ಬೆಂಗಳೂರು ವಿಮಾನ ನಿಲ್ದಾಣಕ್ಕೆ ದೇಸಿ ‘ದೃಷ್ಟಿ’

ಬೆಂಗಳೂರು: ಹಲವಾರು ವಿಶೇಷತೆಗಳಿಗೆ ಕಾರಣವಾದ ಬೆಂಗಳೂರಿನ ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ (ಬಿಐಎಎಲ್) ಮತ್ತಷ್ಟು ತಾಂತ್ರಿಕ ವೈಶಿಷ್ಟ್ಯಗಳನ್ನು ಅಳವಡಿಸಿಕೊಳ್ಳುವ ಮೂಲಕ ಕ್ರಾಂತಿಕಾರಿ ಬದಲಾವಣೆಗಳಿಗೆ ನಾಂದಿ ಹಾಡಿದೆ.

. ಇದೇ ಮೊದಲ ಬಾರಿಗೆ ಬೆಂಗಳೂರು ವಿಮಾನ ನಿಲ್ದಾಣದ ನೂತನ ರನ್ವೇನಲ್ಲಿ ದೇಸಿಯವಾಗಿ ಅಭಿವೃದ್ಧಿಪಡಿಸಲಾದ ವೈಮಾನಿಕ ಹವಾಮಾನ ನಿರೀಕ್ಷಣಾ ವ್ಯವಸ್ಥೆ (ಎಡಬ್ಲ್ಯುಎಂಎಸ್) ಅಳವಡಿಸಲಾಗಿದೆ.

. ಇದರೊಂದಿಗೆ ಸ್ವದೇಶಿ ತಂತ್ರಜ್ಞಾನ ಅಳವಡಿಸಿಕೊಂಡ ದೇಶದ ಮೊದಲ ವಿಮಾನ ನಿಲ್ದಾಣ ಎಂಬ ಹೆಗ್ಗಳಿಕೆ ಪಾತ್ರವಾಗಿದೆ. ನೂತನ ರನ್ವೇ ಎರಡೂ ತುದಿಗಳಲ್ಲಿಈ ಸಾಧನಗಳನ್ನು ಅಳವಡಿಸಲಾಗಿದೆ.

. ಹವಾಮಾನ ನಿರೀಕ್ಷಣಾ ವ್ಯವಸ್ಥೆ ತಂತ್ರಜ್ಞಾನವನ್ನು ಬೆಂಗಳೂರು ಮೂಲದ ನ್ಯಾಷನಲ್ ಏರೊಸ್ಪೇಸ್ ಲ್ಯಾಬೋರೇಟರೀಸ್ನ (ಎನ್ಎಎಲ್) ಸಿಎಸ್ಐಆರ್ ವಿಭಾಗ ಅಭಿವೃದ್ಧಿಪಡಿಸಿದೆ.

. ರನ್ವೇ ಮೇಲೆ ‘ದೃಷ್ಟಿ’

. ಅಷ್ಟೇ ಅಲ್ಲ, ಭಾರತೀಯ ಹವಾಮಾನ ಇಲಾಖೆ (ಐಎಂಡಿ) ಸಹಯೋಗದಲ್ಲಿ ಎನ್ಎಎಲ್ ಸ್ಥಳೀಯವಾಗಿಟ್ರಾನ್ಸ್ ಮಿಸ್ಸೊ ಮೀಟರ್ ಅಭಿವೃದ್ಧಿಪಡಿಸಿದೆ.

. ಇದು ವಿಮಾನ ಸಂಚರಿಸುವ ರನ್ವೇನಲ್ಲಿ ದೃಶ್ಯ ಸಾಧ್ಯತೆ ಪ್ರಮಾಣ(ರನ್ವೇ ವಿಸಿಬಿಲಿಟಿ ರೇಂಜ್-ಆರ್ವಿಆರ್) ಅಳೆಯುವ ಸಾಧನ. ‘ದೃಷ್ಟಿ’ ಹೆಸರಿನ ನಾಲ್ಕು ಟ್ರಾನ್ಸ್ಮಿಸ್ಸೊ ಮೀಟರ್ಗಳನ್ನು ಬೆಂಗಳೂರು ವಿಮಾನ ನಿಲ್ದಾಣದ ರನ್ವೇನಲ್ಲಿ ಅಳವಡಿಸಲಾಗಿದೆ.

