<div> <strong>ಬೆಂಗಳೂರು:</strong> ನಗರದ ಎಂಜಿನಿಯರ್ ಎಚ್.ರಾಜಸಿಂಹ ಅವರು ಅಭಿವೃದ್ಧಿಪಡಿಸಿರುವ ಕಡಿಮೆ ವೆಚ್ಚದ, ಸರಳ ಶೌಚಾಲಯದ ಮಾದರಿಯನ್ನು ಅಳವಡಿಸಿಕೊಳ್ಳಲು ಸೆನೆಗಲ್ ದೇಶದ ಜಿಂಗ್ವಿನ್ಚೊರ್ ನಗರ ಒಪ್ಪಂದ ಮಾಡಿಕೊಂಡಿದೆ.<br /> <div> ಏನಿದರ ವಿಶೇಷ: ಶೌಚಾಲಯ ನಿರ್ಮಿಸಲು ಅಗತ್ಯವಿರುವ ಕಮೋಡ್, ಕಾಂಕ್ರೀಟ್ ಹಲಗೆಗಳು, ಬಾಗಿಲು, ಜಂಕ್ಷನ್ ಬಾಕ್ಸ್, ಪಿಟ್ಗಳಲ್ಲಿ ಅಳವಡಿಸುವ ಮಲ್ಟಿ ವಾಲ್ವ್ ಪಾಲಿಕಾರ್ಬೋನೇಟ್ ಹಾಳೆ, ನಟ್ ಹಾಗೂ ಬೋಲ್ಟ್ಗಳನ್ನು ಹೊಂದಿರುವ ಕಿಟ್ ಅನ್ನು ರಾಜಸಿಂಹ ಅವರು ರೂಪಿಸಿದ್ದಾರೆ.<br /> <br /> ಇದನ್ನು ಬಳಸಿ ಒಂದೇ ದಿನದಲ್ಲಿ ಶೌಚಾಲಯವನ್ನು ನಿರ್ಮಿಸಬಹುದು. ಇದಕ್ಕೆ ತಗಲುವ ವೆಚ್ಚ ಕೇವಲ ₹ 12 ಸಾವಿರ. </div><div> ಮೇಸ್ತ್ರಿ, ಪ್ಲಂಬರ್ ಬೇಕಿಲ್ಲ: ಈ ಶೌಚಾಲಯ ನಿರ್ಮಿಸಲು ಮೇಸ್ತ್ರಿ ಹಾಗೂ ಪ್ಲಂಬರ್ ಅಗತ್ಯವಿಲ್ಲ. ಮನೆಯವರೇ ನಿರ್ಮಿಸಲು ಸುಲಭವಾಗುವಂತಹ ವಿನ್ಯಾಸವನ್ನು ಇದು ಹೊಂದಿದೆ. </div><div> </div><div> ‘ಒಂದೂವರೆ ಇಂಚು ದಪ್ಪದ ಕಾಂಕ್ರೀಟ್ (ಎಂ40 ದರ್ಜೆ) ಹಲಗೆಗಳನ್ನು ನೆಟ್ ಹಾಗೂ ಬೋಲ್ಟ್ಗಳ ಸಹಾಯದಿಂದ ಜೋಡಿಸಿದರೆ ಗೋಡೆಗಳು ಹಾಗೂ ಚಾವಣಿ ಸಿದ್ಧ. ಅದರೊಳಗೆ ಕಮೋಡ್ ಅಳವಡಿಸಬಹುದು. ಎರಡು ಇಂಗುಗುಂಡಿಗಳಿಗೆ ಸಂಪರ್ಕ ಕಲ್ಪಿಸುವ ಕೊಳವೆಗಳನ್ನೂ ಸೇರಿಸುವ ಜಂಕ್ಷನ್ ಬಾಕ್ಸ್ಗೆ ಕಮೋಡ್ ಅನ್ನು ಜೋಡಿಸಬೇಕು.