<p><strong>ಬೆಂಗಳೂರು:</strong> ಬೆಳ್ಳಂದೂರು ಹಾಗೂ ವರ್ತೂರು ಕೆರೆಗಳ ಹೂಳು ಹಾಗೂ ನೊರೆ ಸಮಸ್ಯೆ ಅಧಿಕಾರಿಗಳು ಹಾಗೂ ಜನಪ್ರತಿನಿಧಿಗಳಿಗೆ ಕಗ್ಗಂಟಾಗಿದೆ. ಇದಕ್ಕೆ ಹೆಚ್ಚು ತಲೆ ಕೆಡಿಸಿಕೊಳ್ಳಬೇಕಿಲ್ಲ. ಒಂದು ವೇಳೆ ಈ ಹೂಳನ್ನು ವಾಣಿಜ್ಯ ಉದ್ದೇಶದಿಂದ ಬಳಕೆ ಮಾಡಿಕೊಂಡರೆ ₹2 ಸಾವಿರ ಕೋಟಿ ಆದಾಯ ಗಳಿಸಬಹುದು! ನಗರದ ಭಾರತೀಯ ವಿಜ್ಞಾನ ಸಂಸ್ಥೆಯ ವಿಜ್ಞಾನಿ ಪ್ರೊ.ಟಿ.ವಿ.ರಾಮಚಂದ್ರ ಅವರ ಸಲಹೆ ಇದು.</p>.<p>ಭಾರತೀಯ ವಿಜ್ಞಾನ ಸಂಸ್ಥೆ ಹಾಗೂ ಮದ್ರಾಸ್ ಎಂಜಿನಿಯರಿಂಗ್ ಗ್ರೂಪ್ನ ಸದಸ್ಯರನ್ನು ಒಳಗೊಂಡ ತಂಡವು ಎರಡು ಕೆರೆಗಳ ಬಯೋಮೆಟ್ರಿಕ್ ಸಮೀಕ್ಷೆ ಸಮೀಕ್ಷೆ ನಡೆಸಿದೆ. ತಂಡವು ವರ್ತೂರು ಕೆರೆಯಲ್ಲಿ ಏಪ್ರಿಲ್ 4ರಂದು ಸಮೀಕ್ಷೆ ಆರಂಭಿಸಿತು. ಬೆಳ್ಳಂದೂರು ಕೆರೆಯಲ್ಲಿ ಅಧ್ಯಯನ ಮಂಗಳವಾರ ಕೊನೆಗೊಂಡಿತು.</p>.<p>ಐಐಎಸ್ಸಿಯ ಆರು ಮಂದಿ ತಜ್ಞರು ಹಾಗೂ ಎಂಇಜಿಯ 13 ಮಂದಿ ಸಮೀಕ್ಷೆಯಲ್ಲಿ ಪಾಲ್ಗೊಂಡರು. ವೈಟ್ಫೀಲ್ಡ್ ರೈಸಿಂಗ್ ಸಂಘಟನೆಯ ಸದಸ್ಯರು ಹಾಗೂ ಕೆ.ಕೆ. ಆಂಗ್ಲ ಮಾಧ್ಯಮ ಶಾಲೆಯವರು ಸಮೀಕ್ಷೆಗೆ ಅಗತ್ಯ ನೆರವು ನೀಡಿದರು.</p>.<p>‘ಉಭಯ ಕೆರೆಗಳ ಆಳ ಅರಿಯುವ ಉದ್ದೇಶದಿಂದ ಬಯೋಮೆಟ್ರಿಕ್ ಸಮೀಕ್ಷೆ ನಡೆಸಲಾಯಿತು. ಕೆರೆಗಳ ಹೂಳಿನ ಪ್ರಮಾಣದ ಬಗ್ಗೆ ವಿವರ ಲಭ್ಯವಾಯಿತು. ಕೆರೆಯ ಪುನಶ್ಚೇತನಕ್ಕೆ ಕೈಗೊಳ್ಳಬೇಕಾದ ಕ್ರಮಗಳ ಬಗ್ಗೆಯೂ ಇದು ದಿಕ್ಸೂಚಿಯಾಗಲಿದೆ’ ಎಂದು ರಾಮಚಂದ್ರ ತಿಳಿಸಿದರು.</p>.