‘ಕುವೈತ್ನಲ್ಲಿ ನೆಲೆಸಿರುವ ತುಳುವರು ಸೇರಿಕೊಂಡು 2000ನೇ ಸಾಲಿನಲ್ಲಿ ಆರಂಭಿಸಿದ ನಮ್ಮ ಸಂಸ್ಥೆಯಲ್ಲೀಗ 4 ಸಾವಿರ ಸದಸ್ಯರಿದ್ದಾರೆ. ತುಳು ಸಂಸ್ಕೃತಿ ಉಳಿಸುವ ಕಾರ್ಯಕ್ರಮಗಳ ಆಯೋಜನೆ ಜೊತೆಗೆ ಸಂಸ್ಥೆಯು ತುಳುವರ ಯೋಗಕ್ಷೇಮ ಕಾಪಾಡಲು ನೆರವಾಗುತ್ತಿದೆ. ತಾಯ್ನಾಡಿನ ಶಾಲೆಗಳಿಗೆ ಪುಸ್ತಕ, ಕಂಪ್ಯೂಟರ್, ಪೀಠೋಪಕರಣ ವಿತರಣೆ, ಶಾಲಾ ಕಟ್ಟಡ, ಶೌಚಾಲಯ ನಿರ್ಮಾಣಕ್ಕೆ ‘ಪ್ರಾಜೆಕ್ಟ್ ಎಜುಕೇಷನ್’ ಕಾರ್ಯಕ್ರಮ ಹಮ್ಮಿಕೊಂಡಿದೆ. ಈ ವರ್ಷ 12 ಸರ್ಕಾರಿ ಶಾಲೆಗಳ 33 ಮಂದಿಗೆ ವಿದ್ಯಾರ್ಥಿವೇತನ ನೀಡಿದ್ದೇವೆ’ ಎಂದರು.