ಏರಿಳಿತಗಳ ಒತ್ತಡದಲ್ಲಿ ಪೇಟೆ ವಹಿವಾಟು

ಮು ಂಬೈ ಷೇರು ವಿನಿಮಯ ಕೇಂದ್ರದ ಸಂವೇದಿ ಸೂಚ್ಯಂಕದ ಈ ವಾರದ ಚಲನೆಗಳನ್ನು ಪರಿಶೀಲಿಸಿದಾಗ ಷೇರುಪೇಟೆ ಯಾವ ದಿಕ್ಕಿನಲ್ಲಿ ಸಾಗಿದೆ ಎಂದು ನಿರ್ಧರಿಸುವುದು ದುಸಾಧ್ಯ. ಈ ವಾರ ಸಂವೇದಿ ಸೂಚ್ಯಂಕವು ಬುಧವಾರದಂದು ಮಧ್ಯಂತರದಲ್ಲಿ 26,150 ಅಂಶಗಳಲ್ಲಿದ್ದು ಗುರುವಾರ 26,688 ಅಂಶಗಳ ಗರಿಷ್ಠ ಹಂತ ತಲುಪಿ 26,297 ಅಂಶಗಳಲ್ಲಿ ಕೊನೆಗೊಂಡಿದೆ. ಕೇವಲ 4 ದಿನಗಳ ಚಟುವಟಿಕೆಯಾದರೂ ಮಂಗಳವಾರ 296 ಅಂಶ ಇಳಿಕೆ ಕಂಡ ಸಂವೇದಿ ಸೂಚ್ಯಂಕ ಬುಧವಾರ 25 ಅಂಶಗಳ ಇಳಿಕೆಯಿಂದ ತಟಸ್ಥವಾಗಿತ್ತು. ಗುರುವಾರ 390ಅಂಶ ಏರಿಕೆ ದಾಖಲಿಸಿ ಶುಕ್ರವಾರ 339 ಅಂಶಗಳ ಇಳಿಕೆ ಕಂಡಿತು.

ಒಟ್ಟಾರೆ 270 ಪಾಯಿಂಟುಗಳ ಈ ಕುಸಿತದ ಹಿಂದೆ ವಿದೇಶಿ ವಿತ್ತೀಯ ಸಂಸ್ಥೆಗಳ ₨2,514 ಕೋಟಿ ಮೌಲ್ಯದ ನಿವ್ವಳ ಮಾರಾಟದ ಅಂಶ ಅಡಕವಾಗಿದೆ. ಸ್ವದೇಶಿ ವಿತ್ತೀಯ ಸಂಸ್ಥೆಗಳು ಒಟ್ಟು ₨2172 ಕೋಟಿ ನಿವ್ವಳ ಹೂಡಿಕೆಯು ಸಂವೇದಿ ಸೂಚ್ಯಂಕದ ಕುಸಿತವನ್ನು ತಡೆಯದಾಯಿತು. ಸಂವೇದಿ ಸೂಚ್ಯಂಕವು ಆಗಸ್ಟ್ 20 ರಂದು ತಲುಪಿದ್ದ ಮಟ್ಟಕ್ಕೆ ಇಳಿದಿದೆ. ಇಂತಹ ವಾತಾವರಣದಲ್ಲೂ ಅನೇಕ ಕಂಪೆನಿಗಳು ಉತ್ತಮ ಏರಿಕೆ ಪ್ರದರ್ಶಿಸಿದವು.

. ಸಾರ್ವಜನಿಕ ವಲಯದ ಒ.ಎನ್.ಜಿ.ಸಿ. ಕಂಪೆನಿಯಿಂದ ₨557 ಕೋಟಿ ಮೌಲ್ಯದ ಆರ್ಡರ್ಗಳನ್ನು ಪಡೆದ ಕಾರಣಕ್ಕಾಗಿ ಅಬಾಸ್ ಆಫ್ ಪೋರ್ ಕಂಪೆನಿಯು ಶುಕ್ರವಾರ ₨546 ಸಮೀಪದಿಂದ ₨651ರ ವರೆಗೂ ಏರಿಕೆ ಕಂಡು ₨621 ರಲ್ಲಿ ಕೊನೆಗೊಂಡಿತು. ಜೆಟ್ ಏರ್ವೇಸ್ ಕಂಪೆನಿಯು ಶುಕ್ರವಾರದಂದು ₨219ರ ಕನಿಷ್ಠದಿಂದ ₨247ರ ವರೆಗೂ ಏರಿಕೆ ಕಂಡಿದೆ. ಈ ಕಂಪೆನಿಯ ವಾರ್ಷಿಕ ಸಾಮಾನ್ಯ ಸಭೆ ನವೆಂಬರ್ 1 ರಂದು ಇರುವುದು ಮುಂದಿನ ದಿನಗಳಲ್ಲಿ ಷೇರು ಚುರುಕಾಗಿರಿಸಬಹುದು.

