<p><strong>ಉಡುಪಿ:</strong> ಮಕ್ಕಳು ಸಾಂಸ್ಕೃತಿಕವಾಗಿ ವಿಕಸನಗೊಂಡಾಗ ಅದು ಅವರ ಬದುಕಿನ ಮೇಲೆ ಧನಾತ್ಮಕ ಪರಿಣಾಮ ಬೀರುತ್ತದೆ ಎಂದು ಶಾಸಕ ವಿನಯ ಕುಮಾರ್ ಸೊರಕೆ ಅಭಿಪ್ರಾಯಪಟ್ಟರು.<br /> <br /> ರಥಬೀದಿ ಗೆಳೆಯರು ಸಂಸ್ಥೆ ಮತ್ತು ಉದ್ಯಾವರದ ಹಿಂದೂ ಹಿರಿಯ ಪ್ರಾಥಮಿಕ ಶಾಲೆ ಜಂಟಿಯಾಗಿ ಆಯೋಜಿಸಿದ್ದ ‘ಕುಣಿಯೋಣ ಬಾರಾ’ ಮಕ್ಕಳ ರಂಗ ತರಬೇತಿ ಶಿಬಿರದ ಸಮಾರೋಪ ಸಮಾರಂಭದಲ್ಲಿ ಅವರು ಮಾತನಾಡಿದರು.<br /> <br /> ಕೇವಲ ನಗರ ಪ್ರದೇಶಗಳಿಗೆ ಸೀಮಿತವಾಗಿದ್ದ ಬೇಸಿಗೆ ಶಿಬಿರಗಳನ್ನು ಗ್ರಾಮೀಣ ಭಾಗದಲ್ಲಿಯೂ ಆಯೋಜಿಸಿರುವುದು ಶ್ಲಾಘನೀಯ ಕೆಲಸ. ಈ ಶಿಬಿರದಲ್ಲಿ ಭಾಗವಹಿಸಿರುವ ಮಕ್ಕಳು ಇನ್ನಷ್ಟು ಕ್ರಿಯಾಶೀಲರಾಗು ತ್ತಾರೆ ಎಂಬ ನಂಬಿಕೆ ಇದೆ. ಇನ್ನು ಮುಂದೆಯೂ ಇಂತಹ ಶಿಬಿರಗಳನ್ನು ಆಯೋಜಿಸಿ ಗ್ರಾಮೀಣ ಭಾಗದ ಮಕ್ಕಳಿಗೆ ಅವಕಾಶ ನೀಡಿ ಎಂದರು.<br /> <br /> ಕುಂಜಿಬೆಟ್ಟು ಟಿ.ಎಂ.ಎ ಪೈ ಶಿಕ್ಷಣ ಮಹಾ ವಿದ್ಯಾಲಯದ ಪ್ರಾಂಶುಪಾಲ ಡಾ.ಮಹಾಬಲೇಶ್ವರ ರಾವ್ ಮಾತನಾಡಿ, ‘ಕುಣಿಯೋಣು ಬಾರಾ ಇದು ಮಕ್ಕಳಿಗೆ ಮಾತ್ರವಲ್ಲ, ಹಿರಿಯ ರಿಗೂ ಕೂಡಾ ಎನ್ನುವುದು ನನ್ನ ಅನಿಸಿಕೆ. ಬದುಕಿನ ಜಂಜಡಗಳಿಂದಾಗಿ ನಾವೆಲ್ಲರೂ ನಮ್ಮ ಮುಗ್ಧತೆ ಕಳೆದು ಕೊಂಡಿದ್ದೇವೆ’ ಎಂದು ಹೇಳಿದರು.<br /> <br /> ಇಂದಿನ ಮಕ್ಕಳಲ್ಲಿ ಅಕಾಲಿಕ ಪ್ರೌಢತೆಯನ್ನು ಕಾಣುತ್ತೇವೆ. ಅವರು ಬೆರಗು ಆಶ್ಚರ್ಯಗಳನ್ನು ಕಳೆದುಕೊಳ್ಳುತ್ತಿದ್ದಾರೆ. ಇದಕ್ಕೆ ಇಂದಿನ ಶಿಕ್ಷಣ ಪದ್ಧತಿ ಕಾರಣ. ಅವರು ಕಳೆದುಕೊಂಡ ಬೆರಗು ಅವರ ಆಶ್ಚರ್ಯ ಆವರ ಬಾಲ್ಯವನ್ನು ಇಂತಹ ಶಿಬಿರಗಳು ಮರಳಿಸುತ್ತವೆ ಎಂದರು.