ಬೆಂಗಳೂರು: ವಿದ್ಯುತ್ ಕಂಬಗಳಲ್ಲಿ ಅನಧಿಕೃತವಾಗಿ ಅಳವಡಿಸಿರುವ ಒಎಫ್ಸಿ ಕೇಬಲ್, ಡೇಟಾ ಕೇಬಲ್ ಹಾಗೂ ಡಿಶ್ ಕೇಬಲ್ಗಳನ್ನು ಜುಲೈ 8ರ ಒಳಗೆ ತೆರವುಗೊಳಿಸಲು ಬೆಸ್ಕಾಂ ಸೂಚನೆ ನೀಡಿದೆ.
2023ರ ಆಗಸ್ಟ್ನಲ್ಲಿ ಬೆಸ್ಕಾಂನಿಂದ ವಿಶೇಷ ಕಾರ್ಯಾಚರಣೆ ನಡೆಸಿ ಕೇಬಲ್ಗಳನ್ನು ತೆರವು ಮಾಡಲಾಗಿತ್ತು. ಮತ್ತೆ ಕೇಬಲ್ ಅಳವಡಿಸಲಾಗಿದೆ.
‘ಸಂಬಂಧಿಸಿದ ಇಂಟರ್ನೆಟ್ ಸೇವಾ ಕಂಪನಿಗಳು, ಟಿವಿ ಕೇಬಲ್ ಆಪರೇಟರ್ಗಳು ತೆರವುಗೊಳಿಸದೇ ಇದ್ದರೆ ಬೆಸ್ಕಾಂ ವತಿಯಿಂದ ಯಾವುದೇ ಸೂಚನೆ ನೀಡದೇ ತೆರವುಗೊಳಿಸಲಾಗುವುದು. ತಪ್ಪಿತಸ್ಥರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲಾಗುವುದು’ ಎಂದು ಎಚ್ಚರಿಕೆ ನೀಡಿದೆ.
ಅನಧಿಕೃತ ಕೇಬಲ್ಗಳಿಂದಾಗಿ ವಿದ್ಯುತ್ ಅವಘಡ ಉಂಟಾದರೆ ಸಂಬಂಧಿಸಿದ ಕೇಬಲ್ ಆಪರೇಟರ್ಗಳನ್ನು ಹೊಣೆಗಾರರನ್ನಾಗಿ ಮಾಡಲಾಗುವುದು ತಿಳಿಸಿದೆ.