<p><strong>ಬೆಂಗಳೂರು:</strong> ಮೆಟ್ರೊ ರೈಲು ನಿಗಮ ಮೊದಲ ಹಂತದ ಯೋಜನೆಯ ಕಾರ್ಯಾಚರಣೆಯಿಂದ 2017–18ನೇ ಆರ್ಥಿಕ ವರ್ಷದಲ್ಲಿ ₹ 73.11 ಕೋಟಿ ಲಾಭ ಗಳಿಸಿದೆ. ನಷ್ಟದಲ್ಲಿದ್ದ ಮೆಟ್ರೊ ನಿಧಾನಕ್ಕೆ ಲಾಭದತ್ತ ಮುಖ ಮಾಡುತ್ತಿದೆ.</p>.<p>ಆದರೆ, ಯೋಜನೆಗಾಗಿ ಪಡೆದ ಸಾಲಕ್ಕೆ ಬಡ್ಡಿಯೇ ವಾರ್ಷಿಕವಾಗಿ ₹ 110 ಕೋಟಿಗಳಷ್ಟಿದೆ. ಈ ಬಡ್ಡಿ ಕಟ್ಟಬೇಕಾದರೆ ನಿಗಮಕ್ಕೆ ಇನ್ನೂ<br />₹ 38.73 ಕೋಟಿ ಆದಾಯ ಬರಬೇಕಿದೆ ಎಂದು ನಿಗಮದ ಮುಖ್ಯ ಸಾರ್ವಜನಿಕ ಸಂಪರ್ಕಾಧಿಕಾರಿ ಬಿ.ಎಲ್.ವೈ.ಚವಾಣ್ ಹೇಳಿದರು.</p>.<p>ಪ್ರಯಾಣದ ಟೋಕನ್ ಮಾರಾಟದಿಂದ ₹281 ಕೋಟಿ, ವಾಣಿಜ್ಯ ಮಳಿಗೆಗಳ ಬಾಡಿಗೆ, ಪಾರ್ಕಿಂಗ್ ಶುಲ್ಕ, ಜಾಹೀರಾತು ಮೂಲಗಳಿಂದ ₹ 56.21 ಕೋಟಿ ಆದಾಯ ಬಂದಿದೆ.ಮೆಟ್ರೊ ಕಾರ್ಯಾಚರಣೆ, ಸಿಬ್ಬಂದಿ ವೇತನ, ನಿರ್ವಹಣೆಗಾಗಿ ₹264.10 ಕೋಟಿ ವೆಚ್ಚವಾಗಿದೆ ಎಂದು ನಿಗಮದ ವಾರ್ಷಿಕ ಲೆಕ್ಕಪತ್ರದಲ್ಲಿ ಉಲ್ಲೇಖ ಮಾಡಲಾಗಿದೆ.</p>.<p>ಮೆಟ್ರೊದಲ್ಲಿ ಪ್ರತಿದಿನ 3.60 ಲಕ್ಷದಿಂದ ನಾಲ್ಕು ಲಕ್ಷಜನ ಪ್ರಯಾಣಿಸುತ್ತಿದ್ದಾರೆ. ಪ್ರತಿದಿನ ಸರಾಸರಿ ₹ 1 ಕೋಟಿ ಆದಾಯ ಬರುತ್ತಿದೆ.</p>.<p>42 ಕಿಲೋಮೀಟರ್ ಉದ್ದದ ಮೆಟ್ರೊ ಮೊದಲ ಹಂತದ ಮಾರ್ಗ ನಿರ್ಮಾಣಕ್ಕೆ ನಿಗಮವು ವಿವಿಧ ಮೂಲಗಳಿಂದ₹ 5,689 ಕೋಟಿ ದೀರ್ಘಾವಧಿ ಸಾಲ ಪಡೆದಿದೆ. ಜಪಾನ್ ಇಂಟರ್ ನ್ಯಾಷನಲ್ ಕೋ ಆಪರೇಷನ್ ಏಜೆನ್ಸಿ (ಜೈಕಾ), ಏಜೆನ್ಸಿ ಫ್ರಾನ್ಸಿಸ್ ದಿ ಡೆವಲಪ್ಮೆಂಟ್ ಮತ್ತು ಹುಡ್ಕೊದಿಂದ ಸಾಲ ಪಡೆಯಲಾಗಿದೆ.</p>.