<br /> <br /> ಉಡುಪಿ ಸರ್ಕಾರಿ ಪದವಿ ಪೂರ್ವ ಕಾಲೇಜಿನ ಉಪನ್ಯಾಸಕಿ ಎಸ್. ಸುಮಾ ಮಾತನಾಡಿ, ಹದಿನೈದು ದಿನಗಳ ಈ ಶಿಬಿರದಲ್ಲಿ 12 ಶಾಲೆಗಳ ವಿಭಿನ್ನ ಸಂಸ್ಕೃತಿಗಳ 40 ಮಕ್ಕಳು ಒಂದಾಗಿ ಕುಣಿದು– ಹಾಡಿದ್ದಾರೆ, ಒಂದಾಗಿ ಆಡಿ– ಉಂಡಿದ್ದಾರೆ. ಇಲ್ಲಿ ನಾಟಕ ಕಲಿಸೋದು, ಕಲಿಯೋದು ಅಷ್ಟೇ ನಡೆದಿಲ್ಲ, ಬದುಕಿನ ಶಿಕ್ಷಣ ಕಲಿಸಿ ಕೊಡಲಾಗಿದೆ.<br /> <br /> ಕಟ್ಟುವ ಕೆಲಸವನ್ನು ಹಿರಿಯರು ಮಾಡಬೇಕು. ಅದರೆ, ಎಲ್ಲೆಲ್ಲೂ ಒಡಕೇ ಕಾಣುತ್ತಿದೆ. ಒಡೆಯುತ್ತಿರುವ ಈ ದಿನಮಾನದಲ್ಲಿ, ಕಟ್ಟುವ ಕೆಲಸವನ್ನು ಹೇಗ ಮಾಡ ಬೇಕು, ಜತೆಯಾಗಿ ಕೂಡಿ ಹೇಗೆ ಬದುಕಬೇಕು ಎಂದು ಈ ರಂಗ ಶಿಕ್ಷಣ ಹೇಳಿಕೊಟ್ಟಿದೆ ಎಂದರು.<br /> <br /> ಶಿಬಿರದ ಸಂಚಾಲಕ ಸಂತೋಷ್ ನಾಯಕ್ ಪಟ್ಲ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಸಂಸ್ಥೆಯ ಅಧ್ಯಕ್ಷ ಪ್ರೊ.ಮುರಳೀಧರ ಉಪಾಧ್ಯ ಹಿರಿಯಡ್ಕ, ಹಿಂದೂ ಹಿರಿಯ ಪ್ರಾಥಮಿಕ ಶಾಲೆಯ ಮುಖ್ಯೋಪಾ ಧ್ಯಾಯ ಗಣಪತಿ ಕಾರಂತ್ ಉಪಸ್ಥಿತರಿದ್ದರು.<br /> <br /> ಸಂಸ್ಥೆಯ ಉಪಾಧ್ಯಕ್ಷ ಉದ್ಯಾವರ ನಾಗೇಶ್ ಕುಮಾರ್ ಸ್ವಾಗತಿಸಿದರು. ಕಾಯದರ್ಶಿ ಪ್ರೊ. ಸುಬ್ರಹ್ಮಣ್ಯ ಜೋಶಿ ನಿರ್ವಹಿಸಿದರು. ಶಿಕ್ಷಕ ವಿಕ್ರಮ ಆಚಾರ್ಯ ವಂದಿಸಿದರು.</p>.<p>*<br /> ಸಮಾನಾಂತರ ರೇಖೆಗಳಾ ಗಿರುವ ಫ್ಲ್ಯಾಟ್ ಮತ್ತು ಹಳ್ಳಿಗಾಡು ಸಂಸ್ಕೃತಿ ಸಂಧಿಸುವುದಿಲ್ಲ. ಇಂತಹ ಶಿಬಿರಗಳು ಇವೆರಡನ್ನು ಸಂಧಿಸುವಂತೆ ಮಾಡುತ್ತವೆ.<br /> <em><strong>-ಡಾ.