<p>ಬೆಂಗಳೂರು: ಕಲಾಸಿಪಾಳ್ಯ ಸಮೀಪದ ಬ್ಯಾಂಕ್ವೊಂದರ ಬಳಿ ಎಟಿಎಂ ಖಾಲಿ ಬಾಕ್ಸ್ಗಳು ಪತ್ತೆಯಾಗಿದ್ದರಿಂದ, ಸ್ಥಳದಲ್ಲಿ ಕೆಲ ಹೊತ್ತು ಆತಂಕದ ವಾತಾವರಣ ನಿರ್ಮಾಣವಾಗಿತ್ತು.</p>.<p>ಸ್ಥಳಕ್ಕೆ ಬಂದಿದ್ದ ಪೊಲೀಸರು, ಬಾಂಬ್ ನಿಷ್ಕ್ರಿಯ ದಳದ ಸಿಬ್ಬಂದಿ ತಪಾಸಣೆ ನಡೆಸಿದ ನಂತರ ಜನರು ನಿಟ್ಟುಸಿರು ಬಿಟ್ಟರು.</p>.<p>‘ಎಟಿಎಂ ಯಂತ್ರದೊಳಗೆ ಇರಿಸುವ ನಗದು ಬಾಕ್ಸ್ಗಳನ್ನು ಯಾರೋ ರಸ್ತೆ ಪಕ್ಕದಲ್ಲಿ ಎಸೆದಿದ್ದರು. ಗುಜರಿ ಆಯುವ ಸಂದರ್ಭದಲ್ಲಿ ವ್ಯಕ್ತಿಯೊಬ್ಬ ಬಾಕ್ಸ್ಗಳನ್ನು ನೋಡಿದ್ದರು. ಅವುಗಳನ್ನು ಎತ್ತಿಕೊಂಡು ಬಂದು ಗುಜರಿ ಅಂಗಡಿಯವರಿಗೆ ನೀಡಿದ್ದರು’ ಎಂದು ಪೊಲೀಸ್ ಮೂಲಗಳು ಹೇಳಿವೆ.</p>.<p>‘ಬಾಕ್ಸ್ ಖರೀದಿಸಲು ಗುಜರಿ ಅಂಗಡಿ ಮಾಲೀಕ ನಿರಾಕರಿಸಿದ್ದರು. ಅವಾಗಲೇ ಆ ವ್ಯಕ್ತಿ, ಎಟಿಎಂ ನಗದು ಬಾಕ್ಸ್ಗಳನ್ನು ಕಲಾಸಿಪಾಳ್ಯ ಬಳಿ ಎಸೆದು ಹೋಗಿದ್ದಾರೆ. ಈ ದೃಶ್ಯ ಸಿ.ಸಿ.ಟಿ.ವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಆದರೆ, ಆ ವ್ಯಕ್ತಿ ಯಾರು ಎಂಬುದು ಗೊತ್ತಾಗಿಲ್ಲ’ ಎಂದು ತಿಳಿಸಿವೆ.</p>.<p>‘ಬಾಕ್ಸ್ ನೋಡಿದ್ದ ಸ್ಥಳೀಯರು, ಅನುಮಾನಾಸ್ಪದ ವಸ್ತು ಬಿದ್ದಿರುವುದಾಗಿ ನಿಯಂತ್ರಣ ಕೊಠಡಿಗೆ ಮಾಹಿತಿ ನೀಡಿದ್ದರು. ಸ್ಥಳಕ್ಕೆ ಹೋಗಿ ಪರಿಶೀಲಿಸಿದಾಗ, ಖಾಲಿ ಬಾಕ್ಸ್ಗಳು ಪತ್ತೆಯಾದವು. ಇವು ಯಾವ ಬ್ಯಾಂಕ್ಗೆ ಸೇರಿದ್ದ ಬಾಕ್ಸ್ಗಳು ಎಂಬುದು ತನಿಖೆಯಿಂದ ತಿಳಿಯಬೇಕಿದೆ’ ಎಂದು ಹೇಳಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬೆಂಗಳೂರು: ಕಲಾಸಿಪಾಳ್ಯ ಸಮೀಪದ ಬ್ಯಾಂಕ್ವೊಂದರ ಬಳಿ ಎಟಿಎಂ ಖಾಲಿ ಬಾಕ್ಸ್ಗಳು ಪತ್ತೆಯಾಗಿದ್ದರಿಂದ, ಸ್ಥಳದಲ್ಲಿ ಕೆಲ ಹೊತ್ತು ಆತಂಕದ ವಾತಾವರಣ ನಿರ್ಮಾಣವಾಗಿತ್ತು.