ಅಪೋಲೊ ಟೈರ್ಸ್ ಕಂಪೆನಿಯಲ್ಲಿ ವಿದೇಶಿ ವಿತ್ತೀಯ ಸಂಸ್ಥೆಗಳ ಹೂಡಿಕೆಯ ಮಿತಿಯನ್ನು ಶೇ 40 ರಿಂದ 45ಕ್ಕೆ ಹೆಚ್ಚಿಸಿದ ಕಾರಣ ಷೇರಿನ ಬೆಲೆಯು ₨197ರ ಹಂತದಿಂದ ₨ 225ರ ವರೆಗೂ ಏರಿಕೆ ಕಾಣುವಂತಾಯಿತು. ಬಿ.ಎಚ್.ಇ.ಎಲ್. ಕಂಪೆನಿಗೆ ಎರಡು 660 ಮೆಗಾವಾಟ್ ಪವರ್ ಪ್ರಾಜೆಕ್ಟ್ ಗಾಗಿ ಇಪಿಸಿ ಕಾಂಟ್ರಾಕ್ಟ್ ಲಭ್ಯವಾದ ಕಾರಣ ಷೇರಿನ ಬೆಲೆ ₨195ರ ಸಮೀಪದಿಂದ ₨224ರ ವರೆಗೂ ಜಿಗಿಯಿತು.

ಇನ್ಫೊಸಿಸ್ ಕಂಪೆನಿಯ ನಿರೀಕ್ಷೆಗೆ ಮೀರಿದ ಉತ್ತಮ ಫಲಿತಾಂಶ, ಆಕರ್ಷಕ ಬೋನಸ್ ಮತ್ತು ಲಾಭಾಂಶದ ಕಾರಣ ₨243 ರಷ್ಟು ಏರಿಕೆ ಕಂಡು ₨3645 ರಿಂದ ₨3888 ರ ವರೆಗೂ ತಲುಪಿದೆ. ಶುಕ್ರವಾರ ಸಂವೇದಿ ಸೂಚ್ಯಂಕವು 339 ಅಂಶ ಇಳಿಕೆಗೆ ಸೀಮಿತಗೊಳ್ಳಲು ಇನ್ಫೊಸಿಸ್ ಸುಮಾರು 134 ಅಂಶಗಳ ಏರಿಕೆ ಕಾರಣವಾಗಿದೆ. ಇಲ್ಲದಿದ್ದರೆ ಸಂವೇದಿ ಸೂಚ್ಯಂಕ 474 ಅಂಶಗಳ ಕುಸಿತ ತಲುಪುತ್ತಿತ್ತು.

ಆಪ್ಕೊಟೆಕ್ಸ್ ಇಂಡಸ್ಟ್ರೀಸ್ ಲಿ. ಕಂಪೆನಿಯು ಈ ತಿಂಗಳ ಕೊನೆವಾರದಲ್ಲಿ ತನ್ನ ತ್ರೈಮಾಸಿಕ ಫಲಿತಾಂಶ ಪ್ರಕಟಿಸಲಿದ್ದು ಕಂಪೆನಿ ನಿರ್ದೇಶಕರು, ಪ್ರವರ್ತಕರು, ನಿಯಮಿತ ನೌಕರರು ವ್ಯವಹರಿಸುವ ಗವಾಕ್ಷಿಯನ್ನು ಮುಚ್ಚಲಾಗಿದೆ. ಶುಕ್ರವಾರ ಕಂಪೆನಿಯ ಷೇರಿನ ಬೆಲೆಯು ₨325 ರಿಂದ ₨378ರ ವರೆಗೂ ಏರಿಕೆ ಕಂಡಿದೆ. ಈ ಕಂಪೆನಿಯ ಷೇರಿನ ಮುಖ ಬೆಲೆ ₨5.