<p>ಈ ಹಿಂದೆ ವರ್ತೂರು ಕೆರೆಯ ಆಳ 30 ಅಡಿ ಇತ್ತು. ಆದರೆ, ದಶಕಗಳಿಂದ ಕೆರೆಯ ಆಳ ಕುಗ್ಗುತ್ತಾ ಬಂದಿದೆ. ಕೆಲವು ಕಡೆಗಳಲ್ಲಿ ಆಳ 1 ಮೀಟರ್ನಷ್ಟು ಇದೆ. ಎರಡೂ ಕೆರೆಗಳಲ್ಲಿ ಒಟ್ಟು 73 ಲಕ್ಷ ಕ್ಯೂಬಿಕ್ ಮೀಟರ್ ಹೂಳು ಇದೆ. ಇದನ್ನು ಗೊಬ್ಬರಕ್ಕಾಗಿ, ಕಟ್ಟಡ ನಿರ್ಮಾಣಕ್ಕೆ ಇಟ್ಟಿಗೆ ನಿರ್ಮಾಣಕ್ಕೆ ಬಳಸಿಕೊಂಡರೆ ₹2 ಸಾವಿರ ಕೋಟಿ ಗಳಿಸಬಹುದು ಎಂದು ಅವರು ಮಾಹಿತಿ ನೀಡಿದರು.</p>.<p><strong>ಕೆರೆಗಳ ಹಿನ್ನೆಲೆ:</strong> ಕೆಲವು ದಶಕಗಳ ಹಿಂದೆ ಈ ಕೆರೆಗಳ ನೀರನ್ನು ಜನರು ಕುಡಿಯಲು ಬಳಸುತ್ತಿದ್ದರು. ಸಾವಿರಾರು ಕೃಷಿಕರಿಗೆ ನೀರಿನ ಮೂಲಗಳಾಗಿದ್ದವು. ಸುತ್ತಮುತ್ತಲ ಗ್ರಾಮಗಳ ಕೃಷಿಕರು ಪ್ರತಿ ಎರಡು ವರ್ಷಕ್ಕೊಮ್ಮೆ ಕೆರೆಗಳ ಹೂಳು ತೆಗೆಯುತ್ತಿದ್ದರು. ಹೂಳನ್ನು ಗದ್ದೆಗಳಿಗೆ ಹಾಕುತ್ತಿದ್ದರು. ಅದು ಅವರಿಗೆ ಗೊಬ್ಬರದ ಮೂಲವಾಗಿತ್ತು.</p>.<p>1970ರಲ್ಲಿ ಕೊನೆಯ ಬಾರಿಗೆ ಹೂಳು ತೆಗೆಯಲಾಗಿತ್ತು. ನಗರೀಕರಣದ ಫಲವಾಗಿ ಕೆರೆ ಮಲೀನಗೊಳ್ಳುತ್ತಾ ಬಂತು. ಆಸುಪಾಸಿನಲ್ಲಿ ಕಟ್ಟಡಗಳು ತಲೆ ಎತ್ತಿದವು. ಕಳೆದ ವರ್ಷ ಬೆಳ್ಳಂದೂರು ಕೆರೆಯ ನೊರೆಯಲ್ಲಿ ಬೆಂಕಿ ಕಾಣಿಸಿಕೊಂಡಿತ್ತು.</p>.<p>‘ಕೆರೆಯ ಹೂಳು ತೆಗೆಯುವಂತಹ ಅತ್ಯಾಧುನಿಕ ತಂತ್ರಜ್ಞಾನ ಲಭ್ಯ ಇದೆ. ಗುಣಮಟ್ಟದ ಕೆಲಸ ಮಾಡಿದರೆ ಫಲಿತಾಂಶ ಶೀಘ್ರದಲ್ಲಿ ಲಭ್ಯವಾಗಲಿದೆ. 24 ತಿಂಗಳಲ್ಲಿ ಕೆರೆಯ ಹೂಳನ್ನು ತೆಗೆಯಬಹುದು’ ಎಂದು ಅವರು ವಿಶ್ವಾಸ ವ್ಯಕ್ತಪಡಿಸಿದರು.</p>.<p><strong>ಹೂಳು ತೆಗೆದರೆ ಏನು ಲಾಭ</strong><br /> *ಎರಡು ಕೆರೆಗಳ ಆಸುಪಾಸಿನಲ್ಲಿ ಅಂತರ್ಜಲದ ಮಟ್ಟ ಏರಲಿದೆ.