</p>.<p>ಸ್ಥಳಕ್ಕೆ ಬಂದಿದ್ದ ಪೊಲೀಸರು, ಬಾಂಬ್ ನಿಷ್ಕ್ರಿಯ ದಳದ ಸಿಬ್ಬಂದಿ ತಪಾಸಣೆ ನಡೆಸಿದ ನಂತರ ಜನರು ನಿಟ್ಟುಸಿರು ಬಿಟ್ಟರು.</p>.<p>‘ಎಟಿಎಂ ಯಂತ್ರದೊಳಗೆ ಇರಿಸುವ ನಗದು ಬಾಕ್ಸ್ಗಳನ್ನು ಯಾರೋ ರಸ್ತೆ ಪಕ್ಕದಲ್ಲಿ ಎಸೆದಿದ್ದರು. ಗುಜರಿ ಆಯುವ ಸಂದರ್ಭದಲ್ಲಿ ವ್ಯಕ್ತಿಯೊಬ್ಬ ಬಾಕ್ಸ್ಗಳನ್ನು ನೋಡಿದ್ದರು. ಅವುಗಳನ್ನು ಎತ್ತಿಕೊಂಡು ಬಂದು ಗುಜರಿ ಅಂಗಡಿಯವರಿಗೆ ನೀಡಿದ್ದರು’ ಎಂದು ಪೊಲೀಸ್ ಮೂಲಗಳು ಹೇಳಿವೆ.</p>.<p>‘ಬಾಕ್ಸ್ ಖರೀದಿಸಲು ಗುಜರಿ ಅಂಗಡಿ ಮಾಲೀಕ ನಿರಾಕರಿಸಿದ್ದರು. ಅವಾಗಲೇ ಆ ವ್ಯಕ್ತಿ, ಎಟಿಎಂ ನಗದು ಬಾಕ್ಸ್ಗಳನ್ನು ಕಲಾಸಿಪಾಳ್ಯ ಬಳಿ ಎಸೆದು ಹೋಗಿದ್ದಾರೆ. ಈ ದೃಶ್ಯ ಸಿ.ಸಿ.ಟಿ.ವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಆದರೆ, ಆ ವ್ಯಕ್ತಿ ಯಾರು ಎಂಬುದು ಗೊತ್ತಾಗಿಲ್ಲ’ ಎಂದು ತಿಳಿಸಿವೆ.</p>.<p>‘ಬಾಕ್ಸ್ ನೋಡಿದ್ದ ಸ್ಥಳೀಯರು, ಅನುಮಾನಾಸ್ಪದ ವಸ್ತು ಬಿದ್ದಿರುವುದಾಗಿ ನಿಯಂತ್ರಣ ಕೊಠಡಿಗೆ ಮಾಹಿತಿ ನೀಡಿದ್ದರು. ಸ್ಥಳಕ್ಕೆ ಹೋಗಿ ಪರಿಶೀಲಿಸಿದಾಗ, ಖಾಲಿ ಬಾಕ್ಸ್ಗಳು ಪತ್ತೆಯಾದವು. ಇವು ಯಾವ ಬ್ಯಾಂಕ್ಗೆ ಸೇರಿದ್ದ ಬಾಕ್ಸ್ಗಳು ಎಂಬುದು ತನಿಖೆಯಿಂದ ತಿಳಿಯಬೇಕಿದೆ’ ಎಂದು ಹೇಳಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
