ಸಾಧನೆಗೆ ಅಡ್ಡಿಯಾಗದ ಆರ್ಥಿಕ ಮುಗ್ಗಟ್ಟು

ಹುಬ್ಬಳ್ಳಿ: ಆ ಇಬ್ಬರು ವಿದ್ಯಾರ್ಥಿನಿಯರು ಎಸ್ಎಸ್ಎಲ್ಸಿ ವರೆಗೆ ಕನ್ನಡ ಮಾಧ್ಯಮದಲ್ಲಿಯೇ ಓದಿದವರು. ಆರ್ಥಿಕವಾಗಿ ದುರ್ಬಲವಾಗಿರುವ ಕೌಟುಂಬಿಕ ಹಿನ್ನೆಲೆ ಹೊಂದಿರುವವರು. ಆದರೆ, ದ್ವಿತೀಯ ಪಿಯು ವಿಜ್ಞಾನದಲ್ಲಿ ಉತ್ತಮ ಸಾಧನೆ ಮಾಡಲು ಅವರಿಗೆ ಈ ಅಂಶಗಳು ಅಡ್ಡಿಯಾಗಲಿಲ್ಲ. ಇಬ್ಬರೂ ವೈದ್ಯರಾಗಬೇಕು ಎಂಬ ಗುರಿಯನ್ನು ಹೊಂದಿದ್ದಾರೆ.

ನಗರದ ಪಿ.ಸಿ.ಜಾಬಿನ ಪದವಿಪೂರ್ವ ವಿಜ್ಞಾನ ಮಹಾವಿದ್ಯಾಲಯದ ಲಕ್ಷ್ಮಿ ಶಿರಗುಪ್ಪಿ ಹಾಗೂ ಮಂಜುಳಾ ಬಮಗೋಡ ಅವರೇ ಬಡತನವನ್ನು ಮೆಟ್ಟಿ ನಿಂತು ಸಾಧನೆ ಮಾಡಿರುವ ವಿದ್ಯಾರ್ಥಿನಿಯರು. ಲಕ್ಷ್ಮಿ ಶಿರಗುಪ್ಪಿ ಶೇ 92.5ರಷ್ಟು (ಒಟ್ಟು ಅಂಕ 555) ಅಂಕಗಳನ್ನು ಪಡೆದಿದ್ದರೆ, ಮಂಜುಳಾ ಬಮಗೋಡ ಶೇ 89.6 ರಷ್ಟು (536) ಅಂಕಗಳನ್ನು ಪಡೆದು ಮಾದರಿ ಎನಿಸಿದ್ದಾರೆ.

ಈ ಇಬ್ಬರು ವಿದ್ಯಾರ್ಥಿನಿಯರ ಸಾಧನೆ ಬಗ್ಗೆ ಮಹಾವಿದ್ಯಾಲಯದ ಬೋಧಕ ಸಿಬ್ಬಂದಿ ಖುಷಿ ವ್ಯಕ್ತಪಡಿಸಿದರಲ್ಲದೇ, ಆರ್ಥಿಕ ಸಂಕಷ್ಟ ತಮ್ಮ ಶೈಕ್ಷಣಿಕ ಸಾಧನೆಗೆ ಅಡ್ಡಿಯಾಗಲು ಅವಕಾಶ ನೀಡಲಿಲ್ಲ ಎಂದು ಹೆಮ್ಮೆಯಿಂದ ಹೇಳಿದರು. ‘ಪ್ರಜಾವಾಣಿ’ಯೊಂದಿಗೆ ಮಾತನಾಡಿದ ಈ ಇಬ್ಬರು ವಿದ್ಯಾರ್ಥಿನಿಯರು ತಮ್ಮ ಸಾಧನೆ ಬಗ್ಗೆ ಖುಷಿಯಿಂದಲೇ ವಿವರಿಸಿದರು.

. ಲಕ್ಷ್ಮಿ ಶಿರಗುಪ್ಪಿ

. ಕುಂದಗೋಳ ತಾಲ್ಲೂಕಿನ ಹೊಸಕಟ್ಟಿ ಗ್ರಾಮದ ವೀರಪ್ಪ ಹಾಗೂ ಚೆನ್ನವ್ವ ಶಿರಗುಪ್ಪಿ ದಂಪತಿ ಪುತ್ರಿ ಲಕ್ಷ್ಮಿ, ಮೊದಲಿನಿಂದಲೂ ಓದಿನಲ್ಲಿ ಮುಂದು. ‘ಎಸ್ಎಸ್ಎಲ್ಸಿಯಲ್ಲಿ ಶೇ 94.7ರಷ್ಟು ಅಂಕ ಗಳಿಸಿದೆ. ಶೇ 95ರಷ್ಟು ಅಂಕಗಳು ಬಂದಿದ್ದರೆ ಉಚಿತವಾಗಿ ಸೀಟು ಸಿಗುತ್ತಿತ್ತು’ ಎಂದು ಲಕ್ಷ್ಮಿ ಹೇಳಿದಳು.

