<div> <strong>ಬೆಂಗಳೂರು:</strong> ‘ದಲಿತರ ಮನೆಗೆ ಹೋಗಿ ಊಟ ಮಾಡುವುದರಿಂದ ಜಾತಿಭೇದ ನಾಶವಾಗುವುದಿಲ್ಲ’ ಎಂದು ಸಂಶೋಧಕ ಡಾ.ಎಂ. ಚಿದಾನಂದಮೂರ್ತಿ ಹೇಳಿದರು.<br /> <div> ಕನ್ನಡ ಸಾಹಿತ್ಯ ಪರಿಷತ್ತು ಮತ್ತು ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ ಕೊಡಮಾಡುವ ‘ನೃಪತುಂಗ ಸಾಹಿತ್ಯ ಪ್ರಶಸ್ತಿ’ಯನ್ನು ಗುರುವಾರ ಇಲ್ಲಿ ಸ್ವೀಕರಿಸಿ ಅವರು ಮಾತನಾಡಿದರು. </div><div> </div><div> ‘ಜಾತಿಪದ್ಧತಿ ಆಚರಣೆಯಲ್ಲಿರುವುದಕ್ಕೆ ನನ್ನ ವಿಷಾದವಿದೆ. ದಲಿತರ ಮನೆಗೆ ಹೆಣ್ಣು ಕೊಡಬೇಕು. ಅವರ ಮನೆಯಿಂದ ಹೆಣ್ಣು ತರಬೇಕು. ಆಗ ಜಾತಿ ತಾರತಮ್ಯ ಕಡಿಮೆ ಆಗಲಿದೆ’ ಎಂದು ಅವರು ತಿಳಿಸಿದರು.</div><div> </div><div> <strong>‘ಬೆಳಗಾವಿ ನಮ್ಮದು’: </strong> ‘ಗೋದಾವರಿಯಿಂದ ಕಾವೇರಿ ನದಿಯವರೆಗೂ ಕನ್ನಡ ನಾಡಿತ್ತು ಎಂಬುದಕ್ಕೆ ಐತಿಹಾಸಿಕ ದಾಖಲೆಗಳಿವೆ. ಮಹಾರಾಷ್ಟ್ರದ ಉತ್ತರ ತುದಿಯ ಜಿಲ್ಲೆಯಾದ ನಾಸಿಕ್ನಲ್ಲಿ ಹಳಗನ್ನಡ ಮಾತನಾಡುವ ಅಲೆಮಾರಿ ಸಮುದಾಯಗಳು ಈಗಲೂ ಇವೆ.</div><div> </div><div> ಆದರೆ, ಮಹಾರಾಷ್ಟ್ರ ಏಕೀಕರಣ ಸಮಿತಿ ಮಹಾಜನ್ ಆಯೋಗದ ವರದಿ ಒಪ್ಪಿಕೊಳ್ಳುತ್ತಿಲ್ಲ. ವರದಿಯನ್ವಯ ಬೆಳಗಾವಿ, ನಿಪ್ಪಾಣಿ, ಸೊಲ್ಲಾಪುರ ನಮ್ಮ ರಾಜ್ಯಕ್ಕೆ ಸೇರಬೇಕು’ ಎಂದು ಪ್ರತಿಪಾದಿಸಿದರು. <br /> </div><div> ಅಭಿನಂದನಾ ನುಡಿಗಳನ್ನಾಡಿದ ವಿಮರ್ಶಕ ನರಹಳ್ಳಿ ಬಾಲಸುಬ್ರಹ್ಮಣ್ಯ, ‘ಜೀವಿತಾವಧಿಯ ಹೆಚ್ಚು ಸಮಯವನ್ನು ಚಿದಾನಂದ ಮೂರ್ತಿ ಅವರು ಗ್ರಂಥಾಲಯ ಮತ್ತು ವಿಶ್ವವಿದ್ಯಾಲಯದ ತರಗತಿಗಳಲ್ಲಿ ಕಳೆದಿದ್ದಾರೆ. ಇವರು ಗಂಭೀರ ವಿಷಯಗಳನ್ನು ಲೋಪವಿಲ್ಲದಂತೆ ಅರ್ಥೈಸಬಲ್ಲರು. ಭಾರತದಲ್ಲಿನ ಶ್ರೇಷ್ಠ ಸಂಶೋಧಕರಲ್ಲಿ ಇವರು ಒಬ್ಬರು’ ಎಂದರು. </div><div> </div><div> ‘ಅಧಿಕಾರ ಪಡೆಯಲು ಇಂದು ಪೈಪೋಟಿ ಇದೆ. ವಿಧಾನ ಪರಿಷತ್ ಸದಸ್ಯ ಹಾಗೂ ರಾಜ್ಯಸಭಾ ಸದಸ್ಯರಾಗುವಂತೆ ಆಹ್ವಾನ ಬಂದಿದ್ದರೂ, ಅದನ್ನು ನಯವಾಗಿ ನಿರಾಕರಿಸಿ ಸಂತಗುಣ ಪ್ರದರ್ಶಿಸಿದ್ದಾರೆ.