವಾಗಿ ಆತ್ಮವಾಗಿ<br /> ಆಮೇಲೆ ಇಲ್ಲವಾಗಿ<br /> ಇಲ್ಲವೆಂಬ ಇರುವಿಕೆಯ ಸೂಚಿಯಾಗಿ<br /> ಯಾರಾಗಿ ಅಳಿವೆವೋ ಕೊನೆಗೆ ಏನಾಗಿ ಉಳಿವೆವೋ</p>.<p>ಯಾಕೋ ಯಾರೂ ತಲೆಕೆಡಿಸಿಕೊಂಡಂತಿಲ್ಲ<br /> ಸುಮ್ಮನೆ ನೋಡುತ್ತಿದ್ದಾರೆ ದಿನವೂ ಸಿನಿಮಾದಂತೆ<br /> ಸ್ವಲ್ಪ ಕಾಲ ತೆರೆಯ ಒಳಗೆ<br /> ಅಷ್ಟು ಕಾಲ ಹೊರಗೆ<br /> ನಮ್ಮ ಹಾಗೆ ನಮ್ಮ ಜೊತೆಗೆ</p>.<p>ಯಾರು ನಗುತ್ತಿರುವುದು<br /> ಮಾರ್ಕ್ವೇಜೋ ಮಾರಕೇಸೋ ?</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