. ಬೋನಸ್ ಷೇರು *ಇನ್ಫೊಸಿಸ್ ಕಂಪೆನಿಯು 1:1ರ ಅನುಪಾತದ ಬೋನಸ್ ಷೇರು ಪ್ರಕಟಿಸಿದೆ. *ಆರ್ಣವ್ ಕಾರ್ಪೋರೇಷನ್ ಲಿ. ಕಂಪೆನಿ ವಿತರಿಸಲಿರುವ 49:50ರ ಅನುಪಾತದ ಬೋನಸ್ ಷೇರಿಗೆ 20ನೇ ಅಕ್ಟೋಬರ್ ನಿಗದಿತ ದಿನವಾಗಿದೆ. 17 ರಿಂದ ಬೋನಸ್ರಹಿತ ವಹಿವಾಟು ಆರಂಭವಾಗಲಿದೆ.

ಹಕ್ಕಿನ ಷೇರು ವಾಸ್ಕನ್ ಇಂಜಿನಿಯರ್ಸ್ ಕಂಪೆನಿ 20 ರಂದು ಹಕ್ಕಿನ ಷೇರು ವಿತರಣೆ ಬಗ್ಗೆ ಪರಿಶೀಲಿಸಲಿದೆ.

ಟಿ ಗುಂಪಿಗೆ ಸೇರ್ಪಡೆ ಅಕ್ಟೋಬರ್ 10 ರಿಂದ ಆಮ್ಪೋರ್ಜ್ ಇಂಡಸ್ಟ್ರೀಸ್, ಡಾಟ್ ಕಾಂ ಗ್ಲೋಬಲ್, ಡೈನಾಕಾನ್ ಸಿಸ್ಟಮ್ಸ್, ಎಲೆಕ್ಟ್ರೊ ಥರ್ಮ್, ಇಂಡಿಯಾ ಬುಲ್ ಪವರ್, ಜ್ಯೋತಿ ಓವರ್ಸಿಸ್, ಲಿಂಕ್ ಫಾರ್ಮಾ, ಮಿಡ್ ಲ್ಯಾಂಡ್ ಪೊಲಿಮರ್ಸ್, ಪಂಕಜ್ ಪೊಲಿಮರ್ಸ್, ಆರ್.ಆರ್. ಫೈನಾನ್ಸಿಯಲ್ ಕನ್ಸಲ್ಟಂಟ್, ಕಾರ್ಯನ್ ರಿಸೋರ್ಸ್ಸ್ ಶ್ರೇಯಸ್ ಶಿಪ್ಲಿಂಗ್, ಸುರಾನ ಇಂಡಸ್ಟ್ರೀಸ್, ವಿಪುಲ್ ಸೇರಿ ಒಟ್ಟು 83 ಕಂಪೆನಿಗಳನ್ನು ಟಿ ಗುಂಪಿಗೆ ಸೇರಿಸಲಾಗಿದೆ. ಉಳಿದಂತೆ 276 ಕಂಪೆನಿಗಳನ್ನು ಟಿ ಗುಂಪಿನಲ್ಲಿ ಮುಂದುವರಿಸಲಾಗಿದೆ.

ಅಮಾನತು ತೆರವು *2001ರ ಸೆಪ್ಟಂಬರ್ನಿಂದಲೂ ಅಮಾನತುಗೊಂಡಿದ್ದ ಸುಪರ್ಬ್ ಪೇಪರ್ ಮಿಲ್ಸ್ ಲಿ; ಅಮಾನತು ತೆರವುಗೊಳಿಸಿಕೊಂಡು ಅಕ್ಟೋಬರ್ 15 ರಿಂದ ಪಿ ಗುಂಪಿನಲ್ಲಿ ವಹಿವಾಟಾಗಲಿದೆ. *ಪ್ರಿಸ್ಮ್ ಫೈನಾನ್ಸ್ ಲಿ. ಕಂಪೆನಿಯ ಮೇಲೆ 2007ರ ಡಿಸೆಂಬರ್ನಲ್ಲಿ ವಿಧಿಸಿದ್ದ ಅಮಾನತು ತೆರವುಗೊಳಿಸಿದ ಕಾರಣ ಅಕ್ಟೋಬರ್ 15 ರಿಂದ ಪಿ ಗುಂಪಿನಲ್ಲಿ ವಹಿವಾಟಿಗೆ ಬಿಡುಗಡೆಯಾಗಲಿದೆ.

