<p><strong>ಓಸ್ಲೊ (ಎಎಫ್ಪಿ</strong>): ವಿಶ್ವದಾದ್ಯಂತ ರಾಸಾಯನಿಕ ಅಸ್ತ್ರ ಬಳಕೆಗೆ ಲಗಾಮು ಹಾಕಲು ಶ್ರಮಿಸುತ್ತಿರುವ ರಾಸಾಯನಿಕ ಅಸ್ತ್ರಗಳ ನಿರ್ಬಂಧ ಸಂಸ್ಥೆಗೆ (ಒಪಿಸಿಡಬ್ಲು)ಈ ಬಾರಿಯ ಶಾಂತಿ ನೊಬೆಲ್ ದೊರೆತಿದೆ.<br /> <br /> ಸಂಘರ್ಷ ಪೀಡಿತ ಸಿರಿಯಾದಲ್ಲಿ ರಾಸಾಯನಿಕ ಅಸ್ತ್ರ ಬಳಕೆಗೆ ಕಡಿವಾಣ ಹಾಕುವ ದಿಸೆಯಲ್ಲಿ ಮಾಡಿದ ಕೆಲಸದಿಂದಾಗಿ ಒಪಿಸಿಡಬ್ಲು ವಿಶ್ವದ ಗಮನ ಸೆಳೆಯುವಲ್ಲಿ ಯಶಸ್ವಿಯಾಯಿತು.<br /> <br /> ‘ವಿಶ್ವದಲ್ಲಿ ರಾಸಾಯನಿಕ ಅಸ್ತ್ರಗಳ ನಿರ್ಮೂಲನಕ್ಕೆ ಅವಿರತವಾಗಿ ಶ್ರಮಿಸಿದ ಸಂಸ್ಥೆಗೆ ಈ ಗೌರವ ಪ್ರಾಪ್ತವಾಗಿದೆ’ ಎಂದು ನಾರ್ವೆಯ ನೊಬೆಲ್್ ಆಯ್ಕೆ ಸಮಿತಿ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.<br /> <br /> ಈ ಸಂಸ್ಥೆಗೆ ಶಾಂತಿ ನೊಬೆಲ್ ಬರುತ್ತದೆ ಎಂದು ಯಾರೂ ಊಹಿಸಿರಲಿಲ್ಲ. ಪಾಕಿಸ್ತಾನದಲ್ಲಿ ಹೆಣ್ಣುಮಕ್ಕಳ ಶಿಕ್ಷಣಕ್ಕಾಗಿ ಹೋರಾಡುತ್ತಿರುವ 16 ವರ್ಷದ ಬಾಲಕಿ ಮಲಾಲಾ, ಈ ಬಾರಿಯ ಶಾಂತಿ ನೊಬೆಲ್್ ಗೆ ಪಾತ್ರರಾಗುತ್ತಾರೆ ಎಂದು ಅನೇಕರು ನಿರೀಕ್ಷೆ ಇಟ್ಟುಕೊಂಡಿದ್ದರು.<br /> <br /> 1993ರ ಜನವರಿ 13ರಂದು ಮಾಡಿಕೊಂಡ ರಾಸಾಯನಿಕ ಅಸ್ತ್ರ ಒಪ್ಪಂದವನ್ನು ಜಾರಿಗೆ ತರುವ ಉದ್ದೇಶದೊಂದಿಗೆ 1997ರಲ್ಲಿ ಸಂಸ್ಥೆ ಅಸ್ತಿತ್ವಕ್ಕೆ ಬಂತು. 189 ದೇಶಗಳು ಹೇಗ್ ಮೂಲದ ಈ ಸಂಸ್ಥೆಯ ಸದಸ್ಯತ್ವ ಹೊಂದಿವೆ. ಅಸ್ತಿತ್ವಕ್ಕೆ ಬಂದ 16 ವರ್ಷಗಳಲ್ಲಿ ಸುಮಾರು 57 ಸಾವಿರ ಟನ್ ರಾಸಾಯನಿಕ ಅಸ್ತ್ರಗಳನ್ನು ಈ ಸಂಸ್ಥೆ ನಾಶ ಮಾಡಿದೆ ಎನ್ನುವುದು ವಿಶೇಷ.<br /> <br /> ಶಾಂತಿ ನೊಬೆಲ್ ಪ್ರಶಸ್ತಿಯು ಸಂಸ್ಥೆಯೊಂದರ ಪಾಲಾಗಿರುವುದು ಇದು ಎರಡನೇ ಬಾರಿ. ಕಳೆದ ವರ್ಷ ಐರೋಪ್ಯ ಒಕ್ಕೂಟಕ್ಕೆ ಈ ಪ್ರಶಸ್ತಿ ಒಲಿದಿತ್ತು.