<p><strong>ಬೆಂಗಳೂರು:</strong> ಕೆ.ಆರ್. ಪುರ ಜಂಕ್ಷನ್ನಲ್ಲಿ ಸಂಚಾರ ದಟ್ಟಣೆ ಸಮಸ್ಯೆ ನಿವಾರಣೆಗೆ ಬೆಂಗಳೂರು ಮೆಟ್ರೊ ರೈಲು ನಿಗಮವು (ಬಿಎಂಆರ್ಸಿಎಲ್) ಮೇಲ್ಸೇತುವೆ ನಿರ್ಮಿಸಲು ಮುಂದಾಗಿದೆ.</p>.<p>ಈ ಮೇಲ್ಸೇತುವೆಗೆ ಕಸ್ತೂರಿನಗರ ಮತ್ತು ಕೆ.ಆರ್. ಸಂಪರ್ಕಿಸುವ ಎರಡು ಲೂಪ್ಗಳನ್ನು ನಿರ್ಮಾಣ ಮಾಡುವುದರ ಜೊತೆಗೆ,ಟಿನ್ ಫ್ಯಾಕ್ಟರಿ ಮತ್ತು ಮಹದೇವಪುರ ಜಂಕ್ಷನ್ ರಸ್ತೆ ವಿಸ್ತರಣೆ ಕಾರ್ಯವನ್ನು ಕೈಗೊಳ್ಳಲು ನಿಗಮಕ್ಕೆ ನಗರಾಭಿವೃದ್ಧಿ ಇಲಾಖೆ ಪ್ರಾಥಮಿಕ ಅನುಮೋದನೆ ನೀಡಿದೆ.</p>.<p>ಈ ಕುರಿತು ಸಮಗ್ರ ಯೋಜನಾ ವರದಿ ಸಿದ್ಧಪಡಿಸಿ, ಅದರಂತೆ ಕ್ರಮ ವಹಿಸಲು ನಿಗಮಕ್ಕೆ ಇಲಾಖೆ ಕಳೆದ ಸೋಮವಾರ ಸೂಚನೆ ನೀಡಿದೆ. ಕೆ.ಆರ್. ಪುರ ಜಂಕ್ಷನ್ನಲ್ಲಿ ರೋಡ್ ಕಮ್ ರೈಲು ಕಾರಿಡಾರ್ ನಿರ್ಮಾಣ ಮಾಡುವ ಪ್ರಸ್ತಾವವನ್ನು ಈ ಮೊದಲು ನಿಗಮವು ಮುಂದಿಟ್ಟಿತ್ತು. ಹೊರವರ್ತುಲ ಮಾರ್ಗದ (ಎರಡನೇ ಹಂತದ 2ಎ) ಜೊತೆಗೆ ವೈಟ್ಫೀಲ್ಡ್ ಮೆಟ್ರೊ ಮಾರ್ಗ (ಎರಡನೇ ಹಂತದ ರೀಚ್ 1)ವನ್ನು ಸಂಪರ್ಕಿಸುವ ನಿಟ್ಟಿನಲ್ಲಿ ಈ ಕಾರಿಡಾರ್ ನಿರ್ಮಾಣ ಸೂಕ್ತ ಎಂದು ನಿಗಮ ಹೇಳಿತ್ತು.</p>.<p>ಆದರೆ, ಈ ಕಾರಿಡಾರ್ ನಿರ್ಮಾಣಕ್ಕೆ ಮುಂದಾದರೆ ಹಲವು ಸವಾಲುಗಳು ಎದುರಾಗುತ್ತವೆ ಮತ್ತು ಪ್ರಾಯೋಗಿಕವಾಗಿಯೂ ಅನುಷ್ಠಾನ ಕಷ್ಟ ಎಂದು ಕಳೆದ ಆಗಸ್ಟ್ನಲ್ಲಿ ನಗರಾಭಿವೃದ್ಧಿ ಇಲಾಖೆಗೆ ನೀಡಿದ ಸಮಗ್ರ ಯೋಜನಾ ವರದಿಯಲ್ಲಿ ನಿಗಮವು ಹೇಳಿತ್ತು.</p>.<p><strong>ಮೇಲ್ಸೇತುವೆಯೇ ಪರ್ಯಾಯ</strong></p>.<p>ಕಾರಿಡಾರ್ಗೆ ಪರ್ಯಾಯವಾಗಿ ಯಾವ ಕ್ರಮ ಕೈಗೊಳ್ಳಬೇಕು ಎಂಬುದರ ಬಗ್ಗೆ ಅಧ್ಯಯನ ಕೈಗೊಂಡ ನಿಗಮ, ರಸ್ತೆ ಅಗಲಗೊಳಿಸುವುದು ಮತ್ತು ಕೆ.ಆರ್. ಪುರದಲ್ಲಿ ಮೇಲ್ಸೇತುವೆ ನಿರ್ಮಿಸುವುದು ಸೂಕ್ತ ಎಂಬ ಅಭಿಪ್ರಾಯಕ್ಕೆ ಬಂದಿತು.