‘ರಂಗಭೂಮಿ ವರ್ತಮಾನಕ್ಕೆ ಸ್ಪಂದಿಸಬೇಕು’

ಬೆಂಗಳೂರು: ‘ರಂಗಭೂಮಿಯು ವರ್ತಮಾನಕ್ಕೆ ಸ್ಪಂದಿಸದಿದ್ದರೆ, ನಿರ್ಲಕ್ಷ್ಯಕ್ಕೆ ಒಳಗಾಗುತ್ತದೆ. ಹೀಗಾಗಿ, ರಂಗಭೂಮಿ ವರ್ತಮಾನಕ್ಕೆ ತಕ್ಕಂತೆ ಸ್ಪಂದಿಸಬೇಕು’ ಎಂದು ರಾಷ್ಟ್ರೀಯ ನಾಟಕ ಶಾಲೆ ಪ್ರಾದೇಶಿಕ ಕೇಂದ್ರದ ನಿರ್ದೇಶಕ ಸಿ.ಬಸವಲಿಂಗಯ್ಯ ಹೇಳಿದರು.

ಸಾಹಿತ್ಯ ಅಕಾಡೆಮಿಯು ನಗರದ ಗುರುನಾನಕ್ ಭವನದಲ್ಲಿ ಬುಧವಾರ ಆಯೋಜಿಸಿದ್ದ ರಂಗಭಾರತಿ ರಾಷ್ಟ್ರೀಯ ನಾಟಕೋತ್ಸವ ಹಾಗೂ ಸಮಕಾಲೀನ ಭಾರತೀಯ ನಾಟಕ ವಿಚಾರ ಸಂಕಿರಣದ ಸಮಾರೋಪ ಸಮಾರಂಭದಲ್ಲಿ ಮಾತನಾಡಿದರು.

‘ಇಷ್ಟು ದಿನ ಸಾಹಿತ್ಯ ಅಕಾಡೆಮಿಯು ಸಾಹಿತ್ಯ ಕಾರ್ಯಕ್ರಮಗಳನ್ನು ಮಾತ್ರ ಮಾಡಿ ಕೈ ತೊಳೆದುಕೊಳ್ಳುತ್ತಿತ್ತು. ಆದರೆ, ಈಗ ನಾಟಕೋತ್ಸವವನ್ನು ನಿಯೋಜಿಸಿರುವುದು ಒಳ್ಳೆಯ ಬೆಳವಣಿಗೆ. ಇದಕ್ಕೆ ಚಂದ್ರಶೇಖರ ಕಂಬಾರ ಅವರೇ ಕಾರಣ’ ಎಂದು ಹರ್ಷ ವ್ಯಕ್ತಪಡಿಸಿದರು.

‘ರಾಷ್ಟ್ರೀಯ ನಾಟಕೋತ್ಸವವೆಂದರೆ ಕೇವಲ ಹಿಂದಿ ಭಾಷೆಯ ನಾಟಕಗಳೇ ಇರಬೇಕೆ ಎಂಬುದು ಒಂದು ಪ್ರಶ್ನೆ. ಆದರೆ, ಹಿಂದಿ ಭಾಷೆಗೆ ಒಂದು ಜನಪದವಿಲ್ಲ, ಒಂದು ಸ್ಮೃತಿಯಿಲ್ಲ. ಹೀಗಾಗಿ, ಸಂಸ್ಕೃತಿಯನ್ನು ಕಟ್ಟಲು ಈ ಭಾಷೆಗೆ ಹೇಗೆ ಸಾಧ್ಯ’ ಎಂದು ಪ್ರಶ್ನಿಸಿದರು.

