<p><strong>ನವದೆಹಲಿ (ಪಿಟಿಐ): </strong>ವಿವಾದಾತ್ಮಕ ಭೂಸ್ವಾಧೀನ ಮಸೂದೆ ಜಾರಿಗೆ ರಾಜಕೀಯ ಪಕ್ಷಗಳಲ್ಲಿ ಒಮ್ಮತ ಮೂಡದ ಕಾರಣ ಕೇಂದ್ರ ಸರ್ಕಾರವು ನಾಲ್ಕನೇ ಬಾರಿಗೆ ಸುಗ್ರೀವಾಜ್ಞೆ ಹೊರಡಿಸಲು ಮುಂದಾಗಿದೆ.</p>.<p>ಮಂಗಳವಾರ ಆರಂಭವಾಗಲಿರುವ ಮಳೆಗಾಲ ಅಧಿವೇಶನದಲ್ಲಿ ಸರ್ಕಾರ ಭೂಸ್ವಾಧೀನ ಮಸೂದೆ ಮಂಡಿಸುವ ಸಾಧ್ಯತೆ ಬಹುತೇಕ ಕಡಿಮೆ ಎನ್ನಲಾಗಿದೆ. ಈಗಾಗಲೇ ಮೂರು ಬಾರಿ ಸುಗ್ರೀವಾಜ್ಞೆ ಹೊರಡಿಸಲಾಗಿದ್ದರೂ, ಅವುಗಳನ್ನು ಕಾಯ್ದೆಯಾಗಿ ಜಾರಿಗೆ ತರಲು ಸಾಧ್ಯವಾಗಿಲ್ಲ. ಈ ಬಾರಿಯೂ ಮಸೂದೆಯು ಪ್ರತಿಪಕ್ಷಗಳ ಅಸಹಕಾರದಿಂದ ಅಂಗೀಕಾರವಾಗುವ ಸಾಧ್ಯತೆಯು ಕ್ಷೀಣಿಸಿದೆ. ಈ ಕಾರಣಕ್ಕೆ ಕೇಂದ್ರ ಸರ್ಕಾರವು ನಾಲ್ಕನೇ ಯತ್ನಕ್ಕೆ ಮುಂದಾಗುವುದರೊಂದಿಗೆ ಹೊಸ ದಾಖಲೆ ಬರೆಯಲು ಹೊರಟಿದೆ.</p>.<p>‘ಮಸೂದೆಗೆ ಸಂಬಂಧಿಸಿದಂತೆ ಇದುವರೆಗೂ ಒಮ್ಮತ ಮೂಡದ ಕಾರಣ ಮಳೆಗಾಲ ಅಧಿವೇಶನದ ನಂತರ ಮತ್ತೊಮ್ಮೆ ಸುಗ್ರೀವಾಜ್ಞೆ ಮೊರೆ ಹೋಗದೆ ಸರ್ಕಾರದ ಮುಂದೆ ಬೇರೆ ದಾರಿ ಉಳಿದಿಲ್ಲ’ ಎಂದು ಮೂಲಗಳು ತಿಳಿಸಿವೆ.</p>.<p>‘ಭೂಸ್ವಾಧೀನ ಮಸೂದೆ ಅನುಷ್ಠಾನ ಸರ್ಕಾರದ ಪ್ರತಿಷ್ಠೆಯ ಪ್ರಶ್ನೆಯಾಗಲಿ ಇಲ್ಲವೇ ನನ್ನ ಜೀವನ್ಮರಣ ವಿಷಯವಾಗಲಿ ಅಲ್ಲ’ ಎಂದು ಪ್ರಧಾನಿ ನರೇಂದ್ರ ಮೋದಿ ಈ ಹಿಂದೆ ಹೇಳಿದ್ದಾರೆ. ಆದರೆ, ಸರ್ಕಾರದ ಮಹತ್ವಾಕಾಂಕ್ಷೆಯ ಯೋಜನೆಗಳ ಜಾರಿಗೆ ಈ ಮಸೂದೆ ಅಂಗೀಕಾರ ಅನಿವಾರ್ಯವಾಗಿದೆ.</p>.