ಮುಂಬೈ: ದಿಲ್ ವಾಲೇ ಸಿನಿಮಾದ ಬಳಿಕ ಬಾಲಿವುಡ್ ನಟಿ ಕಾಜೋಲ್ ಹಾಗೂ ಕೃತಿ ಸನೂನ್ ಒಟ್ಟಿಗೆ ಕಾಣಿಸಿಕೊಂಡಿರುವ 'ದೋ ಪತ್ತೀ‘( do patti) ಸಿನಿಮಾ 2024ರಲ್ಲಿ ಒಟಿಟಿ ವೇದಿಕೆ ನೆಟ್ಫ್ಲಿಕ್ಸ್ನಲ್ಲಿ ಬಿಡುಗಡೆಯಾಗಲಿದೆ.
ಈ ಸಂಬಂಧ ಸಾಮಾಜಿಕ ಜಾಲತಾಣ ಎಕ್ಸ್ನಲ್ಲಿ ಪೋಸ್ಟ್ ಹಂಚಿಕೊಂಡಿರುವ ನೆಟ್ಫ್ಲಿಕ್ಸ್, ಉತ್ತರ ಭಾರತದ ಬೆಟ್ಟಗಳಲ್ಲಿ ಚಿತ್ರೀಕರಿಸಲಾಗಿರುವ 'ದೋ ಪತ್ತೀ' ಚಿತ್ರವು ಥ್ರಿಲ್ಲರ್ ಹಾಗೂ ನಿಗೂಢ ಕಥಾಹಂದರ ಹೊಂದಿದೆ. ಈ ಚಿತ್ರ ಮುಂದಿನ ವರ್ಷ ಬಿಡುಗಡೆಗೆ ಸಜ್ಜಾಗಿದೆ ಎಂದು ಮಾಹಿತಿ ನೀಡಿದೆ.
'ದೋ ಪತ್ತೀ' ಸಿನಿಮಾವನ್ನು ಶಶಾಂಕ ಚರ್ತುರ್ವೇದಿ ನಿರ್ದೇಶಿಸಿದ್ದಾರೆ. ಮೊದಲ ಬಾರಿಗೆ ಬ್ಲೂ ಬಟರ್ಫ್ಲೈ ಫಿಲ್ಮ್ಸ್ ಮತ್ತು ಕಥಾ ಪಿಕ್ಚರ್ಸ್ ಬ್ಯಾನರ್ನಡಿ ಈ ಚಿತ್ರ ನಿರ್ಮಾಣವಾಗಿದೆ.
ಓಂ ರಾವತ್ ನಿರ್ದೇಶನದ ಆದಿಪುರುಷ್ ಸಿನಿಮಾದಲ್ಲಿ ನಟ ಪ್ರಭಾಸ್ ಜತೆಗೆ ಕೃತಿ ಸನೂನ್ ತೆರೆ ಮೇಲೆ ಕಾಣಿಸಿಕೊಂಡಿದ್ದರು.