</div><div> </div><div> ಸತ್ಯನಿಷ್ಠೆ, ಪ್ರಾಮಾಣಿಕತೆ, ಅನಿಸಿದ್ದನ್ನು ಹೇಳುವುದು ಮತ್ತು ವಿಚಾರದಲ್ಲಿ ರಾಜಿ ಮಾಡಿಕೊಳ್ಳದಿರುವುದು ಚಿದಾನಂದ ಮೂರ್ತಿ ಅವರ ಶ್ರೇಷ್ಠ ಗುಣಗಳು’ ಎಂದು ಗುಣಗಾನ ಮಾಡಿದರು. </div><div> </div><div> ‘ಯಾವುದೇ ಕ್ಷೇತ್ರ ಬೆಳೆಯಲು ಸಂಶೋಧನಾ ವಿಭಾಗ ಅಗತ್ಯ. ವಿಶ್ವವಿದ್ಯಾಲಯಗಳಲ್ಲಿನ ಸಂಶೋಧನಾ ವಿಭಾಗ ಇಂದು ಸೊರಗಿದೆ. ಹಾಗಾಗಿ, ಉಪಯುಕ್ತವಾದ ಪಿಎಚ್.ಡಿ. ಪ್ರಬಂಧಗಳು ಹೊರಬರುತ್ತಿಲ್ಲ.</div><div> </div><div> ಅವನ್ನು ಪ್ರಕಟಿಸಿ ಜನರಿಗೆ ತಲುಪಿಸುವ ಹಂಬಲವೂ ಸಂಶೋಧಕರಿಗೆ ಇಲ್ಲ’ ಎಂದು ಬೇಸರ ವ್ಯಕ್ತಪಡಿಸಿದರು. ನೃಪತುಂಗ ಸಾಹಿತ್ಯ ಪ್ರಶಸ್ತಿಯು ₹ 7 ಲಕ್ಷ ಒಳಗೊಂಡಿದೆ.</div><div> ****<br /> <strong>‘ಸಮ್ಮೇಳನಾಧ್ಯಕ್ಷರ ಸ್ಥಾನ ನೀಡಿ’</strong></div><p>‘ಸಂಶೋಧನೆ, ಬೋಧನೆ, ಸಂಘಟನೆಯ ಕೆಲಸ ಮಾಡುತ್ತಿರುವ ಚಿದಾನಂದಮೂರ್ತಿ ಅವರಿಗೆ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷ ಸ್ಥಾನದ ಗೌರವ ಈಗಾಗಲೇ ಸಲ್ಲಬೇಕಿತ್ತು’ ಎಂದು ನರಹಳ್ಳಿ ಬಾಲಸುಬ್ರಹ್ಮಣ್ಯ ಹೇಳಿದಾಗ ಕೆಲ ಸಭಿಕರು ‘ಈ ಬಾರಿ ಅಧ್ಯಕ್ಷ ಸ್ಥಾನ ನೀಡಿ’ ಎಂದು ಧ್ವನಿಗೂಡಿಸಿದರು.</p><p>****<br /> ಸಾರಿಗೆ ಸಂಸ್ಥೆ ಬೆಂಗಳೂರಿನಲ್ಲಿ ರಂಗಮಂದಿರ ನಿರ್ಮಿಸಬೇಕು. ಸಾರಿಗೆ ನೌಕರರ ಸಾಹಿತ್ಯ ಸಮ್ಮೇಳನ ಮಾಡಬೇಕು. ಪ್ರಶಸ್ತಿ ಮೊತ್ತವನ್ನು ₹ 10 ಲಕ್ಷಕ್ಕೆ ಹೆಚ್ಚಿಸಬೇಕು.<br /> <strong>ಮನು ಬಳಿಗಾರ್, ಅಧ್ಯಕ್ಷ, ಕನ್ನಡ ಸಾಹಿತ್ಯ ಪರಿಷತ್ತು</strong></p></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<div> <strong>ಬೆಂಗಳೂರು:</strong> ‘ದಲಿತರ ಮನೆಗೆ ಹೋಗಿ ಊಟ ಮಾಡುವುದರಿಂದ ಜಾತಿಭೇದ ನಾಶವಾಗುವುದಿಲ್ಲ’ ಎಂದು ಸಂಶೋಧಕ ಡಾ.