<p><strong>ಸಡಿಲಾಗದ ಪ್ರತಿಪಕ್ಷ ಪಟ್ಟು: </strong>ಈ ಮಸೂದೆಗೆ ಭಾರಿ ವಿರೋಧ ವ್ಯಕ್ತಪಡಿಸುತ್ತಿರುವ ಕಾಂಗ್ರೆಸ್ ಹಾಗೂ ಇನ್ನಿತರ ಪ್ರಮುಖ ವಿರೋಧ ಪಕ್ಷಗಳು ತಮ್ಮ ಪಟ್ಟನ್ನು ಸಡಿಲಿಸದೇ ಇರುವುದು ಸರ್ಕಾರಕ್ಕೆ ನುಂಗಲಾರದ ತುತ್ತಾಗಿದೆ.</p>.<p>ಹಾಗಾದರೆ ಸರ್ಕಾರದ ಮುಂದೆ ಸುಗ್ರೀವಾಜ್ಞೆ ಹೊರತುಪಡಿಸಿ ಬೇರೆ ಮಾರ್ಗ ಉಳಿದಿಲ್ಲವೇ ಎನ್ನುವ ಪ್ರಶ್ನೆಗೆ, ‘ವಿರೋಧ ಪಕ್ಷಗಳ ಟೀಕೆ–ಟಿಪ್ಪಣಿಗಳಿಗೆ ಕಿವಿಗೊಡದೆ ಜಂಟಿ ಅಧಿವೇಶನ ಕರೆದು ಅಂಗೀಕರಿಸುವುದೊಂದೇ ಉಳಿದ ಮಾರ್ಗ’ ಎಂದು ಮೂಲಗಳು ತಿಳಿಸಿವೆ.</p>.<p><strong>ವರದಿ ಸಲ್ಲಿಕೆ ಅನುಮಾನ?: </strong>ಈ ನಡುವೆ ವಿವಾದಿತ ಮಸೂದೆಯ ಸಾಧಕ–ಬಾಧಕ ಕುರಿತು ವರದಿ ಸಲ್ಲಿಸಲು ಬಿಜೆಪಿ ಸಂಸದ ಎಸ್.ಎಸ್. ಅಹ್ಲುವಾಲಿಯಾ ನೇತೃತ್ವದ ಜಂಟಿ ಸದನ ಸಮಿತಿ ವರದಿ ಇನ್ನೂ ಅಂತಿಮಗೊಂಡಿಲ್ಲ.</p>.<p>ಪೂರ್ವ ನಿಗದಿಯಂತೆ ಮಳೆಗಾಲ ಅಧಿವೇಶನದ ಮೊದಲ ದಿನವೇ ಸಮಿತಿ ವರದಿ ಸಲ್ಲಿಸಬೇಕಿತ್ತು. ಆದರೆ, ಮಸೂದೆ ಕುರಿತು ಇದುವರೆಗೂ ದೃಢ ನಿರ್ಧಾರಕ್ಕೆ ಬರಲು ವಿಫಲವಾಗಿರುವ ಜಂಟಿ ಸದನ ಸಮಿತಿಯು ವರದಿ ಸಲ್ಲಿಸಲು ಆಗಸ್ಟ್ 3ರವರೆಗೆ ಕಾಲಾವಕಾಶ ಕೋರಿದೆ.</p>.<p>ಅಧಿವೇಶನ ಆಗಸ್ಟ್ 13ರಂದು ಕೊನೆಗೊಳ್ಳಲಿದ್ದು, ಜಂಟಿ ಸದನ ಸಮಿತಿ ಆಗಲೂ ವರದಿ ಸಲ್ಲಿಸುವುದು ಬಹುತೇಕ ಅನುಮಾನ ಎಂದು ಮೂಲಗಳು ತಿಳಿಸಿವೆ. ಸೆಪ್ಟೆಂಬರ್ –ಅಕ್ಟೋಬರ್ನಲ್ಲಿ ನಡೆಯಲಿರುವ ಬಿಹಾರ ವಿಧಾನಸಭಾ ಚುನಾವಣೆಗೂ ಮುನ್ನ ಕೇಂದ್ರ ಎನ್ಡಿಎ ಸರ್ಕಾರ ಮಸೂದೆ ಜಾರಿಗೆ ತರುವುದು ಅನುಮಾನ ಎನ್ನಲಾಗುತ್ತಿದೆ.