ಮಕ್ಕಳಿಗೆ ಇಂಗ್ಲಿಷ್ನಲ್ಲಿ ನೂರಾರು ಚಿತ್ರಕಥೆ ಪುಸ್ತಕಗಳು ಸಿಗುತ್ತವೆ. ಆದರೆ ಈ ರೀತಿಯ ಕೃತಿಗಳು ಕನ್ನಡದಲ್ಲಿ ಪ್ರಕಟವಾಗುವುದು ಕಡಿಮೆ. ಆ ಕೊರತೆ ನೀಗಿಸುವ ಕೃತಿ ‘ಬ್ಯೂಟಿ ಬೆಳಕ್ಕಿ’. ಲಲಿತಾ ಕೆ.ಹೊಸಪ್ಯಾಟಿ ಬರೆದಿರುವ ಸರಳ ಕಥೆಗಳಿಗೆ ಸಂತೋಷ್ ಸಸಿಹಿತ್ಲು ಸೊಗಸಾದ ಚಿತ್ರಗಳನ್ನು ರಚಿಸಿದ್ದಾರೆ. ಪುಸ್ತಕದ ಮುದ್ರಣ ಗುಣಮಟ್ಟವೂ ಸೊಗಸಾಗಿದ್ದು, ಇಲ್ಲಿನ ಪಕ್ಷಿ, ಪ್ರಾಣಿ, ಪರಿಸರದ ಚಿತ್ರಗಳು ಪುಟ್ಟ ಮಕ್ಕಳನ್ನು ಆಕರ್ಷಿಸುವುದರಲ್ಲಿ ಯಾವುದೇ ಅನುಮಾನವಿಲ್ಲ.