. ‘ಕಡಿಮೆ ಅಂಕಗಳು ಬಂದ ಹಿನ್ನೆಲೆಯಲ್ಲಿ ಶುಲ್ಕವನ್ನು ಭರಿಸಬೇಕಾಯಿತು. ಆ ಸಂದರ್ಭದಲ್ಲಿ ‘ಪ್ರಜಾವಾಣಿ’ ನೀಡಿದ ₨ 5000 ವಿದ್ಯಾರ್ಥಿ ವೇತನ ಬಹಳಷ್ಟು ಅನುಕೂಲವಾಯಿತು. ಆ ಹಣದಿಂದಲೇ ಪಿಯುಸಿಗೆ ಪ್ರವೇಶ ಪಡೆಯಲು ಸಾಧ್ಯವಾಯಿತು’ ಎಂದ ಲಕ್ಷ್ಮಿ, ‘ಪ್ರಜಾವಾಣಿ’ಗೆ ಎಷ್ಟು ಕೃತಜ್ಞತೆ ಹೇಳಿದರೂ ಕಡಿಮೆಯೇ ಎಂದು ಭಾವುಕರಾಗಿ ನುಡಿದಳು.

‘ಗ್ರಾಮದಲ್ಲಿ ಮೂರು ಎಕರೆ ಜಮೀನಿದೆ. ಅದೂ ಒಣ ಬೇಸಾಯ. ಹೀಗಾಗಿ ಮನೆಯ ಆರ್ಥಿಕ ಸ್ಥಿತಿ ಹೇಳಿಕೊಳ್ಳುವಂತಿಲ್ಲ. ಆದರೆ, ಓದಬೇಕು ಎಂಬ ಛಲವೇ ನನ್ನ ಸಾಧನೆಗೆ ಮೆಟ್ಟಿಲಾಯಿತು’ ಎಂದೂ ಹೇಳಿದಳು. ತಂದೆ ವೀರಪ್ಪ ಹಾಗೂ ಚೆನ್ನವ್ವ ಅವರ ಸಂತೋಷಕ್ಕೆ ಪಾರವೇ ಇರಲಿಲ್ಲ. ‘ಭಾಳ ಖುಷಿ ಆತ್ರಿ. ಆಕಿನ್ನ ಛಲೋ ಓದ್ಸಿ ಡಾಕ್ಟ್ರನ್ನಾಗಿ ಮಾಡಬೇಕ ಅನ್ಕೊಂಡಿವ್ರಿ’ ಎಂದೂ ಮನದಾಸೆಯನ್ನು ಹೇಳಿದರು.

‘ಸಿಇಟಿಯನ್ನು ಚೆನ್ನಾಗಿ ಬರೆದಿದ್ದೇನೆ. ಉತ್ತಮ ಅಂಕ ಸಿಗುವ ವಿಶ್ವಾಸವಿದೆ. ಅಲ್ಲದೇ, ವೈದ್ಯಕೀಯ ಶಿಕ್ಷಣ ಪಡೆಯಬೇಕು ಎಂಬ ಗುರಿ ಇದೆ’ ಎಂದು ಹೇಳಿದ ಲಕ್ಷ್ಮಿ ಮಾತಿನಲ್ಲಿ ಪಾಲಕರ ಮನದಿಂಗಿತವನ್ನು ಸಾಕಾರಗೊಳಿಸುವ ವಿಶ್ವಾಸ ವ್ಯಕ್ತವಾಗಿತ್ತು. ಲಕ್ಷ್ಮಿಯ ಉನ್ನತ ವ್ಯಾಸಂಗಕ್ಕೆ ಸಹಾಯ ಮಾಡ ಬಯಸುವವರು ಮೊಬೈಲ್ ಸಂಖ್ಯೆ 9741888368 ಸಂಪರ್ಕಿಸಬಹುದು.

ಮಂಜುಳಾ ಬಮಗೋಡ ಕುಂದಗೋಳ ತಾಲ್ಲೂಕಿನ ನೂಲ್ವಿ ಗ್ರಾಮದ ಕೂಲಿ ಕಾರ್ಮಿಕ ಮಡಿವಾಳಪ್ಪ ಬಮಗೊಂಡ– ನಿಂಬೆಮ್ಮ ದಂಪತಿ ಪುತ್ರಿ ಮಂಜುಳಾ ಸಾಧನೆಗೆ ಮನೆಯ ಆರ್ಥಿಕ ಸಂಕಷ್ಟ ಸಂಕೋಲೆಯಾಗಲಿಲ್ಲ. ‘ನನ್ನ ತಂದೆ ಹುಬ್ಬಳ್ಳಿಯಲ್ಲಿ ಆರ್.ಎನ್.ಶೆಟ್ಟಿ ಕಂಪೆನಿಯಲ್ಲಿ ಕೂಲಿ ಕಾರ್ಮಿಕ. ತಾಯಿ ಹೊಲಗಳಲ್ಲಿ ಕೂಲಿ ಕೆಲಸ ಮಾಡುತ್ತಾರೆ. ನಾನು ಶಾಲಾ ದಿನಗಳಿಂದಲೂ ಓದಿನಲ್ಲಿ ಮುಂದೆ. ಮುಂದೆಯೂ ಚೆನ್ನಾಗಿ ಓದಿ, ವೈದ್ಯೆಯಾಗಬೇಕು ಎಂಬ ಆಸೆ ಇದೆ’ ಎಂದು ಮಂಜುಳಾ ಹೇಳಿದಳು.

