ಅಲೆಮಾರಿಗೆ ರಾಜಭವನದ ಆತಿಥ್ಯ ಸಿಕ್ಕಾಗ...

ಬೆಂಗಳೂರು: ಅವರು ಅಮ್ಮನ ಪ್ರೀತಿ, ಅಪ್ಪನ ಕಾಠಿಣ್ಯತೆ, ಸ್ನೇಹಿತರ ಸಹಾಯ, ವಿದ್ವಾಂಸರ ಸಾಂಗತ್ಯ ಹಾಗೂ ಹಿರಿಯರ ಮಾರ್ಗದರ್ಶನದ ಒಂದೊಂದೆ ನೆನೆಪುಗಳನ್ನು ಬಿಚ್ಚಿಡುತ್ತ ಹೋದಂತೆ ಸಭಿಕರು ತದೇಕಚಿತ್ತದಿಂದ ಕೇಳುತ್ತಿದ್ದರು.

. ಈ ಸನ್ನಿವೇಶ ನಿರ್ಮಾಣ ಆಗಿದ್ದು ಕನ್ನಡ ಸಾಹಿತ್ಯ ಪರಿಷತ್ತು ಹಾಗೂ ಕರ್ನಾಟಕ ಲೇಖಕಿಯರ ಸಂಘವು ಶನಿವಾರ ಆಯೋಜಿಸಿದ್ದ ‘ಸಾಧಕರೊಡನೆ ಸಂವಾದ’ ಕಾರ್ಯಕ್ರಮದಲ್ಲಿ. ಚಿಂತಕ ಮಲ್ಲೇಪುರಂ ಜಿ.ವೆಂಕಟೇಶ ಅವರು ತಮ್ಮ ಜೀವನ ಹಾದಿಯ ಪಯಣವನ್ನು ತೆರೆದಿಟ್ಟರು.

. ‘ನನ್ನ ತಾಯಿ ಕರುಣಾಮಯಿ. ಅವರಿಂದ ಮಾನವೀಯ, ಅಂತಕರಣ ಗುಣಗಳು ಬಂದವು. ಅಪ್ಪನ ಕಾಠಿಣ್ಯದಿಂದ ಜೀವನದಲ್ಲಿ ಶಿಸ್ತು ಮತ್ತು ಸಂಗೀತದಲ್ಲಿ ಆಸಕ್ತಿ ಬೆಳೆಯಿತು. ಪೋಷಕರಿಂದ ಸದ್ಗುಣಗಳನ್ನು ಮೈಗೂಡಿಸಿಕೊಂಡೆನು’ ಎಂದರು.

. ‘ಪ್ರಾಥಮಿಕ ಶಾಲೆಯಲ್ಲಿದ್ದಾಗ ಚಂದಮಾಮ ಕಥಾ ನಿಯತಕಾಲಿಕೆ ಓದಲು ಆರಂಭಿಸಿದೆ. ಅದರಿಂದ ನನ್ನಲೊಂದು ಕಲ್ಪನಾಲೋಕ ಸೃಷ್ಟಿಯಾಯಿತು. ಪುಸ್ತಕ ಪ್ರೀತಿಯೂ ಬೆಳೆಯಿತು. ಹಾಗಾಗಿ ಎಲ್ಲ ವಿದ್ಯಾರ್ಥಿ ವೇತನಗಳಿಂದ ಪುಸ್ತಕಗಳನ್ನು ಖರೀದಿಸುತ್ತಿದ್ದೆ’ ಎಂದು ನೆನಪು ಹಂಚಿಕೊಂಡರು.

. ‘ಸಿದ್ದಗಂಗಾ ಮಠಕ್ಕೆ ಕನ್ನಡ ಪಂಡಿತ ಪದವಿ ಅಧ್ಯಯನಕ್ಕೆ ಹೋದಾಗ, ಅಲ್ಲಿ ಓದುತ್ತಿದ್ದ ಕುಂ.ವೀರಭದ್ರಪ್ಪ ಅವರ ಸ್ನೇಹ ದೊರೆಯಿತು. ಕಷ್ಟದ ದಿನಗಳಲ್ಲಿ ಆತ್ಮಹತ್ಯೆ ಮಾಡಿಕೊಳ್ಳಲು ನಿರ್ಧರಿಸಿದ್ದೆ. ಆಗ ವೀರಭದ್ರಪ್ಪ ಅವರು ಧೈರ್ಯ ತುಂಬಿ ನನ್ನಲ್ಲಿ ಜೀವನ ಪ್ರೀತಿ ಮರುಕಳಿಸಿದರು’ ಎಂದು ಸ್ಮರಿಸಿದರು.

