ಶಿಕ್ಷಣ ಹಿಮ್ಮುಖಗೊಳಿಸುವ ಎನ್‌ಇಪಿ: ಬಿ.ಶ್ರೀಪಾದಭಟ್

ದೊಡ್ಡಬಳ್ಳಾಪುರ: 34 ವರ್ಷಗಳ ನಂತರ ಜಾರಿಗೊಳಿಸಿರುವ ಹೊಸ ಶಿಕ್ಷಣ ನೀತಿಯು ನಮ್ಮನ್ನು ಹಿಮ್ಮುಖಗೊಳಿಸುವಂತೆ ಇದೆ. ಈ ಅರಿವು ಮತ್ತು ಎಚ್ಚರ ಇರದೇ ಹೊಸ ಶಿಕ್ಷಣ ನೀತಿ ಜಾರಿಗೊಳಿಸಲಾಗಿದೆ ಎಂದು ಶಿಕ್ಷಣ ತಜ್ಞ ಬಿ.ಶ್ರೀಪಾದಭಟ್ ಹೇಳಿದರು.

. ಅಂತರ್ ವಿಭಾಗೀಯ ಜ್ಞಾನ ವಿನಿಮಯ ಕಾರ್ಯಕ್ರಮದ ಭಾಗವಾಗಿ ನಗರದ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ಇತಿಹಾಸ ಮತ್ತು ಕನ್ನಡ ವಿಭಾಗ ಕಾಲೇಜಿನಲ್ಲಿ ಆಯೋಜಿಸಿದ್ದ ‘ಹೊಸ ಶಿಕ್ಷಣ ನೀತಿ-2020 ಸಾಧಕ ಬಾಧಕಗಳು’ ಕುರಿತ ಸಂವಾದದಲ್ಲಿ ಮಾತನಾಡಿದರು.

. ಕೇವಲ ರಾಜಕೀಯ ವಿರೋಧದ ಮಾತಲ್ಲ, ಬದಲಾಗಿ ಈ ನೀತಿ ಅನುಷ್ಠಾನದಿಂದ ಯಾವ ರೀತಿಯ ವಾಸ್ತವ ಸಮಾಜ ಕಟ್ಟುತ್ತೇವೆ ಎಂಬುದರ ಬಗ್ಗೆಯೂ ಅವಲೋಕನ ನಡೆಯಬೇಕಿದೆ ಎಂದರು.

. ರಾಜ್ಯದಲ್ಲಿ ಹೊಸ ಶಿಕ್ಷಣ ನೀತಿ-2020 ಜಾರಿಗೊಳಿಸಲಾಗಿದೆ. ಆದರೆ ದೇಶದ ಇತರೆ ಯಾವುದೇ ರಾಜ್ಯಗಳಲ್ಲೂ ಜಾರಿಯಾಗದೇ ಇರುವ ಈ ಹೊಸ ನೀತಿ ನಮ್ಮ ರಾಜ್ಯದಲ್ಲಿ ಮಾತ್ರ ಏಕೆ ಜಾರಿಗೊಂಡಿದೆ ಎಂದು ಪ್ರಶ್ನಿಸಿದರು.

. ಆಳುವ ಸರ್ಕಾರ ತನ್ನ ರಾಜಕೀಯ ಅಧಿಕಾರ ಬಳಸಿಕೊಂಡು ಏನೋ ತುರ್ತು ಎಂಬಂತೆ ಈ ನೀತಿಯನ್ನು ವಿದ್ಯಾರ್ಥಿಗಳು, ಅಧ್ಯಾಪಕರು ಹಾಗೂ ಒಟ್ಟಾರೆ ವ್ಯವಸ್ಥೆ ಮೇಲೆ ಹೇರಲಾಗಿದೆ. ಶಿಕ್ಷಣವನ್ನು ಸಾರ್ವತ್ರಿಕರಣಗೊಳಿಸಬೇಕು. ಆದರೆ ಈ ನೆಪದಲ್ಲಿ ಅವೈಜ್ಞಾನಿಕವಾದ ಮತ್ತು ವಾಸ್ತವದಲ್ಲಿ ಸಾಧ್ಯವಿಲ್ಲದ ಅಮೂರ್ತ ಕಲ್ಪನೆಗಳನ್ನು ತೇಲಿ ಬಿಡಬಾರದು. ಇದು ಒಂದು ರೀತಿಯಲ್ಲಿ ಕಣ್ಕಟ್ಟೆ ಆಗಿದೆ ಎಂದು ಟೀಕಿಸಿದರು.

