ಸುದ್ದಿಗೋಷ್ಠಿಯಲ್ಲಿ ಈ ವಿಷಯ ಪ್ರಕಟಿಸಿದ ಹಾಸನ ಹಾಲು ಒಕ್ಕೂಟದ ಅಧ್ಯಕ್ಷ ಎಚ್.ಡಿ.ರೇವಣ್ಣ, ಈಗ ಹಾಲು ಉತ್ಪಾದಕರಿಗೆ ಪ್ರತಿ ಲೀಟರ್ ಗೆ ₹ 23.50 ನೀಡಲಾಗುತ್ತಿದ್ದು, ಗುರುವಾರದಿಂದ ಲೀಟರ್ಗೆ ₹ 24.50 ಸಿಗಲಿದೆ. ಹೆಚ್ಚುವರಿ ದರ ನೀಡುವುದರಿಂದ ಒಕ್ಕೂಟಕ್ಕೆ ಮಾಸಿಕ ₹ 2.50 ಕೋಟಿ ಹೊರ ಬೀಳಲಿದೆ. ಕಳೆದ ವರ್ಷ ಒಕ್ಕೂಟ ₹ 1000 ಕೋಟಿ ವಹಿವಾಟು ನಡೆಸಿತ್ತು, ಪ್ರಸಕ್ತ ಸಾಲಿನಲ್ಲಿ ಅಂದಾಜು ₹ 1200 ಕೋಟಿ ವಹಿವಾಟು ನಡೆಸಿದ್ದು, ₹ 5 ಕೋಟಿ ನಿವ್ವಳ ಲಾಭಗಳಿಸುವ ನಿರೀಕ್ಷೆ ಇದೆ. ಕಳೆದ ಸಾಲಿಗಿಂತ ಶೇ 12 ರಿಂದ 15ರಷ್ಟು ಪ್ರಗತಿ ಸಾಧಿಸಲಾಗಿದೆ ಎಂದು ಹೇಳಿದರು.