ರಸ್ತೆ ವಿಸ್ತರಣೆಗಾಗಿ 12,140 ಚ.ಮೀ. ಜಾಗವನ್ನು ಸ್ವಾಧೀನಪಡಿಸಿಕೊಳ್ಳಬೇಕಾಗುತ್ತದೆ. 6 ಮಾರ್ಗಗಳ ಬದಲಿಗೆ, ಮಹದೇವಪುರ ಜಂಕ್ಷನ್ ಮತ್ತು ಟಿನ್ಫ್ಯಾಕ್ಟರಿ ನಡುವಿನ ಎರಡು ಮಾರ್ಗ ಕಡಿತಗೊಳಿಸಿ, 4 ದೊಡ್ಡ ಮಾರ್ಗಗಳು ಮತ್ತು ಎರಡು ಸರ್ವೀಸ್ ರಸ್ತೆಗಳನ್ನು ನಿರ್ಮಿಸುವ ಸಲಹೆಯನ್ನು ಸರ್ಕಾರಕ್ಕೆ ನೀಡಿತ್ತು.</p>.<p>ಮೇಲ್ಸೇತುವೆಗಾಗಿ 6,894 ಚ.ಮೀ. ಭೂಮಿಯನ್ನು ಸ್ವಾಧೀನ ಪಡಿಸಿಕೊಳ್ಳಬೇಕಾಗುತ್ತದೆ. ಈ ಮೇಲ್ಸೇತುವೆಯು ಎರಡು ಏಕಮಾರ್ಗ ಲೂಪ್ಗಳನ್ನು ಹೊಂದಲಿದ್ದು, ಇವು ಕಸ್ತೂರಿನಗರ ಮತ್ತು ಕೆ.ಆರ್. ಪುರವನ್ನು ಸಂಪರ್ಕಿಸಲಿವೆ.‘ಸರ್ಕಾರವು ಪ್ರಾಥಮಿಕ ಅನುಮೋದನೆ ನೀಡಿದೆ. ಸಮಗ್ರ ಯೋಜನಾ ವರದಿ ನೀಡಿದ ನಂತರ ಅಂತಿಮ ಅನುಮೋದನೆ ದೊರೆಯಲಿದೆ’ ಎಂದು ನಿಗಮದ ಹಿರಿಯ ಅಧಿಕಾರಿಗಳು ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಕೆ.ಆರ್. ಪುರ ಜಂಕ್ಷನ್ನಲ್ಲಿ ಸಂಚಾರ ದಟ್ಟಣೆ ಸಮಸ್ಯೆ ನಿವಾರಣೆಗೆ ಬೆಂಗಳೂರು ಮೆಟ್ರೊ ರೈಲು ನಿಗಮವು (ಬಿಎಂಆರ್ಸಿಎಲ್) ಮೇಲ್ಸೇತುವೆ ನಿರ್ಮಿಸಲು ಮುಂದಾಗಿದೆ.</p>.<p>ಈ ಮೇಲ್ಸೇತುವೆಗೆ ಕಸ್ತೂರಿನಗರ ಮತ್ತು ಕೆ.ಆರ್. ಸಂಪರ್ಕಿಸುವ ಎರಡು ಲೂಪ್ಗಳನ್ನು ನಿರ್ಮಾಣ ಮಾಡುವುದರ ಜೊತೆಗೆ,ಟಿನ್ ಫ್ಯಾಕ್ಟರಿ ಮತ್ತು ಮಹದೇವಪುರ ಜಂಕ್ಷನ್ ರಸ್ತೆ ವಿಸ್ತರಣೆ ಕಾರ್ಯವನ್ನು ಕೈಗೊಳ್ಳಲು ನಿಗಮಕ್ಕೆ ನಗರಾಭಿವೃದ್ಧಿ ಇಲಾಖೆ ಪ್ರಾಥಮಿಕ ಅನುಮೋದನೆ ನೀಡಿದೆ.</p>.<p>ಈ ಕುರಿತು ಸಮಗ್ರ ಯೋಜನಾ ವರದಿ ಸಿದ್ಧಪಡಿಸಿ, ಅದರಂತೆ ಕ್ರಮ ವಹಿಸಲು ನಿಗಮಕ್ಕೆ ಇಲಾಖೆ ಕಳೆದ ಸೋಮವಾರ ಸೂಚನೆ ನೀಡಿದೆ. ಕೆ.