‘5ನೇ ಪ್ರಯತ್ನದಲ್ಲಿ ಯುಪಿಎಸ್ಸಿ ಪರೀಕ್ಷೆಯಲ್ಲಿ ಯಶಸ್ಸು ಲಭಿಸಿದೆ. ತಂದೆ–ತಾಯಿಯ ಕಷ್ಟ ನೋಡಿದ್ದ ನಾನು ಉನ್ನತ ಹುದ್ದೆ ಪಡೆದು ಜೀವನದಲ್ಲಿ ಮಹತ್ವದನ್ನು ಸಾಧಿಸಬೇಕು ಎಂಬ ಗುರಿ ಇಟ್ಟುಕೊಂಡು ಅಧ್ಯಯನ ಕೈಗೊಂಡಿದ್ದೆ. ಸ್ನಾನ, ಊಟ, ಕೆಲಕಾಲ ನಿದ್ರೆ ಬಿಟ್ಟರೆ, ಇಡೀ ದಿನ ಓದುವುದೇ ನನ್ನ ಕೆಲಸವಾಗಿತ್ತು. ಆರ್ಥಿಕ ಪರಿಸ್ಥಿತಿ ಉತ್ತಮವಾಗಿರದ ಕಾರಣ ಮನೆಯಲ್ಲೇ ಓದಿದ್ದೇನೆ. ಒಂದು ಬಾರಿ ದೆಹಲಿಗೂ ಹೋಗಿ ಪರೀಕ್ಷೆ ಸಿದ್ಧತೆ ಕುರಿತಾಗಿ ಮಾಹಿತಿ ಪಡೆದುಕೊಂಡು ಬಂದಿದ್ದೆ’ ಎಂದು ಸ್ವಾತಿ ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದರು.