ರಾಜ್ಯವೂ ಸೇರಿದಂತೆ ದೇಶದ ಜೈಲುಗಳಲ್ಲಿ ಭದ್ರತೆ, ಸಿಬ್ಬಂದಿ ಕೊರತೆ, ಅವ್ಯವಸ್ಥೆ ಸೇರಿದಂತೆ ಹಲವು ಸಮಸ್ಯೆಗಳಿವೆ. ಜೈಲುಗಳ ಸುಧಾರಣೆಗಾಗಿ ರಚನೆಯಾಗುವ ಸಮಿತಿಗಳಲ್ಲಿ ಪೊಲೀಸ್‌ ಇಲಾಖೆಯೂ ಸೇರಿದಂತೆ ಸಾಮಾಜಿಕ ರಂಗದ ಪ್ರಮುಖರು, ನ್ಯಾಯಾಧೀಶರು, ವೈದ್ಯರು ಮತ್ತು ಇತರರು ಇರಬೇಕು. ಆಗ ಮಾತ್ರ ಸುಧಾರಣೆ ಕೇಂದ್ರಿತ ಶಿಫಾರಸುಗಳು ಬರಲು ಸಾಧ್ಯ. ಜತೆಗೆ ಶಿಫಾರಸುಗಳು ಅನುಷ್ಠಾನವಾದರೆ ಮಾತ್ರ ಜೈಲುಗಳು ಸುಧಾರಣೆ ಕಾಣಬಹುದು.

ಬೇರೆ ರಾಜ್ಯಗಳಿಗೆ ಹೋಲಿಸಿದರೆ ನಮ್ಮ ಜೈಲು ವ್ಯವಸ್ಥೆ ಚೆನ್ನಾಗಿದೆ. ಇಲ್ಲಿ ಸಿಬ್ಬಂದಿ ಕೊರತೆಯೇ ಸಮಸ್ಯೆ. ಜತೆಗೆ, ಸಿಬ್ಬಂದಿಗೆ ತರಬೇತಿ, ರಕ್ಷಣಾ ಆಯುಧ ನೀಡಬೇಕು. ಸಾವಿರ ಜನಕ್ಕೆ ಒಂದು ಜೈಲು ಎಂಬಂತಾಗಬೇಕು. ವಿಚಾರಣಾಧೀನ, ಶಿಕ್ಷಾಬಂದಿ, ಅಪಾಯಕಾರಿ ಪ್ರವೃತ್ತಿಯುಳ್ಳ ಕೈದಿಗಳನ್ನೂ ವಿಭಾಗಿಸಬೇಕು. ಜೈಲು ಸುಧಾರಣೆಗೆ ರಚನೆಯಾಗುವ ಸಮಿತಿಗಳಲ್ಲಿ ಜೈಲು ಅಧಿಕಾರಿಗಳೂ ಇರಬೇಕು. ಸುಧಾರಣೆಯ ವಿಷಯ ಬಂದಾಗ ಕಠಿಣ ಕ್ರಮಗಳು ಇರಬಾರದು, ಉದಾರವಾಗಿರಬೇಕು..