ರಾಜ್ಯಸಭಾ ಸದಸ್ಯೆ ಬಿ.ಜಯಶ್ರೀ, ‘ಸಾಹಿತಿ ಮತ್ತು ಕಲಾವಿದರು ಎಂದಿಗೂ ಜೊತೆಯಾಗಿರಬೇಕು. ಅವರಿಬ್ಬರ ಸಂಬಂಧ ತಾಯಿ ಮಗನ ಅಥವಾ ಮೈ ಮನಗಳ ಸಮ್ಮಿಲನದಂತೆ ಇರಬೇಕು’ ಎಂದರು. ಸಾಹಿತಿ ಚಂದ್ರಶೇಖರ ಕಂಬಾರ, ‘ಕವಿ ನಾಟಕವನ್ನು ಒಂದು ಕಾವ್ಯದಂತೆ ಭಾವಿಸುತ್ತಾನೆ. ನಾಟಕಕ್ಕೆ ಎರಡು ರೂಪಗಳಿವೆ. ಲಿಪಿಯ ರೂಪದಲ್ಲಿ, ಇನ್ನೊಂದು ಪ್ರದರ್ಶನ ರೂಪದಲ್ಲಿರುತ್ತದೆ. ನಟ ಮತ್ತು ಪ್ರೇಕ್ಷಕ ಮಾತ್ರ ನಾಟಕವನ್ನು ಯಶಸ್ವಿಗೊಳಿಸಲು ಸಾಧ್ಯ. ನಾಟಕ ವರ್ತಮಾನವಾದಾಗ ಮಾತ್ರ ಹೆಚ್ಚುದಿನ ಬದುಕುತ್ತದೆ’ ಎಂದು ಹೇಳಿದರು.

‘ನಾಟಕೋತ್ಸವದ ವಿಚಾರ ಸಂಕಿರಣದಲ್ಲಿ ಕನ್ನಡ ರಂಗಭೂಮಿ ನಿನ್ನೆ, ಇಂದು, ನಾಳೆ ಎಂಬ ವಿಷಯದ ಕುರಿತು ಚರ್ಚೆಗೆ ಆಹ್ವಾನ ನೀಡಿದ್ದೆವು. ಆದರೆ, ಆಹ್ವಾನ ಪಡೆದವರು ಯಾರೂ ಬಂದಿರಲಿಲ್ಲ. ಹೀಗಾಗಿ, ರದ್ದುಮಾಡಬೇಕಾಯಿತು’ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.

. ನೋವು ತಂದಿದೆ: ಬಿ. ಜಯಶ್ರೀ ಬೇಸರ ‘ಕಂಬಾರ ಅವರು ರಚಿಸಿದ ‘ಕರಿಮಾಯಿ ಕಾದಂಬರಿ’ಯನ್ನು ಕಷ್ಟದಿಂದ ರಂಗರೂಪಕ್ಕೆ ತಂದಿದ್ದೆ. ಇಲ್ಲಿ ಅದರ ಹಿಂದಿ ರೂಪಾಂತರ ಪ್ರದರ್ಶನವಾಗಿದೆ. ಆದರೆ, ಆಹ್ವಾನ ಪತ್ರದಲ್ಲಿ ಅನುವಾದಕ ಮತ್ತು ನಾಟಕಕಾರರ ಹೆಸರು ನಮೂದಿಸದೆ ಇರುವುದು ನೋವು ತಂದಿದೆ’ ಎಂದು ಬಿ.ಜಯಶ್ರೀ ನುಡಿದರು.