<br /> <br /> <strong>ಸಂಸ್ಥೆಯ ಪ್ರತಿಕ್ರಿಯೆ</strong>: ‘ಈ ಬಾರಿಯ ಶಾಂತಿ ನೊಬೆಲ್ ಪ್ರಶಸ್ತಿಯು ರಾಸಾಯನಿಕ ಅಸ್ತ್ರವನ್ನು ನಿಷೇಧಿಸುವ ದಿಸೆಯಲ್ಲಿ ರಾಷ್ಟ್ರಗಳಿಗೆ ಪ್ರೇರೇಪಣೆ<br /> ನೀಡಲಿದೆ’ ಎಂದು ಒಪಿಸಿಡಬ್ಲು ಪ್ರತಿಕ್ರಿಯಿಸಿದೆ.<br /> <br /> <strong>ತವರಲ್ಲಿ ನಿರಾಸೆ<br /> (ಇಸ್ಲಾಮಾಬಾದ್ ವರದಿ</strong>): ಮಲಾಲಾಗೆ ಶಾಂತಿ ನೊಬೆಲ್ ಕೈತಪ್ಪಿದ್ದಕ್ಕೆ ಪಾಕಿಸ್ತಾನದಲ್ಲಿ ರಾಜಕೀಯ ವ್ಯಕ್ತಿಗಳಿಂದ ಹಿಡಿದು ಎಲ್ಲರೂ ಬೇಸರ ವ್ಯಕ್ತಪಡಿಸಿದ್ದಾರೆ.<br /> <br /> ‘ಮಲಾಲಾ ಪಾಕಿಸ್ತಾನದ ಹೆಮ್ಮೆಯ ಪುತ್ರಿ’ ಎಂದು ಪ್ರಧಾನಿ ನವಾಜ್ ಷರೀಫ್ ಬಣ್ಣಿಸಿದ್ದಾರೆ. ‘ನೊಬೆಲ್ ಬಗ್ಗೆ ತಲೆಕೆಡಿಸಿಕೊಳ್ಳುವುದು ಬೇಡ, ಮಲಾಲಾ ಭವಿಷ್ಯದ ಪ್ರಧಾನಿಯಾಗಲಿ’ ಎಂದು ಮಾಜಿ ಪ್ರಧಾನಿ ಬೆನಜೀರ್ ಭುಟ್ಟೊ ಪುತ್ರಿ ಬಖ್ತಾವರ್ ಭುಟ್ಟೊ ಟ್ವೀಟ್ ಮಾಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಓಸ್ಲೊ (ಎಎಫ್ಪಿ</strong>): ವಿಶ್ವದಾದ್ಯಂತ ರಾಸಾಯನಿಕ ಅಸ್ತ್ರ ಬಳಕೆಗೆ ಲಗಾಮು ಹಾಕಲು ಶ್ರಮಿಸುತ್ತಿರುವ ರಾಸಾಯನಿಕ ಅಸ್ತ್ರಗಳ ನಿರ್ಬಂಧ ಸಂಸ್ಥೆಗೆ (ಒಪಿಸಿಡಬ್ಲು)ಈ ಬಾರಿಯ ಶಾಂತಿ ನೊಬೆಲ್ ದೊರೆತಿದೆ.<br /> <br /> ಸಂಘರ್ಷ ಪೀಡಿತ ಸಿರಿಯಾದಲ್ಲಿ ರಾಸಾಯನಿಕ ಅಸ್ತ್ರ ಬಳಕೆಗೆ ಕಡಿವಾಣ ಹಾಕುವ ದಿಸೆಯಲ್ಲಿ ಮಾಡಿದ ಕೆಲಸದಿಂದಾಗಿ ಒಪಿಸಿಡಬ್ಲು ವಿಶ್ವದ ಗಮನ ಸೆಳೆಯುವಲ್ಲಿ ಯಶಸ್ವಿಯಾಯಿತು.<br /> <br /> ‘ವಿಶ್ವದಲ್ಲಿ ರಾಸಾಯನಿಕ ಅಸ್ತ್ರಗಳ ನಿರ್ಮೂಲನಕ್ಕೆ ಅವಿರತವಾಗಿ ಶ್ರಮಿಸಿದ ಸಂಸ್ಥೆಗೆ ಈ ಗೌರವ ಪ್ರಾಪ್ತವಾಗಿದೆ’ ಎಂದು ನಾರ್ವೆಯ ನೊಬೆಲ್್ ಆಯ್ಕೆ ಸಮಿತಿ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.