ಎಂ. ಚಿದಾನಂದಮೂರ್ತಿ ಹೇಳಿದರು.<br /> <div> ಕನ್ನಡ ಸಾಹಿತ್ಯ ಪರಿಷತ್ತು ಮತ್ತು ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ ಕೊಡಮಾಡುವ ‘ನೃಪತುಂಗ ಸಾಹಿತ್ಯ ಪ್ರಶಸ್ತಿ’ಯನ್ನು ಗುರುವಾರ ಇಲ್ಲಿ ಸ್ವೀಕರಿಸಿ ಅವರು ಮಾತನಾಡಿದರು. </div><div> </div><div> ‘ಜಾತಿಪದ್ಧತಿ ಆಚರಣೆಯಲ್ಲಿರುವುದಕ್ಕೆ ನನ್ನ ವಿಷಾದವಿದೆ. ದಲಿತರ ಮನೆಗೆ ಹೆಣ್ಣು ಕೊಡಬೇಕು. ಅವರ ಮನೆಯಿಂದ ಹೆಣ್ಣು ತರಬೇಕು. ಆಗ ಜಾತಿ ತಾರತಮ್ಯ ಕಡಿಮೆ ಆಗಲಿದೆ’ ಎಂದು ಅವರು ತಿಳಿಸಿದರು.</div><div> </div><div> <strong>‘ಬೆಳಗಾವಿ ನಮ್ಮದು’: </strong> ‘ಗೋದಾವರಿಯಿಂದ ಕಾವೇರಿ ನದಿಯವರೆಗೂ ಕನ್ನಡ ನಾಡಿತ್ತು ಎಂಬುದಕ್ಕೆ ಐತಿಹಾಸಿಕ ದಾಖಲೆಗಳಿವೆ. ಮಹಾರಾಷ್ಟ್ರದ ಉತ್ತರ ತುದಿಯ ಜಿಲ್ಲೆಯಾದ ನಾಸಿಕ್ನಲ್ಲಿ ಹಳಗನ್ನಡ ಮಾತನಾಡುವ ಅಲೆಮಾರಿ ಸಮುದಾಯಗಳು ಈಗಲೂ ಇವೆ.</div><div> </div><div> ಆದರೆ, ಮಹಾರಾಷ್ಟ್ರ ಏಕೀಕರಣ ಸಮಿತಿ ಮಹಾಜನ್ ಆಯೋಗದ ವರದಿ ಒಪ್ಪಿಕೊಳ್ಳುತ್ತಿಲ್ಲ. ವರದಿಯನ್ವಯ ಬೆಳಗಾವಿ, ನಿಪ್ಪಾಣಿ, ಸೊಲ್ಲಾಪುರ ನಮ್ಮ ರಾಜ್ಯಕ್ಕೆ ಸೇರಬೇಕು’ ಎಂದು ಪ್ರತಿಪಾದಿಸಿದರು. <br /> </div><div> ಅಭಿನಂದನಾ ನುಡಿಗಳನ್ನಾಡಿದ ವಿಮರ್ಶಕ ನರಹಳ್ಳಿ ಬಾಲಸುಬ್ರಹ್ಮಣ್ಯ, ‘ಜೀವಿತಾವಧಿಯ ಹೆಚ್ಚು ಸಮಯವನ್ನು ಚಿದಾನಂದ ಮೂರ್ತಿ ಅವರು ಗ್ರಂಥಾಲಯ ಮತ್ತು ವಿಶ್ವವಿದ್ಯಾಲಯದ ತರಗತಿಗಳಲ್ಲಿ ಕಳೆದಿದ್ದಾರೆ. ಇವರು ಗಂಭೀರ ವಿಷಯಗಳನ್ನು ಲೋಪವಿಲ್ಲದಂತೆ ಅರ್ಥೈಸಬಲ್ಲರು. ಭಾರತದಲ್ಲಿನ ಶ್ರೇಷ್ಠ ಸಂಶೋಧಕರಲ್ಲಿ ಇವರು ಒಬ್ಬರು’ ಎಂದರು. </div><div> </div><div> ‘ಅಧಿಕಾರ ಪಡೆಯಲು ಇಂದು ಪೈಪೋಟಿ ಇದೆ. ವಿಧಾನ ಪರಿಷತ್ ಸದಸ್ಯ ಹಾಗೂ ರಾಜ್ಯಸಭಾ ಸದಸ್ಯರಾಗುವಂತೆ ಆಹ್ವಾನ ಬಂದಿದ್ದರೂ, ಅದನ್ನು ನಯವಾಗಿ ನಿರಾಕರಿಸಿ ಸಂತಗುಣ ಪ್ರದರ್ಶಿಸಿದ್ದಾರೆ.