‘ನಿರ್ದೇಶಕನಿಗೆ ನಾಟಕಕಾರನ ಮಾಹಿತಿಯೇ ಇಲ್ಲವೆಂದಾದರೆ, ಅವನಿಗೆ ನಾಟಕ ನಿರ್ದೇಶನ ಮಾಡಲು ಹೇಗೆ ಸಾಧ್ಯ. ನಾಟಕಕಾರರನ್ನು ಗುರುತಿಸದೆ ಇರುವುದು ತಪ್ಪು’ ಎಂದರು. ಆಗ ವೇದಿಕೆಯಲ್ಲಿದ್ದ ಸಾಹಿತ್ಯ ಅಕಾಡೆಮಿ ಕಾರ್ಯದರ್ಶಿ ಮಹಾಲಿಂಗೇಶ ಅವರು ಕ್ಷಮೆಯಾಚಿಸಿದರು. ಇದಕ್ಕೆ ಪ್ರತಿಕ್ರಿಯಿಸಿದ ಕಂಬಾರ, ‘ಈ ರೀತಿ ಆಗಿದ್ದಕ್ಕೆ ವಿಷಾದವಿದೆ. ಈ ಕುರಿತು ತಂಡದವರನ್ನು ಪ್ರಶ್ನಿಸಿದಾಗ, ರಾಷ್ಟ್ರೀಯ ನಾಟಕ ಶಾಲೆಯಲ್ಲಿ ಈ ತರಹದ ಒಂದು ಲಿಪಿಯಿತ್ತು. ಅದನ್ನು ಬಳಸಿಕೊಂಡಿದ್ದೇವೆ ಎಂದು ಹೇಳಿದ್ದರು’ ಎಂದರು.

. ‘ಹೀಗಾಗಿಯೇ ನಾಟಕವನ್ನು ನಾನು ಪೂರ್ಣವಾಗಿ ನೋಡಿದೆ. ಕರಿಮಾಯಿಯನ್ನು ಇಲ್ಲಿ ಸಂಪೂರ್ಣವಾಗಿ ಬದಲಾಯಿಸಿ ರೂಪಿಸಿದ್ದಾರೆ. ಒಂದು ಕೃತಿಯನ್ನು ಅಳವಡಿಸಿಕೊಂಡು, ಬೇರೆ ಬೇರೆ ರೀತಿಯಲ್ಲಿ ಪ್ರಸ್ತುತಪಡಿಸುತ್ತಾರೆ. ಆದರೆ, ಒಬ್ಬರ ಕೃತಿಯನ್ನು ಈ ರೀತಿ ಕದಿಯುವುದು ಸರಿಯಲ್ಲ’ ಎಂದು ಹೇಳಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ರಂಗಭೂಮಿ ವರ್ತಮಾನಕ್ಕೆ ಸ್ಪಂದಿಸಬೇಕು’

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಚುರುಮುರಿ: ಕೋಟಿ ಕಿಮ್ಮತ್ತಿನ ಕೋಣ

ದಿನ ಭವಿಷ್ಯ: ಈ ರಾಶಿಯವರು ಆಧ್ಯಾತ್ಮಿಕ ವಿಚಾರಗಳತ್ತ ಗಮನ ಹರಿಸುವಿರಿ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ಪುರುಷರ ಐಟಿಎಫ್‌ ಟೆನಿಸ್‌: ಸಿದ್ಧಾಂತ್, ಕಬೀರ್ ಮುಖ್ಯಸುತ್ತಿಗೆ ಲಗ್ಗೆ

ಮಿನಿ ಒಲಿಂಪಿಕ್ಸ್‌: ಹರ್ಡಲ್ಸ್‌; ಅಥರ್ವ, ಶಾಶ್ವತಿ ಚಾಂಪಿಯನ್‌

ವಿಕಲಾಂಗರ ಚೆಸ್‌: ಸಮರ್ಥ್‌ಗೆ ಬೆಳ್ಳಿ

ಮಹಿಳೆಯರ ಏಷ್ಯನ್ ಚಾಂಪಿಯನ್ಸ್‌ ಟ್ರೋಫಿ ಹಾಕಿ ಸೆಮಿಫೈನಲ್: ಗೆಲ್ಲುವ ನೆಚ್ಚಿನ ತಂಡ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಚುರುಮುರಿ: ಕೋಟಿ ಕಿಮ್ಮತ್ತಿನ ಕೋಣ

ದಿನ ಭವಿಷ್ಯ: ಈ ರಾಶಿಯವರು ಆಧ್ಯಾತ್ಮಿಕ ವಿಚಾರಗಳತ್ತ ಗಮನ ಹರಿಸುವಿರಿ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024