<p><strong>ಪಂಚಕುಲ, ಹರಿಯಾಣ (ಪಿಟಿಐ): </strong>ಮನೋಹರ್ ಲಾಲ್ ಖಟ್ಟರ್ ಅವರು ಹರಿಯಾಣದ ಮುಖ್ಯಮಂತ್ರಿಯಾಗಿ ಭಾನುವಾರ ಪ್ರಮಾಣ ವಚನ ಸ್ವೀಕರಿಸಿದ್ದಾರೆ. ಈ ಮೂಲಕ ಹರಿಯಾಣದಲ್ಲಿ ಇದೇ ಮೊದಲ ಬಾರಿಗೆ ಬಿಜೆಪಿ ಸರ್ಕಾರ ರಚಿಸಿದೆ.</p>.<p>ಕರನಾಲ್ ಕ್ಷೇತ್ರದಿಂದ ಇದೇ ಮೊದಲ ಬಾರಿಗೆ ಹರಿಯಾಣ ವಿಧಾನಸಭೆಗೆ ಆಯ್ಕೆಯಾಗಿರುವ 60 ವರ್ಷದ ಖಟ್ಟರ್ ಅವರಿಗೆ ರಾಜ್ಯಪಾಲ ಕಪ್ಟನ್ ಸಿಂಗ್ ಸೋಲಂಕಿ ಅವರು ಪ್ರತಿಜ್ಞಾ ವಿಧಿ ಬೋಧಿಸಿದರು.</p>.<p>ಇಲ್ಲಿ ನಡೆದ ಸಮಾರಂಭದಲ್ಲಿ ಖಟ್ಟರ್ ಅವರೊಂದಿಗೆ ಒಂಬತ್ತು ಶಾಸಕರು ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸಿದರು.</p>.<p>ಮೋದಿ ಆಪ್ತರು ಎಂದೇ ಜನಜನಿತರಾಗಿರುವ ಖಟ್ಟರ್ ಅವರು ಹರಿಯಾಣ ರಾಜ್ಯ ಕಂಡ ಮೊದಲ ಜಾಟ್ ಸಮುದಾಯೇತರ ಮುಖ್ಯಮಂತ್ರಿ.</p>.<p>ಪ್ರಧಾನಿ ನರೇಂದ್ರ ಮೋದಿ, ಬಿಜೆಪಿ ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ಅಮಿತ್ ಷಾ, ಬಿಜೆಪಿ ಹಿರಿಯ ಮುಖಂಡರಾದ ಎಲ್.ಕೆ.ಅಡ್ವಾಣಿ, ಮುರಳಿ ಮನೋಹರ್ ಜೋಷಿ ಹಾಗೂ ಬಿಜೆಪಿ ಆಡಳಿತದ ರಾಜ್ಯಗಳ ಮುಖ್ಯಮಂತ್ರಿಗಳು ಸೇರಿದಂತೆ ಹಲವು ಗಣ್ಯರು ಸಮಾರಂಭಕ್ಕೆ ಸಾಕ್ಷಿಯಾದರು.</p>.<p>ಒಂಬತ್ತು ಸಚಿವರಲ್ಲಿ–ಕವಿತಾ ಜೈನ್, ರಾಜ್ಯ ಬಿಜೆಪಿ ಅಧ್ಯಕ್ಷರಾಗಿದ್ದ ರಾಮ್ ಬಿಲಾಸ್ ಶರ್ಮಾ, ಅಭಿಮನ್ಯು, ಓಂ ಪ್ರಕಾಶ್ ಧನ್ಕರ್, ಅನಿಲ್ ವಿಜ್ ಹಾಗೂ ನಾರ್ಬಿರ್ ಸಿಂಗ್–ಆರು ಜನರು ಸಂಪುಟ ದರ್ಜೆ ಸಚಿವರು.</p>.