</p>.<p><strong>ಮೊದಲೇನಲ್ಲ:</strong> ಸರ್ಕಾರ ಸಮರ್ಥನೆ: ಭೂಸ್ವಾಧೀನ ಸುಗ್ರೀವಾಜ್ಞೆಗೆ ಮತ್ತೊಮ್ಮೆ ಯತ್ನಿಸುವುದರಲ್ಲಿ ತಪ್ಪೇನಿಲ್ಲ. ಹಾಗೂ ಇಂಥ ಯತ್ನ ಇದೇ ಮೊದಲೇನಲ್ಲ ಎನ್ನುವುದು ಸರ್ಕಾರದ ಸಮರ್ಥನೆ.<br /> ಹಿಂದಿನ ವಿವಿಧ ಸರ್ಕಾರಗಳ ಆಡಳಿತ ಅವಧಿಯಲ್ಲಿ ಕನಿಷ್ಠ 15 ಸುಗ್ರೀವಾಜ್ಞೆಗಳನ್ನು ಎರಡು ಅಥವಾ ಮೂರು ಬಾರಿ ಹೊರಡಿಸಲಾಗಿದೆ.</p>.<p>ಯುಪಿಎ ಎರಡನೇ ಅವಧಿ ಸೇರಿದಂತೆ ವಿವಿಧ ಸರ್ಕಾರಗಳು ಆರು ಸುಗ್ರೀವಾಜ್ಞೆಗಳನ್ನು ಮೂರು ಬಾರಿ ಜಾರಿಗೊಳಿಸಲು ಯತ್ನಿಸಿದ ನಿದರ್ಶನಗಳಿವೆ ಎಂದು ಸರ್ಕಾರದ ಮೂಲಗಳು ಸಮರ್ಥಿಸಿಕೊಂಡಿವೆ.<br /> <br /> <strong>ಆಕ್ಷೇಪಗಳ ಮಹಾಪೂರ:</strong> ಮತ್ತೊಂದು ಆಶ್ಚರ್ಯಕರ ವಿಷಯವೆಂದರೆ ಬಿಜೆಪಿ ಸಂಸದ ಅಹ್ಲುವಾಲಿಯಾ ನೇತೃತ್ವದ ಜಂಟಿ ಸದನ ಸಮಿತಿ ಸ್ವೀಕರಿಸಿರುವ 672 ಅರ್ಜಿಗಳಲ್ಲಿ 670 ಅರ್ಜಿಗಳು ತಿದ್ದುಪಡಿ ಯನ್ನು ಬಲವಾಗಿ ವಿರೋಧಿಸಿವೆ. ಇಲ್ಲಿಯವರೆಗೆ 52 ಸಂಸದರು ಈ ಸಮಿತಿ ಎದುರು ಹಾಜರಾಗಿ ಹೇಳಿಕೆ ನೀಡಿದ್ದಾರೆ.</p>.<p>11 ಹೊಸ ಮಸೂದೆ: ಮಂಗಳವಾರದಿಂದ ಆರಂಭವಾಗಲಿರುವ ಸಂಸತ್ ಮಳೆಗಾಲ ಅಧಿವೇಶನದಲ್ಲಿ ಬಿಜೆಪಿ ನೇತೃತ್ವದ ಎಡಿಎ ಸರ್ಕಾರ 11 ಹೊಸ ಮಸೂದೆ ಮಂಡಿಸಲು ಸಿದ್ಧತೆ ನಡೆಸಿದೆ. ರಾಜ್ಯಸಭೆಯಲ್ಲಿ ಬಾಕಿ ಇರುವ 9 ಮಸೂದೆ ಹಾಗೂ ಲೋಕಸಭೆಯಲ್ಲಿ ಬಾಕಿ ಇರುವ ನಾಲ್ಕು ಮಸೂದೆ ಸೇರಿ 35 ಪ್ರಮುಖ ವಿಷಯಗಳ ಕಲಾಪ ಪಟ್ಟಿಯನ್ನು ಸರ್ಕಾರ ಸಿದ್ಧಪಡಿಸಿದೆ.