</div><div> </div><div> ಸತ್ಯನಿಷ್ಠೆ, ಪ್ರಾಮಾಣಿಕತೆ, ಅನಿಸಿದ್ದನ್ನು ಹೇಳುವುದು ಮತ್ತು ವಿಚಾರದಲ್ಲಿ ರಾಜಿ ಮಾಡಿಕೊಳ್ಳದಿರುವುದು ಚಿದಾನಂದ ಮೂರ್ತಿ ಅವರ ಶ್ರೇಷ್ಠ ಗುಣಗಳು’ ಎಂದು ಗುಣಗಾನ ಮಾಡಿದರು. </div><div> </div><div> ‘ಯಾವುದೇ ಕ್ಷೇತ್ರ ಬೆಳೆಯಲು ಸಂಶೋಧನಾ ವಿಭಾಗ ಅಗತ್ಯ. ವಿಶ್ವವಿದ್ಯಾಲಯಗಳಲ್ಲಿನ ಸಂಶೋಧನಾ ವಿಭಾಗ ಇಂದು ಸೊರಗಿದೆ. ಹಾಗಾಗಿ, ಉಪಯುಕ್ತವಾದ ಪಿಎಚ್.ಡಿ. ಪ್ರಬಂಧಗಳು ಹೊರಬರುತ್ತಿಲ್ಲ.</div><div> </div><div> ಅವನ್ನು ಪ್ರಕಟಿಸಿ ಜನರಿಗೆ ತಲುಪಿಸುವ ಹಂಬಲವೂ ಸಂಶೋಧಕರಿಗೆ ಇಲ್ಲ’ ಎಂದು ಬೇಸರ ವ್ಯಕ್ತಪಡಿಸಿದರು. ನೃಪತುಂಗ ಸಾಹಿತ್ಯ ಪ್ರಶಸ್ತಿಯು ₹ 7 ಲಕ್ಷ ಒಳಗೊಂಡಿದೆ.</div><div> ****<br /> <strong>‘ಸಮ್ಮೇಳನಾಧ್ಯಕ್ಷರ ಸ್ಥಾನ ನೀಡಿ’</strong></div><p>‘ಸಂಶೋಧನೆ, ಬೋಧನೆ, ಸಂಘಟನೆಯ ಕೆಲಸ ಮಾಡುತ್ತಿರುವ ಚಿದಾನಂದಮೂರ್ತಿ ಅವರಿಗೆ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷ ಸ್ಥಾನದ ಗೌರವ ಈಗಾಗಲೇ ಸಲ್ಲಬೇಕಿತ್ತು’ ಎಂದು ನರಹಳ್ಳಿ ಬಾಲಸುಬ್ರಹ್ಮಣ್ಯ ಹೇಳಿದಾಗ ಕೆಲ ಸಭಿಕರು ‘ಈ ಬಾರಿ ಅಧ್ಯಕ್ಷ ಸ್ಥಾನ ನೀಡಿ’ ಎಂದು ಧ್ವನಿಗೂಡಿಸಿದರು.</p><p>****<br /> ಸಾರಿಗೆ ಸಂಸ್ಥೆ ಬೆಂಗಳೂರಿನಲ್ಲಿ ರಂಗಮಂದಿರ ನಿರ್ಮಿಸಬೇಕು. ಸಾರಿಗೆ ನೌಕರರ ಸಾಹಿತ್ಯ ಸಮ್ಮೇಳನ ಮಾಡಬೇಕು. ಪ್ರಶಸ್ತಿ ಮೊತ್ತವನ್ನು ₹ 10 ಲಕ್ಷಕ್ಕೆ ಹೆಚ್ಚಿಸಬೇಕು.<br /> <strong>ಮನು ಬಳಿಗಾರ್, ಅಧ್ಯಕ್ಷ, ಕನ್ನಡ ಸಾಹಿತ್ಯ ಪರಿಷತ್ತು</strong></p></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