<p>ಇನ್ನುಳಿದ ಮೂವರಾದ ವಿಕ್ರಮ್ ಸಿಂಗ್ ಠೆಕೆದಾರ್, ಕೃಷ್ಣನ್ ಕುಮಾರ್ ಬೇಡಿ ಹಾಗೂ ಕರಣ್ದೇವ್ ಕಂಬೋಜ್ ಅವರು ರಾಜ್ಯ ಖ್ಯಾತೆ (ಸ್ವತಂತ್ರ) ಸಚಿವರು.</p>.<p>ಕೇಂದ್ರ ಸಚಿವರಾದ ರಾಜನಾಥ್ ಸಿಂಗ್ ಸುಷ್ಮಾ ಸ್ವರಾಜ್, ಪಿಯೂಶ್ ಗೋಯಲ್, ರಾಮ್ವಿಲಾಸ್ ಪಾಸ್ವಾನ್, ಕೃಷ್ಣನ್ ಪಾಲ್ ಗುಜ್ಜರ್, ಮನೇಕಾ ಗಾಂಧಿ, ಹಾಗೂ ಅನಂತ್ ಕುಮಾರ್ ಅವರು ಸಮಾರಂಭದಲ್ಲಿ ಹಾಜರಿದ್ದರು.</p>.<p>ಪ್ರಮಾಣ ವಚನ ಸಮಾರಂಭ ಸಾಂಪ್ರದಾಯಿಕವಾಗಿ ಪಂಜಾಬ್ ಹಾಗೂ ಹರಿಯಾಣ ರಾಜ್ಯಗಳ ರಾಜಧಾನಿಯಾಗಿರುವ ಚಂಡೀಗಡದಲ್ಲಿರುವ ರಾಜಭವನದಲ್ಲಿ ನಡೆಯುತ್ತಿತ್ತು. ಆದರೆ ಈ ಬಾರಿ ಸಮಾರಂಭ ಪಂಚಕುಲದಲ್ಲಿ ನಡೆದಿರುವುದು ವಿಶೇಷ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪಂಚಕುಲ, ಹರಿಯಾಣ (ಪಿಟಿಐ): </strong>ಮನೋಹರ್ ಲಾಲ್ ಖಟ್ಟರ್ ಅವರು ಹರಿಯಾಣದ ಮುಖ್ಯಮಂತ್ರಿಯಾಗಿ ಭಾನುವಾರ ಪ್ರಮಾಣ ವಚನ ಸ್ವೀಕರಿಸಿದ್ದಾರೆ. ಈ ಮೂಲಕ ಹರಿಯಾಣದಲ್ಲಿ ಇದೇ ಮೊದಲ ಬಾರಿಗೆ ಬಿಜೆಪಿ ಸರ್ಕಾರ ರಚಿಸಿದೆ.</p>.<p>ಕರನಾಲ್ ಕ್ಷೇತ್ರದಿಂದ ಇದೇ ಮೊದಲ ಬಾರಿಗೆ ಹರಿಯಾಣ ವಿಧಾನಸಭೆಗೆ ಆಯ್ಕೆಯಾಗಿರುವ 60 ವರ್ಷದ ಖಟ್ಟರ್ ಅವರಿಗೆ ರಾಜ್ಯಪಾಲ ಕಪ್ಟನ್ ಸಿಂಗ್ ಸೋಲಂಕಿ ಅವರು ಪ್ರತಿಜ್ಞಾ ವಿಧಿ ಬೋಧಿಸಿದರು.</p>.<p>ಇಲ್ಲಿ ನಡೆದ ಸಮಾರಂಭದಲ್ಲಿ ಖಟ್ಟರ್ ಅವರೊಂದಿಗೆ ಒಂಬತ್ತು ಶಾಸಕರು ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸಿದರು.</p>.