</p>.<p><strong>ಮೂರು ಬಾರಿ ಸುಗ್ರೀವಾಜ್ಞೆ</strong><br /> ಆಡಳಿತಾರೂಢ ಬಿಜೆಪಿ ಹಾಗೂ ಅದರ ಮಿತ್ರಪಕ್ಷಗಳು ರಾಜ್ಯಸಭೆಯಲ್ಲಿ ಸಂಖ್ಯಾಬಲದ ಕೊರತೆ ಎದುರಿಸುತ್ತಿರುವುದೇ ಭೂಸ್ವಾಧೀನ ಮಸೂದೆ ಅಂಗೀಕಾರಕ್ಕೆ ತೀವ್ರ ಹಿನ್ನಡೆಯಾಗಿದೆ.<br /> * ಡಿಸೆಂಬರ್: ಕಳೆದ ಡಿಸೆಂಬರ್ನಲ್ಲಿ ಮೊದಲ ಬಾರಿ ಭೂಸ್ವಾಧೀನ ಸುಗ್ರೀವಾಜ್ಞೆ. ಲೋಕಸಭೆಯಲ್ಲಿ ಅಂಗೀಕಾರ ಪಡೆದ ಸುಗ್ರೀವಾಜ್ಞೆ ರಾಜ್ಯಸಭೆಯಲ್ಲಿ ಬಿದ್ದು ಹೋಗಿತ್ತು.<br /> * ಮಾರ್ಚ್: ಇದೇ ಮಾರ್ಚ್ನಲ್ಲಿ ಎರಡನೇ ಬಾರಿ ಸುಗ್ರೀವಾಜ್ಞೆ ಮರು ಜಾರಿಗೆ ಯತ್ನ. ಮತ್ತೆ ರಾಜ್ಯಸಭೆಯಲ್ಲಿ ಅಂಗೀಕಾರ ಪಡೆಯಲು ವಿಫಲ. <br /> * ಮೇ: ಇದೇ ಮೇ 31ರಂದು ಮೂರನೇ ಬಾರಿ ಸುಗ್ರೀವಾಜ್ಞೆ ಜಾರಿಗೆ ಯತ್ನ. ಸರ್ಕಾರಕ್ಕೆ ಮತ್ತೆ ಮುಖಭಂಗ. <br /> * ಜೂನ್: ಜೂನ್ 3ರಂದು ಸುಗ್ರೀವಾಜ್ಞೆ ಅವಧಿ ಮುಕ್ತಾಯ. ಸುಗ್ರೀವಾಜ್ಞೆ ಮರು ಜಾರಿಗೆ ರಾಷ್ಟ್ರಪತಿ ಅಂಕಿತಕ್ಕೆ ಶಿಫಾರಸು ಮಾಡಿದ ಕೇಂದ್ರ ಸಂಪುಟ.<br /> * ಇತ್ತೀಚೆಗೆ ಮುಕ್ತಾಯವಾದ ಲೋಕಸಭೆಯ ಅಧಿವೇಶನದಲ್ಲಿ ರಾಜ್ಯಸಭೆ ಆಯ್ಕೆ ಸಮಿತಿಗೆ ಭೂ ಮಸೂದೆ.<br /> * 6 ತಿಂಗಳು: ಒಂದು ಸುಗ್ರೀವಾಜ್ಞೆ ಯ ಕಾಲಾವಧಿ ಆರು ತಿಂಗಳು.<br /> *ಮರು ಸುಗ್ರೀವಾಜ್ಞೆ : ಒಂದು ವೇಳೆ ಅಧಿವೇಶನ ಆರಂಭವಾದ ಆರು ವಾರಗಳ ಒಳಗಾಗಿ ಅಂಗೀಕಾರ ಪಡೆಯದಿದ್ದರೆ ಮರು ಸುಗ್ರೀವಾಜ್ಞೆಗೆ ಅವಕಾಶ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ): </strong>ವಿವಾದಾತ್ಮಕ ಭೂಸ್ವಾಧೀನ ಮಸೂದೆ ಜಾರಿಗೆ ರಾಜಕೀಯ ಪಕ್ಷಗಳಲ್ಲಿ ಒಮ್ಮತ ಮೂಡದ ಕಾರಣ ಕೇಂದ್ರ ಸರ್ಕಾರವು ನಾಲ್ಕನೇ ಬಾರಿಗೆ ಸುಗ್ರೀವಾಜ್ಞೆ ಹೊರಡಿಸಲು ಮುಂದಾಗಿದೆ.</p>.<p>ಮಂಗಳವಾರ ಆರಂಭವಾಗಲಿರುವ ಮಳೆಗಾಲ ಅಧಿವೇಶನದಲ್ಲಿ ಸರ್ಕಾರ ಭೂಸ್ವಾಧೀನ ಮಸೂದೆ ಮಂಡಿಸುವ ಸಾಧ್ಯತೆ ಬಹುತೇಕ ಕಡಿಮೆ ಎನ್ನಲಾಗಿದೆ. ಈಗಾಗಲೇ ಮೂರು ಬಾರಿ ಸುಗ್ರೀವಾಜ್ಞೆ ಹೊರಡಿಸಲಾಗಿದ್ದರೂ, ಅವುಗಳನ್ನು ಕಾಯ್ದೆಯಾಗಿ ಜಾರಿಗೆ ತರಲು ಸಾಧ್ಯವಾಗಿಲ್ಲ. ಈ ಬಾರಿಯೂ ಮಸೂದೆಯು ಪ್ರತಿಪಕ್ಷಗಳ ಅಸಹಕಾರದಿಂದ ಅಂಗೀಕಾರವಾಗುವ ಸಾಧ್ಯತೆಯು ಕ್ಷೀಣಿಸಿದೆ. ಈ ಕಾರಣಕ್ಕೆ ಕೇಂದ್ರ ಸರ್ಕಾರವು ನಾಲ್ಕನೇ ಯತ್ನಕ್ಕೆ ಮುಂದಾಗುವುದರೊಂದಿಗೆ ಹೊಸ ದಾಖಲೆ ಬರೆಯಲು ಹೊರಟಿದೆ.</p>.<p>‘ಮಸೂದೆಗೆ ಸಂಬಂಧಿಸಿದಂತೆ ಇದುವರೆಗೂ ಒಮ್ಮತ ಮೂಡದ ಕಾರಣ ಮಳೆಗಾಲ ಅಧಿವೇಶನದ ನಂತರ ಮತ್ತೊಮ್ಮೆ ಸುಗ್ರೀವಾಜ್ಞೆ ಮೊರೆ ಹೋಗದೆ ಸರ್ಕಾರದ ಮುಂದೆ ಬೇರೆ ದಾರಿ ಉಳಿದಿಲ್ಲ’ ಎಂದು ಮೂಲಗಳು ತಿಳಿಸಿವೆ.</p>.<p>‘ಭೂಸ್ವಾಧೀನ ಮಸೂದೆ ಅನುಷ್ಠಾನ ಸರ್ಕಾರದ ಪ್ರತಿಷ್ಠೆಯ ಪ್ರಶ್ನೆಯಾಗಲಿ ಇಲ್ಲವೇ ನನ್ನ ಜೀವನ್ಮರಣ ವಿಷಯವಾಗಲಿ ಅಲ್ಲ’ ಎಂದು ಪ್ರಧಾನಿ ನರೇಂದ್ರ ಮೋದಿ ಈ ಹಿಂದೆ ಹೇಳಿದ್ದಾರೆ. ಆದರೆ, ಸರ್ಕಾರದ ಮಹತ್ವಾಕಾಂಕ್ಷೆಯ ಯೋಜನೆಗಳ ಜಾರಿಗೆ ಈ ಮಸೂದೆ ಅಂಗೀಕಾರ ಅನಿವಾರ್ಯವಾಗಿದೆ.</p>.