</div><div> </div><div> ಒಂದು ಇಂಗುಗುಂಡಿಗೆ ಸಂಪರ್ಕ ಕಲ್ಪಿಸುವಾಗ, ಇನ್ನೊಂದು ಗುಂಡಿಯ ಕೊಳವೆ ಮುಚ್ಚುವಂತೆ ಇದನ್ನು ರೂಪಿಸಲಾಗಿದೆ. ಈ ಮಾದರಿಗೆ ನಾನು ಪೇಟೆಂಟ್ ಪಡೆದಿದ್ದೇನೆ’ ಎಂದು ಕರ್ನಾಟಕ ಕೈಗಾರಿಕಾ ಪ್ರದೇಶ ಅಭಿವೃದ್ಧಿ ಮಂಡಳಿಯ (ಕೆಐಎಡಿಬಿ) ತಾಂತ್ರಿಕ ಸಲಹೆಗಾರರಾಗಿರುವ ರಾಜಸಿಂಹ ವಿವರಿಸಿದರು. </div><div> </div><div> ಕಡಿಮೆ ಜಾಗ: ‘ಇಡೀ ಶೌಚಾಲಯಕ್ಕೆ (ಇಂಗುಗುಂಡಿ ಸಹಿತ ) 11x8 ಅಡಿ ಜಾಗ ಸಾಕು. ಕೊಠಡಿ ನಿರ್ಮಿಸಲು 3x4 ಅಡಿ ಜಾಗ ಸಾಕು. ಚಾವಣಿಯಲ್ಲಿ ನೀರಿನ ತೊಟ್ಟಿ ಹಾಗೂ ಸೌರ ದೀಪ ಅಳವಡಿಸಲು ಹೆಚ್ಚುವರಿ ವೆಚ್ಚವಾಗುತ್ತದೆ. ಗುಜರಾತ್ನ ಆನಂದ್ನಲ್ಲಿ 1 ಸಾವಿರ ಹಾಗೂ ದಿಯುವಿನಲ್ಲಿ 500 ಶೌಚಾಲಯಗಳನ್ನು ನಿರ್ಮಿಸಿಕೊಟ್ಟಿದ್ದೇವೆ’ ಎಂದರು. </div><div> </div><div> ‘ಜಿಂಗ್ವಿನ್ಚೊರ್ ನಗರ 2.3 ಲಕ್ಷ ಜನಸಂಖ್ಯೆಯನ್ನು ಹೊಂದಿದೆ. ಈ ಪೈಕಿ ಶೇ 45ರಷ್ಟು ಮನೆಗಳಲ್ಲಿ ಶೌಚಾಲಯ ಇಲ್ಲ. ಕಡಿಮೆ ವೆಚ್ಚದಲ್ಲಿ ಸದೃಢ ಶೌಚಾಲಯ ನಿರ್ಮಿಸುವ ಕುರಿತು ಇಂಟರ್ನೆಟ್ನಲ್ಲಿ ಪರಿಶೀಲಿಸಿದಾಗ ಜಯಸಿಂಹ ಅವರು ಅಭಿವೃದ್ಧಿಪಡಿಸಿದ ಮಾದರಿ ಕಣ್ಣಿಗೆ ಬಿತ್ತು’ ಎಂದು ಅಲ್ಲಿನ ಮೇಯರ್ ಸೆಡೌ ಸಾನೆ ತಿಳಿಸಿದರು.</div><div> </div><div> ‘ಪ್ರಾಯೋಗಿಕವಾಗಿ 200 ಶೌಚಾಲಯಗಳನ್ನು ನಿರ್ಮಿಸುತ್ತೇವೆ. ಜನರಿಗೆ ಮೆಚ್ಚುಗೆಯಾದರೆ ಇನ್ನಷ್ಟು ಶೌಚಾಲಯ ನಿರ್ಮಿಸುವ ಉದ್ದೇಶ ಹೊಂದಿದ್ದೇವೆ. ಈ ಯೋಜನೆಗೆ ವಿಶ್ವಬ್ಯಾಂಕ್ ಹಾಗೂ ಆಫ್ರಿಕಾ ಅಭಿವೃದ್ಧಿ ಬ್ಯಾಂಕ್ ಆರ್ಥಿಕ ನೆರವು ಒದಗಿಸುತ್ತಿದೆ’ ಎಂದು ಮೇಯರ್ ಜೊತೆಗೆ ಬಂದಿರುವ ಆಫ್ರಿಕನ್ ಬಯೊರಿಸೋರ್ಸ್ ಕಂಪೆನಿಯ ಪ್ರಧಾನ ವ್ಯವಸ್ಥಾಪಕಿ ನದೆಯೇ ಫತಾವು ಕೌಲಿಬಾಲಿ ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.