<p>ಗಣಿತ ಎನ್ನುವ ಗುಮ್ಮನಿಗೆ ಹೆದರಿ ಬೆವರುವ ಮಕ್ಕಳಿಗೆ ಗಣಿತದ ಗೆಳೆತನ ಹಚ್ಚುವ ತಂತ್ರ ವೈದಿಕ ಗಣಿತ. ಗಣಿತವನ್ನು ನೋಡುವ ದೃಷ್ಟಿಕೋನವೇ ಬದಲಾಗುತ್ತದೆ. ಈ ತಂತ್ರಗಳನ್ನು ಕಲಿತ ಮಕ್ಕಳು ಗಣಿತವನ್ನು ಒಂದು ವಿಷಯದಂತೆ ಅಲ್ಲ, ಬದಲಾಗಿ ಒಂದು ಆಟದಂತೆ ನಿರ್ವಹಿಸುತ್ತಾರೆ. ಈಗಾಗಲೇ ಅನೇಕ ರಾಜ್ಯಗಳಲ್ಲಿ ಮಕ್ಕಳ ಮೆದುಳಿನಲ್ಲಿ ಸ್ಥಾನ ಪಡೆದ ವೈದಿಕ ಗಣಿತ ಇತ್ತೀಚೆಗೆ ನಗರದಲ್ಲಿಯೂ ಅನೇಕರನ್ನು ಆಕರ್ಷಿಸುತ್ತಿದೆ.<br /> <br /> ಪ್ರಾಚೀನ ಪದ್ಧತಿಯ ಗಣಿತಶಾಸ್ತ್ರವೇ ವೇದ ಗಣಿತ ಅಥವಾ ವೈದಿಕ ಗಣಿತ. ಇದು ಕ್ಷಿಪ್ರ ಎಣಿಕೆ ರಹಸ್ಯಗಳನ್ನು ಒಳಗೊಂಡ ಹಾಗೂ ಗಣಿತ ಸಮಸ್ಯೆಗಳನ್ನು ತ್ವರಿತವಾಗಿ ಬಗೆಹರಿಸಲು ಸಹಾಯವಾಗುವ 16 ಮೂಲ ಸೂತ್ರಗಳು ಹಾಗೂ 13 ಉಪ ಸೂತ್ರಗಳನ್ನು ಆಧರಿಸಿದ ವಿಶಿಷ್ಟ ಪದ್ಧತಿ.<br /> <br /> ಈ ಪಠ್ಯ ವೈದಿಕ ಗಣಿತಶಾಸ್ತ್ರ ಮೂಲತತ್ವಗಳನ್ನು ಒಳಗೊಂಡಿದೆ. ಸಂಕೀರ್ಣ ಸಂಖ್ಯಾಶಾಸ್ತ್ರವನ್ನು ಸರಳ ಮಾದರಿಯಲ್ಲಿ ಹೇಗೆ ಬಿಡಿಸುವುದು ಎಂಬ ಬಗ್ಗೆ ಇಲ್ಲಿ ಕಲಿಸಿಕೊಡಲಾಗುವುದು. ಗಣಿತ ಎಂದರೆ ಕಠಿಣ ವಿಷಯವಲ್ಲ, ಅರಿತುಕೊಂಡರೆ ಅದು ಮಲ್ಲಿಗೆಯಷ್ಟು ಮೃದು ಎಂಬುದನ್ನು ವಿದ್ಯಾರ್ಥಿಗಳಿಗೆ ಮನದಟ್ಟು ಮಾಡಿಕೊಡಲಾಗುವುದು.<br /> <br /> ಇದರಲ್ಲಿ ಒಟ್ಟು ಐದು ಹಂತಗಳಿದ್ದು, ಪ್ರತಿ ಹಂತವೂ ಮೂರು ತಿಂಗಳು, 12 ತರಗತಿಗಳನ್ನು ಒಳಗೊಂಡಿದೆ. ಕೋರ್ಸ್ನ ಒಟ್ಟು ಅವಧಿ ಸುಮಾರು 15 ತಿಂಗಳು. ಮೂಲ ಅಂಕಗಣಿತವನ್ನು ಸಂಪೂರ್ಣವಾಗಿ ಅರ್ಥ ಮಾಡಿಕೊಂಡ ಮಕ್ಕಳಿಗೆ ಈ ತರಬೇತಿ ಉಪಯುಕ್ತ.<br /> <br /> ಸಾಮಾನ್ಯವಾಗಿ ಐದನೇ ತರಗತಿಯ ನಂತರ ವಿದ್ಯಾರ್ಥಿಗಳು ಈ ತರಬೇತಿ ಪಡೆಯುವ ಸಾಮರ್ಥ್ಯ ಹೊಂದುತ್ತಾರೆ. ಆದರೆ ಇದು ಟ್ಯೂಷನ್ ಅಲ್ಲ, ಏಕೆಂದರೆ ಇಲ್ಲಿ ಪಠ್ಯಕ್ರಮವನ್ನು ಅನುಸರಿಸುವುದಿಲ್ಲ, ಅದಕ್ಕೆ ಪೂರಕವಾದ ತಂತ್ರಗಳನ್ನು ಮಾತ್ರ ಕಲಿಸಿಕೊಡಲಾಗುತ್ತದೆ.<br /> <br /> ಕಷ್ಟಕರ ಹಾಗೂ ಹೆಚ್ಚು ಸಮಯ ತೆಗೆದುಕೊಳ್ಳುವ ಸಂಕಲನಗಳನ್ನು ವೈದಿಕ ತಂತ್ರ ಬಳಸಿ ಕಡಿಮೆ ಸಮಯದಲ್ಲಿ ಮತ್ತು ಸುಲಭವಾಗಿ ಮಾಡಿ ಮುಗಿಸಬಹುದು. ವಿಷಯವನ್ನು ಇಡಿಯಾಗಿ ನೆನಪಿನಲ್ಲಿಟ್ಟುಕೊಳ್ಳಬೇಕಾದ ಹೊರೆಯನ್ನು ಇದು ತಪ್ಪಿಸುತ್ತದೆ. ಕೇವಲ 9ರವರೆಗಿನ ಪಟ್ಟಿಯನ್ನು ನೆನಪಿನಲ್ಲಿಟ್ಟುಕೊಂಡರೆ ಸಾಕು, ಈ ಮಾದರಿಯ ಸಹಾಯದಿಂದ ಯಾವುದೇ ಲೆಕ್ಕವನ್ನು ಮಾಡಬಹುದು.<br /> ಮಾಹಿತಿಗೆ: 98807 70961<br /> <br /> <strong>ಮೋಜಿನ ಆಟವಾಗಲಿ ಗಣಿತ</strong><br /> ಈ ತರಬೇತಿ ಪಡೆಯುವ ಮಕ್ಕಳು ಗಣಿತವನ್ನು ಪ್ರೀತಿಸಲು ಆರಂಭಿಸುತ್ತಾರೆ. ಸಂಖ್ಯಾತ್ಮಕ ಸಮಸ್ಯೆಗಳನ್ನು ಬಿಡಿಸುವ ಪ್ರಕ್ರಿಯೆ ಸಾಮಾನ್ಯಕ್ಕಿಂತ 10-15 ಪಟ್ಟು ವೇಗವಾಗುತ್ತದೆ. ಇತ್ತೀಚಿನ ದಿನಗಳಲ್ಲಿ ವೈದಿಕ ಗಣಿತದ ಬಗ್ಗೆ ಜನರಲ್ಲಿ ತಿಳಿವಳಿಕೆ ಮೂಡುತ್ತಿದೆ.<br /> <br /> ಬೆಂಗಳೂರಿನಲ್ಲಿ ಈ ಬಗ್ಗೆ ಒಲವು ಹೆಚ್ಚುತ್ತಿದ್ದು, ಜನರು ವೈದಿಕ ಗಣಿತದ ತರಬೇತಿ ಕೇಂದ್ರಗಳತ್ತ ದಾಪುಗಾಲು ಹಾಕುತ್ತಿದ್ದಾರೆ. ಗಣಿತದ ಸಂಕೀರ್ಣ ಸಮಸ್ಯೆಗಳನ್ನು ಸರಳವಾಗಿ, ಸುಲಭವಾಗಿ ಹಾಗೂ ವೇಗವಾಗಿ ಪರಿಹರಿಸುವಂತಾದರೆ ಅರ್ಧ ಸಮಸ್ಯೆ ಪರಿಹಾರವಾದಂತೆ. ಆದರೆ ತರಬೇತಿ ಕೇಂದ್ರಗಳನ್ನು ಆರಿಸುವಾಗ ಪಾಲಕರು ಬಹಳ ಮುತುವರ್ಜಿ ವಹಿಸಬೇಕಾಗುತ್ತದೆ.