<p><strong>ಸಡಿಲಾಗದ ಪ್ರತಿಪಕ್ಷ ಪಟ್ಟು: </strong>ಈ ಮಸೂದೆಗೆ ಭಾರಿ ವಿರೋಧ ವ್ಯಕ್ತಪಡಿಸುತ್ತಿರುವ ಕಾಂಗ್ರೆಸ್ ಹಾಗೂ ಇನ್ನಿತರ ಪ್ರಮುಖ ವಿರೋಧ ಪಕ್ಷಗಳು ತಮ್ಮ ಪಟ್ಟನ್ನು ಸಡಿಲಿಸದೇ ಇರುವುದು ಸರ್ಕಾರಕ್ಕೆ ನುಂಗಲಾರದ ತುತ್ತಾಗಿದೆ.</p>.<p>ಹಾಗಾದರೆ ಸರ್ಕಾರದ ಮುಂದೆ ಸುಗ್ರೀವಾಜ್ಞೆ ಹೊರತುಪಡಿಸಿ ಬೇರೆ ಮಾರ್ಗ ಉಳಿದಿಲ್ಲವೇ ಎನ್ನುವ ಪ್ರಶ್ನೆಗೆ, ‘ವಿರೋಧ ಪಕ್ಷಗಳ ಟೀಕೆ–ಟಿಪ್ಪಣಿಗಳಿಗೆ ಕಿವಿಗೊಡದೆ ಜಂಟಿ ಅಧಿವೇಶನ ಕರೆದು ಅಂಗೀಕರಿಸುವುದೊಂದೇ ಉಳಿದ ಮಾರ್ಗ’ ಎಂದು ಮೂಲಗಳು ತಿಳಿಸಿವೆ.</p>.<p><strong>ವರದಿ ಸಲ್ಲಿಕೆ ಅನುಮಾನ?: </strong>ಈ ನಡುವೆ ವಿವಾದಿತ ಮಸೂದೆಯ ಸಾಧಕ–ಬಾಧಕ ಕುರಿತು ವರದಿ ಸಲ್ಲಿಸಲು ಬಿಜೆಪಿ ಸಂಸದ ಎಸ್.ಎಸ್. ಅಹ್ಲುವಾಲಿಯಾ ನೇತೃತ್ವದ ಜಂಟಿ ಸದನ ಸಮಿತಿ ವರದಿ ಇನ್ನೂ ಅಂತಿಮಗೊಂಡಿಲ್ಲ.</p>.<p>ಪೂರ್ವ ನಿಗದಿಯಂತೆ ಮಳೆಗಾಲ ಅಧಿವೇಶನದ ಮೊದಲ ದಿನವೇ ಸಮಿತಿ ವರದಿ ಸಲ್ಲಿಸಬೇಕಿತ್ತು. ಆದರೆ, ಮಸೂದೆ ಕುರಿತು ಇದುವರೆಗೂ ದೃಢ ನಿರ್ಧಾರಕ್ಕೆ ಬರಲು ವಿಫಲವಾಗಿರುವ ಜಂಟಿ ಸದನ ಸಮಿತಿಯು ವರದಿ ಸಲ್ಲಿಸಲು ಆಗಸ್ಟ್ 3ರವರೆಗೆ ಕಾಲಾವಕಾಶ ಕೋರಿದೆ.</p>.<p>ಅಧಿವೇಶನ ಆಗಸ್ಟ್ 13ರಂದು ಕೊನೆಗೊಳ್ಳಲಿದ್ದು, ಜಂಟಿ ಸದನ ಸಮಿತಿ ಆಗಲೂ ವರದಿ ಸಲ್ಲಿಸುವುದು ಬಹುತೇಕ ಅನುಮಾನ ಎಂದು ಮೂಲಗಳು ತಿಳಿಸಿವೆ. ಸೆಪ್ಟೆಂಬರ್ –ಅಕ್ಟೋಬರ್ನಲ್ಲಿ ನಡೆಯಲಿರುವ ಬಿಹಾರ ವಿಧಾನಸಭಾ ಚುನಾವಣೆಗೂ ಮುನ್ನ ಕೇಂದ್ರ ಎನ್ಡಿಎ ಸರ್ಕಾರ ಮಸೂದೆ ಜಾರಿಗೆ ತರುವುದು ಅನುಮಾನ ಎನ್ನಲಾಗುತ್ತಿದೆ.