<br /> *ಕೆರೆಯ ಸುತ್ತಮುತ್ತಲಿನ ನೂರಾರು ಕೊಳವೆಬಾವಿಗಳು ಬತ್ತಿ ಹೋಗಿವೆ. ಹೂಳು ತೆಗೆದರೆ ಇವುಗಳಲ್ಲಿ ನೀರು ಉಕ್ಕಲಿದೆ. ಜಕ್ಕೂರು ಕೆರೆಯಲ್ಲೂ ಈ ಹಿಂದೆ ಹೂಳು ತುಂಬಿಕೊಂಡಿತ್ತು. ಕೆಲವು ವರ್ಷಗಳ ಹಿಂದೆ ಸ್ಥಳೀಯರ ನೆರವಿನಿಂದ ಅಭಿವೃದ್ಧಿಪಡಿಸಲಾಯಿತು. ಈಗ ಕೆರೆಯ ಸುತ್ತಮುತ್ತಲಿನ ಕೊಳವೆಬಾವಿಗಳಲ್ಲಿ ಸಾಕಷ್ಟು ನೀರು ಇದೆ.<br /> *ಬೆಳ್ಳಂದೂರು ಕೆರೆಯ ಪುನಶ್ಚೇತನಕ್ಕೆ ಜಲಮಂಡಳಿ ಐದು ಹಂತದ ಯೋಜನೆ ರೂಪಿಸಿದೆ. ಇದಕ್ಕಾಗಿ ₹700ರಿಂದ ₹900 ಕೋಟಿ ಬೇಕಿದೆ ಎಂಬುದು ಮಂಡಳಿಯ ಲೆಕ್ಕಾಚಾರ. ಹೂಳಿನ ರೂಪದಲ್ಲಿರುವ ‘ನಿಧಿ’ಯನ್ನು ಬಳಸಿಕೊಂಡರೆ ಕೆರೆಯ ಪುನಶ್ಚೇತನಕ್ಕೆ ಸರ್ಕಾರದ ನೆರವಿಗೆ ಕಾಯಬೇಕಿಲ್ಲ.</p>.<p>*<br /> ವರ್ತೂರು ಕೆರೆಯ ಆಳ ಕೆಲವು ಕಡೆಗಳಲ್ಲಿ 1 ಮೀಟರ್ ಮಾತ್ರ ಇದೆ<br /> <em><strong>ಪ್ರೊ.ಟಿ.ವಿ. ರಾಮಚಂದ್ರ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಬೆಳ್ಳಂದೂರು ಹಾಗೂ ವರ್ತೂರು ಕೆರೆಗಳ ಹೂಳು ಹಾಗೂ ನೊರೆ ಸಮಸ್ಯೆ ಅಧಿಕಾರಿಗಳು ಹಾಗೂ ಜನಪ್ರತಿನಿಧಿಗಳಿಗೆ ಕಗ್ಗಂಟಾಗಿದೆ. ಇದಕ್ಕೆ ಹೆಚ್ಚು ತಲೆ ಕೆಡಿಸಿಕೊಳ್ಳಬೇಕಿಲ್ಲ. ಒಂದು ವೇಳೆ ಈ ಹೂಳನ್ನು ವಾಣಿಜ್ಯ ಉದ್ದೇಶದಿಂದ ಬಳಕೆ ಮಾಡಿಕೊಂಡರೆ ₹2 ಸಾವಿರ ಕೋಟಿ ಆದಾಯ ಗಳಿಸಬಹುದು! ನಗರದ ಭಾರತೀಯ ವಿಜ್ಞಾನ ಸಂಸ್ಥೆಯ ವಿಜ್ಞಾನಿ ಪ್ರೊ.ಟಿ.ವಿ.ರಾಮಚಂದ್ರ ಅವರ ಸಲಹೆ ಇದು.</p>.<p>ಭಾರತೀಯ ವಿಜ್ಞಾನ ಸಂಸ್ಥೆ ಹಾಗೂ ಮದ್ರಾಸ್ ಎಂಜಿನಿಯರಿಂಗ್ ಗ್ರೂಪ್ನ ಸದಸ್ಯರನ್ನು ಒಳಗೊಂಡ ತಂಡವು ಎರಡು ಕೆರೆಗಳ ಬಯೋಮೆಟ್ರಿಕ್ ಸಮೀಕ್ಷೆ ಸಮೀಕ್ಷೆ ನಡೆಸಿದೆ. ತಂಡವು ವರ್ತೂರು ಕೆರೆಯಲ್ಲಿ ಏಪ್ರಿಲ್ 4ರಂದು ಸಮೀಕ್ಷೆ ಆರಂಭಿಸಿತು. ಬೆಳ್ಳಂದೂರು ಕೆರೆಯಲ್ಲಿ ಅಧ್ಯಯನ ಮಂಗಳವಾರ ಕೊನೆಗೊಂಡಿತು.