</div><div> </div><div> <strong>‘ಕಡಿಮೆ ವೆಚ್ಚದ ಸಮುದಾಯ ಶೌಚಾಲಯ’</strong><br /> ‘ಪುರುಷರಿಗೆ ಹಾಗೂ ಮಹಿಳೆಯರಿಗೆ ತಲಾ ಆರು ಶೌಚಾಲಯ, ನಿರ್ವಹಣಾ ಸಿಬ್ಬಂದಿಗೆ ಪ್ರತ್ಯೇಕ ಕೊಠಡಿ ಸೌಲಭ್ಯ ಇರುವ ಸಮುದಾಯ ಶೌಚಾಲಯದ ಮಾದರಿಯನ್ನು ಅಭಿವೃದ್ಧಿಪಡಿಸಿದ್ದೇನೆ’ ಎಂದು ರಾಜಸಿಂಹ ತಿಳಿಸಿದರು.<br /> ಶಾಲೆಗಳಿಗೆ ಪ್ರತ್ಯೇಕ ಮಾದರಿ: ಶಾಲೆಗಳಿಗಾಗಿ, ಶೌಚಾಲಯ ಹಾಗೂ ಮೂತ್ರಾಲಯಗಳ ಸೌಲಭ್ಯವಿರುವ ಮಾದರಿಯನ್ನು ಅವರು ಅಭಿವೃದ್ಧಿಪಡಿಸಿದ್ದಾರೆ.<br /> <br /> ‘ಇದರಲ್ಲಿ ಎರಡು ಶೌಚಾಲಯ, ಐದು ಮೂತ್ರಾಲಯ, ಎರಡು ಕೈತೊಳೆಯುವ ಬೇಸಿನ್ಗಳನ್ನುಅಳವಡಿಸಬಹುದು. ಶಾಲೆಗಳಲ್ಲಿ ಒಂದು ಕಮೋಡ್, ಒಂದು ಮೂತ್ರಾಲಯ ಹಾಗೂ ಕೈತೊಳೆಯುವ ಬೇಸಿನ್ ಹೊಂದಿರುವ ಶೌಚಾಲಯ ನಿರ್ಮಾಣಕ್ಕೆ ಸರ್ಕಾರ ಈಗ ₹1.2 ಲಕ್ಷ ವೆಚ್ಚ ಮಾಡುತ್ತಿದೆ. ನಾನು ಅಭಿವೃದ್ಧಿ ಪಡಿಸಿದ ಮಾದರಿಯ ಶೌಚಾಲಯವನ್ನು ಅಷ್ಟೇ ವೆಚ್ಚದಲ್ಲಿ ನಿರ್ಮಿಸಬಹುದು’ ಎಂದರು.</div><div> </div><div> * ಜನರು ಸುಲಭದಲ್ಲಿ ಶೌಚಾಲಯ ನಿರ್ಮಿಸಬೇಕೆಂಬುದು ನನ್ನ ಉದ್ದೇಶ. ಯಾರಾದರೂ, ಮುಂದೆ ಬಂದರೆ ಅಭಿವೃದ್ಧಿಪಡಿಸಿರುವ ತಂತ್ರಜ್ಞಾನ ಒದಗಿಸಲು ನಾನು ಸಿದ್ಧ<br /> <em><strong>ಎಚ್.ರಾಜಸಿಂಹ, ಕೆಐಎಡಿಬಿ, ತಾಂತ್ರಿಕ ಸಲಹೆಗಾರ</strong></em></div></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<div> <strong>ಬೆಂಗಳೂರು:</strong> ನಗರದ ಎಂಜಿನಿಯರ್ ಎಚ್.