ಕಾಡಿದ ದೋಸೆಯ ‘ಅಮೃತ’ ನೆನಪುಗಳು

ಬೆಂಗಳೂರು: ಗ್ರಾಹಕರ ದೋಸೆ ಪ್ರೀತಿ, ಹೋಟೆಲ್ ಮಾಲೀಕರು ಮತ್ತು ಸಿಬ್ಬಂದಿಯ ಸಹೃದಯತೆ, ಮಹನೀಯರ ನೆನಪುಗಳ ಮೆಲುಕಿಗೆ ರವೀಂದ್ರ ಕಲಾಕ್ಷೇತ್ರದಲ್ಲಿ ಶುಕ್ರವಾರ ಆಯೋಜಿಸಿದ್ದ ‘ವಿದ್ಯಾರ್ಥಿ ಭವನದ ಅಮೃತ ಮಹೋತ್ಸವ’ ಸಮಾರಂಭ ಸಾಕ್ಷಿಯಾಯಿತು.

. ವಿಜ್ಞಾನಿ ಸಿ.ಎನ್.ಆರ್.ರಾವ್, ‘ನಾನು 1951ರಲ್ಲಿ ಬಿ.ಎಸ್ಸಿಯನ್ನು ಪ್ರಥಮ ದರ್ಜೆಯಲ್ಲಿ ಪಾಸಾದಾಗ ತಂದೆಯವರೊಂದಿಗೆ ಭವನಕ್ಕೆ ಮೊದಲ ಬಾರಿಗೆ ಹೋಗಿ ದೋಸೆ ಸವಿದಿದ್ದೆ. ನಂತರ 1960ರಲ್ಲಿ ಮದುವೆಯ ಹಿಂದಿನ ದಿನ ಭಾವಿ ಪತ್ನಿಯನ್ನು ಭವನಕ್ಕೆ ಕರೆದುಕೊಂಡು ಹೋಗಿದ್ದೆ’ ಎಂದು ಸ್ಮರಿಸಿದರು.

. ‘ಹೋಟೆಲ್ವೊಂದು ಇಷ್ಟು ವರ್ಷಗಳ ಕಾಲ ಇರುವುದು ಮತ್ತು ಪ್ರತಿದಿನ ಎರಡೂವರೆ ಸಾವಿರ ದೋಸೆಗಳನ್ನು ಉಣಬಡಿಸುತ್ತಿರುವುದು ವೃತ್ತಿಪರತೆಯ ದಾಖಲೆಯೇ ಸರಿ’ ಎಂದರು.

. ಸಾಹಿತಿ ಕೆ.ಎಸ್.ನಿಸಾರ್ ಅಹಮದ್, ‘ಕಾಲೇಜು ದಿನಗಳಲ್ಲಿ ಕ್ರಿಕೆಟ್ ಪಂದ್ಯ ಆಡುವಾಗ ವಿದ್ಯಾರ್ಥಿ ಭವನದ ದೋಸೆ ತಿನ್ನಿಸುವ ಬೆಟ್ಟಿಂಗ್ ಕಟ್ಟುತ್ತಿದ್ದೆವು. ಈ ಭವನಕ್ಕೆ ಮಾಸ್ತಿ ವೆಂಕಟೇಶ ಅಯ್ಯಂಗಾರ್, ಗೋಪಾಲಕೃಷ್ಣ ಅಡಿಗ, ಎಂ.ಬಿ.ಸಿಂಗ್, ವೈಎನ್ಕೆ ಬರುತ್ತಿದ್ದರು. ಅಂತಹ ಮಹನೀಯರನ್ನು ಕಾಣುವ, ಮಾತನಾಡಿಸುವ ಅವಕಾಶ ಇಲ್ಲಿ ಇರುತ್ತಿತ್ತು’ ಎಂದು ನೆನಪು ಬಿಚ್ಚಿಟ್ಟರು.

. ‘ಸೆಂಟ್ರಲ್ ಕಾಲೇಜಿನಲ್ಲಿ ಭೂ ವಿಜ್ಞಾನದ ಆನರ್ಸ್ ಪದವಿ ಓದಲು ಬಂದಾಗ 1954ರಲ್ಲಿ ಮೊದಲ ಬಾರಿಗೆ ಇಲ್ಲಿ ದೋಸೆ ತಿಂದಿದ್ದೆ. ಮಲೆನಾಡಿನಲ್ಲಿ ಎಷ್ಟೇ ವಿವಿಧ ಮರಗಳಿದ್ದರೂ ಶ್ರೀಗಂಧಕ್ಕೆ ಸಮವಲ್ಲ, ಹಾಗೆಯೇ ನಗರದಲ್ಲಿ ಎಷ್ಟೇ ಹೋಟೆಲ್ಗಳಿದ್ದರೂ ವಿದ್ಯಾರ್ಥಿ ಭವನಕ್ಕೆ ಸಮವಲ್ಲ’ ಎಂದು ಶ್ಲಾಘಿಸಿದರು.