<br /> <strong>-ವಿನಯ್ ಹೆಗಡೆ, ನಿರ್ದೇಶಕರು, ವಿಜ್ ಕಿಡ್ಸ್</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಗಣಿತ ಎನ್ನುವ ಗುಮ್ಮನಿಗೆ ಹೆದರಿ ಬೆವರುವ ಮಕ್ಕಳಿಗೆ ಗಣಿತದ ಗೆಳೆತನ ಹಚ್ಚುವ ತಂತ್ರ ವೈದಿಕ ಗಣಿತ. ಗಣಿತವನ್ನು ನೋಡುವ ದೃಷ್ಟಿಕೋನವೇ ಬದಲಾಗುತ್ತದೆ. ಈ ತಂತ್ರಗಳನ್ನು ಕಲಿತ ಮಕ್ಕಳು ಗಣಿತವನ್ನು ಒಂದು ವಿಷಯದಂತೆ ಅಲ್ಲ, ಬದಲಾಗಿ ಒಂದು ಆಟದಂತೆ ನಿರ್ವಹಿಸುತ್ತಾರೆ. ಈಗಾಗಲೇ ಅನೇಕ ರಾಜ್ಯಗಳಲ್ಲಿ ಮಕ್ಕಳ ಮೆದುಳಿನಲ್ಲಿ ಸ್ಥಾನ ಪಡೆದ ವೈದಿಕ ಗಣಿತ ಇತ್ತೀಚೆಗೆ ನಗರದಲ್ಲಿಯೂ ಅನೇಕರನ್ನು ಆಕರ್ಷಿಸುತ್ತಿದೆ.<br /> <br /> ಪ್ರಾಚೀನ ಪದ್ಧತಿಯ ಗಣಿತಶಾಸ್ತ್ರವೇ ವೇದ ಗಣಿತ ಅಥವಾ ವೈದಿಕ ಗಣಿತ. ಇದು ಕ್ಷಿಪ್ರ ಎಣಿಕೆ ರಹಸ್ಯಗಳನ್ನು ಒಳಗೊಂಡ ಹಾಗೂ ಗಣಿತ ಸಮಸ್ಯೆಗಳನ್ನು ತ್ವರಿತವಾಗಿ ಬಗೆಹರಿಸಲು ಸಹಾಯವಾಗುವ 16 ಮೂಲ ಸೂತ್ರಗಳು ಹಾಗೂ 13 ಉಪ ಸೂತ್ರಗಳನ್ನು ಆಧರಿಸಿದ ವಿಶಿಷ್ಟ ಪದ್ಧತಿ.<br /> <br /> ಈ ಪಠ್ಯ ವೈದಿಕ ಗಣಿತಶಾಸ್ತ್ರ ಮೂಲತತ್ವಗಳನ್ನು ಒಳಗೊಂಡಿದೆ. ಸಂಕೀರ್ಣ ಸಂಖ್ಯಾಶಾಸ್ತ್ರವನ್ನು ಸರಳ ಮಾದರಿಯಲ್ಲಿ ಹೇಗೆ ಬಿಡಿಸುವುದು ಎಂಬ ಬಗ್ಗೆ ಇಲ್ಲಿ ಕಲಿಸಿಕೊಡಲಾಗುವುದು. ಗಣಿತ ಎಂದರೆ ಕಠಿಣ ವಿಷಯವಲ್ಲ, ಅರಿತುಕೊಂಡರೆ ಅದು ಮಲ್ಲಿಗೆಯಷ್ಟು ಮೃದು ಎಂಬುದನ್ನು ವಿದ್ಯಾರ್ಥಿಗಳಿಗೆ ಮನದಟ್ಟು ಮಾಡಿಕೊಡಲಾಗುವುದು.<br /> <br /> ಇದರಲ್ಲಿ ಒಟ್ಟು ಐದು ಹಂತಗಳಿದ್ದು, ಪ್ರತಿ ಹಂತವೂ ಮೂರು ತಿಂಗಳು, 12 ತರಗತಿಗಳನ್ನು ಒಳಗೊಂಡಿದೆ. ಕೋರ್ಸ್ನ ಒಟ್ಟು ಅವಧಿ ಸುಮಾರು 15 ತಿಂಗಳು. ಮೂಲ ಅಂಕಗಣಿತವನ್ನು ಸಂಪೂರ್ಣವಾಗಿ ಅರ್ಥ ಮಾಡಿಕೊಂಡ ಮಕ್ಕಳಿಗೆ ಈ ತರಬೇತಿ ಉಪಯುಕ್ತ.