ರಾಜಸಿಂಹ ಅವರು ಅಭಿವೃದ್ಧಿಪಡಿಸಿರುವ ಕಡಿಮೆ ವೆಚ್ಚದ, ಸರಳ ಶೌಚಾಲಯದ ಮಾದರಿಯನ್ನು ಅಳವಡಿಸಿಕೊಳ್ಳಲು ಸೆನೆಗಲ್ ದೇಶದ ಜಿಂಗ್ವಿನ್ಚೊರ್ ನಗರ ಒಪ್ಪಂದ ಮಾಡಿಕೊಂಡಿದೆ.<br /> <div> ಏನಿದರ ವಿಶೇಷ: ಶೌಚಾಲಯ ನಿರ್ಮಿಸಲು ಅಗತ್ಯವಿರುವ ಕಮೋಡ್, ಕಾಂಕ್ರೀಟ್ ಹಲಗೆಗಳು, ಬಾಗಿಲು, ಜಂಕ್ಷನ್ ಬಾಕ್ಸ್, ಪಿಟ್ಗಳಲ್ಲಿ ಅಳವಡಿಸುವ ಮಲ್ಟಿ ವಾಲ್ವ್ ಪಾಲಿಕಾರ್ಬೋನೇಟ್ ಹಾಳೆ, ನಟ್ ಹಾಗೂ ಬೋಲ್ಟ್ಗಳನ್ನು ಹೊಂದಿರುವ ಕಿಟ್ ಅನ್ನು ರಾಜಸಿಂಹ ಅವರು ರೂಪಿಸಿದ್ದಾರೆ.<br /> <br /> ಇದನ್ನು ಬಳಸಿ ಒಂದೇ ದಿನದಲ್ಲಿ ಶೌಚಾಲಯವನ್ನು ನಿರ್ಮಿಸಬಹುದು. ಇದಕ್ಕೆ ತಗಲುವ ವೆಚ್ಚ ಕೇವಲ ₹ 12 ಸಾವಿರ. </div><div> ಮೇಸ್ತ್ರಿ, ಪ್ಲಂಬರ್ ಬೇಕಿಲ್ಲ: ಈ ಶೌಚಾಲಯ ನಿರ್ಮಿಸಲು ಮೇಸ್ತ್ರಿ ಹಾಗೂ ಪ್ಲಂಬರ್ ಅಗತ್ಯವಿಲ್ಲ. ಮನೆಯವರೇ ನಿರ್ಮಿಸಲು ಸುಲಭವಾಗುವಂತಹ ವಿನ್ಯಾಸವನ್ನು ಇದು ಹೊಂದಿದೆ. </div><div> </div><div> ‘ಒಂದೂವರೆ ಇಂಚು ದಪ್ಪದ ಕಾಂಕ್ರೀಟ್ (ಎಂ40 ದರ್ಜೆ) ಹಲಗೆಗಳನ್ನು ನೆಟ್ ಹಾಗೂ ಬೋಲ್ಟ್ಗಳ ಸಹಾಯದಿಂದ ಜೋಡಿಸಿದರೆ ಗೋಡೆಗಳು ಹಾಗೂ ಚಾವಣಿ ಸಿದ್ಧ. ಅದರೊಳಗೆ ಕಮೋಡ್ ಅಳವಡಿಸಬಹುದು. ಎರಡು ಇಂಗುಗುಂಡಿಗಳಿಗೆ ಸಂಪರ್ಕ ಕಲ್ಪಿಸುವ ಕೊಳವೆಗಳನ್ನೂ ಸೇರಿಸುವ ಜಂಕ್ಷನ್ ಬಾಕ್ಸ್ಗೆ ಕಮೋಡ್ ಅನ್ನು ಜೋಡಿಸಬೇಕು.