ಮಳೆಗಾಲದಲ್ಲಿ ಸಂಪರ್ಕ ಕಡಿದುಕೊಳ್ಳುವ ಹಳ್ಳಿಗಳು: ಕಾಡುವಾಸಿಗಳ ಬದುಕಿಗೆ ಲಾಕ್‌ಡೌನ್

ಈ ಗ್ರಾಮಗಳಿಗೆ ಹೋಗಿ ಬರಲು ಸಮರ್ಪಕ ರಸ್ತೆಯಿಲ್ಲ ಸೇತುವೆಗಳಿಲ್ಲ. ದೂರವಾಣಿ ವಿದ್ಯುತ್ ವೈದ್ಯಕೀಯ ಹಾಗೂ ಸಾರಿಗೆ ವ್ಯವಸ್ಥೆಗಳೂ ಇಲ್ಲ. ಸರ್ಕಾರ ಈ ಗ್ರಾಮಗಳಲ್ಲಿ ಸರ್ಕಾರಿ ಕಿರಿಯ ಪ್ರಾಥಮಿಕ ಶಾಲೆಗಳನ್ನು ತೆರೆದಿದೆ. ಆದರೆ ಮಕ್ಕಳ ಸಂಖ್ಯೆ 20 ದಾಟಿಲ್ಲ. 5ನೇ ತರಗತಿಯ ನಂತರ ಮುಂದಿನ ಶಿಕ್ಷಣಕ್ಕೆ ಸಮೀಪದಲ್ಲಿ ವ್ಯವಸ್ಥೆಯಿಲ್ಲ. ವನ್ಯಜೀವಿ ಸಂರಕ್ಷಣಾ ಅಧಿನಿಯಮ ಅಡಿಯಲ್ಲಿ ಈ ಗ್ರಾಮಗಳಲ್ಲಿ ಅಭಿವೃದ್ಧಿ ಕಾರ್ಯಗಳಿಗೆ ನಿಷೇಧವಿದೆ. ಆದ್ದರಿಂದ ಅರಣ್ಯ ಪ್ರದೇಶದ ಎಲ್ಲ ಗ್ರಾಮಗಳ ಮೂಲ ಸಮಸ್ಯೆಗಳಿಗೆ ಪರಿಹಾರ ಒದಗಿಸಲು ಸರ್ಕಾರದಿಂದ ಸಾಧ್ಯವಾಗುತ್ತಿಲ್ಲ. ಅರಣ್ಯ ಪ್ರದೇಶದಿಂದ ಸುತ್ತುವರೆದ ಗ್ರಾಮಗಳಲ್ಲಿ ಅಧಿಕಾರಿಗಳು ಮತ್ತು ಜನಪ್ರತಿನಿಧಿಗಳ ಭೇಟಿ ಕೇವಲ ಸಾಂದರ್ಭಿಕ ಸಮಯಗಳಲ್ಲಿ ಮಾತ್ರ. ಮಳೆಗಾಲದ ಸಮಯದಲ್ಲಿ ಎಡೆಬಿಡದೇ ಸುರಿದ ಮಳೆಯಿಂದಾಗಿ ಉಂಟಾದ ಪ್ರವಾಹದ ಸಂದರ್ಭದಲ್ಲಿ ತಮ್ಮ ಕೆಲಸ ಎಂಬಂತೆ ಅಧಿಕಾರಿಗಳು ಹಾಗೂ ಜನಪ್ರತಿನಿಧಿಗಳು ಅತೀವೃಷ್ಟಿ ಬಾಧಿತ ಪ್ರದೇಶಗಳಿಗೆ ಭೇಟಿ ನೀಡುತ್ತಾರೆ. ಆಗ ಮಾತ್ರ ಇಲ್ಲಿಯ ಜನರಿಗೆ ಭವಿಷ್ಯದಲ್ಲಿ ಸಂಪರ್ಕ ರಸ್ತೆ ಸೇತುವೆ ಹಾಗೂ ಇನ್ನಿತರ ಕಾರ್ಯಗಳನ್ನು ಮಾಡಿಕೊಡುತ್ತೇವೆ ಎಂಬ ಭರವಸೆ ನೀಡಿ ಹೊರಟುಹೋಗುತ್ತಾರೆ. ಆದರೆ ಕಾನೂನಿನ ಚೌಕಟ್ಟಿನಲ್ಲಿ ಇವರಿಗೆ ಯಾವ ರೀತಿಯ ನ್ಯಾಯ ಒದಗಿಸಬಹುದೆಂಬ ಬಗ್ಗೆ ವಿವೇಚಿಸಲು ಪುರುಸೊತ್ತಿಲ್ಲ.

ಗವ್ವಾಳಿ ಕೊಂಗಳಾ ಪಾಸ್ತೊಳಿ ಮಂಗೇನಹಾಳ ಮೆಂಡಿಲ್ ದೇಗಾಂವ ಕೃಷ್ಣಾಪುರ ತಳೇವಾಡಿ ಅಮಗಾಂವ ಜಾಮಗಾಂವ ಪಾರವಾಡ ಚಿಕಲೆ ಚಿಗುಳೆ ಮಾನ ಸಡಾ ಹೊಳಂದ ವರ್ಕಡ್ ಪಾಟೆ ಮಾಂಜರಪೈ ಘೋಸೆ ಚಾಪೋಲಿ ಕಾಪೋಲಿ ಚಿರೆಖಾನೆ ತಳಾವಡೆ ಮೊರಬ ಬೆಟಗೇರಿ ಜಟಗೆ ಕಬನಾಳಿ ಶಿಂಧೊಳ್ಳಿ ಮೊಹಿಶೇತ ಮಾಚಾಳಿ ಸಾತನಾಳಿ ಜಾಂಬೇಗಾಳಿ ಸೇರಿದಂತೆ ವಿವಿಧ ಹಳ್ಳಿಗಳ ವ್ಯಾಪ್ತಿಯಲ್ಲಿ ಜನಸಂಖ್ಯೆಗಿಂತ ಆನೆ ಹುಲಿ ಚಿರತೆ ಕರಡಿ ಕಾಡುಕೋಣ ಕಾಡೆಮ್ಮೆ ಮುಳ್ಳುಹಂದಿ ಕಾಡುಹಂದಿ ನರಿ ಕಾಡುನಾಯಿ ತೋಳ ಇತ್ಯಾದಿ ಮೃಗಗಳ ಸಂಖ್ಯೆಯೇ ಅಧಿಕವಾಗಿದೆ.