. ಇದರೊಂದಿಗೆಬೆಂಗಳೂರು ವಿಮಾನ ನಿಲ್ದಾಣದ ಎರಡೂ ರನ್ವೇಗಳಲ್ಲಿಯೂ ಭಾರತದಲ್ಲಿಯೇ ತಯಾರಾದ ಇಂಥಆರು ಸಾಧನಗಳನ್ನು ಹೊಂದಿದಂತಾಗಿದೆ.

. ಏನಿದು ಟ್ರ್ಯಾನ್ಸ್ಮಿಸ್ಸೊ ಮೀಟರ್?

. ಎನ್ಎಎಲ್ ಸ್ಥಳೀಯವಾಗಿ ತಯಾರಿಸಿದ 50ನೇ ‘ದೃಷ್ಟಿ’ ವ್ಯವಸ್ಥೆ ಇದಾಗಿದೆ. ಎನ್ಎಎಲ್ ಟ್ರಾನ್ಸ್ಮಿಸ್ಸೊ ಮೀಟರ್ ನಿಖರ ವರದಿಗೆ ಖ್ಯಾತಿ ಪಡೆದಿದೆ. ವಿಮಾನ ನಿಲ್ದಾಣದ ರನ್ವೇಗಳಲ್ಲಿ 25 ಮೀಟರ್ವರೆಗಿನ ದೂರದ ದೃಶ್ಯಗಳನ್ನು ಈ ಸಾಧನಗಳು ನಿಖರವಾಗಿ ಅಳೆಯಬಲ್ಲದು.

. ವೈಮಾನಿಕ ಹವಾಮಾನ ನಿರೀಕ್ಷಣಾ ವ್ಯವಸ್ಥೆ ಮತ್ತು ರನ್ವೇ ವಿಸಿಬಿಲಿಟಿ ರೇಂಜ್ ಸಮಗ್ರ ದತ್ತಾಂಶಗಳು ಒಂದೇ ಡಿಸ್ಪ್ಲೇ ಸ್ಕ್ರೀನ್ನಲ್ಲಿ ಪ್ರದರ್ಶಿತವಾಗುತ್ತವೆ.ಈ ಸಾಧನಗಳು ನೀಡುವ ಸಮಗ್ರ ವರದಿ ಮತ್ತು ದತ್ತಾಂಶಗಳು ವಿಮಾನ ಚಾಲನೆ ವೇಳೆ ಪೈಲಟ್ಗಳಿಗೆ ನೆರವಾಗುತ್ತವೆ.

. ವೆಬ್ ನೆರವಿನಿಂದ ಈ ದತ್ತಾಂಶಗಳನ್ನು ಯಾವುದೇ ಸ್ಥಳದಿಂದಾದರೂ ಪಡೆಯಬಹುದು. ಅಷ್ಟೇ ಅಲ್ಲ, ಯಾವುದೇ ಸ್ಥಳದಿಂದಲಾದರೂ ನಿರ್ವಹಣಾ ಕಾರ್ಯ ಕೈಗೊಳ್ಳಬಹುದಾಗಿದೆ. ಎ ಮತ್ತು ಬಿ ನಂತಹ ಎಲ್ಲ ವರ್ಗದ ವಿಮಾನ ನಿಲ್ದಾಣಗಳಿಗೂ ಈ ಸಾಧನಗಳು ಸೂಕ್ತವಾಗಿವೆ.

. ಬೆಂಗಳೂರು ವಿಮಾನ ನಿಲ್ದಾಣದಲ್ಲಿ ಸ್ವದೇಶಿ ತಂತ್ರಜ್ಞಾನ ಅಳವಡಿಸಿದ ಹೆಮ್ಮೆ ನಮ್ಮದಾಗಿದೆ. ವಿಮಾನ ನಿಲ್ದಾಣಗಳ ಕಾರ್ಯಾಚರಣೆಯಲ್ಲಿ ಈ ಸಾಧನಗಳು ಅತ್ಯಂತ ಪ್ರಮುಖ ಪಾತ್ರವಹಿಸುತ್ತವೆ. ವಿಮಾನ ನಿಲ್ದಾಣದಲ್ಲಿ ಸೀಮಾತೀತ ಕಾರ್ಯಾಚರಣೆ ಕೈಗೊಳ್ಳಲು ಈ ತಂತ್ರಜ್ಞಾನ ಅವಕಾಶ ಮಾಡಿಕೊಡಲಿದೆ ಎಂದು ಬಿಐಎಎಲ್ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಹರಿ ಮಾರರ್ ಹೇಳುತ್ತಾರೆ.