. ‘ಜೀವನೋಪಾಯಕ್ಕಾಗಿ ಹೆಬ್ಬಗೋಡಿಯಿಂದ ಬೆಂಗಳೂರಿಗೆ ಬಂದೆ. ಇಲ್ಲಿ ಉಳಿದುಕೊಳ್ಳಲು ಒಂದು ನೆಲೆಯೂ ಇರಲಿಲ್ಲ. ಅಂದಿನ ದಿನಗಳಲ್ಲಿ ಸ್ನೇಹಿತರು ಊಟ–ತಿಂಡಿ ಕೊಡಿಸುತ್ತಿದ್ದರು. ಯಾರದೋ ಜಗಲಿಯಲ್ಲಿ ಮಲಗುತ್ತಿದ್ದೆ. ಹೀಗೆ ಎರಡು–ಮೂರು ವರ್ಷಗಳನ್ನು ಕಳೆದೆ’ ಎಂದು ಹಿಂದಿನ ನೆನಪನ್ನು ಕೆದಕಿದರು.

. ‘ರಾಮಕೃಷ್ಣ ಆಶ್ರಮದ ವಾಸ್ತವ್ಯ, ಶಂ.ಬಾ.ಜೋಶಿ, ಚಂದ್ರಶೇಖರ ಕಂಬಾರ, ಎಂ.ಪಿ.ಪ್ರಕಾಶ್ ಅವರ ಸಹಾಯ. ರಾಜ್ಯಪಾಲರಾಗಿದ್ದ ಎಚ್. ಆರ್.ಭಾರದ್ವಾಜ್, ರಾಮ ಜೋಯಿಸ್ ಅವರ ಮಾರ್ಗದರ್ಶನದಿಂದ ಶೈಕ್ಷಣಿಕ ರಂಗದ ಹುದ್ದೆಗಳನ್ನು ಅಲಂಕರಿಸಿದೆ. ಸಾಮಾಜಿಕ ರಂಗದಲ್ಲಿ ಬೆಳೆದೆನು’ ಎಂದು ಸ್ಮರಿಸಿದರು.

. ‘ಪುಸ್ತಕ ಬಿಡುಗಡೆ ಕಾರ್ಯಕ್ರಮದಲ್ಲಿ ನಾನು ಮಾಡಿದ ಭಾಷಣದಿಂದ ಎಚ್.ಆರ್.ಭಾರದ್ವಾಜ್ ಅವರು ಪ್ರಭಾವಿತರಾಗಿದ್ದರು. ಸಂಸ್ಕೃತ ವಿಶ್ವವಿದ್ಯಾಲಯದ ಕುಲಪತಿಯ ಆಯ್ಕೆ ಅವರ ಮುಂದೆ ಬಂದಾಗ, ನನ್ನನ್ನೇ ಸೂಕ್ತ ವ್ಯಕ್ತಿಯೆಂದು ನೇಮಿಸಿದರು. ರಾಜಭವನಕ್ಕೆ ಕರೆಸಿಕೊಂಡು ಆತಿಥ್ಯ ನೀಡಿದರು’ ಎಂದು ಸ್ಮರಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅಲೆಮಾರಿಗೆ ರಾಜಭವನದ ಆತಿಥ್ಯ ಸಿಕ್ಕಾಗ...

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

Gold Rate: ಚಿನ್ನ, ಬೆಳ್ಳಿ ಬೆಲೆ ಇಳಿಕೆ

ಮುನಿರತ್ನ ವಿರುದ್ಧದ ಕೇಸ್: ಹನಿಟ್ರ್ಯಾಪ್‌ಗೆ ಒಳಸಂಚು ಆರೋಪ;ಇನ್‌ಸ್ಪೆಕ್ಟರ್‌ ಸೆರೆ

ಚುರುಮುರಿ: ಎಲೆಕ್ಷನ್‌ ಹರಾಜು!

ಇಂಗ್ಲೆಂಡ್ ವಿರುದ್ಧದ ಸರಣಿಯ ಬಳಿಕ ಟೆಸ್ಟ್ ಕ್ರಿಕೆಟ್‌ಗೆ ಟಿಮ್ ಸೌಥಿ ನಿವೃತ್ತಿ

ಟಿ-20 ತಂಡಕ್ಕೆ ಮರಳಲು IPL ವೇದಿಕೆ ಎದುರು ನೋಡುತ್ತಿದ್ದೇನೆ: ಕೆ.ಎಲ್. ರಾಹುಲ್

Ranji Trophy ಒಂದೇ ಇನಿಂಗ್ಸ್‌ನಲ್ಲಿ 10 ವಿಕೆಟ್;ಅಂಶುಲ್ ಕಂಬೋಜ್ ವಿಶಿಷ್ಟ ಸಾಧನೆ

ಆಸ್ಟ್ರೇಲಿಯಾ ಸರಣಿಗೆ ವೇಗಿ ಮೊಹಮ್ಮದ್ ಶಮಿ?

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

Gold Rate: ಚಿನ್ನ, ಬೆಳ್ಳಿ ಬೆಲೆ ಇಳಿಕೆ

ಮುನಿರತ್ನ ವಿರುದ್ಧದ ಕೇಸ್: ಹನಿಟ್ರ್ಯಾಪ್‌ಗೆ ಒಳಸಂಚು ಆರೋಪ;ಇನ್‌ಸ್ಪೆಕ್ಟರ್‌ ಸೆರೆ

ಚುರುಮುರಿ: ಎಲೆಕ್ಷನ್‌ ಹರಾಜು!