ಬಿರ್ಲಾ ಸನ್ಲೈಫ್ ಮ್ಯುಚುಯಲ್ ಫಂಡ್ ಅ.7 ರಂದು 5.78 ಲಕ್ಷ ಷೇರು ಖರೀದಿಸಿದೆ. ಅಂದೆ ಕ್ರೆಡಿಟ್ ಸೂಸ್ (ಸಿಂಗಪುರ) 3.34 ಲಕ್ಷ ಷೇರನ್ನು ಗೋಲ್್ಡಮನ್ ಸಾಕ್್ಸ ಇನ್ವೆಸ್್ಟಮೆಂಟ್್ಸ ಮಾರಿಷಸ್ 2.90 ಲಕ್ಷ ಷೇರನ್ನು ಮಾರಾಟ ಮಾಡಿವೆ. 9 ರಂದು ಪುನಃ 2.11 ಲಕ್ಷ ಷೇರನ್ನು ಕ್ರೆಡಿಟ್ ಸೂಸ್ (ಸಿಂಗಪುರ) ಮತ್ತು 1.07 ಲಕ್ಷ ಷೇರನ್ನು ಗೋಲ್್ಡಮನ್ ಸಾಕ್್ಸ ಇನ್ವೆಸ್್ಟಮೆಂಟ್್ಸ ಮಾರಿಷಸ್ ಮಾರಾಟ ಮಾಡಿವೆ.

ಪಿರಿಯಾಡಿಕ್ ಕಾಲ್ ಆ್ಯಕ್ಷನ್ ವಿರಳವಾದ ವಹಿವಾಟು ಅಲ್ಪ ವಹಿವಾಟು, ಸುಲಭವಾಗಿ ವ್ಯವಹಾರ ನಡೆಯದೆ ಇರುವ 388 ಕಂಪೆನಿಗಳನ್ನು ಈ ಪಿರಿಯಾಡಿಕ್ ಕಾಲ್ ಆ್ಯಕ್ಷನ್ ಪಟ್ಟಿಯಲ್ಲಿ ಸೇರಿಸಲಾಗಿದೆ. ನೋಂದಾಯಿಸಿದ ಆರ್ಡರ್ಗಳು ವಹಿವಾಟಾಗಿ ಮಾರ್ಪಡದಿದ್ದರೆ ಎರಡು ಗಂಟೆಗಳ ನಂತರ ಹೊಸ ಸೆಕ್ಷನ್ನಲ್ಲಿ ಪುನಃ ಆರ್ಡರ್ ನೋಂದಾಯಿಸಬೇಕಾಗುವುದು. ಈ ಹೊಸ ಪಟ್ಟಿಯು ಅ.13 ರಿಂದ ಜಾರಿಯಾಗುವುದು.

ಹೂಡಿಕೆದಾರರ ಗಮನಕ್ಕೆ ಅಕ್ಟೋಬರ್ 15 ರಂದು ಮುಂಬೈನಲ್ಲಿ ವಿಧಾನಸಭಾ ಚುನಾವಣೆ ಕಾರಣ ಷೇರು ವಿನಿಮಯ ಕೇಂದ್ರಗಳಿಗೆ ರಜೆ ನೀಡಲಾಗಿದೆ.

. ವಾರದ ವಿಶೇಷ ಅರಿತು ಹೂಡಿಕೆ ಮಾಡಿ, ಅನುಸರಿಸಬೇಡಿ ಇತ್ತೀಚೆಗೆ ಇ–ಕಾಮರ್ಸ್ ಸಂಸ್ಥೆಯು ಭಾರಿ ಕಡಿತದ ಮಾರಾಟದ ದಿನವೆಂದು ಕಲ್ಪನೆಗೂ ಮೀರಿದ ರಿಯಾಯ್ತಿ ಬೆಲೆಯಲ್ಲಿ ವಿವಿಧ ಸಾಮಾಗ್ರಿಗಳನ್ನು ಮಾರಾಟಕ್ಕೆ ಮುಂದಾಯಿತು. ಈ ಪೂರ್ಣ ಪ್ರತಿಕ್ರಿಯೆಯು ಎಲ್ಲಾ ಸೂಸೂತ್ರವಾಗದೆ ಅನೇಕ ಗೊಂದಲಗಳನ್ನು ಸೃಷ್ಠಿಸಿತು. ಕಂಪೆನಿಯೂ ಇದಕ್ಕಾಗಿ ಕ್ಷಮೆಯಾಚಿಸಿತಾದರೂ ಗ್ರಾಹಕರಿಗಾದ ಲೋಪ-ಗಳನ್ನು ಸರಿಪಡಿಸಲು ಪ್ರಯತ್ನಿಸಿಲ್ಲ.

