<p>ಮನ್ನಿಸಿರೆಲ್ಲರು ನಮ್ಮನು ಕನ್ನಡದ ಪೂರ್ವಸೂರಿಗಳೆ<br />ನುಡಿಯ ಬಿತ್ತಿಬೆಳೆಸಿದ ನಾಡ ಹಿರಿಯ ಜೀವಗಳೆ<br />ಕನ್ನಡಕೆ ವೈರಿಗಳು ಅನ್ಯರೆಂಬುವರಿಲ್ಲ<br />ಇದ್ದರದು ನಾವೆ ಪಾಪದ ಕನ್ನಡಿಗರೇ ಎಲ್ಲ</p>.<p>ಉದಯವಾಗಲಿ ನಮ್ಮ ಚೆಲುವ ಕನ್ನಡ ನಾಡು<br />ಅಂದು ಹಾಡುತ ನೀವು ಎಲ್ಲ ನೋವನು ಮರೆತು ಒಂದಾದಿರಿ<br />ಒಡೆದು ಹೋಗಲಿ ನಾಡು ಜಾತಿಜೇಡಗಳ ಗೂಡು<br />ಎಂದು ಹಾರೈಸುತಿದೆ ಇಂದು ರಾಜಕಾರಣದ ಜಾಡು</p>.<p>ಕನ್ನಡವೆನೆ ಕುಣಿದಾಡುವುದೆನ್ನೆದೆ | ಕಿವಿ ನಿಮಿರುವುದು<br />ಅಂದಿರಿ ನೀವು ಹೆಮ್ಮೆಯಲಿ ದನಿ ಎತ್ತಿ ನಾಡು ನುಡಿ ಹಿರಿಮೆ<br />ಕನ್ನಡವೆನೆ ಕೀಳರಿಮೆಯಲ್ಲಿ ನರಳುವುದೆಮ್ಮೆದೆ<br />ಇದು ಇಂದಿನ ಹಿರಿಮೆ ಕನ್ನಡವ ಮರೆವುದೆ ನಮ್ಮಯ ಗರಿಮೆ</p>.<p>ಕನ್ನಡಕೆ ಕೈಎತ್ತು ನಿನ್ನ ಕೈ ಕಲ್ಪತರು ಕಾಮಧೇನು<br />ಅಂದಿರಿ ನೀವು ಬೆಳೆಸಿದಿರಿ ಕನ್ನಡದ ಕಬ್ಬ<br />ಕನ್ನಡಕೆ ಧ್ವಜವೆತ್ತಿದರಿಂದು ಜೈಲುವಾಸವು ನಿನಗೆ<br />ನವೆಂಬರಿನಲಿ ಮಾತ್ರ ಸಿರಿಗನ್ನಡಂ ಗೆಲ್ಗೆ</p>.<p>ಕನ್ನಡಕೆ ಕೊರಳೆತ್ತು ನಿನ್ನ ಕೊರಳು ಪಾಂಚಜನ್ಯ<br />ಅಂದು ಹೇಳಿದಿರಿ ನೀವು ಬಾರಿಸಿದಿರಿ ಕನ್ನಡದ ಡಿಂಡಿಮವ<br />ಇಂದು ಕನ್ನಡಕೆ ಕೊರಳೆತ್ತಿದರೆ ಪ್ರತಿಪದಕೆ ದಂಡ ಅರವತ್ತು<br />ಶಾಲೆ ಶಿಕ್ಷಣದಲ್ಲಿ ಇದುವೆ ಕನ್ನಡಕೆ ಆಪತ್ತು ಕುತ್ತು</p>.<p>ಕನ್ನಡದ ಪುಲ್ಲೆನಗೆ ಪಾವನದ ಶ್ರೀ ತುಳಸಿ<br />ಅಂದಿರಿ ನೀವು ಅಭಿಮಾನದಲಿ ಹಿರಿಹಿಗ್ಗಿ<br />ಇಂದು ಕನ್ನಡವ ನುಡಿದರೆ ಕೆಲಸ ಖಾಲಿ ಇಲ್ಲ<br />ಹಿಂದಿಯೋ ಇಂಗ್ಲಿಷೋ ಕರುನಾಡ ಒಳಬನ್ನಿ ಸುಗ್ಗಿ</p>.<p>ಹಚ್ಚೇವು ಕನ್ನಡದ ದೀಪ ಸಿರಿನುಡಿಯ ದೀಪ<br />ಅಂದು ಹೇಳಿದಿರಿ ಹಚ್ಚಿದಿರಿ ನಾಡು ನುಡಿ ದೀಪ<br />ಇಂದು ಮುಚ್ಚೇವು ಕನ್ನಡದ ಶಾಲೆ ಹಚ್ಚೇವು ಇಂಗ್ಲಿಷ್ ಮೇಲೆ<br />ಕನ್ನಡವ ಕೊಂದು ಇಂಗ್ಲಿಷ್ ತಂದು ಊದೇವು ಕಹಳೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮನ್ನಿಸಿರೆಲ್ಲರು ನಮ್ಮನು ಕನ್ನಡದ ಪೂರ್ವಸೂರಿಗಳೆ<br />ನುಡಿಯ ಬಿತ್ತಿಬೆಳೆಸಿದ ನಾಡ ಹಿರಿಯ ಜೀವಗಳೆ<br />ಕನ್ನಡಕೆ ವೈರಿಗಳು ಅನ್ಯರೆಂಬುವರಿಲ್ಲ<br />ಇದ್ದರದು ನಾವೆ ಪಾಪದ ಕನ್ನಡಿಗರೇ ಎಲ್ಲ</p>.