<p><strong>ಗುಲ್ಬರ್ಗ:</strong> ಜಿಲ್ಲೆ ಚಿತ್ತಾಪುರ ತಾಲ್ಲೂಕಿನ ವಾಡಿ ಪುರಸಭೆಯಲ್ಲಿ ತಾಯಿ ಮಾಳಮ್ಮ ಚಂದಪ್ಪ ಸೈದಾಪುರ (45) ಪೌರಕಾರ್ಮಿಕಳಾಗಿ ದುಡಿಯುತ್ತಿದ್ದರೆ, ಅವರ ಪುತ್ರಿ ಮರೆಮ್ಮ (27) ಈಗ ಅದೇ ಪುರಸಭೆಯ ಉಪಾಧ್ಯಕ್ಷೆಯಾಗಿದ್ದಾರೆ!<br /> <br /> ಪರಿಶಿಷ್ಟ ಜಾತಿಯ ಮರೆಮ್ಮ ಅವರು ಎಂ.ಎ., ಎಂ.ಇಡಿ ಪದವೀಧರೆ. ಸಾಮಾನ್ಯ ಮಹಿಳೆಗೆ ಮೀಸಲಾಗಿದ್ದ ವಾಡಿಯ ವಿಜಯನಗರ ವಾರ್ಡ್ನಿಂದ ಪಕ್ಷೇತರ ಅಭ್ಯರ್ಥಿಯಾಗಿ ಸ್ಪರ್ಧಿಸಿ ಜಯ ಸಾಧಿಸಿದ್ದರು. ಪುರಸಭೆಯ ಅಧ್ಯಕ್ಷ–ಉಪಾಧ್ಯಕ್ಷರ ಎರಡನೇ ಅವಧಿಗೆ ನಡೆದ ಚುನಾವಣೆಯಲ್ಲಿ ಬಿಜೆಪಿ ಬೆಂಬಲದಿಂದ ಮರೆಮ್ಮ ಉಪಾಧ್ಯಕ್ಷೆಯಾಗಿ ಆಯ್ಕೆಯಾಗಿದ್ದಾರೆ. ಉಪಾಧ್ಯಕ್ಷ ಸ್ಥಾನವೂ ಸಾಮಾನ್ಯ ಮಹಿಳೆಗೆ ಮೀಸಲಾಗಿತ್ತು.<br /> <br /> ‘ನಾನು ಆರು ವರ್ಷದವಳಿದ್ದಾಗ ತಂದೆಯನ್ನು ಕಳೆದುಕೊಂಡೆ. ಅಮ್ಮ ಪೌರಕಾರ್ಮಿಕಳಾಗಿ 20 ವರ್ಷಗಳಿಂದ ದುಡಿಯುತ್ತಿದ್ದಾಳೆ.<br /> ಅಣ್ಣ ಮಲ್ಲಿಕಾರ್ಜುನ ತರಕಾರಿ ಮಾರುತ್ತಿದ್ದರು. ಅಮ್ಮ–ಅಣ್ಣ ತಾವು ದುಡಿದು ನನ್ನನ್ನು ಓದಿಸಿದರು. ನಾವು ವಾಸಿಸುವ ಪ್ರದೇಶ ಬಹಳ ಹಿಂದುಳಿದಿದೆ.<br /> <br /> ಆ ಪ್ರದೇಶದಲ್ಲಿ ಉನ್ನತ ವ್ಯಾಸಂಗ ಮಾಡಿದ ಮೊದಲ ಯುವತಿ ನಾನು. ವಿದ್ಯಾವಂತ ಯುವತಿಯ ಹೊಣೆಗಾರಿಕೆ ನಿಭಾಯಿಸಲಿಕ್ಕಾಗಿ ಮತ್ತು ನಮ್ಮ ವಾರ್ಡ್ನ ಅಭಿವೃದ್ಧಿಗೆ ಪಣತೊಟ್ಟು ಪುರಸಭೆಗೆ ಸ್ಪರ್ಧಿಸಿದೆ. ಜನ ಗೆಲ್ಲಿಸಿದರು’ ಎಂದು ಮರೆಮ್ಮ ತಮ್ಮ ರಾಜಕೀಯ ಪ್ರವೇಶದ ಬಗೆಯನ್ನು ವಿವರಿಸಿದರು.<br /> <br /> ‘ಗುಲ್ಬರ್ಗದ ಖಾಸಗಿ ಕಾಲೇಜೊಂದರಲ್ಲಿ ಎಂ.ಎಸ್.ಡಬ್ಲ್ಯೂಗೆ ಪ್ರವೇಶ ಪಡೆದಿದ್ದೇನೆ. ಗುಲ್ಬರ್ಗ ವಿ.ವಿ.ಯ ಪಿಎಚ್.ಡಿ ಪ್ರವೇಶ ಪರೀಕ್ಷೆಗೆ ಅರ್ಜಿ ಸಲ್ಲಿಸಿದ್ದೇನೆ. ಸದ್ಯ ನನಗೆ ವಹಿಸಿರುವ ಹೊಣೆಗಾರಿಕೆ ನಿಭಾಯಿಸುವುದರಲ್ಲಿ ಮಗ್ನವಾಗಿದ್ದೇನೆ. ಮದುವೆ– ನೌಕರಿ ಬಗ್ಗೆ ಆಲೋಚಿಸಿಲ್ಲ’ ಎನ್ನುತ್ತಾರೆ ಮರೆಮ್ಮ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಗುಲ್ಬರ್ಗ:</strong> ಜಿಲ್ಲೆ ಚಿತ್ತಾಪುರ ತಾಲ್ಲೂಕಿನ ವಾಡಿ ಪುರಸಭೆಯಲ್ಲಿ ತಾಯಿ ಮಾಳಮ್ಮ ಚಂದಪ್ಪ ಸೈದಾಪುರ (45) ಪೌರಕಾರ್ಮಿಕಳಾಗಿ ದುಡಿಯುತ್ತಿದ್ದರೆ, ಅವರ ಪುತ್ರಿ ಮರೆಮ್ಮ (27) ಈಗ ಅದೇ ಪುರಸಭೆಯ ಉಪಾಧ್ಯಕ್ಷೆಯಾಗಿದ್ದಾರೆ!