‘ಗ್ರಾಮದ ಎಸ್.ಜೆ.ಆರ್.ಸಿ. ಹೈಸ್ಕೂಲ್ನಲ್ಲಿ ಎಸ್ಎಸ್ಎಲ್ಸಿ ಓದಿದ್ದು, ಶೇ 94ರಷ್ಟು ಅಂಕಗಳನ್ನು ಪಡೆದೆ. ಮೊದಲ ವರ್ಷ ಪ್ರವೇಶಕ್ಕೆ ₨ 3,000 ಶುಲ್ಕ ಭರಿಸಬೇಕಾಗಿತ್ತು. ಅಷ್ಟೊಂದು ಹಣ ಕೊಡಲು ಕಷ್ಟವಾಯಿತು. ವಿದ್ಯಾಪೋಷಕ ಸಂಸ್ಥೆ ₨ 2,000 ನೆರವು ನೀಡಿದ್ದರಿಂದ ಪ್ರವೇಶ ಪಡೆಯಲು ಸಾಧ್ಯವಾಯಿತು’ ಎಂದು ಹೇಳಿದಳು.

‘ಪಿಯುಸಿ ಎರಡನೇ ವರ್ಷದಲ್ಲಿಯೂ ಇದೇ ಸಮಸ್ಯೆ ಎದುರಾಯಿತು. ₨ 22,000 ಶುಲ್ಕ-ವನ್ನು ಭರಿಸುವುದು ಸಾಧ್ಯವೇ ಇಲ್ಲ ಎಂಬಂತಹ ಪರಿಸ್ಥಿತಿ ಇತ್ತು. ಇಂಗ್ಲಿಷ್ ಉಪನ್ಯಾಸಕಿ ಶೀತಲ್ ಅವರು ₨ 16,000 ನೆರವು ನೀಡಿ, ಪ್ರವೇಶ ಪಡೆಯಲು ಅನುಕೂಲ ಮಾಡಿಕೊಟ್ಟಿದ್ದನ್ನು ಮರೆಯಲು ಸಾಧ್ಯವಿಲ್ಲ’ ಎಂದೂ ನೆನಪಿಸಿಕೊಂಡಳು, ‘ಸಿಇಟಿ ಛಲೋ ಬರಿದಿನ್ರಿ. ಮುಂದ ಡಾಕ್ಟ್ರ್ ಆಗಬೇಕಂತ ಆಸೆ ಐತ್ರಿ’ ಎಂದು ಹೇಳಲು ಮರೆಯಲಿಲ್ಲ. ಮಂಜುಳಾಗೆ ನೆರವು ನೀಡಲು ಬಯಸುವವರು ಮೊಬೈಲ್ ನಂ. 9164660543 ಸಂಪರ್ಕಿಸಬಹುದು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಾಧನೆಗೆ ಅಡ್ಡಿಯಾಗದ ಆರ್ಥಿಕ ಮುಗ್ಗಟ್ಟು

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ನಟ ಡಾಲಿ ಧನಂಜಯ–ಡಾ.ಧನ್ಯತಾ ನಿಶ್ಚಿತಾರ್ಥ: ಫೆ.16 ರಂದು ಮದುವೆ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಮಿನಿ ಒಲಿಂಪಿಕ್ಸ್‌ ಕ್ರೀಡಾಕೂಟ: ಇಯಾನ್‌ ಅಮನ್ನ, ಪೂಜಾ ವೇಗದ ಓಟಗಾರರು

ಹಾಕಿ ಮಹಿಳಾ ಏಷ್ಯನ್‌ ಚಾಂಪಿಯನ್ಸ್‌ ಟ್ರೋಫಿ: ನಾಲ್ಕರ ಘಟ್ಟಕ್ಕೆ ಅಜೇಯ ಭಾರತ

ಫುಟ್‌ಬಾಲ್‌: ಸೌಹಾರ್ದ ಪಂದ್ಯ; ಭಾರತಕ್ಕೆ ಮಲೇಷ್ಯಾ ಸವಾಲು ಇಂದು

ಮುಂಬೈ ತಂಡಕ್ಕೆ ಶ್ರೇಯಸ್ ನಾಯಕ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ನಟ ಡಾಲಿ ಧನಂಜಯ–ಡಾ.ಧನ್ಯತಾ ನಿಶ್ಚಿತಾರ್ಥ: ಫೆ.16 ರಂದು ಮದುವೆ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024