ಸಾಹಿತ್ಯ ಪ್ರಕಾಶನದಿಂದ ಹೊಸ ಪ್ರಯೋಗ

ಹುಬ್ಬಳ್ಳಿ: ಪ್ರೊ. ಕೆ.ಎಸ್. ನಾರಾಯಣಾಚಾರ್ಯ ಅವರ ಪುಸ್ತಕಗಳನ್ನು ಕೊಂಡವರಿಗೆ, ಅವುಗಳನ್ನು ಇಟ್ಟುಕೊಳ್ಳಲು ಕಪಾಟನ್ನು ಉಚಿತವಾಗಿ ಕೊಡುವ ಮೂಲಕ, ಹುಬ್ಬಳ್ಳಿಯ ಸಾಹಿತ್ಯ ಪ್ರಕಾಶನ ಸಂಸ್ಥೆ ಹೊಸ ಪ್ರಯೋಗಕ್ಕೆ ನಾಂದಿ ಹಾಡಿದೆ.

. ‘ನಾರಾಯಣಾಚಾರ್ಯ ಅವರು, ರಾಮಾಯಣ, ಮಹಾಭಾರತ ಹಾಗೂ ಭಾಗವತ ಆಧಾರಿತ ಕಥಾನಕಗಳು, ರಾಷ್ಟ್ರೀಯತೆ ಮತ್ತು ರಾಜಕೀಯ ವಿಶ್ಲೇಷಣಾತ್ಮಕ ಬರಹಗಳು ಸೇರಿದಂತೆ 90ರಿಂದ 95 ಪುಸ್ತಕಗಳನ್ನು ಬರೆದಿದ್ದಾರೆ. ಆ ಎಲ್ಲ ಪುಸ್ತಕಗಳ ಒಟ್ಟು ಮೌಲ್ಯ ₹20,000ಕ್ಕಿಂತ ಹೆಚ್ಚಾಗುತ್ತದೆ. ಈ ನಿಟ್ಟಿನಿಂದ ₹20,000 ನೀಡಿ ಎಲ್ಲ ಪುಸ್ತಕ ಖರೀದಿಸಿದವರಿಗೆ, ₹8,000 ಮೌಲ್ಯದ ಕಪಾಟನ್ನೂ ಉಚಿತವಾಗಿ ನೀಡುತ್ತಿದ್ದೇವೆ’ ಎಂದು ಸಾಹಿತ್ಯ ಪ್ರಕಾಶನದ ಎಂ.ಎ. ಸುಬ್ರಹ್ಮಣ್ಯ ಹೇಳಿದರು.

. ‘ಬೆಂಗಳೂರು, ಹುಬ್ಬಳ್ಳಿ, ಧಾರವಾಡ, ಗೋಕರ್ಣ, ಯಲ್ಲಾಪುರ ಸೇರಿದಂತೆ ರಾಜ್ಯದ ವಿವಿಧ ಕಡೆಗೆ ಈಗಾಗಲೇ 35 ಸಂಸ್ಥೆ, ವ್ಯಕ್ತಿಗಳಿಗೆ ಪುಸ್ತಕಗಳನ್ನು ಕಪಾಟಿನೊಂದಿಗೆ ನೀಡಲಾಗಿದೆ. ಕಪಾಟು ಮಾಡುವ ಶಫಿ ಎಂಬುವರಿಗೂ ಇದರಿಂದ ಪೂರ್ಣ ಉದ್ಯೋಗ ಸಿಕ್ಕಂತಾಗಿದೆ’ ಎಂದು ಹೇಳಿದರು.

. ಪ್ರೊ. ಕೆ.ಎಸ್. ನಾರಾಯಣಾಚಾರ್ಯ

. ‘ಪುಸ್ತಕಗಳನ್ನು ಬಿಡಿಬಿಡಿಯಾಗಿ ನೀಡಿದರೆ ಕಳೆದುಹೋಗಬಹುದು ಅಥವಾ ಹರಿಯಬಹುದು. 3 ಅಡಿ ಅಗಲ, 4 ಅಡಿ ಎತ್ತರದ ಈ ಕಪಾಟಿನೊಂದಿಗೆ ನೀಡಿದರೆ ಕನಿಷ್ಠ ಶೇ 50ರಷ್ಟು ಪುಸ್ತಕಗಳಾದರೂ ಕೊನೆಯವರೆಗೆ ಇರುತ್ತವೆ’ ಎಂದು ಅವರು ಹೇಳಿದರು.

