ಆರೋಗ್ಯಪೂರ್ಣ ಜೀವನಕ್ಕೆ ಸತ್ವಪೂರ್ಣ ಆಹಾರದಷ್ಟೇ ಮಾನಸಿಕ ಆರೋಗ್ಯವೂ ಮುಖ್ಯ ಎಂದು ಪ್ರತಿಪಾದಿಸುವ ಅವರು, ಅನನ್ಯ ಚೇತನಗಳ ಜ್ವಲಂತ ಉದಾಹರಣೆಗಳ ಮೂಲಕ ಅದನ್ನು ಕಟ್ಟಿಕೊಟ್ಟಿದ್ದಾರೆ. ಅಚಲ ಆತ್ಮವಿಶ್ವಾಸ, ಅದಮ್ಯ ಚೈತನ್ಯ ಹಾಗೂ ರೋಗನಿರೋಧಕ ಶಕ್ತಿ ಬೆಳೆಸಿಕೊಳ್ಳುವ ಮಾನಸಿಕ ದೃಢತೆಗೆ ಹಿತಮಿತ ಆಹಾರದ ಮಹತ್ವ, ಯೋಗ, ಧ್ಯಾನದ ಸಚಿತ್ರ ವಿವರಣೆಯುಳ್ಳ ಈ ಪುಸ್ತಕ, ಆರೋಗ್ಯ ಭಾಗ್ಯದ ಫಲಾನುಭವಿಗಳಾಗ ಬಯಸುವವರಿಗೆ ಕೈಪಿಡಿಯಾಗಿ ಒದಗಿಬಂದಿದೆ. ಇದು ಲೇಖಕರ ಆಶಯ ಸಹ.