ಆರ್. ಪುರ ಜಂಕ್ಷನ್ನಲ್ಲಿ ರೋಡ್ ಕಮ್ ರೈಲು ಕಾರಿಡಾರ್ ನಿರ್ಮಾಣ ಮಾಡುವ ಪ್ರಸ್ತಾವವನ್ನು ಈ ಮೊದಲು ನಿಗಮವು ಮುಂದಿಟ್ಟಿತ್ತು. ಹೊರವರ್ತುಲ ಮಾರ್ಗದ (ಎರಡನೇ ಹಂತದ 2ಎ) ಜೊತೆಗೆ ವೈಟ್ಫೀಲ್ಡ್ ಮೆಟ್ರೊ ಮಾರ್ಗ (ಎರಡನೇ ಹಂತದ ರೀಚ್ 1)ವನ್ನು ಸಂಪರ್ಕಿಸುವ ನಿಟ್ಟಿನಲ್ಲಿ ಈ ಕಾರಿಡಾರ್ ನಿರ್ಮಾಣ ಸೂಕ್ತ ಎಂದು ನಿಗಮ ಹೇಳಿತ್ತು.</p>.<p>ಆದರೆ, ಈ ಕಾರಿಡಾರ್ ನಿರ್ಮಾಣಕ್ಕೆ ಮುಂದಾದರೆ ಹಲವು ಸವಾಲುಗಳು ಎದುರಾಗುತ್ತವೆ ಮತ್ತು ಪ್ರಾಯೋಗಿಕವಾಗಿಯೂ ಅನುಷ್ಠಾನ ಕಷ್ಟ ಎಂದು ಕಳೆದ ಆಗಸ್ಟ್ನಲ್ಲಿ ನಗರಾಭಿವೃದ್ಧಿ ಇಲಾಖೆಗೆ ನೀಡಿದ ಸಮಗ್ರ ಯೋಜನಾ ವರದಿಯಲ್ಲಿ ನಿಗಮವು ಹೇಳಿತ್ತು.</p>.<p><strong>ಮೇಲ್ಸೇತುವೆಯೇ ಪರ್ಯಾಯ</strong></p>.<p>ಕಾರಿಡಾರ್ಗೆ ಪರ್ಯಾಯವಾಗಿ ಯಾವ ಕ್ರಮ ಕೈಗೊಳ್ಳಬೇಕು ಎಂಬುದರ ಬಗ್ಗೆ ಅಧ್ಯಯನ ಕೈಗೊಂಡ ನಿಗಮ, ರಸ್ತೆ ಅಗಲಗೊಳಿಸುವುದು ಮತ್ತು ಕೆ.ಆರ್. ಪುರದಲ್ಲಿ ಮೇಲ್ಸೇತುವೆ ನಿರ್ಮಿಸುವುದು ಸೂಕ್ತ ಎಂಬ ಅಭಿಪ್ರಾಯಕ್ಕೆ ಬಂದಿತು.ರಸ್ತೆ ವಿಸ್ತರಣೆಗಾಗಿ 12,140 ಚ.ಮೀ. ಜಾಗವನ್ನು ಸ್ವಾಧೀನಪಡಿಸಿಕೊಳ್ಳಬೇಕಾಗುತ್ತದೆ. 6 ಮಾರ್ಗಗಳ ಬದಲಿಗೆ, ಮಹದೇವಪುರ ಜಂಕ್ಷನ್ ಮತ್ತು ಟಿನ್ಫ್ಯಾಕ್ಟರಿ ನಡುವಿನ ಎರಡು ಮಾರ್ಗ ಕಡಿತಗೊಳಿಸಿ, 4 ದೊಡ್ಡ ಮಾರ್ಗಗಳು ಮತ್ತು ಎರಡು ಸರ್ವೀಸ್ ರಸ್ತೆಗಳನ್ನು ನಿರ್ಮಿಸುವ ಸಲಹೆಯನ್ನು ಸರ್ಕಾರಕ್ಕೆ ನೀಡಿತ್ತು.</p>.<p>ಮೇಲ್ಸೇತುವೆಗಾಗಿ 6,894 ಚ.ಮೀ. ಭೂಮಿಯನ್ನು ಸ್ವಾಧೀನ ಪಡಿಸಿಕೊಳ್ಳಬೇಕಾಗುತ್ತದೆ. ಈ ಮೇಲ್ಸೇತುವೆಯು ಎರಡು ಏಕಮಾರ್ಗ ಲೂಪ್ಗಳನ್ನು ಹೊಂದಲಿದ್ದು, ಇವು ಕಸ್ತೂರಿನಗರ ಮತ್ತು ಕೆ.ಆರ್. ಪುರವನ್ನು ಸಂಪರ್ಕಿಸಲಿವೆ.‘ಸರ್ಕಾರವು ಪ್ರಾಥಮಿಕ ಅನುಮೋದನೆ ನೀಡಿದೆ. ಸಮಗ್ರ ಯೋಜನಾ ವರದಿ ನೀಡಿದ ನಂತರ ಅಂತಿಮ ಅನುಮೋದನೆ ದೊರೆಯಲಿದೆ’ ಎಂದು ನಿಗಮದ ಹಿರಿಯ ಅಧಿಕಾರಿಗಳು ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
