ಬೆಂಗಳೂರು: ಕರಡಿಯೊಂದು ಹುಲಿಯನ್ನು ಹೆದರಿಸಿದ ಘಟನೆ ಸಫಾರಿಗೆ ಹೋದವರ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.
ಈ ಕುರಿತ ವಿಡಿಯೊವನ್ನು ನಿವೃತ್ತ ಐಎಎಸ್ ಅಧಿಕಾರಿ ರಾಜೀವ್ ಕುಮಾರ್ ಗುಪ್ತಾ ಅವರು ಎಕ್ಸ್ ತಾಣದಲ್ಲಿ ಹಂಚಿಕೊಂಡಿದ್ದಾರೆ.
ಉತ್ತರ ಪ್ರದೇಶದದ ಫಿಲಿಬಿತ್ ಹುಲಿ ಸಂರಕ್ಷಿತಾರಣ್ಯದಲ್ಲಿ ಈ ಘಟನೆ ಇತ್ತೀಚೆಗೆ ನಡೆದಿದೆ ಎಂದು ಅವರು ತಿಳಿಸಿದ್ದಾರೆ.
ಬೇಟೆಗೆ ಹೊಂಚು ಹಾಕಿ ಕುಳಿತಿದ್ದ ಹೆಣ್ಣು ಹುಲಿಯೊಂದು ಕರಡಿಗೆ ಎದುರಾಗುತ್ತದೆ. ಪಕ್ಕದ ಕೆರೆಯಲ್ಲಿ ನೀರು ಕುಡಿದು ಸಾಗುವಾಗ ಕರಡಿ ಹುಲಿಗೆ ಬೆದರದೇ ಹುಲಿಯನ್ನೇ ಹೆದರಿಸಿದೆ.
ಇಂತಹ ಘಟನೆ ನಡೆಯುವುದು ತುಂಬಾ ವಿರಳ ಎಂದು ರಾಜೀವ್ ಕುಮಾರ್ ಗುಪ್ತಾ ಬರೆದುಕೊಂಡಿದ್ದಾರೆ.