<p>‘ಕೇವಲ ರೈಲುಗಳ ಕಾರ್ಯಾಚರಣೆ, ವಾಣಿಜ್ಯ ಮಳಿಗೆಗಳ ಬಾಡಿಗೆ ಇಷ್ಟನ್ನೇ ಪರಿಗಣಿಸಿದರೆ ಮೆಟ್ರೊ ಲಾಭದಲ್ಲಿದೆ. ಯೋಜನೆ ವಿಸ್ತರಣೆ, ಕಾಮಗಾರಿಗಳು, ಸಾಲದ ಮೊತ್ತ, ಇತರ ವೆಚ್ಚಗಳನ್ನು ಪರಿಗಣಿಸಿದರೆ ಈ ಮೊತ್ತವನ್ನು ಲಾಭ ಎಂದು ಹೇಳಲಾಗದು. ಎಲ್ಲ ಕಾಮಗಾರಿಗಳು ಮುಗಿದು ಪೂರ್ಣ ಪ್ರಮಾಣದಲ್ಲಿ ಮೆಟ್ರೊ ಕಾರ್ಯಾಚರಣೆ ಮಾಡಿದಂದಿನಿಂದ ವೆಚ್ಚ ಕಳೆದು ಉಳಿಯುವ ಮೊತ್ತವನ್ನು ಲಾಭ ಎಂದು ಪರಿಗಣಿಸಬಹುದು. ಇದೆಲ್ಲಾ ದೀರ್ಘಾವಧಿ ತೆಗೆದುಕೊಳ್ಳುತ್ತದೆ' ಎಂದು ಚವಾಣ್ ವಿವರಿಸಿದರು.</p>.<p class="Subhead">ಈ ತಿಂಗಳ ಅಂತ್ಯಕ್ಕೆ ಆರು ಬೋಗಿಗಳ ರೈಲು: ಇನ್ನೊಂದು ಆರು ಬೋಗಿಗಳ ರೈಲು ಸಿದ್ಧವಾಗಿದೆ. ಅದರ ಪರೀಕ್ಷೆಗಳು ನಡೆದಿವೆ. ಈ ತಿಂಗಳಲ್ಲೇ ಆ ಬೋಗಿಯನ್ನು ಸಂಚಾರಕ್ಕೆ ಬಿಡಲಾಗುವುದು. ಆದರೆ, ದಿನಾಂಕ ನಿಗದಿಪಡಿಸಿಲ್ಲ ಎಂದು ಚವಾಣ್ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಮೆಟ್ರೊ ರೈಲು ನಿಗಮ ಮೊದಲ ಹಂತದ ಯೋಜನೆಯ ಕಾರ್ಯಾಚರಣೆಯಿಂದ 2017–18ನೇ ಆರ್ಥಿಕ ವರ್ಷದಲ್ಲಿ ₹ 73.11 ಕೋಟಿ ಲಾಭ ಗಳಿಸಿದೆ. ನಷ್ಟದಲ್ಲಿದ್ದ ಮೆಟ್ರೊ ನಿಧಾನಕ್ಕೆ ಲಾಭದತ್ತ ಮುಖ ಮಾಡುತ್ತಿದೆ.</p>.<p>ಆದರೆ, ಯೋಜನೆಗಾಗಿ ಪಡೆದ ಸಾಲಕ್ಕೆ ಬಡ್ಡಿಯೇ ವಾರ್ಷಿಕವಾಗಿ ₹ 110 ಕೋಟಿಗಳಷ್ಟಿದೆ. ಈ ಬಡ್ಡಿ ಕಟ್ಟಬೇಕಾದರೆ ನಿಗಮಕ್ಕೆ ಇನ್ನೂ<br />₹ 38.73 ಕೋಟಿ ಆದಾಯ ಬರಬೇಕಿದೆ ಎಂದು ನಿಗಮದ ಮುಖ್ಯ ಸಾರ್ವಜನಿಕ ಸಂಪರ್ಕಾಧಿಕಾರಿ ಬಿ.ಎಲ್.ವೈ.ಚವಾಣ್ ಹೇಳಿದರು.</p>.<p>ಪ್ರಯಾಣದ ಟೋಕನ್ ಮಾರಾಟದಿಂದ ₹281 ಕೋಟಿ, ವಾಣಿಜ್ಯ ಮಳಿಗೆಗಳ ಬಾಡಿಗೆ, ಪಾರ್ಕಿಂಗ್ ಶುಲ್ಕ, ಜಾಹೀರಾತು ಮೂಲಗಳಿಂದ ₹ 56.21 ಕೋಟಿ ಆದಾಯ ಬಂದಿದೆ.