. ವಿವಿಧ ನಿಯಂತ್ರಕರ ಹಾಗೂ ವರ್ತಕ ಸಂಘಗಳ ಕೆಂಗಣ್ಣಿಗೂ ಗುರಿಯಾಗಿದೆ. ಈ ರೀತಿಯ ಭಾರಿ ರಿಯಾಯ್ತಿ ಮಾರಾಟವು ಅನೇಕ ಪ್ರಶ್ನೆಗಳನ್ನು ಕೆದಕಿದೆ. ಈ ಬೆಲೆಗಳು ಸಹಜವಾಗಿಯೇ ರಿಯಾಯ್ತಿಯಾಗಿ ಉತ್ಪಾದನೆಯ ಬೆಲೆಗಿಂತ ಕಡಿಮೆ ಬೆಲೆಗೆ ಮಾರಾಟ ಮಾಡಬೇಕಾದರೆ ಆ ಸಾಮಾಗ್ರಿಗಳು ಕಳಪೆಯಾಗಿವೆಯೆ? ಅಥವಾ ಮಾರಾಟಗಾರರಿಗೆ ಲಾಭದ ಅಂಶ (ಪ್ರಾಫಿಟ್ ಮಾರ್ಜಿನ್) ಅಂಥಹ ಮಟ್ಟದಲ್ಲಿದೆಯೆ? ಅಥವಾ ಮಾರಾಟಗಾರರು ತಮ್ಮ ಸ್ಟಾಕ್ ಕ್ಲಿಯರ್ ಮಾಡಲು ಈ ಹಾದಿಯೆ? ಒಟ್ಟಿನಲ್ಲಿ ಅನೇಕ ಗ್ರಾಹಕರು ಬಲಿಪಶುಗಳಾದರು.

ಇದು ಕಾಂಪಿಟೇಷನ್ನ ಪರಮಾವಧಿ. ಗಾರೆ–ಇಟ್ಟಿಗೆ, ಮಳಿಗೆಗಳ ವರ್ತಕರನ್ನೂ ತುಳಿಯುವಂತಾಗಿದೆ.ಗ್ರಾಹಕರು, ಹೂಡಿಕೆದಾರರು ತಾವು ಹೂಡಿಕೆ ಆಯ್ಕೆಗೆ ಮುಂಚೆ ಅಧ್ಯಯನ, ಅರಿವು ಮೂಡಿಸಿಕೊಂಡು ನಿರ್ಧರಿಸಬೇಕು.

ಪೇಟೆಯು ಚಟುವಟಿಕೆಯಲ್ಲಿರುವಾಗ ಎಲೆಕ್ಟ್ರಾನಿಕ್ ಮಾಧ್ಯಮಗಳಲ್ಲಿ ಬರುವ ಸುದ್ದಿಗಳನ್ನು ವಿಶ್ಲೇಷಣೆಗಳನ್ನು ಅಂಧರಾಗಿ ಅನುಸರಿಸದೇ, ಸಂದರ್ಭವನ್ನರಿತು ತುಲನಾತ್ಮಕವಾಗಿ ನಿರ್ಧರಿಸಬೇಕು. ಉದಾಹರಣೆಗೆ ₨3 ಸಾವಿರ ಕೋಟಿ ತೆರಿಗೆ ಕೇಸನ್ನು ಬಾಂಬೆ ಹೈಕೋರ್ಟ್ ತಿರಸ್ಕರಿಸಿದ ಸಂದರ್ಭದಲ್ಲಿ, ಈ ತೀರ್ಪು ಮತ್ತಷ್ಟು ಕಂಪೆನಿಗಳಿಗೂ ಅನುಕೂಲಕರವೆಂದು ಪ್ರಕಟಿಸಿದಾಗ ಕೆಲವು ಕಂಪನಿಗಳು ಏರಿಕೆ ಕಂಡವು. ಅಂತಹ ಸಂದರ್ಭವನ್ನು ಲಾಭದ ನಗದೀಕರಣಕ್ಕೆ ಉಪಯೋಗಿಸಿಕೊಳ್ಳುವುದು ಸೂಕ್ತ.