<br /> <br /> ಪರಿಶಿಷ್ಟ ಜಾತಿಯ ಮರೆಮ್ಮ ಅವರು ಎಂ.ಎ., ಎಂ.ಇಡಿ ಪದವೀಧರೆ. ಸಾಮಾನ್ಯ ಮಹಿಳೆಗೆ ಮೀಸಲಾಗಿದ್ದ ವಾಡಿಯ ವಿಜಯನಗರ ವಾರ್ಡ್ನಿಂದ ಪಕ್ಷೇತರ ಅಭ್ಯರ್ಥಿಯಾಗಿ ಸ್ಪರ್ಧಿಸಿ ಜಯ ಸಾಧಿಸಿದ್ದರು. ಪುರಸಭೆಯ ಅಧ್ಯಕ್ಷ–ಉಪಾಧ್ಯಕ್ಷರ ಎರಡನೇ ಅವಧಿಗೆ ನಡೆದ ಚುನಾವಣೆಯಲ್ಲಿ ಬಿಜೆಪಿ ಬೆಂಬಲದಿಂದ ಮರೆಮ್ಮ ಉಪಾಧ್ಯಕ್ಷೆಯಾಗಿ ಆಯ್ಕೆಯಾಗಿದ್ದಾರೆ. ಉಪಾಧ್ಯಕ್ಷ ಸ್ಥಾನವೂ ಸಾಮಾನ್ಯ ಮಹಿಳೆಗೆ ಮೀಸಲಾಗಿತ್ತು.<br /> <br /> ‘ನಾನು ಆರು ವರ್ಷದವಳಿದ್ದಾಗ ತಂದೆಯನ್ನು ಕಳೆದುಕೊಂಡೆ. ಅಮ್ಮ ಪೌರಕಾರ್ಮಿಕಳಾಗಿ 20 ವರ್ಷಗಳಿಂದ ದುಡಿಯುತ್ತಿದ್ದಾಳೆ.<br /> ಅಣ್ಣ ಮಲ್ಲಿಕಾರ್ಜುನ ತರಕಾರಿ ಮಾರುತ್ತಿದ್ದರು. ಅಮ್ಮ–ಅಣ್ಣ ತಾವು ದುಡಿದು ನನ್ನನ್ನು ಓದಿಸಿದರು. ನಾವು ವಾಸಿಸುವ ಪ್ರದೇಶ ಬಹಳ ಹಿಂದುಳಿದಿದೆ.<br /> <br /> ಆ ಪ್ರದೇಶದಲ್ಲಿ ಉನ್ನತ ವ್ಯಾಸಂಗ ಮಾಡಿದ ಮೊದಲ ಯುವತಿ ನಾನು. ವಿದ್ಯಾವಂತ ಯುವತಿಯ ಹೊಣೆಗಾರಿಕೆ ನಿಭಾಯಿಸಲಿಕ್ಕಾಗಿ ಮತ್ತು ನಮ್ಮ ವಾರ್ಡ್ನ ಅಭಿವೃದ್ಧಿಗೆ ಪಣತೊಟ್ಟು ಪುರಸಭೆಗೆ ಸ್ಪರ್ಧಿಸಿದೆ. ಜನ ಗೆಲ್ಲಿಸಿದರು’ ಎಂದು ಮರೆಮ್ಮ ತಮ್ಮ ರಾಜಕೀಯ ಪ್ರವೇಶದ ಬಗೆಯನ್ನು ವಿವರಿಸಿದರು.<br /> <br /> ‘ಗುಲ್ಬರ್ಗದ ಖಾಸಗಿ ಕಾಲೇಜೊಂದರಲ್ಲಿ ಎಂ.ಎಸ್.ಡಬ್ಲ್ಯೂಗೆ ಪ್ರವೇಶ ಪಡೆದಿದ್ದೇನೆ. ಗುಲ್ಬರ್ಗ ವಿ.ವಿ.ಯ ಪಿಎಚ್.ಡಿ ಪ್ರವೇಶ ಪರೀಕ್ಷೆಗೆ ಅರ್ಜಿ ಸಲ್ಲಿಸಿದ್ದೇನೆ. ಸದ್ಯ ನನಗೆ ವಹಿಸಿರುವ ಹೊಣೆಗಾರಿಕೆ ನಿಭಾಯಿಸುವುದರಲ್ಲಿ ಮಗ್ನವಾಗಿದ್ದೇನೆ. ಮದುವೆ– ನೌಕರಿ ಬಗ್ಗೆ ಆಲೋಚಿಸಿಲ್ಲ’ ಎನ್ನುತ್ತಾರೆ ಮರೆಮ್ಮ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