. ‘ಕನ್ನಡದ ಯಾವ ಲೇಖಕರಿಗೂ ಈ ರೀತಿಯ ಗೌರವ ಸಿಕ್ಕಿಲ್ಲ. ಅದೇ ರೀತಿ, ಪ್ರಕಾಶನವೊಂದು ಮಾಡಿದ ಹೊಸ ಪ್ರಯೋಗ ಇದು’ ಎಂದೂ ಅವರು ಹೇಳಿದರು.

. ‘ರೈತ ಬಸವರಾಜ ಬ್ಯಾಳಿಹಾಳ ಹಾಗೂ ರಿಯಲ್ ಎಸ್ಟೇಟ್ ಉದ್ಯಮಿ ಗುರುರಾಜ ರೋಣದ ಎಂಬುವರು ಮೊದಲು ಈ ಪ್ರಯೋಗ ಮಾಡಿದರು. ನಾರಾಯಣಾಚಾರ್ಯ ಅವರ ಅಭಿಮಾನಿಯಾಗಿರುವ ಈ ಇಬ್ಬರು, ಅವರ ಪುಸ್ತಕಗಳನ್ನು ಶಾಲೆ, ಮಠ ಅಥವಾ ಆಶ್ರಮಗಳಿಗೆ ಉಚಿತವಾಗಿ ನೀಡಿದ್ದಾರೆ. ಪುಸ್ತಕಗಳ ಜೊತೆಗೆ ಕಪಾಟನ್ನೂ ಇವರು ಮಾಡಿಸಿಕೊಟ್ಟಿದ್ದರು. ಇದನ್ನೇ ಸ್ಫೂರ್ತಿಯಾಗಿಸಿಕೊಂಡು ನಾನೂ ಈ ಪ್ರಯೋಗ ಕೈಗೆತ್ತಿಕೊಂಡಿದ್ದೇನೆ’ ಎಂದು ಸುಬ್ರಹ್ಮಣ್ಯ ಹೇಳಿದರು.

. ‘ಪುಸ್ತಕಗಳನ್ನು ಓದಲು ನಮಗೆ ಸಮಯ ಸಿಗುವುದಿಲ್ಲ. ಸಮಯ ಇದ್ದವರಿಗಾದರೂ ಓದಲು ಅನುಕೂಲವಾಗಲಿ ಎಂಬ ಉದ್ದೇಶದಿಂದ ಸಂಸ್ಥೆಗಳಿಗೆ ನೀಡುತ್ತಿದ್ದೇವೆ. ದುಡಿಮೆಯ ಸ್ವಲ್ಪ ಹಣವನ್ನು ನಾನು ಮತ್ತು ಬಸವರಾಜ ಬ್ಯಾಳಿಹಾಳ ಇದಕ್ಕಾಗಿ ವಿನಿಯೋಗಿಸುತ್ತಿದ್ದೇವೆ’ ಎಂದು ಗುರುರಾಜ ರೋಣದ ಹೇಳಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಾಹಿತ್ಯ ಪ್ರಕಾಶನದಿಂದ ಹೊಸ ಪ್ರಯೋಗ

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ಬೊಂಬೆ ಆಡ್ಸೋನು...

ದಿನ ಭವಿಷ್ಯ | ಈ ರಾಶಿಯವರು ರಾಹುಕಾಲದ ನಂತರ ಪ್ರಯಾಣ ಆರಂಭಿಸಿ

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಕ್ರಿಕೆಟ್: ಬಾಲಕಿಯರ ತಂಡಕ್ಕೆ ನೇಸರ ನಾಯಕಿ

IND vs SA 4th T20I: ಟಾಸ್ ಗೆದ್ದ ಭಾರತ ಬ್ಯಾಟಿಂಗ್ ಆಯ್ಕೆ

ರಣಜಿ ಟ್ರೋಫಿ ಕ್ರಿಕೆಟ್ ಟೂರ್ನಿ: ಮಾಧವ್–ಆರ್ಯನ್ ದ್ವಿಶತಕದ ಜೊತೆಯಾಟ

ಬಿಸಿಸಿಐ ಆಕ್ಷೇಪ: ಪಿಒಕೆಗೆ ಚಾಂಪಿಯನ್ಸ್‌ ಟ್ರೋಫಿ ಪ್ರವಾಸಕ್ಕೆ ಐಸಿಸಿ ತಡೆ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ಬೊಂಬೆ ಆಡ್ಸೋನು...

ದಿನ ಭವಿಷ್ಯ | ಈ ರಾಶಿಯವರು ರಾಹುಕಾಲದ ನಂತರ ಪ್ರಯಾಣ ಆರಂಭಿಸಿ

ಚಿನಕುರುಳಿ | ಗುರುವಾರ, 14 ನವೆಂಬರ್ 2024