ಬೇಸಿಗೆಯ ಕಡುಬಿಸಿಲಿನಲ್ಲಿ ಹಿನ್ನೀರಿನ ಭಾಷ್ಪಿಭವನವೂ ಹೆಚ್ಚಿದೆ. ಚಿಕ್ಕಪಡಸಲಿ, ಗಲಗಲಿ ಬ್ಯಾರೇಜ್ ಬಳಿ ನದಿಪಾತ್ರದ ಮುಂಭಾಗದ ನೀರನ್ನು ಎತ್ತಿ ಬ್ಯಾರೇಜ್ ಹಿಂಬದಿ ಸಂಗ್ರಹಿಸಲಾಗುತ್ತಿದೆ. ಇದರಿಂದ ನಿತ್ಯ 826 ಕ್ಯುಸೆಕ್ ನೀರು ಜಲಾಶಯದ ಸಂಗ್ರಹದಿಂದ ಕಡಿಮೆಯಾಗುತ್ತಿದೆ. ಇಡೀ ಕೃಷ್ಣಾ ಅಚ್ಚುಕಟ್ಟು ಪ್ರದೇಶದಲ್ಲಿ ಕೃಷಿಗಾಗಿ ನೀರನ್ನು ಎತ್ತಲಾಗುತ್ತಿದೆ. ಜಲಾಶಯದ ಮಟ್ಟ ಕಡಿಮೆಯಾಗುತ್ತಿದೆ. ಬೇಸಿಗೆಯಲ್ಲಿ ನೀರಿನ ಸಂಗ್ರಹ ಕಡಿಮೆಯಾಗುವ ಸಾಧ್ಯತೆಯಿದೆ. ಹೀಗಾಗಿ ಮುಂಜಾಗ್ರತೆ ಕ್ರಮವಾಗಿ ನಾರಾಯಣಪುರಕ್ಕೆ ಬಿಡಬೇಕಾದ ನೀರನ್ನು ಕೊಡಲಾಗಿದೆ ಎನ್ನಲಾಗಿದೆ.