ಸಿಂದಗಿ (ವಿಜಯಪುರ): ರಾಜ್ಯಮಟ್ಟದ ಬಾಲಸಾಹಿತ್ಯ ಪುರಸ್ಕಾರಕ್ಕೆ ಬೆಂಗಳೂರಿನ ಡಾ.ಲಲಿತಾ ಹೊಸಪ್ಯಾಟಿ ಅವರ ‘ಬ್ಯೂಟಿ ಬೆಳ್ಳಕ್ಕಿ’ (ಕಥಾ ಸಂಕಲನ), ವಿಜಯಪುರದ ಜಂಬುನಾಥ ಕಂಚ್ಯಾಣಿ ಅವರ ‘ಮತ್ತೆ ಅವತರಿಸಿದ ದೈತ್ಯರು’ (ವೈಜ್ಞಾನಿಕ ಕಾದಂಬರಿ), ಬೆಳಗಾವಿ ಜಿಲ್ಲೆಯ ಹುಣಶೀಕಟ್ಟೆಯ ಎಂ.ಎಂ. ಸಂಗಣ್ಣವರ ಅವರ ‘ಅಮ್ಮ ಬೇಕು’ (ಕವನ ಸಂಕಲನ) ಹಾಗೂ ಮಕ್ಕಳ ವಿಭಾಗದ ಬಾಲ ಸಾಹಿತ್ಯ ಚಿಗುರು ಪ್ರಶಸ್ತಿಗೆ ಗದಗದ ಪ್ರಣತಿ ಗಡಾದ ‘ನಾನು ಮಳೆ ಆದರೆ’ (ಕವನ ಸಂಕಲನ) ಆಯ್ಕೆಯಾಗಿದೆ. ಸಿಂದಗಿಯ ವಿದ್ಯಾಚೇತನ ಪ್ರಕಾಶನ ಪ್ರಶಸ್ತಿ ನೀಡಲಿದೆ.