ಎಕ್ಸ್ ಖಾತೆಯು ಇಂದು ಮಧ್ಯಾಹ್ನ ಡೌನ್ ಆಗಿರುವ ಬಗ್ಗೆ ಅತಿ ಹೆಚ್ಚು ಬಳಕೆದಾರರು ವರದಿ ಮಾಡಿರುವುದನ್ನು ಈ ಚಿತ್ರದಲ್ಲಿ ಕಾಣಬಹುದಾಗಿದೆ. ಸ್ವಲ್ಪ ಸಮಯದ ಬಳಿಕ ಸಮಸ್ಯೆ ನಿವಾರಣೆಯಾಗಿದೆ ಎಂದೂ ಬಳಕೆದಾರರು ತಿಳಿಸಿದ್ದಾರೆ.
ಎಕ್ಸ್ ಖಾತೆಯ ಬೇಸಿಕ್ ಫೀಚರ್ಗಳನ್ನು ಪಡೆಯಲು ಟ್ವಿಟರ್ ಬಳಕೆದಾರರಿಗೆ 1 ಡಾಲರ್ ಶುಲ್ಕ ವಿಧಿಸುವ ಕುರಿತಂತೆ ಎಲಾನ್ ಮಸ್ಕ್ ಒಡೆತನದ ಸಂಸ್ಥೆಯು ಯೋಜಿಸುತ್ತಿದೆ ಎಂಬ ವರದಿಗಳ ಬೆನ್ನಲ್ಲೇ ಈ ಸಮಸ್ಯೆ ಕಂಡುಬಂದಿದೆ.
ಈ ಹೊಸ ಚಂದಾದಾರಿಕೆಗೆ ‘ನಾಟ್ ಎ ಬಾಟ್’ ಎಂದು ಹೆಸರಿಡಲಾಗಿದ್ದು, ಬಳಕೆದಾರರು ವೆಬ್ ಆವೃತ್ತಿಯ ಎಕ್ಸ್ನಲ್ಲಿ ಲೈಕ್ಸ್, ರಿಪೋಸ್ಟ್ಸ್, ಬುಕ್ಮಾರ್ಕಿಂಗ್ ಪೋಸ್ಟ್ಗೆ ವರ್ಷಕ್ಕೆ 1 ಡಾಲರ್ ಪಾವತಿಸಬೇಕಿದೆ.
ಸ್ಪ್ಯಾಮರ್ಗಳು ಮತ್ತು ಬಾಟ್ಗಳನ್ನು ನಿರ್ವಹಿಸುವ ಉದ್ದೇಶದಿಂದ ಈ ಚಂದಾದಾರಿಕೆ ಮಾದರಿಯನ್ನು ಸೇರಿಸಲಾಗಿದೆ. ಅಂತರರಾಷ್ಟ್ರೀಯ ವಿನಿಮಯ ದರದ ಆಧಾರದ ಮೇಲೆ ವಿವಿಧ ದೇಶಗಳಲ್ಲಿ ದರ ಭಿನ್ನವಾಗಿರುತ್ತದೆ ಎಂದು ಎಕ್ಸ್ ಹೇಳಿದೆ.