</p>.<p><strong>ಮೊದಲೇನಲ್ಲ:</strong> ಸರ್ಕಾರ ಸಮರ್ಥನೆ: ಭೂಸ್ವಾಧೀನ ಸುಗ್ರೀವಾಜ್ಞೆಗೆ ಮತ್ತೊಮ್ಮೆ ಯತ್ನಿಸುವುದರಲ್ಲಿ ತಪ್ಪೇನಿಲ್ಲ. ಹಾಗೂ ಇಂಥ ಯತ್ನ ಇದೇ ಮೊದಲೇನಲ್ಲ ಎನ್ನುವುದು ಸರ್ಕಾರದ ಸಮರ್ಥನೆ.<br /> ಹಿಂದಿನ ವಿವಿಧ ಸರ್ಕಾರಗಳ ಆಡಳಿತ ಅವಧಿಯಲ್ಲಿ ಕನಿಷ್ಠ 15 ಸುಗ್ರೀವಾಜ್ಞೆಗಳನ್ನು ಎರಡು ಅಥವಾ ಮೂರು ಬಾರಿ ಹೊರಡಿಸಲಾಗಿದೆ.</p>.<p>ಯುಪಿಎ ಎರಡನೇ ಅವಧಿ ಸೇರಿದಂತೆ ವಿವಿಧ ಸರ್ಕಾರಗಳು ಆರು ಸುಗ್ರೀವಾಜ್ಞೆಗಳನ್ನು ಮೂರು ಬಾರಿ ಜಾರಿಗೊಳಿಸಲು ಯತ್ನಿಸಿದ ನಿದರ್ಶನಗಳಿವೆ ಎಂದು ಸರ್ಕಾರದ ಮೂಲಗಳು ಸಮರ್ಥಿಸಿಕೊಂಡಿವೆ.<br /> <br /> <strong>ಆಕ್ಷೇಪಗಳ ಮಹಾಪೂರ:</strong> ಮತ್ತೊಂದು ಆಶ್ಚರ್ಯಕರ ವಿಷಯವೆಂದರೆ ಬಿಜೆಪಿ ಸಂಸದ ಅಹ್ಲುವಾಲಿಯಾ ನೇತೃತ್ವದ ಜಂಟಿ ಸದನ ಸಮಿತಿ ಸ್ವೀಕರಿಸಿರುವ 672 ಅರ್ಜಿಗಳಲ್ಲಿ 670 ಅರ್ಜಿಗಳು ತಿದ್ದುಪಡಿ ಯನ್ನು ಬಲವಾಗಿ ವಿರೋಧಿಸಿವೆ. ಇಲ್ಲಿಯವರೆಗೆ 52 ಸಂಸದರು ಈ ಸಮಿತಿ ಎದುರು ಹಾಜರಾಗಿ ಹೇಳಿಕೆ ನೀಡಿದ್ದಾರೆ.</p>.<p>11 ಹೊಸ ಮಸೂದೆ: ಮಂಗಳವಾರದಿಂದ ಆರಂಭವಾಗಲಿರುವ ಸಂಸತ್ ಮಳೆಗಾಲ ಅಧಿವೇಶನದಲ್ಲಿ ಬಿಜೆಪಿ ನೇತೃತ್ವದ ಎಡಿಎ ಸರ್ಕಾರ 11 ಹೊಸ ಮಸೂದೆ ಮಂಡಿಸಲು ಸಿದ್ಧತೆ ನಡೆಸಿದೆ. ರಾಜ್ಯಸಭೆಯಲ್ಲಿ ಬಾಕಿ ಇರುವ 9 ಮಸೂದೆ ಹಾಗೂ ಲೋಕಸಭೆಯಲ್ಲಿ ಬಾಕಿ ಇರುವ ನಾಲ್ಕು ಮಸೂದೆ ಸೇರಿ 35 ಪ್ರಮುಖ ವಿಷಯಗಳ ಕಲಾಪ ಪಟ್ಟಿಯನ್ನು ಸರ್ಕಾರ ಸಿದ್ಧಪಡಿಸಿದೆ.