<p>ಉದಯವಾಗಲಿ ನಮ್ಮ ಚೆಲುವ ಕನ್ನಡ ನಾಡು<br />ಅಂದು ಹಾಡುತ ನೀವು ಎಲ್ಲ ನೋವನು ಮರೆತು ಒಂದಾದಿರಿ<br />ಒಡೆದು ಹೋಗಲಿ ನಾಡು ಜಾತಿಜೇಡಗಳ ಗೂಡು<br />ಎಂದು ಹಾರೈಸುತಿದೆ ಇಂದು ರಾಜಕಾರಣದ ಜಾಡು</p>.<p>ಕನ್ನಡವೆನೆ ಕುಣಿದಾಡುವುದೆನ್ನೆದೆ | ಕಿವಿ ನಿಮಿರುವುದು<br />ಅಂದಿರಿ ನೀವು ಹೆಮ್ಮೆಯಲಿ ದನಿ ಎತ್ತಿ ನಾಡು ನುಡಿ ಹಿರಿಮೆ<br />ಕನ್ನಡವೆನೆ ಕೀಳರಿಮೆಯಲ್ಲಿ ನರಳುವುದೆಮ್ಮೆದೆ<br />ಇದು ಇಂದಿನ ಹಿರಿಮೆ ಕನ್ನಡವ ಮರೆವುದೆ ನಮ್ಮಯ ಗರಿಮೆ</p>.<p>ಕನ್ನಡಕೆ ಕೈಎತ್ತು ನಿನ್ನ ಕೈ ಕಲ್ಪತರು ಕಾಮಧೇನು<br />ಅಂದಿರಿ ನೀವು ಬೆಳೆಸಿದಿರಿ ಕನ್ನಡದ ಕಬ್ಬ<br />ಕನ್ನಡಕೆ ಧ್ವಜವೆತ್ತಿದರಿಂದು ಜೈಲುವಾಸವು ನಿನಗೆ<br />ನವೆಂಬರಿನಲಿ ಮಾತ್ರ ಸಿರಿಗನ್ನಡಂ ಗೆಲ್ಗೆ</p>.<p>ಕನ್ನಡಕೆ ಕೊರಳೆತ್ತು ನಿನ್ನ ಕೊರಳು ಪಾಂಚಜನ್ಯ<br />ಅಂದು ಹೇಳಿದಿರಿ ನೀವು ಬಾರಿಸಿದಿರಿ ಕನ್ನಡದ ಡಿಂಡಿಮವ<br />ಇಂದು ಕನ್ನಡಕೆ ಕೊರಳೆತ್ತಿದರೆ ಪ್ರತಿಪದಕೆ ದಂಡ ಅರವತ್ತು<br />ಶಾಲೆ ಶಿಕ್ಷಣದಲ್ಲಿ ಇದುವೆ ಕನ್ನಡಕೆ ಆಪತ್ತು ಕುತ್ತು</p>.<p>ಕನ್ನಡದ ಪುಲ್ಲೆನಗೆ ಪಾವನದ ಶ್ರೀ ತುಳಸಿ<br />ಅಂದಿರಿ ನೀವು ಅಭಿಮಾನದಲಿ ಹಿರಿಹಿಗ್ಗಿ<br />ಇಂದು ಕನ್ನಡವ ನುಡಿದರೆ ಕೆಲಸ ಖಾಲಿ ಇಲ್ಲ<br />ಹಿಂದಿಯೋ ಇಂಗ್ಲಿಷೋ ಕರುನಾಡ ಒಳಬನ್ನಿ ಸುಗ್ಗಿ</p>.<p>ಹಚ್ಚೇವು ಕನ್ನಡದ ದೀಪ ಸಿರಿನುಡಿಯ ದೀಪ<br />ಅಂದು ಹೇಳಿದಿರಿ ಹಚ್ಚಿದಿರಿ ನಾಡು ನುಡಿ ದೀಪ<br />ಇಂದು ಮುಚ್ಚೇವು ಕನ್ನಡದ ಶಾಲೆ ಹಚ್ಚೇವು ಇಂಗ್ಲಿಷ್ ಮೇಲೆ<br />ಕನ್ನಡವ ಕೊಂದು ಇಂಗ್ಲಿಷ್ ತಂದು ಊದೇವು ಕಹಳೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