ಮೆಟ್ರೊ ಕಾರ್ಯಾಚರಣೆ, ಸಿಬ್ಬಂದಿ ವೇತನ, ನಿರ್ವಹಣೆಗಾಗಿ ₹264.10 ಕೋಟಿ ವೆಚ್ಚವಾಗಿದೆ ಎಂದು ನಿಗಮದ ವಾರ್ಷಿಕ ಲೆಕ್ಕಪತ್ರದಲ್ಲಿ ಉಲ್ಲೇಖ ಮಾಡಲಾಗಿದೆ.</p>.<p>ಮೆಟ್ರೊದಲ್ಲಿ ಪ್ರತಿದಿನ 3.60 ಲಕ್ಷದಿಂದ ನಾಲ್ಕು ಲಕ್ಷಜನ ಪ್ರಯಾಣಿಸುತ್ತಿದ್ದಾರೆ. ಪ್ರತಿದಿನ ಸರಾಸರಿ ₹ 1 ಕೋಟಿ ಆದಾಯ ಬರುತ್ತಿದೆ.</p>.<p>42 ಕಿಲೋಮೀಟರ್ ಉದ್ದದ ಮೆಟ್ರೊ ಮೊದಲ ಹಂತದ ಮಾರ್ಗ ನಿರ್ಮಾಣಕ್ಕೆ ನಿಗಮವು ವಿವಿಧ ಮೂಲಗಳಿಂದ₹ 5,689 ಕೋಟಿ ದೀರ್ಘಾವಧಿ ಸಾಲ ಪಡೆದಿದೆ. ಜಪಾನ್ ಇಂಟರ್ ನ್ಯಾಷನಲ್ ಕೋ ಆಪರೇಷನ್ ಏಜೆನ್ಸಿ (ಜೈಕಾ), ಏಜೆನ್ಸಿ ಫ್ರಾನ್ಸಿಸ್ ದಿ ಡೆವಲಪ್ಮೆಂಟ್ ಮತ್ತು ಹುಡ್ಕೊದಿಂದ ಸಾಲ ಪಡೆಯಲಾಗಿದೆ.</p>.<p>‘ಕೇವಲ ರೈಲುಗಳ ಕಾರ್ಯಾಚರಣೆ, ವಾಣಿಜ್ಯ ಮಳಿಗೆಗಳ ಬಾಡಿಗೆ ಇಷ್ಟನ್ನೇ ಪರಿಗಣಿಸಿದರೆ ಮೆಟ್ರೊ ಲಾಭದಲ್ಲಿದೆ. ಯೋಜನೆ ವಿಸ್ತರಣೆ, ಕಾಮಗಾರಿಗಳು, ಸಾಲದ ಮೊತ್ತ, ಇತರ ವೆಚ್ಚಗಳನ್ನು ಪರಿಗಣಿಸಿದರೆ ಈ ಮೊತ್ತವನ್ನು ಲಾಭ ಎಂದು ಹೇಳಲಾಗದು. ಎಲ್ಲ ಕಾಮಗಾರಿಗಳು ಮುಗಿದು ಪೂರ್ಣ ಪ್ರಮಾಣದಲ್ಲಿ ಮೆಟ್ರೊ ಕಾರ್ಯಾಚರಣೆ ಮಾಡಿದಂದಿನಿಂದ ವೆಚ್ಚ ಕಳೆದು ಉಳಿಯುವ ಮೊತ್ತವನ್ನು ಲಾಭ ಎಂದು ಪರಿಗಣಿಸಬಹುದು. ಇದೆಲ್ಲಾ ದೀರ್ಘಾವಧಿ ತೆಗೆದುಕೊಳ್ಳುತ್ತದೆ' ಎಂದು ಚವಾಣ್ ವಿವರಿಸಿದರು.</p>.<p class="Subhead">ಈ ತಿಂಗಳ ಅಂತ್ಯಕ್ಕೆ ಆರು ಬೋಗಿಗಳ ರೈಲು: ಇನ್ನೊಂದು ಆರು ಬೋಗಿಗಳ ರೈಲು ಸಿದ್ಧವಾಗಿದೆ. ಅದರ ಪರೀಕ್ಷೆಗಳು ನಡೆದಿವೆ. ಈ ತಿಂಗಳಲ್ಲೇ ಆ ಬೋಗಿಯನ್ನು ಸಂಚಾರಕ್ಕೆ ಬಿಡಲಾಗುವುದು. ಆದರೆ, ದಿನಾಂಕ ನಿಗದಿಪಡಿಸಿಲ್ಲ ಎಂದು ಚವಾಣ್ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