</p>.<p><strong>ಮೂರು ಬಾರಿ ಸುಗ್ರೀವಾಜ್ಞೆ</strong><br /> ಆಡಳಿತಾರೂಢ ಬಿಜೆಪಿ ಹಾಗೂ ಅದರ ಮಿತ್ರಪಕ್ಷಗಳು ರಾಜ್ಯಸಭೆಯಲ್ಲಿ ಸಂಖ್ಯಾಬಲದ ಕೊರತೆ ಎದುರಿಸುತ್ತಿರುವುದೇ ಭೂಸ್ವಾಧೀನ ಮಸೂದೆ ಅಂಗೀಕಾರಕ್ಕೆ ತೀವ್ರ ಹಿನ್ನಡೆಯಾಗಿದೆ.<br /> * ಡಿಸೆಂಬರ್: ಕಳೆದ ಡಿಸೆಂಬರ್ನಲ್ಲಿ ಮೊದಲ ಬಾರಿ ಭೂಸ್ವಾಧೀನ ಸುಗ್ರೀವಾಜ್ಞೆ. ಲೋಕಸಭೆಯಲ್ಲಿ ಅಂಗೀಕಾರ ಪಡೆದ ಸುಗ್ರೀವಾಜ್ಞೆ ರಾಜ್ಯಸಭೆಯಲ್ಲಿ ಬಿದ್ದು ಹೋಗಿತ್ತು.<br /> * ಮಾರ್ಚ್: ಇದೇ ಮಾರ್ಚ್ನಲ್ಲಿ ಎರಡನೇ ಬಾರಿ ಸುಗ್ರೀವಾಜ್ಞೆ ಮರು ಜಾರಿಗೆ ಯತ್ನ. ಮತ್ತೆ ರಾಜ್ಯಸಭೆಯಲ್ಲಿ ಅಂಗೀಕಾರ ಪಡೆಯಲು ವಿಫಲ. <br /> * ಮೇ: ಇದೇ ಮೇ 31ರಂದು ಮೂರನೇ ಬಾರಿ ಸುಗ್ರೀವಾಜ್ಞೆ ಜಾರಿಗೆ ಯತ್ನ. ಸರ್ಕಾರಕ್ಕೆ ಮತ್ತೆ ಮುಖಭಂಗ. <br /> * ಜೂನ್: ಜೂನ್ 3ರಂದು ಸುಗ್ರೀವಾಜ್ಞೆ ಅವಧಿ ಮುಕ್ತಾಯ. ಸುಗ್ರೀವಾಜ್ಞೆ ಮರು ಜಾರಿಗೆ ರಾಷ್ಟ್ರಪತಿ ಅಂಕಿತಕ್ಕೆ ಶಿಫಾರಸು ಮಾಡಿದ ಕೇಂದ್ರ ಸಂಪುಟ.<br /> * ಇತ್ತೀಚೆಗೆ ಮುಕ್ತಾಯವಾದ ಲೋಕಸಭೆಯ ಅಧಿವೇಶನದಲ್ಲಿ ರಾಜ್ಯಸಭೆ ಆಯ್ಕೆ ಸಮಿತಿಗೆ ಭೂ ಮಸೂದೆ.<br /> * 6 ತಿಂಗಳು: ಒಂದು ಸುಗ್ರೀವಾಜ್ಞೆ ಯ ಕಾಲಾವಧಿ ಆರು ತಿಂಗಳು.<br /> *ಮರು ಸುಗ್ರೀವಾಜ್ಞೆ : ಒಂದು ವೇಳೆ ಅಧಿವೇಶನ ಆರಂಭವಾದ ಆರು ವಾರಗಳ ಒಳಗಾಗಿ ಅಂಗೀಕಾರ ಪಡೆಯದಿದ್ದರೆ ಮರು ಸುಗ್ರೀವಾಜ್ಞೆಗೆ ಅವಕಾಶ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