</p>.<p>ಐಐಎಸ್ಸಿಯ ಆರು ಮಂದಿ ತಜ್ಞರು ಹಾಗೂ ಎಂಇಜಿಯ 13 ಮಂದಿ ಸಮೀಕ್ಷೆಯಲ್ಲಿ ಪಾಲ್ಗೊಂಡರು. ವೈಟ್ಫೀಲ್ಡ್ ರೈಸಿಂಗ್ ಸಂಘಟನೆಯ ಸದಸ್ಯರು ಹಾಗೂ ಕೆ.ಕೆ. ಆಂಗ್ಲ ಮಾಧ್ಯಮ ಶಾಲೆಯವರು ಸಮೀಕ್ಷೆಗೆ ಅಗತ್ಯ ನೆರವು ನೀಡಿದರು.</p>.<p>‘ಉಭಯ ಕೆರೆಗಳ ಆಳ ಅರಿಯುವ ಉದ್ದೇಶದಿಂದ ಬಯೋಮೆಟ್ರಿಕ್ ಸಮೀಕ್ಷೆ ನಡೆಸಲಾಯಿತು. ಕೆರೆಗಳ ಹೂಳಿನ ಪ್ರಮಾಣದ ಬಗ್ಗೆ ವಿವರ ಲಭ್ಯವಾಯಿತು. ಕೆರೆಯ ಪುನಶ್ಚೇತನಕ್ಕೆ ಕೈಗೊಳ್ಳಬೇಕಾದ ಕ್ರಮಗಳ ಬಗ್ಗೆಯೂ ಇದು ದಿಕ್ಸೂಚಿಯಾಗಲಿದೆ’ ಎಂದು ರಾಮಚಂದ್ರ ತಿಳಿಸಿದರು.</p>.<p>ಈ ಹಿಂದೆ ವರ್ತೂರು ಕೆರೆಯ ಆಳ 30 ಅಡಿ ಇತ್ತು. ಆದರೆ, ದಶಕಗಳಿಂದ ಕೆರೆಯ ಆಳ ಕುಗ್ಗುತ್ತಾ ಬಂದಿದೆ. ಕೆಲವು ಕಡೆಗಳಲ್ಲಿ ಆಳ 1 ಮೀಟರ್ನಷ್ಟು ಇದೆ. ಎರಡೂ ಕೆರೆಗಳಲ್ಲಿ ಒಟ್ಟು 73 ಲಕ್ಷ ಕ್ಯೂಬಿಕ್ ಮೀಟರ್ ಹೂಳು ಇದೆ. ಇದನ್ನು ಗೊಬ್ಬರಕ್ಕಾಗಿ, ಕಟ್ಟಡ ನಿರ್ಮಾಣಕ್ಕೆ ಇಟ್ಟಿಗೆ ನಿರ್ಮಾಣಕ್ಕೆ ಬಳಸಿಕೊಂಡರೆ ₹2 ಸಾವಿರ ಕೋಟಿ ಗಳಿಸಬಹುದು ಎಂದು ಅವರು ಮಾಹಿತಿ ನೀಡಿದರು.</p>.<p><strong>ಕೆರೆಗಳ ಹಿನ್ನೆಲೆ:</strong> ಕೆಲವು ದಶಕಗಳ ಹಿಂದೆ ಈ ಕೆರೆಗಳ ನೀರನ್ನು ಜನರು ಕುಡಿಯಲು ಬಳಸುತ್ತಿದ್ದರು. ಸಾವಿರಾರು ಕೃಷಿಕರಿಗೆ ನೀರಿನ ಮೂಲಗಳಾಗಿದ್ದವು. ಸುತ್ತಮುತ್ತಲ ಗ್ರಾಮಗಳ ಕೃಷಿಕರು ಪ್ರತಿ ಎರಡು ವರ್ಷಕ್ಕೊಮ್ಮೆ ಕೆರೆಗಳ ಹೂಳು ತೆಗೆಯುತ್ತಿದ್ದರು. ಹೂಳನ್ನು ಗದ್ದೆಗಳಿಗೆ ಹಾಕುತ್ತಿದ್ದರು. ಅದು ಅವರಿಗೆ ಗೊಬ್ಬರದ ಮೂಲವಾಗಿತ್ತು.</p>.