<p><strong>ಮಂಗಳೂರು/ಉಳ್ಳಾಲ:</strong> ಮಹಿಳೆಯರ ಆಸರೆಗೆ ಮತ್ತು ವಿದ್ಯಾರ್ಥಿಗಳ ಶಿಕ್ಷಣಕ್ಕೆ ಆದ್ಯತೆ ನೀಡಿ ಕಾರ್ಯನಿರ್ವಹಿಸುತ್ತಿರುವ ‘ಪ್ರಜ್ಞಾ ಕೌನ್ಸೆಲಿಂಗ್ ಸೆಂಟರ್‘ನ ಚಟುವಟಿಕೆಗಳಿಗೆ ಸಾಮಾಜಿಕ ಕಾರ್ಯಗಳ ಮೂಲಕ ಗುರುತಿಸಿಕೊಂಡಿರುವ ಬಾಲಿವುಡ್ ನಟ ಸೋನು ಸೂದ್ ಮನಸೋತರು.</p>.<p>ಕೊಣಾಜೆ ಸಮೀಪದ ಮುಡಿಪುವಿನಲ್ಲಿ ಪ್ರಜ್ಞಾ ಸ್ಕಿಲ್ ಸೆಂಟರ್ಗೆ ಬುಧವಾರ ಭೇಟಿ ನಿಡಿದ ಸೋನು ವಿದ್ಯಾರ್ಥಿಗಳ ಜೊತೆ ಸಂವಾದ ನಡೆಸಿದರು. ವಿದ್ಯಾರ್ಥಿಗಳ ಜೊತೆ ಸೆಲ್ಫಿ ಕ್ಲಿಕ್ಕಿಸಿಕೊಂಡು ಸಂಭ್ರಮಿಸಿದರು.</p>.<p>‘ತಾಯಿಯ ತವರೂರು ಪಂಜಾಬ್ಗೆ ಹೋಗುವಾಗ ತಂದೆಯೊಂದಿಗೆ ನೊಂದವರಿಗೆ ಆಹಾರ ನೀಡುತ್ತಿದ್ದೆವು. ಆಗ ಅವರ ಮುಖದಲ್ಲಿ ಮೂಡುತ್ತಿದ್ದ ಮಂದಹಾಸ ಖುಷಿ ಕೊಡುತಿತ್ತು. ನನ್ನ ಹೆತ್ತವರು ವಿದ್ಯಾರ್ಥಿಗಳಿಗೂ ನೆರವು ನೀಡುತ್ತಿದ್ದರು. ಅಂದು ನೆರವು ಪಡೆದವರು ಈಗ ಉನ್ನತ ಹುದ್ದೆಗಳಲ್ಲಿದ್ದಾರೆ‘ ಎಂದು ಸೋನು ಹೇಳಿದರು.</p>.<p>‘ಮುಷ್ಠಿ ತೆರೆದರೆ ಇನ್ನೊಬ್ಬರಿಗೆ ಸಹಾಯವಾಗುವಂತೆ ಇರಬೇಕೇ ಹೊರತು ತೊಂದರೆಯಾಗಬಾರದು ಎಂಬ ತಾಯಿಯ ಮಾತುಗಳು ಇನ್ನೂ ಮನಸಿನಲ್ಲಿವೆ. ಹಣೆಬರಹವನ್ನು ನಂಬಬೇಡಿ. ಕಷ್ಟಪಟ್ಟು ಕೆಲಸ ಮಾಡಿ ಕೌಶಲ ಬೆಳೆಸಿಕೊಳ್ಳಿ. ರಾಜ್ಯದಲ್ಲಿ ವಿದ್ಯಾರ್ಥಿಗಳ ಕೌಶಲಾಭಿವೃದ್ಧಿಗಾಗಿ ಸಹಕಾರ ನೀಡಲು ಸಿದ್ಧ‘ ಎಂದು ಅವರು ಭರವಸೆ ನೀಡಿದರು.</p>.<p>ಪ್ರಜ್ಞಾ ಸಂಸ್ಥೆಯ ಸಂಯೋಜಕಿ ದೀಪ್ತಿ ಸಂಸ್ಥೆಯ ಬಗ್ಗೆ ಮಾಹಿತಿ ನೀಡಿದರು. ಸ್ಥಾಪಕಿ ಹಿಲ್ಡಾ ರಾಯಪ್ಪ, ಅಮಿತಾ ರಾವ್, ಶಾಲಿನಿ ಅಯ್ಯಪ್ಪ, ಶರತ್ ಕುಮಾರ್ ಎನ್.ಕೆ, ವಿಜಯ ಕಣ್ಣ, ದಿವ್ಯಾ, ಅಶ್ವಿತಾ, ಸುಕನ್ಯಾ ದಾಸ್, ಲಿಲ್ಲಿ, ಮೇರಿ ಹಾಗೂ ಬಾಬಣ್ಣ ಇದ್ದರು.</p>.<p>---</p>.<p>ಅಹಂ ಇಲ್ಲದೆ ಎಲ್ಲರೊಂದಿಗೆ ಬೆರೆದ ಸೋನು ಅವರ ನಡತೆ ಖುಷಿ ನೀಡಿತು. ನನ್ನ ಹಳೆಯ ವಿದ್ಯಾರ್ಥಿಯೊಬ್ಬನ ಜೊತೆಯಲ್ಲಿ ಓಡಾಡಿದ ಅನುಭವ ಆಯಿತು.