ಪ್ರಜ್ವಲ್ ರೇವಣ್ಣ ಬಗ್ಗೆ ಯಾರೂ ದೂರು ನೀಡಿಲ್ಲ: ರಾಷ್ಟ್ರೀಯ ಮಹಿಳಾ ಆಯೋಗ

ಸಂತ್ರಸ್ತೆಯರಿಂದ ಎರಡು ಲೈಂಗಿಕ ದೌರ್ಜನ್ಯದ ದೂರು ಹಾಗೂ ಅಪಹರಣದ ಒಂದು ದೂರು ದಾಖಲಾಗಿವೆ ಎಂದು ಸಂಬಂಧಪಟ್ಟ ಅಧಿಕಾರಿಗಳು ಕ್ರಮ ತೆಗೆದುಕೊಂಡ ವರದಿಯಲ್ಲಿ (ಎಟಿಆರ್‌) ತಿಳಿಸಿದ್ದಾರೆ. ಆದರೆ ನಮ್ಮ ಬಳಿ ದೂರು ನೀಡಲು ಯಾವುದೇ ಸಂತ್ರಸ್ತೆ ಬಂದಿಲ್ಲ ಎಂದು ಆಯೋಗ ತಿಳಿಸಿದೆ.

‘ಕರ್ನಾಟಕ ಪೊಲೀಸರು ಎಂದು ಹೇಳಿಕೊಂಡು ಸಿವಿಲ್ ಉಡುಗೆಯಲ್ಲಿ ಬಂದಿದ್ದ ಮೂರು ಪೊಲೀಸರು ದೂರು ನೀಡಲು ಬಲವಂತಪಡಿಸಿದ್ದಾರೆ ಎಂದು ಆರೋಪಿಸಿ ಓರ್ವ ಮಹಿಳೆ ನಮ್ಮ ಬಳಿ ಬಂದಿದ್ದಾರೆ ಎಂದು ಆಯೋಗ ಹೇಳಿದೆ.

‘ದೂರು ನೀಡುವಂತೆ ಬಲವಂತ ಮಾಡಿ ವಿವಿಧ ಫೋನ್‌ ನಂಬರ್‌ಗಳಿಂದ ನನಗೆ ಕರೆ ಬರುತ್ತಿದೆ. ಅವರು ತಮಗೆ ಹಾಗೂ ಕುಟುಂಬಕ್ಕೆ ರಕ್ಷಣೆ ಕೋರಿದ್ದಾರೆ’ ಎಂದು ಆಯೋಗ ತಿಳಿಸಿದೆ.