<p>1970ರಲ್ಲಿ ಕೊನೆಯ ಬಾರಿಗೆ ಹೂಳು ತೆಗೆಯಲಾಗಿತ್ತು. ನಗರೀಕರಣದ ಫಲವಾಗಿ ಕೆರೆ ಮಲೀನಗೊಳ್ಳುತ್ತಾ ಬಂತು. ಆಸುಪಾಸಿನಲ್ಲಿ ಕಟ್ಟಡಗಳು ತಲೆ ಎತ್ತಿದವು. ಕಳೆದ ವರ್ಷ ಬೆಳ್ಳಂದೂರು ಕೆರೆಯ ನೊರೆಯಲ್ಲಿ ಬೆಂಕಿ ಕಾಣಿಸಿಕೊಂಡಿತ್ತು.</p>.<p>‘ಕೆರೆಯ ಹೂಳು ತೆಗೆಯುವಂತಹ ಅತ್ಯಾಧುನಿಕ ತಂತ್ರಜ್ಞಾನ ಲಭ್ಯ ಇದೆ. ಗುಣಮಟ್ಟದ ಕೆಲಸ ಮಾಡಿದರೆ ಫಲಿತಾಂಶ ಶೀಘ್ರದಲ್ಲಿ ಲಭ್ಯವಾಗಲಿದೆ. 24 ತಿಂಗಳಲ್ಲಿ ಕೆರೆಯ ಹೂಳನ್ನು ತೆಗೆಯಬಹುದು’ ಎಂದು ಅವರು ವಿಶ್ವಾಸ ವ್ಯಕ್ತಪಡಿಸಿದರು.</p>.<p><strong>ಹೂಳು ತೆಗೆದರೆ ಏನು ಲಾಭ</strong><br /> *ಎರಡು ಕೆರೆಗಳ ಆಸುಪಾಸಿನಲ್ಲಿ ಅಂತರ್ಜಲದ ಮಟ್ಟ ಏರಲಿದೆ.<br /> *ಕೆರೆಯ ಸುತ್ತಮುತ್ತಲಿನ ನೂರಾರು ಕೊಳವೆಬಾವಿಗಳು ಬತ್ತಿ ಹೋಗಿವೆ. ಹೂಳು ತೆಗೆದರೆ ಇವುಗಳಲ್ಲಿ ನೀರು ಉಕ್ಕಲಿದೆ. ಜಕ್ಕೂರು ಕೆರೆಯಲ್ಲೂ ಈ ಹಿಂದೆ ಹೂಳು ತುಂಬಿಕೊಂಡಿತ್ತು. ಕೆಲವು ವರ್ಷಗಳ ಹಿಂದೆ ಸ್ಥಳೀಯರ ನೆರವಿನಿಂದ ಅಭಿವೃದ್ಧಿಪಡಿಸಲಾಯಿತು. ಈಗ ಕೆರೆಯ ಸುತ್ತಮುತ್ತಲಿನ ಕೊಳವೆಬಾವಿಗಳಲ್ಲಿ ಸಾಕಷ್ಟು ನೀರು ಇದೆ.<br /> *ಬೆಳ್ಳಂದೂರು ಕೆರೆಯ ಪುನಶ್ಚೇತನಕ್ಕೆ ಜಲಮಂಡಳಿ ಐದು ಹಂತದ ಯೋಜನೆ ರೂಪಿಸಿದೆ. ಇದಕ್ಕಾಗಿ ₹700ರಿಂದ ₹900 ಕೋಟಿ ಬೇಕಿದೆ ಎಂಬುದು ಮಂಡಳಿಯ ಲೆಕ್ಕಾಚಾರ. ಹೂಳಿನ ರೂಪದಲ್ಲಿರುವ ‘ನಿಧಿ’ಯನ್ನು ಬಳಸಿಕೊಂಡರೆ ಕೆರೆಯ ಪುನಶ್ಚೇತನಕ್ಕೆ ಸರ್ಕಾರದ ನೆರವಿಗೆ ಕಾಯಬೇಕಿಲ್ಲ.</p>.<p>*<br /> ವರ್ತೂರು ಕೆರೆಯ ಆಳ ಕೆಲವು ಕಡೆಗಳಲ್ಲಿ 1 ಮೀಟರ್ ಮಾತ್ರ ಇದೆ<br /> <em><strong>ಪ್ರೊ.ಟಿ.ವಿ. ರಾಮಚಂದ್ರ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