<br /><strong>- ಹಿಲ್ಡಾ ರಾಯಪ್ಪ, ಪ್ರಜ್ಞಾ ಸಂಸ್ಥೆಯ ಸ್ಥಾಪಕಿ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಂಗಳೂರು/ಉಳ್ಳಾಲ:</strong> ಮಹಿಳೆಯರ ಆಸರೆಗೆ ಮತ್ತು ವಿದ್ಯಾರ್ಥಿಗಳ ಶಿಕ್ಷಣಕ್ಕೆ ಆದ್ಯತೆ ನೀಡಿ ಕಾರ್ಯನಿರ್ವಹಿಸುತ್ತಿರುವ ‘ಪ್ರಜ್ಞಾ ಕೌನ್ಸೆಲಿಂಗ್ ಸೆಂಟರ್‘ನ ಚಟುವಟಿಕೆಗಳಿಗೆ ಸಾಮಾಜಿಕ ಕಾರ್ಯಗಳ ಮೂಲಕ ಗುರುತಿಸಿಕೊಂಡಿರುವ ಬಾಲಿವುಡ್ ನಟ ಸೋನು ಸೂದ್ ಮನಸೋತರು.</p>.<p>ಕೊಣಾಜೆ ಸಮೀಪದ ಮುಡಿಪುವಿನಲ್ಲಿ ಪ್ರಜ್ಞಾ ಸ್ಕಿಲ್ ಸೆಂಟರ್ಗೆ ಬುಧವಾರ ಭೇಟಿ ನಿಡಿದ ಸೋನು ವಿದ್ಯಾರ್ಥಿಗಳ ಜೊತೆ ಸಂವಾದ ನಡೆಸಿದರು. ವಿದ್ಯಾರ್ಥಿಗಳ ಜೊತೆ ಸೆಲ್ಫಿ ಕ್ಲಿಕ್ಕಿಸಿಕೊಂಡು ಸಂಭ್ರಮಿಸಿದರು.</p>.<p>‘ತಾಯಿಯ ತವರೂರು ಪಂಜಾಬ್ಗೆ ಹೋಗುವಾಗ ತಂದೆಯೊಂದಿಗೆ ನೊಂದವರಿಗೆ ಆಹಾರ ನೀಡುತ್ತಿದ್ದೆವು. ಆಗ ಅವರ ಮುಖದಲ್ಲಿ ಮೂಡುತ್ತಿದ್ದ ಮಂದಹಾಸ ಖುಷಿ ಕೊಡುತಿತ್ತು. ನನ್ನ ಹೆತ್ತವರು ವಿದ್ಯಾರ್ಥಿಗಳಿಗೂ ನೆರವು ನೀಡುತ್ತಿದ್ದರು. ಅಂದು ನೆರವು ಪಡೆದವರು ಈಗ ಉನ್ನತ ಹುದ್ದೆಗಳಲ್ಲಿದ್ದಾರೆ‘ ಎಂದು ಸೋನು ಹೇಳಿದರು.</p>.<p>‘ಮುಷ್ಠಿ ತೆರೆದರೆ ಇನ್ನೊಬ್ಬರಿಗೆ ಸಹಾಯವಾಗುವಂತೆ ಇರಬೇಕೇ ಹೊರತು ತೊಂದರೆಯಾಗಬಾರದು ಎಂಬ ತಾಯಿಯ ಮಾತುಗಳು ಇನ್ನೂ ಮನಸಿನಲ್ಲಿವೆ. ಹಣೆಬರಹವನ್ನು ನಂಬಬೇಡಿ. ಕಷ್ಟಪಟ್ಟು ಕೆಲಸ ಮಾಡಿ ಕೌಶಲ ಬೆಳೆಸಿಕೊಳ್ಳಿ. ರಾಜ್ಯದಲ್ಲಿ ವಿದ್ಯಾರ್ಥಿಗಳ ಕೌಶಲಾಭಿವೃದ್ಧಿಗಾಗಿ ಸಹಕಾರ ನೀಡಲು ಸಿದ್ಧ‘ ಎಂದು ಅವರು ಭರವಸೆ ನೀಡಿದರು.</p>.<p>ಪ್ರಜ್ಞಾ ಸಂಸ್ಥೆಯ ಸಂಯೋಜಕಿ ದೀಪ್ತಿ ಸಂಸ್ಥೆಯ ಬಗ್ಗೆ ಮಾಹಿತಿ ನೀಡಿದರು. ಸ್ಥಾಪಕಿ ಹಿಲ್ಡಾ ರಾಯಪ್ಪ, ಅಮಿತಾ ರಾವ್, ಶಾಲಿನಿ ಅಯ್ಯಪ್ಪ, ಶರತ್ ಕುಮಾರ್ ಎನ್.ಕೆ, ವಿಜಯ ಕಣ್ಣ, ದಿವ್ಯಾ, ಅಶ್ವಿತಾ, ಸುಕನ್ಯಾ ದಾಸ್, ಲಿಲ್ಲಿ, ಮೇರಿ ಹಾಗೂ ಬಾಬಣ್ಣ ಇದ್ದರು.</p>.<p>---</p>.<p>ಅಹಂ ಇಲ್ಲದೆ ಎಲ್ಲರೊಂದಿಗೆ ಬೆರೆದ ಸೋನು ಅವರ ನಡತೆ ಖುಷಿ ನೀಡಿತು. ನನ್ನ ಹಳೆಯ ವಿದ್ಯಾರ್ಥಿಯೊಬ್ಬನ ಜೊತೆಯಲ್ಲಿ ಓಡಾಡಿದ ಅನುಭವ ಆಯಿತು.<br /><strong>- ಹಿಲ್ಡಾ ರಾಯಪ್ಪ, ಪ್ರಜ್ಞಾ ಸಂಸ್ಥೆಯ ಸ್ಥಾಪಕಿ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