ಶುಕ್ರವಾರದಂದು ಅಬಾನ್ ಆಫ್ ಷೋರ್ ಕಂಪೆನಿಗೆ ಒ.ಎನ್.ಜಿ.ಸಿ. ಆರ್ಡರ್ ಬಂದಿದೆ ಎಂದಾಗ ಷೇರಿನ ಬೆಲೆಯು ಸುಮಾರು ನೂರು ರೂಪಾಯಿಗಳಿಗೂ ಹೆಚ್ಚಿನ ಏರಿಕೆ ಪಡೆಯಿತು. ಈ ಆರ್ಡರ್ 2015 ರಲ್ಲಿ ಆರಂಭವಾಗುವ ಪ್ರಾಜೆಕ್್ಟಗೆ ಈ ಭವಿಷ್ಯದ ಘಟನೆಗೆ ವರ್ತಮಾನದಲ್ಲಿ ಭಟ್ಟಿ ಇಳಿಸಿ ಮೌಲೀಕರಣ ಮಾಡುವ ಈ ವಿಸ್ಮಯಕಾರಿ ಗುಣ ಷೇರುಪೇಟೆಗೆ ಮಾತ್ರ. ಇಂತಹ ಗುಣಗಳಿಗೆ ಸ್ಪಂಧಿಸುವಾಗ ತುಲನಾತ್ಮಕ ನಿರ್ಧಾರ ಅಗತ್ಯ. ಅರಿತು ಹೂಡಿಕೆ ಮಾಡಿ ಅನುಸರಿಸಬೇಡಿರಿ. ಇಂತಹ ಬೆಳವಣಿಗೆಗಳು ಸಾಮಾನ್ಯವಾಗಿದೆ. ಎಚ್ಚರ ಅಗತ್ಯ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಏರಿಳಿತಗಳ ಒತ್ತಡದಲ್ಲಿ ಪೇಟೆ ವಹಿವಾಟು

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಹಿಂದಿನಿಂದಲೂ ಜೊತೆಗಿದ್ದ ಅಲ್ಪಸಂಖ್ಯಾತರು ನಮ್ಮ ಕೈ ಹಿಡಿಯಲಿಲ್ಲ: ನಿಖಿಲ್

Channapatna Bypoll | ಬಲಿಪಶು ಕಳಂಕದಿಂದ ಮುಕ್ತನಾಗಿದ್ದೇನೆ: ನಿಖಿಲ್

ಉಪಚುನಾವಣೆಯಲ್ಲಿ ಬಿಜೆಪಿ ಸೋಲಿಗೆ BSY, ವಿಜಯೇಂದ್ರ ಒಳ ಒಪ್ಪಂದ ಕಾರಣ: ಯತ್ನಾಳ

ಟಿಟಿ: ಕಲೈವನನ್‌ಗೆ ಪ್ರಶಸ್ತಿಯ ಗರಿ

ಸರಿಯಾದ ಆಟ ಕಂಡಕೊಂಡರೆ ನನಗೆ ಅವಕಾಶ: ಗುಕೇಶ್

ಐಪಿಎಲ್ ಮೆಗಾ ಹರಾಜು ಇಂದಿನಿಂದ: ಮರುಭೂಮಿಯಲ್ಲಿ ಪಂತ್‌ಗೆ ಒಲಿಯುವುದೇ ಜಾಕ್‌ಪಾಟ್

ಪರ್ತ್‌ ಟೆಸ್ಟ್: ರಾಹುಲ್–ಯಶಸ್ವಿ ಆಟಕ್ಕೆ ಬಸವಳಿದ ಆಸ್ಟ್ರೇಲಿಯಾ

ಒಳನೋಟ: ಗೋಡಂಬಿಗೆ ‘ಆಪತ್ತಿನ’ ಕಾಲ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಹಿಂದಿನಿಂದಲೂ ಜೊತೆಗಿದ್ದ ಅಲ್ಪಸಂಖ್ಯಾತರು ನಮ್ಮ ಕೈ ಹಿಡಿಯಲಿಲ್ಲ: ನಿಖಿಲ್

Channapatna Bypoll | ಬಲಿಪಶು ಕಳಂಕದಿಂದ ಮುಕ್ತನಾಗಿದ್ದೇನೆ: ನಿಖಿಲ್

ಉಪಚುನಾವಣೆಯಲ್ಲಿ ಬಿಜೆಪಿ ಸೋಲಿಗೆ BSY, ವಿಜಯೇಂದ್ರ ಒಳ ಒಪ್ಪಂದ ಕಾರಣ: ಯತ್ನಾಳ