ಮಹಾಬಲೇಶ್ವರ ರಾವ್,<br /> ಪ್ರಾಂಶುಪಾಲ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಉಡುಪಿ:</strong> ಮಕ್ಕಳು ಸಾಂಸ್ಕೃತಿಕವಾಗಿ ವಿಕಸನಗೊಂಡಾಗ ಅದು ಅವರ ಬದುಕಿನ ಮೇಲೆ ಧನಾತ್ಮಕ ಪರಿಣಾಮ ಬೀರುತ್ತದೆ ಎಂದು ಶಾಸಕ ವಿನಯ ಕುಮಾರ್ ಸೊರಕೆ ಅಭಿಪ್ರಾಯಪಟ್ಟರು.<br /> <br /> ರಥಬೀದಿ ಗೆಳೆಯರು ಸಂಸ್ಥೆ ಮತ್ತು ಉದ್ಯಾವರದ ಹಿಂದೂ ಹಿರಿಯ ಪ್ರಾಥಮಿಕ ಶಾಲೆ ಜಂಟಿಯಾಗಿ ಆಯೋಜಿಸಿದ್ದ ‘ಕುಣಿಯೋಣ ಬಾರಾ’ ಮಕ್ಕಳ ರಂಗ ತರಬೇತಿ ಶಿಬಿರದ ಸಮಾರೋಪ ಸಮಾರಂಭದಲ್ಲಿ ಅವರು ಮಾತನಾಡಿದರು.<br /> <br /> ಕೇವಲ ನಗರ ಪ್ರದೇಶಗಳಿಗೆ ಸೀಮಿತವಾಗಿದ್ದ ಬೇಸಿಗೆ ಶಿಬಿರಗಳನ್ನು ಗ್ರಾಮೀಣ ಭಾಗದಲ್ಲಿಯೂ ಆಯೋಜಿಸಿರುವುದು ಶ್ಲಾಘನೀಯ ಕೆಲಸ. ಈ ಶಿಬಿರದಲ್ಲಿ ಭಾಗವಹಿಸಿರುವ ಮಕ್ಕಳು ಇನ್ನಷ್ಟು ಕ್ರಿಯಾಶೀಲರಾಗು ತ್ತಾರೆ ಎಂಬ ನಂಬಿಕೆ ಇದೆ. ಇನ್ನು ಮುಂದೆಯೂ ಇಂತಹ ಶಿಬಿರಗಳನ್ನು ಆಯೋಜಿಸಿ ಗ್ರಾಮೀಣ ಭಾಗದ ಮಕ್ಕಳಿಗೆ ಅವಕಾಶ ನೀಡಿ ಎಂದರು.<br /> <br /> ಕುಂಜಿಬೆಟ್ಟು ಟಿ.ಎಂ.ಎ ಪೈ ಶಿಕ್ಷಣ ಮಹಾ ವಿದ್ಯಾಲಯದ ಪ್ರಾಂಶುಪಾಲ ಡಾ.ಮಹಾಬಲೇಶ್ವರ ರಾವ್ ಮಾತನಾಡಿ, ‘ಕುಣಿಯೋಣು ಬಾರಾ ಇದು ಮಕ್ಕಳಿಗೆ ಮಾತ್ರವಲ್ಲ, ಹಿರಿಯ ರಿಗೂ ಕೂಡಾ ಎನ್ನುವುದು ನನ್ನ ಅನಿಸಿಕೆ. ಬದುಕಿನ ಜಂಜಡಗಳಿಂದಾಗಿ ನಾವೆಲ್ಲರೂ ನಮ್ಮ ಮುಗ್ಧತೆ ಕಳೆದು ಕೊಂಡಿದ್ದೇವೆ’ ಎಂದು ಹೇಳಿದರು.<br /> <br /> ಇಂದಿನ ಮಕ್ಕಳಲ್ಲಿ ಅಕಾಲಿಕ ಪ್ರೌಢತೆಯನ್ನು ಕಾಣುತ್ತೇವೆ. ಅವರು ಬೆರಗು ಆಶ್ಚರ್ಯಗಳನ್ನು ಕಳೆದುಕೊಳ್ಳುತ್ತಿದ್ದಾರೆ. ಇದಕ್ಕೆ ಇಂದಿನ ಶಿಕ್ಷಣ ಪದ್ಧತಿ ಕಾರಣ. ಅವರು ಕಳೆದುಕೊಂಡ ಬೆರಗು ಅವರ ಆಶ್ಚರ್ಯ ಆವರ ಬಾಲ್ಯವನ್ನು ಇಂತಹ ಶಿಬಿರಗಳು ಮರಳಿಸುತ್ತವೆ ಎಂದರು.