ನಾಲಿಗೆ ತಣಿಸುವ ಧಮ್‌ ಬಿರಿಯಾನಿ

ಈ ಹೋಟೆಲ್ನ ಚಿಕನ್ ಧಮ್ ಬಿರಿಯಾನಿ ಗ್ರಾಹಕರ ನಾಲಿಗೆ ತಣಿಸುತ್ತದೆ. ರುಚಿಗೆ ಜನರು ಇದರತ್ತ ಆಕರ್ಷಣೆಯಾಗುತ್ತಿದ್ದಾರೆ. ಬಿರಿಯಾನಿ ಘಮಲು ಗ್ರಾಹಕರನ್ನು ಹೋಟಲ್ನತ್ತ ಸೆಳೆಯುತ್ತಿದೆ.

. ಹಸಿಗಾಳ ಮತ್ತು ಹೊಸಕೋಟೆ, ದೇವನಹಳ್ಳಿ ಸುತ್ತಮುತ್ತಲ್ಲಿನ ಹತ್ತಾರು ಗ್ರಾಮಗಳ ಜನರು ಮುಗಿಬಿದ್ದು ಬಿರಿಯಾನಿ ಸವಿಯುತ್ತಾರೆ.

. ಇಲ್ಲಿ ಸಿಗುವ ಗುಣಮಟ್ಟದ ಬಿರಿಯಾನಿ ದೊಡ್ಡವರಿಂದ ಹಿಡಿದು ಮಕ್ಕಳು, ಮಹಿಳೆಯರಿಗೆ ಅಚ್ಚುಮೆಚ್ಚು. ಹಸಿಗಾಳ ಗ್ರಾಮದಿಂದ ಹೊಸಕೋಟೆ ಹೋಗುವ ಮುಖ್ಯ ರಸ್ತೆಯಲ್ಲಿ ಬಲ ಬದಿಯಲ್ಲಿ ಈ ಹೋಟಲ್ ಇದೆ. ಹಸಿಗಾಳ ಗ್ರಾಮದ ಸಂತೋಷ್ ಎಚ್.ಎಂ ಮತ್ತು ಸಂದೀಪ್ ಸಹಪಾಠಿಗಳು ಈ ಹೋಟೆಲ್ ಮುನ್ನಡೆಸುತ್ತಿದ್ದಾರೆ.

. 2021ರಲ್ಲಿ ಈ ಹೋಟೆಲ್ ಆರಂಭಗೊಂಡಿದೆ. ಅಂದಿನಿಂದಲೂ ರುಚಿ ಮತ್ತು ಸ್ವಾದಿಷ್ಟಕ್ಕೆ ಹೆಸರಾಗಿದೆ. ಸೂಲಿಬೆಲೆ ಹೋಬಳಿ ಗಿಡ್ಡಪ್ಪನಹಳ್ಳಿ, ಅತ್ತಿಬೆಲೆ, ಸಾದಪ್ಪನಹಳ್ಳಿ, ಯನಗುಂಟೆ, ಕಮ್ಮಸಂದ್ರ ಮತ್ತು ಕಸಬಾ ಹೋಬಳಿ ತಿಮ್ಮಸಂದ್ರ, ಲಕ್ಕೊಂಡಹಳ್ಳಿ , ವಾಬಸಂದ್ರ, ಕಂಬಳೀಪುರ, ವೆಂಕಟಾಪುರ, ಹೊಸಕೋಟೆ, ದೇವನಹಳ್ಳಿ ಹಾಗೂ ಬೆಂಗಳೂರು ಸುತ್ತಮುತ್ತಲಿನ ಜನರು ಇಲ್ಲಿಗೆ ಬರುತ್ತಾರೆ.

. ವಾರದಲ್ಲಿ ಮಂಗಳವಾರ, ಶುಕ್ರವಾರ ಮತ್ತು ಭಾನುವಾರ ಮಾತ್ರ ಈ ಹೋಟಲ್ ತೆರೆದಿರುತ್ತೆ. ಪ್ರತಿ ಭಾನುವಾರ ರಜೆ ಇರುವ ಕಾರಣ ಈ ಹೋಟೆಲ್ಗೆ ವಲಸೆ ಕಾರ್ಮಿಕರು, ಸ್ಥಳೀಯರು ಬಿರಿಯಾನಿ ತಿನ್ನಲು ದೊಡ್ಡ ಸಂಖ್ಯೆಯಲ್ಲಿ ಬರುತ್ತಾರೆ. ಘಮಲು ಸವಿಯಲೆಂದೇ ಇಲ್ಲಿಗೆ ಬರುತ್ತೇವೆ ಎನ್ನುತ್ತಾರೆ ದೇವನಹಳ್ಳಿಯ ಸುಷ್ಮಾ.