</div><div> </div><div> ಒಂದು ಇಂಗುಗುಂಡಿಗೆ ಸಂಪರ್ಕ ಕಲ್ಪಿಸುವಾಗ, ಇನ್ನೊಂದು ಗುಂಡಿಯ ಕೊಳವೆ ಮುಚ್ಚುವಂತೆ ಇದನ್ನು ರೂಪಿಸಲಾಗಿದೆ. ಈ ಮಾದರಿಗೆ ನಾನು ಪೇಟೆಂಟ್ ಪಡೆದಿದ್ದೇನೆ’ ಎಂದು ಕರ್ನಾಟಕ ಕೈಗಾರಿಕಾ ಪ್ರದೇಶ ಅಭಿವೃದ್ಧಿ ಮಂಡಳಿಯ (ಕೆಐಎಡಿಬಿ) ತಾಂತ್ರಿಕ ಸಲಹೆಗಾರರಾಗಿರುವ ರಾಜಸಿಂಹ ವಿವರಿಸಿದರು. </div><div> </div><div> ಕಡಿಮೆ ಜಾಗ: ‘ಇಡೀ ಶೌಚಾಲಯಕ್ಕೆ (ಇಂಗುಗುಂಡಿ ಸಹಿತ ) 11x8 ಅಡಿ ಜಾಗ ಸಾಕು. ಕೊಠಡಿ ನಿರ್ಮಿಸಲು 3x4 ಅಡಿ ಜಾಗ ಸಾಕು. ಚಾವಣಿಯಲ್ಲಿ ನೀರಿನ ತೊಟ್ಟಿ ಹಾಗೂ ಸೌರ ದೀಪ ಅಳವಡಿಸಲು ಹೆಚ್ಚುವರಿ ವೆಚ್ಚವಾಗುತ್ತದೆ. ಗುಜರಾತ್ನ ಆನಂದ್ನಲ್ಲಿ 1 ಸಾವಿರ ಹಾಗೂ ದಿಯುವಿನಲ್ಲಿ 500 ಶೌಚಾಲಯಗಳನ್ನು ನಿರ್ಮಿಸಿಕೊಟ್ಟಿದ್ದೇವೆ’ ಎಂದರು. </div><div> </div><div> ‘ಜಿಂಗ್ವಿನ್ಚೊರ್ ನಗರ 2.3 ಲಕ್ಷ ಜನಸಂಖ್ಯೆಯನ್ನು ಹೊಂದಿದೆ. ಈ ಪೈಕಿ ಶೇ 45ರಷ್ಟು ಮನೆಗಳಲ್ಲಿ ಶೌಚಾಲಯ ಇಲ್ಲ. ಕಡಿಮೆ ವೆಚ್ಚದಲ್ಲಿ ಸದೃಢ ಶೌಚಾಲಯ ನಿರ್ಮಿಸುವ ಕುರಿತು ಇಂಟರ್ನೆಟ್ನಲ್ಲಿ ಪರಿಶೀಲಿಸಿದಾಗ ಜಯಸಿಂಹ ಅವರು ಅಭಿವೃದ್ಧಿಪಡಿಸಿದ ಮಾದರಿ ಕಣ್ಣಿಗೆ ಬಿತ್ತು’ ಎಂದು ಅಲ್ಲಿನ ಮೇಯರ್ ಸೆಡೌ ಸಾನೆ ತಿಳಿಸಿದರು.</div><div> </div><div> ‘ಪ್ರಾಯೋಗಿಕವಾಗಿ 200 ಶೌಚಾಲಯಗಳನ್ನು ನಿರ್ಮಿಸುತ್ತೇವೆ. ಜನರಿಗೆ ಮೆಚ್ಚುಗೆಯಾದರೆ ಇನ್ನಷ್ಟು ಶೌಚಾಲಯ ನಿರ್ಮಿಸುವ ಉದ್ದೇಶ ಹೊಂದಿದ್ದೇವೆ. ಈ ಯೋಜನೆಗೆ ವಿಶ್ವಬ್ಯಾಂಕ್ ಹಾಗೂ ಆಫ್ರಿಕಾ ಅಭಿವೃದ್ಧಿ ಬ್ಯಾಂಕ್ ಆರ್ಥಿಕ ನೆರವು ಒದಗಿಸುತ್ತಿದೆ’ ಎಂದು ಮೇಯರ್ ಜೊತೆಗೆ ಬಂದಿರುವ ಆಫ್ರಿಕನ್ ಬಯೊರಿಸೋರ್ಸ್ ಕಂಪೆನಿಯ ಪ್ರಧಾನ ವ್ಯವಸ್ಥಾಪಕಿ ನದೆಯೇ ಫತಾವು ಕೌಲಿಬಾಲಿ ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.