<br /> <br /> ಉಡುಪಿ ಸರ್ಕಾರಿ ಪದವಿ ಪೂರ್ವ ಕಾಲೇಜಿನ ಉಪನ್ಯಾಸಕಿ ಎಸ್. ಸುಮಾ ಮಾತನಾಡಿ, ಹದಿನೈದು ದಿನಗಳ ಈ ಶಿಬಿರದಲ್ಲಿ 12 ಶಾಲೆಗಳ ವಿಭಿನ್ನ ಸಂಸ್ಕೃತಿಗಳ 40 ಮಕ್ಕಳು ಒಂದಾಗಿ ಕುಣಿದು– ಹಾಡಿದ್ದಾರೆ, ಒಂದಾಗಿ ಆಡಿ– ಉಂಡಿದ್ದಾರೆ. ಇಲ್ಲಿ ನಾಟಕ ಕಲಿಸೋದು, ಕಲಿಯೋದು ಅಷ್ಟೇ ನಡೆದಿಲ್ಲ, ಬದುಕಿನ ಶಿಕ್ಷಣ ಕಲಿಸಿ ಕೊಡಲಾಗಿದೆ.<br /> <br /> ಕಟ್ಟುವ ಕೆಲಸವನ್ನು ಹಿರಿಯರು ಮಾಡಬೇಕು. ಅದರೆ, ಎಲ್ಲೆಲ್ಲೂ ಒಡಕೇ ಕಾಣುತ್ತಿದೆ. ಒಡೆಯುತ್ತಿರುವ ಈ ದಿನಮಾನದಲ್ಲಿ, ಕಟ್ಟುವ ಕೆಲಸವನ್ನು ಹೇಗ ಮಾಡ ಬೇಕು, ಜತೆಯಾಗಿ ಕೂಡಿ ಹೇಗೆ ಬದುಕಬೇಕು ಎಂದು ಈ ರಂಗ ಶಿಕ್ಷಣ ಹೇಳಿಕೊಟ್ಟಿದೆ ಎಂದರು.<br /> <br /> ಶಿಬಿರದ ಸಂಚಾಲಕ ಸಂತೋಷ್ ನಾಯಕ್ ಪಟ್ಲ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಸಂಸ್ಥೆಯ ಅಧ್ಯಕ್ಷ ಪ್ರೊ.ಮುರಳೀಧರ ಉಪಾಧ್ಯ ಹಿರಿಯಡ್ಕ, ಹಿಂದೂ ಹಿರಿಯ ಪ್ರಾಥಮಿಕ ಶಾಲೆಯ ಮುಖ್ಯೋಪಾ ಧ್ಯಾಯ ಗಣಪತಿ ಕಾರಂತ್ ಉಪಸ್ಥಿತರಿದ್ದರು.<br /> <br /> ಸಂಸ್ಥೆಯ ಉಪಾಧ್ಯಕ್ಷ ಉದ್ಯಾವರ ನಾಗೇಶ್ ಕುಮಾರ್ ಸ್ವಾಗತಿಸಿದರು. ಕಾಯದರ್ಶಿ ಪ್ರೊ. ಸುಬ್ರಹ್ಮಣ್ಯ ಜೋಶಿ ನಿರ್ವಹಿಸಿದರು. ಶಿಕ್ಷಕ ವಿಕ್ರಮ ಆಚಾರ್ಯ ವಂದಿಸಿದರು.</p>.<p>*<br /> ಸಮಾನಾಂತರ ರೇಖೆಗಳಾ ಗಿರುವ ಫ್ಲ್ಯಾಟ್ ಮತ್ತು ಹಳ್ಳಿಗಾಡು ಸಂಸ್ಕೃತಿ ಸಂಧಿಸುವುದಿಲ್ಲ. ಇಂತಹ ಶಿಬಿರಗಳು ಇವೆರಡನ್ನು ಸಂಧಿಸುವಂತೆ ಮಾಡುತ್ತವೆ.<br /> <em><strong>-ಡಾ.ಮಹಾಬಲೇಶ್ವರ ರಾವ್,<br /> ಪ್ರಾಂಶುಪಾಲ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