. ಹೊಸ ಶಿಕ್ಷಣ ನೀತಿ ಎಲ್ಲಾ ಜಾತಿಯ ಬಡವರು ಹಾಗೂ ದಲಿತ ಹಿಂದುಳಿದವರಿಗೆ ಶಿಕ್ಷಣ ಕೈಗೆಟುಕದಂತೆ ಮಾಡುತ್ತದೆ. ಕಸ್ತೂರಿ ರಂಗನ್ ಆಯೋಗದ ಮೇಲ್ಮುಕಿ ವಿಚಾರಗಳ ಚೂರ್ಣ ಇದಾಗಿದ್ದು, ಇದು ಚಾತುರ್ವರ್ಣ ವ್ಯವಸ್ಥೆಯ ಶಿಕ್ಷಣವನ್ನು ಎತ್ತಿ ಹಿಡಿಯುವುದೇ ಇದರ ತಾತ್ವಿಕತೆಯಾಗಿದೆ ಎಂದರು.

. ಪ್ರಾಂಶುಪಾಲ ಡಾ.ರಾಮಚಂದ್ರ ಸದಾಶಿವಗೌಡ ಮಾತನಾಡಿ, ಯಾವುದೇ ನೀತಿ ತಂದರೂ ಅದು ಏರಿಕೆಯಾಗದೆ ವಿದ್ಯಾರ್ಥಿಗಳಲ್ಲಿ ಸ್ವತಂತ್ರ ಚಿಂತನೆ ಆಲೋಚನೆ ಹಾಗೂ ಜೀವನ ಗ್ರಹಿಕೆ ಹುಟ್ಟಿಸಬೇಕು ಎಂದು ಹೇಳಿದರು.

. ಪ್ರೊ.ನೀರಜಾದೇವಿ, ಡಾ.ಗಂಗಾಧರ್, ಪ್ರೊ.ರಂಗಸ್ವಾಮಿ, ಪ್ರೊ.ಶೈಲಾ ಇದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಶಿಕ್ಷಣ ಹಿಮ್ಮುಖಗೊಳಿಸುವ ಎನ್‌ಇಪಿ: ಬಿ.ಶ್ರೀಪಾದಭಟ್

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ನಟ ಡಾಲಿ ಧನಂಜಯ–ಡಾ.ಧನ್ಯತಾ ನಿಶ್ಚಿತಾರ್ಥ: ಫೆ.16 ರಂದು ಮದುವೆ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಮಿನಿ ಒಲಿಂಪಿಕ್ಸ್‌ ಕ್ರೀಡಾಕೂಟ: ಇಯಾನ್‌ ಅಮನ್ನ, ಪೂಜಾ ವೇಗದ ಓಟಗಾರರು

ಹಾಕಿ ಮಹಿಳಾ ಏಷ್ಯನ್‌ ಚಾಂಪಿಯನ್ಸ್‌ ಟ್ರೋಫಿ: ನಾಲ್ಕರ ಘಟ್ಟಕ್ಕೆ ಅಜೇಯ ಭಾರತ

ಫುಟ್‌ಬಾಲ್‌: ಸೌಹಾರ್ದ ಪಂದ್ಯ; ಭಾರತಕ್ಕೆ ಮಲೇಷ್ಯಾ ಸವಾಲು ಇಂದು

ಮುಂಬೈ ತಂಡಕ್ಕೆ ಶ್ರೇಯಸ್ ನಾಯಕ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ನಟ ಡಾಲಿ ಧನಂಜಯ–ಡಾ.ಧನ್ಯತಾ ನಿಶ್ಚಿತಾರ್ಥ: ಫೆ.16 ರಂದು ಮದುವೆ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024