<br /> <br /> ಸಾಮಾನ್ಯವಾಗಿ ಐದನೇ ತರಗತಿಯ ನಂತರ ವಿದ್ಯಾರ್ಥಿಗಳು ಈ ತರಬೇತಿ ಪಡೆಯುವ ಸಾಮರ್ಥ್ಯ ಹೊಂದುತ್ತಾರೆ. ಆದರೆ ಇದು ಟ್ಯೂಷನ್ ಅಲ್ಲ, ಏಕೆಂದರೆ ಇಲ್ಲಿ ಪಠ್ಯಕ್ರಮವನ್ನು ಅನುಸರಿಸುವುದಿಲ್ಲ, ಅದಕ್ಕೆ ಪೂರಕವಾದ ತಂತ್ರಗಳನ್ನು ಮಾತ್ರ ಕಲಿಸಿಕೊಡಲಾಗುತ್ತದೆ.<br /> <br /> ಕಷ್ಟಕರ ಹಾಗೂ ಹೆಚ್ಚು ಸಮಯ ತೆಗೆದುಕೊಳ್ಳುವ ಸಂಕಲನಗಳನ್ನು ವೈದಿಕ ತಂತ್ರ ಬಳಸಿ ಕಡಿಮೆ ಸಮಯದಲ್ಲಿ ಮತ್ತು ಸುಲಭವಾಗಿ ಮಾಡಿ ಮುಗಿಸಬಹುದು. ವಿಷಯವನ್ನು ಇಡಿಯಾಗಿ ನೆನಪಿನಲ್ಲಿಟ್ಟುಕೊಳ್ಳಬೇಕಾದ ಹೊರೆಯನ್ನು ಇದು ತಪ್ಪಿಸುತ್ತದೆ. ಕೇವಲ 9ರವರೆಗಿನ ಪಟ್ಟಿಯನ್ನು ನೆನಪಿನಲ್ಲಿಟ್ಟುಕೊಂಡರೆ ಸಾಕು, ಈ ಮಾದರಿಯ ಸಹಾಯದಿಂದ ಯಾವುದೇ ಲೆಕ್ಕವನ್ನು ಮಾಡಬಹುದು.<br /> ಮಾಹಿತಿಗೆ: 98807 70961<br /> <br /> <strong>ಮೋಜಿನ ಆಟವಾಗಲಿ ಗಣಿತ</strong><br /> ಈ ತರಬೇತಿ ಪಡೆಯುವ ಮಕ್ಕಳು ಗಣಿತವನ್ನು ಪ್ರೀತಿಸಲು ಆರಂಭಿಸುತ್ತಾರೆ. ಸಂಖ್ಯಾತ್ಮಕ ಸಮಸ್ಯೆಗಳನ್ನು ಬಿಡಿಸುವ ಪ್ರಕ್ರಿಯೆ ಸಾಮಾನ್ಯಕ್ಕಿಂತ 10-15 ಪಟ್ಟು ವೇಗವಾಗುತ್ತದೆ. ಇತ್ತೀಚಿನ ದಿನಗಳಲ್ಲಿ ವೈದಿಕ ಗಣಿತದ ಬಗ್ಗೆ ಜನರಲ್ಲಿ ತಿಳಿವಳಿಕೆ ಮೂಡುತ್ತಿದೆ.<br /> <br /> ಬೆಂಗಳೂರಿನಲ್ಲಿ ಈ ಬಗ್ಗೆ ಒಲವು ಹೆಚ್ಚುತ್ತಿದ್ದು, ಜನರು ವೈದಿಕ ಗಣಿತದ ತರಬೇತಿ ಕೇಂದ್ರಗಳತ್ತ ದಾಪುಗಾಲು ಹಾಕುತ್ತಿದ್ದಾರೆ. ಗಣಿತದ ಸಂಕೀರ್ಣ ಸಮಸ್ಯೆಗಳನ್ನು ಸರಳವಾಗಿ, ಸುಲಭವಾಗಿ ಹಾಗೂ ವೇಗವಾಗಿ ಪರಿಹರಿಸುವಂತಾದರೆ ಅರ್ಧ ಸಮಸ್ಯೆ ಪರಿಹಾರವಾದಂತೆ. ಆದರೆ ತರಬೇತಿ ಕೇಂದ್ರಗಳನ್ನು ಆರಿಸುವಾಗ ಪಾಲಕರು ಬಹಳ ಮುತುವರ್ಜಿ ವಹಿಸಬೇಕಾಗುತ್ತದೆ.<br /> <strong>-ವಿನಯ್ ಹೆಗಡೆ, ನಿರ್ದೇಶಕರು, ವಿಜ್ ಕಿಡ್ಸ್</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