<br /> <br /> ಈ ಸಂಸ್ಥೆಗೆ ಶಾಂತಿ ನೊಬೆಲ್ ಬರುತ್ತದೆ ಎಂದು ಯಾರೂ ಊಹಿಸಿರಲಿಲ್ಲ. ಪಾಕಿಸ್ತಾನದಲ್ಲಿ ಹೆಣ್ಣುಮಕ್ಕಳ ಶಿಕ್ಷಣಕ್ಕಾಗಿ ಹೋರಾಡುತ್ತಿರುವ 16 ವರ್ಷದ ಬಾಲಕಿ ಮಲಾಲಾ, ಈ ಬಾರಿಯ ಶಾಂತಿ ನೊಬೆಲ್್ ಗೆ ಪಾತ್ರರಾಗುತ್ತಾರೆ ಎಂದು ಅನೇಕರು ನಿರೀಕ್ಷೆ ಇಟ್ಟುಕೊಂಡಿದ್ದರು.<br /> <br /> 1993ರ ಜನವರಿ 13ರಂದು ಮಾಡಿಕೊಂಡ ರಾಸಾಯನಿಕ ಅಸ್ತ್ರ ಒಪ್ಪಂದವನ್ನು ಜಾರಿಗೆ ತರುವ ಉದ್ದೇಶದೊಂದಿಗೆ 1997ರಲ್ಲಿ ಸಂಸ್ಥೆ ಅಸ್ತಿತ್ವಕ್ಕೆ ಬಂತು. 189 ದೇಶಗಳು ಹೇಗ್ ಮೂಲದ ಈ ಸಂಸ್ಥೆಯ ಸದಸ್ಯತ್ವ ಹೊಂದಿವೆ. ಅಸ್ತಿತ್ವಕ್ಕೆ ಬಂದ 16 ವರ್ಷಗಳಲ್ಲಿ ಸುಮಾರು 57 ಸಾವಿರ ಟನ್ ರಾಸಾಯನಿಕ ಅಸ್ತ್ರಗಳನ್ನು ಈ ಸಂಸ್ಥೆ ನಾಶ ಮಾಡಿದೆ ಎನ್ನುವುದು ವಿಶೇಷ.<br /> <br /> ಶಾಂತಿ ನೊಬೆಲ್ ಪ್ರಶಸ್ತಿಯು ಸಂಸ್ಥೆಯೊಂದರ ಪಾಲಾಗಿರುವುದು ಇದು ಎರಡನೇ ಬಾರಿ. ಕಳೆದ ವರ್ಷ ಐರೋಪ್ಯ ಒಕ್ಕೂಟಕ್ಕೆ ಈ ಪ್ರಶಸ್ತಿ ಒಲಿದಿತ್ತು.<br /> <br /> <strong>ಸಂಸ್ಥೆಯ ಪ್ರತಿಕ್ರಿಯೆ</strong>: ‘ಈ ಬಾರಿಯ ಶಾಂತಿ ನೊಬೆಲ್ ಪ್ರಶಸ್ತಿಯು ರಾಸಾಯನಿಕ ಅಸ್ತ್ರವನ್ನು ನಿಷೇಧಿಸುವ ದಿಸೆಯಲ್ಲಿ ರಾಷ್ಟ್ರಗಳಿಗೆ ಪ್ರೇರೇಪಣೆ<br /> ನೀಡಲಿದೆ’ ಎಂದು ಒಪಿಸಿಡಬ್ಲು ಪ್ರತಿಕ್ರಿಯಿಸಿದೆ.<br /> <br /> <strong>ತವರಲ್ಲಿ ನಿರಾಸೆ<br /> (ಇಸ್ಲಾಮಾಬಾದ್ ವರದಿ</strong>): ಮಲಾಲಾಗೆ ಶಾಂತಿ ನೊಬೆಲ್ ಕೈತಪ್ಪಿದ್ದಕ್ಕೆ ಪಾಕಿಸ್ತಾನದಲ್ಲಿ ರಾಜಕೀಯ ವ್ಯಕ್ತಿಗಳಿಂದ ಹಿಡಿದು ಎಲ್ಲರೂ ಬೇಸರ ವ್ಯಕ್ತಪಡಿಸಿದ್ದಾರೆ.<br /> <br /> ‘ಮಲಾಲಾ ಪಾಕಿಸ್ತಾನದ ಹೆಮ್ಮೆಯ ಪುತ್ರಿ’ ಎಂದು ಪ್ರಧಾನಿ ನವಾಜ್ ಷರೀಫ್ ಬಣ್ಣಿಸಿದ್ದಾರೆ. ‘ನೊಬೆಲ್ ಬಗ್ಗೆ ತಲೆಕೆಡಿಸಿಕೊಳ್ಳುವುದು ಬೇಡ, ಮಲಾಲಾ ಭವಿಷ್ಯದ ಪ್ರಧಾನಿಯಾಗಲಿ’ ಎಂದು ಮಾಜಿ ಪ್ರಧಾನಿ ಬೆನಜೀರ್ ಭುಟ್ಟೊ ಪುತ್ರಿ ಬಖ್ತಾವರ್ ಭುಟ್ಟೊ ಟ್ವೀಟ್ ಮಾಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