. ಇನ್ಫೊಸಿಸ್ ಪ್ರತಿಷ್ಠಾನದ ಅಧ್ಯಕ್ಷೆ ಸುಧಾ ಮೂರ್ತಿ,‘ನಮ್ಮ ಕಂಪನಿಯು ಸಾಧನೆಯ ಮೈಲಿಗಲ್ಲೊಂದನ್ನು ತಲುಪಿದಾಗ, ಹಿರಿಯ ಸಹೋದ್ಯೊಗಿಗಳೊಂದಿಗೆ ಭವನದಲ್ಲಿ ದೋಸೆ ತಿನ್ನುವ ಮೂಲಕ ಸಂಭ್ರಮವನ್ನು ಬಹುತೇಕ ಬಾರಿ ಆಚರಿಸಿದ್ದೇವೆ. ಇಲ್ಲಿನ ಶುಚಿ, ರುಚಿ ಮತ್ತು ಗುಣಮಟ್ಟವೇ ಗ್ರಾಹಕರನ್ನು ಹಿಡಿದಿಟ್ಟಿದೆ’ ಎಂದರು.

. ಅಮೃತ ಮಹೋತ್ಸವದ ಸ್ಮರಣೆಗಾಗಿ ‘ನೆನಪಿನಂಗಳ’ ಕಾಫಿ ಟೇಬಲ್ ಪುಸ್ತಕ ಹಾಗೂ ವಿಶೇಷ ಅಂಚೆ ಲಕೋಟೆಯನ್ನು ಬಿಡುಗಡೆ ಮಾಡಲಾಯಿತು. ಹೋಟೆಲ್ ಸಿಬ್ಬಂದಿಯನ್ನು ಸನ್ಮಾನಿಸಲಾಯಿತು. ಇನ್ನುಮುಂದೆ ಭವನಕ್ಕೆ ಬರುವ ಯೋಧರಿಗೆ ಉಚಿತವಾಗಿ ತಿಂಡಿಗಳನ್ನು ನೀಡುವುದಾಗಿ ಘೋಷಿಸಲಾಯಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಾಡಿದ ದೋಸೆಯ ‘ಅಮೃತ’ ನೆನಪುಗಳು

ಚಿನಕುರುಳಿ: ಶುಕ್ರವಾರ, 08 ನವೆಂಬರ್‌ 2024

ಚುರುಮುರಿ: ಉಲ್ಟಾ ಪಲ್ಟಾ!

ಶ್ರೀರಂಗಪಟ್ಟಣ: ದೇವರ ಅಭಿಷೇಕಕ್ಕೂ ಸಲ್ಲದ ಕಾವೇರಿ ನೀರು!

CBI ತನಿಖೆ ಹಿಂಪಡೆದ ಪ್ರಕರಣ: ಕರ್ನಾಟಕ ಸರ್ಕಾರ, DCM ಡಿಕೆಶಿಗೆ SC ನೋಟಿಸ್

ನೆಟ್ಟಕಲ್ಲಪ್ಪ ಈಜು ಕೂಟ: ಅಂತರರಾಷ್ಟ್ರೀಯ ಈಜುಪಟುಗಳ ಪೈಪೋಟಿಗೆ ವೇದಿಕೆ ಸಿದ್ಧ

ರಣಜಿ ಟ್ರೋಫಿ ಕ್ರಿಕೆಟ್: ಸೋಲು ತಪ್ಪಿಸಲು ಕರ್ನಾಟಕ ಹೋರಾಟ

2ನೇ ‘ಟೆಸ್ಟ್‌’: ಮತ್ತೆ ಎಡವಿದ ಅಗ್ರ ಬ್ಯಾಟರ್‌ಗಳು

ಮುಂದಿನ ಒಲಿಂಪಿಕ್ಸ್‌ನಲ್ಲಿ ಸ್ಪರ್ಧೆ: ಪಿ.ವಿ. ಸಿಂಧು

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಶುಕ್ರವಾರ, 08 ನವೆಂಬರ್‌ 2024

ಚುರುಮುರಿ: ಉಲ್ಟಾ ಪಲ್ಟಾ!

ಶ್ರೀರಂಗಪಟ್ಟಣ: ದೇವರ ಅಭಿಷೇಕಕ್ಕೂ ಸಲ್ಲದ ಕಾವೇರಿ ನೀರು!

CBI ತನಿಖೆ ಹಿಂಪಡೆದ ಪ್ರಕರಣ: ಕರ್ನಾಟಕ ಸರ್ಕಾರ, DCM ಡಿಕೆಶಿಗೆ SC ನೋಟಿಸ್