<p>ಮೋದಿ ಆಪ್ತರು ಎಂದೇ ಜನಜನಿತರಾಗಿರುವ ಖಟ್ಟರ್ ಅವರು ಹರಿಯಾಣ ರಾಜ್ಯ ಕಂಡ ಮೊದಲ ಜಾಟ್ ಸಮುದಾಯೇತರ ಮುಖ್ಯಮಂತ್ರಿ.</p>.<p>ಪ್ರಧಾನಿ ನರೇಂದ್ರ ಮೋದಿ, ಬಿಜೆಪಿ ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ಅಮಿತ್ ಷಾ, ಬಿಜೆಪಿ ಹಿರಿಯ ಮುಖಂಡರಾದ ಎಲ್.ಕೆ.ಅಡ್ವಾಣಿ, ಮುರಳಿ ಮನೋಹರ್ ಜೋಷಿ ಹಾಗೂ ಬಿಜೆಪಿ ಆಡಳಿತದ ರಾಜ್ಯಗಳ ಮುಖ್ಯಮಂತ್ರಿಗಳು ಸೇರಿದಂತೆ ಹಲವು ಗಣ್ಯರು ಸಮಾರಂಭಕ್ಕೆ ಸಾಕ್ಷಿಯಾದರು.</p>.<p>ಒಂಬತ್ತು ಸಚಿವರಲ್ಲಿ–ಕವಿತಾ ಜೈನ್, ರಾಜ್ಯ ಬಿಜೆಪಿ ಅಧ್ಯಕ್ಷರಾಗಿದ್ದ ರಾಮ್ ಬಿಲಾಸ್ ಶರ್ಮಾ, ಅಭಿಮನ್ಯು, ಓಂ ಪ್ರಕಾಶ್ ಧನ್ಕರ್, ಅನಿಲ್ ವಿಜ್ ಹಾಗೂ ನಾರ್ಬಿರ್ ಸಿಂಗ್–ಆರು ಜನರು ಸಂಪುಟ ದರ್ಜೆ ಸಚಿವರು.</p>.<p>ಇನ್ನುಳಿದ ಮೂವರಾದ ವಿಕ್ರಮ್ ಸಿಂಗ್ ಠೆಕೆದಾರ್, ಕೃಷ್ಣನ್ ಕುಮಾರ್ ಬೇಡಿ ಹಾಗೂ ಕರಣ್ದೇವ್ ಕಂಬೋಜ್ ಅವರು ರಾಜ್ಯ ಖ್ಯಾತೆ (ಸ್ವತಂತ್ರ) ಸಚಿವರು.</p>.<p>ಕೇಂದ್ರ ಸಚಿವರಾದ ರಾಜನಾಥ್ ಸಿಂಗ್ ಸುಷ್ಮಾ ಸ್ವರಾಜ್, ಪಿಯೂಶ್ ಗೋಯಲ್, ರಾಮ್ವಿಲಾಸ್ ಪಾಸ್ವಾನ್, ಕೃಷ್ಣನ್ ಪಾಲ್ ಗುಜ್ಜರ್, ಮನೇಕಾ ಗಾಂಧಿ, ಹಾಗೂ ಅನಂತ್ ಕುಮಾರ್ ಅವರು ಸಮಾರಂಭದಲ್ಲಿ ಹಾಜರಿದ್ದರು.</p>.<p>ಪ್ರಮಾಣ ವಚನ ಸಮಾರಂಭ ಸಾಂಪ್ರದಾಯಿಕವಾಗಿ ಪಂಜಾಬ್ ಹಾಗೂ ಹರಿಯಾಣ ರಾಜ್ಯಗಳ ರಾಜಧಾನಿಯಾಗಿರುವ ಚಂಡೀಗಡದಲ್ಲಿರುವ ರಾಜಭವನದಲ್ಲಿ ನಡೆಯುತ್ತಿತ್ತು. ಆದರೆ ಈ ಬಾರಿ ಸಮಾರಂಭ ಪಂಚಕುಲದಲ್ಲಿ ನಡೆದಿರುವುದು ವಿಶೇಷ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