</div><div> </div><div> <strong>‘ಕಡಿಮೆ ವೆಚ್ಚದ ಸಮುದಾಯ ಶೌಚಾಲಯ’</strong><br /> ‘ಪುರುಷರಿಗೆ ಹಾಗೂ ಮಹಿಳೆಯರಿಗೆ ತಲಾ ಆರು ಶೌಚಾಲಯ, ನಿರ್ವಹಣಾ ಸಿಬ್ಬಂದಿಗೆ ಪ್ರತ್ಯೇಕ ಕೊಠಡಿ ಸೌಲಭ್ಯ ಇರುವ ಸಮುದಾಯ ಶೌಚಾಲಯದ ಮಾದರಿಯನ್ನು ಅಭಿವೃದ್ಧಿಪಡಿಸಿದ್ದೇನೆ’ ಎಂದು ರಾಜಸಿಂಹ ತಿಳಿಸಿದರು.<br /> ಶಾಲೆಗಳಿಗೆ ಪ್ರತ್ಯೇಕ ಮಾದರಿ: ಶಾಲೆಗಳಿಗಾಗಿ, ಶೌಚಾಲಯ ಹಾಗೂ ಮೂತ್ರಾಲಯಗಳ ಸೌಲಭ್ಯವಿರುವ ಮಾದರಿಯನ್ನು ಅವರು ಅಭಿವೃದ್ಧಿಪಡಿಸಿದ್ದಾರೆ.<br /> <br /> ‘ಇದರಲ್ಲಿ ಎರಡು ಶೌಚಾಲಯ, ಐದು ಮೂತ್ರಾಲಯ, ಎರಡು ಕೈತೊಳೆಯುವ ಬೇಸಿನ್ಗಳನ್ನುಅಳವಡಿಸಬಹುದು. ಶಾಲೆಗಳಲ್ಲಿ ಒಂದು ಕಮೋಡ್, ಒಂದು ಮೂತ್ರಾಲಯ ಹಾಗೂ ಕೈತೊಳೆಯುವ ಬೇಸಿನ್ ಹೊಂದಿರುವ ಶೌಚಾಲಯ ನಿರ್ಮಾಣಕ್ಕೆ ಸರ್ಕಾರ ಈಗ ₹1.2 ಲಕ್ಷ ವೆಚ್ಚ ಮಾಡುತ್ತಿದೆ. ನಾನು ಅಭಿವೃದ್ಧಿ ಪಡಿಸಿದ ಮಾದರಿಯ ಶೌಚಾಲಯವನ್ನು ಅಷ್ಟೇ ವೆಚ್ಚದಲ್ಲಿ ನಿರ್ಮಿಸಬಹುದು’ ಎಂದರು.</div><div> </div><div> * ಜನರು ಸುಲಭದಲ್ಲಿ ಶೌಚಾಲಯ ನಿರ್ಮಿಸಬೇಕೆಂಬುದು ನನ್ನ ಉದ್ದೇಶ. ಯಾರಾದರೂ, ಮುಂದೆ ಬಂದರೆ ಅಭಿವೃದ್ಧಿಪಡಿಸಿರುವ ತಂತ್ರಜ್ಞಾನ ಒದಗಿಸಲು ನಾನು ಸಿದ್ಧ<br /> <em><strong>ಎಚ್.ರಾಜಸಿಂಹ, ಕೆಐಎಡಿಬಿ, ತಾಂತ್ರಿಕ ಸಲಹೆಗಾರ</strong></em></div></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