. ವೈಮಾನಿಕ ಹವಾಮಾನ ನಿರೀಕ್ಷಣಾ ವ್ಯವಸ್ಥೆ ಸೆನ್ಸರ್ ಅಳವಡಿಸಲಾದ 10 ಮೀಟರ್ ಎತ್ತರದ ಕಂಬಗಳನ್ನು ರನ್ವೇ ಬಳಿ ಸ್ಥಾಪಿಸಲಾಗಿದೆ. ಎನ್ಎಎಲ್ವಿನ್ಯಾಸಗೊಳಿಸಿರುವ ಈಹಗುರ ಕಂಬಗಳು ಪರಿಸರಸ್ನೇಹಿಯಾಗಿದ್ದು,ಕನಿಷ್ಠ 60 ವರ್ಷ ಬಾಳಿಕೆ ಬರುತ್ತವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬೆಂಗಳೂರು ವಿಮಾನ ನಿಲ್ದಾಣಕ್ಕೆ ದೇಸಿ ‘ದೃಷ್ಟಿ’

IPL Auction Day 1: ಆರ್‌ಸಿಬಿ ಖರೀದಿಸಿದ ಆಟಗಾರರ ಪಟ್ಟಿ ಇಲ್ಲಿದೆ

IPL Mega Auction Highlights: ಪಂತ್, ಶ್ರೇಯಸ್, ವೆಂಕಟೇಶ್‌ಗೆ ಜಾಕ್‌ಪಾಟ್!

IPL Auction: ಅತಿ ಹೆಚ್ಚು ಮೊತ್ತಕ್ಕೆ ಮಾರಾಟವಾದ ಟಾಪ್ 5 ಆಟಗಾರರು

ಮಹಾರಾಷ್ಟ್ರ ಚುನಾವಣೆ ಫಲಿತಾಂಶ: ಸೋತ ಮತ್ತು ಗೆದ್ದ ಪ್ರಮುಖರು

ಆಳ–ಅಗಲ: ಗುಕೇಶ್‌ ಮುಡಿಗೇರುವುದೇ ವಿಶ್ವ ಚೆಸ್‌ ಕಿರೀಟ?

ಪ್ರೊ ಕಬಡ್ಡಿ: ಯೋಧಾಸ್‌ಗೆ ಜಯ

ಏಕದಿನ ಪಂದ್ಯ: ಜಿಂಬಾಬ್ವೆಗೆ ಮಣಿದ ಪಾಕಿಸ್ತಾನ

IPL Auction | ರಿಷಭ್ ಪಂತ್ ದಾಖಲೆ ವೀರ : ₹27 ಕೋಟಿಗೆ ಲಖನೌ ಪಾಲು

ಒಳನೋಟ: ಗೋಡಂಬಿಗೆ ‘ಆಪತ್ತಿನ’ ಕಾಲ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

IPL Auction Day 1: ಆರ್‌ಸಿಬಿ ಖರೀದಿಸಿದ ಆಟಗಾರರ ಪಟ್ಟಿ ಇಲ್ಲಿದೆ

IPL Mega Auction Highlights: ಪಂತ್, ಶ್ರೇಯಸ್, ವೆಂಕಟೇಶ್‌ಗೆ ಜಾಕ್‌ಪಾಟ್!

IPL Auction: ಅತಿ ಹೆಚ್ಚು ಮೊತ್ತಕ್ಕೆ ಮಾರಾಟವಾದ ಟಾಪ್ 5 ಆಟಗಾರರು

ಮಹಾರಾಷ್ಟ್ರ ಚುನಾವಣೆ ಫಲಿತಾಂಶ: ಸೋತ ಮತ್ತು ಗೆದ್ದ ಪ್ರಮುಖರು