ಹೊರ ಭಾಗದ ರೈತರೇ ಇಲ್ಲಿ ಟಾರ್ಗೆಟ್!

ರಾಮನಗರ: ಸ್ವಲ್ಪ ಕಣ್ಣು ಮುಚ್ಚಿದರೂ ಕೆ.ಜಿ.ಗಟ್ಟಲೆ ಗೂಡು ಮಾಯ. ಪ್ರಶ್ನಿಸಲು ಹೋದರೆ ಹಲ್ಲೆ. ನ್ಯಾಯವಾಗಿ ಸಿಗಬೇಕಾದ ಹಣಕ್ಕೂ ಕಮಿಷನ್..,

. ಇದು ಏಷ್ಯಾದ ಅತಿದೊಡ್ಡ ರೇಷ್ಮೆಗೂಡು ಮಾರಾಟ ಕೇಂದ್ರವಾದ ರಾಮನಗರ ರೇಷ್ಮೆಗೂಡು ಮಾರುಕಟ್ಟೆಯ ಕರಾಳ ಮುಖದ ಚಿತ್ರಣ. ಇಲ್ಲಿ ರೈತರಿಗಿಂತ ದಲ್ಲಾಳಿಗಳ ದರ್ಬಾರೇ ಜಾಸ್ತಿ. ಗೂಡು ಮಾರಾಟ ಮಾಡಲು ಬಂದವರ ಮೂಳೆ ಮುರಿದು ಕಳುಹಿಸಿದ ಉದಾಹರಣೆಗಳು ಸಾಕಷ್ಟಿವೆ.

. ದಕ್ಷಿಣ ಕರ್ನಾಟಕದ ಜಿಲ್ಲೆಗಳ ಜೊತೆಗೆ ಉತ್ತರ ಕರ್ನಾಟಕ, ತಮಿಳುನಾಡು, ಆಂಧ್ರಪ್ರದೇಶದಿಂದಲೂ ಇಲ್ಲಿಗೆ ರೈತರು ಗೂಡು ಹೊತ್ತು ತರುತ್ತಾರೆ. ಹೀಗೆ ಹೊರ ಊರುಗಳಿಂದ ಬಂದವರೇ ಹೆಚ್ಚಾಗಿ ದಲ್ಲಾಳಿಗಳ ಟಾರ್ಗೆಟ್ ಆಗುತ್ತಾರೆ. ಮಾರುಕಟ್ಟೆಯ ಹೊರಗೇ ಅವರನ್ನು ಸಂಪರ್ಕಿಸಿ ಕಡಿಮೆ ಮೊತ್ತಕ್ಕೆ ಗೂಡು ಖರೀದಿಸುವ ಪ್ರಯತ್ನಗಳೂ ನಡೆಯುತ್ತವೆ.

. ಮಾರುಕಟ್ಟೆಗೆ ರಾತ್ರಿಯೇ ಗೂಡು ತರುವ ರೈತರು ಇಡೀ ರಾತ್ರಿ ಮೈಯೆಲ್ಲ ಕಣ್ಣಾಗಿ ಕಾಯಬೇಕು. ಕಸ ಗುಡಿಸುವ ನೆಪದಲ್ಲಿ, ಸಹಾಯ ಮಾಡುವ ಸೋಗಿನಲ್ಲಿ ಅಪರಿಚಿತರು ಗೂಡು ತುಂಬಿಕೊಂಡು ಪರಾರಿ ಆಗುತ್ತಾರೆ.

. ಆನ್ಲೈನ್ ಹರಾಜು ಇದ್ದರೂ ಕೂಗಿದ್ದಕ್ಕಿಂತ ಕಡಿಮೆ ಮೊತ್ತಕ್ಕೆ ಗೂಡು ನೀಡುವಂತೆ ರೈತರನ್ನು ಕೆಲವು ರೀಲರ್ಗಳು ಒತ್ತಾಯಿಸುತ್ತಾರೆ. ನಿಗದಿಗಿಂತ ಕಡಿಮೆ ಹಣ ನೀಡುತ್ತಾರೆ. ಸಂಜೆವರೆಗೂ ಹಣ ನೀಡದೇ ಸತಾಯಿಸುವುದು, ಹಣಕ್ಕೆ ಬದಲಾಗಿ ಚೆಕ್ ನೀಡುವುದು, ಆ ಚೆಕ್ ಬೌನ್ಸ್ ಆಗಿ ರೈತರು ಅಧಿಕಾರಿಗಳ ಬಳಿ ಅಲೆದಾಡುವುದು ಸಾಮಾನ್ಯ. ಆರ್ಟಿಜಿಎಸ್ ಮೂಲಕ ರೈತರ ಖಾತೆಗೇ ಹಣ ವರ್ಗವಣೆ ವ್ಯವಸ್ಥೆ ಜಾರಿಗೆ ಬಂದಿಲ್ಲ.

. ‘ಮಾರುಕಟ್ಟೆಯಲ್ಲಿ ಮೂವತ್ತಕ್ಕೂ ಹೆಚ್ಚು ಸಿಸಿಟಿವಿಗಳು ಇದ್ದು, ಆಗಾಗ್ಗೆ ಕೆಟ್ಟು ನಿಲ್ಲುವುದು ಅಧಿಕಾರಿಗಳ ನಿರ್ಲಕ್ಷ್ಯ ತೋರಿಸುತ್ತದೆ. ಮಾರಾಟದ ದಾಖಲೆ ನೀಡದೆಯೇ ಹೊರಗೆ ಗೂಡು ಕೊಂಡೊ ಯ್ದರು ಪ್ರಶ್ನಿಸುವುದಿಲ್ಲ. ಗೂಡು ಕಳ್ಳತನ ಮಾಡಿ ಸಿಕ್ಕಿಬಿದ್ದವರ ಮೇಲೆ, ರೈತರ ಮೇಲೆ ಹಲ್ಲೆ ನಡೆಸಿ ದವರ ಮೇಲೆ ಕಾನೂನು ಕ್ರಮಕ್ಕೆ ಹಿಂದೇಟು ಹಾಕಲಾಗುತ್ತಿದೆ. ಮಾರುಕಟ್ಟೆಯಲ್ಲಿ ಒಂದು ಸಾವಿರ ಅಧಿಕೃತ ರೀಲರ್ಗಳಿದ್ದು, ಒಳಗೆ ಒಂದೂವರೆ ಸಾವಿರ ಮಂದಿ ಬಂದು ಹೋಗುತ್ತಾರೆ. ಅಧಿಕೃತ ದಲ್ಲಾಳಿ ಅಲ್ಲದವರ ಪ್ರವೇಶ ನಿರ್ಬಂಧಿಸಬೇಕು ಎಂದು ರೀಲರ್ಗಳ ಸಂಘವೂ ಒತ್ತಾಯಿಸುತ್ತಾ ಬಂದಿದೆ. ಆದರೆ ಲಾಬಿ–ಲಾಭದ ಕಾರಣಕ್ಕೆ ಅಧಿಕಾರಿಗಳು ಇದಕ್ಕೆ ಮಣೆ ಹಾಕುತ್ತಿಲ್ಲ ಎಂಬುದು ರೈತರ ದೂರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹೊರ ಭಾಗದ ರೈತರೇ ಇಲ್ಲಿ ಟಾರ್ಗೆಟ್!

ಚಿನಕುರುಳಿ: ಶುಕ್ರವಾರ, 08 ನವೆಂಬರ್‌ 2024

ಚುರುಮುರಿ: ಉಲ್ಟಾ ಪಲ್ಟಾ!

ದಿನ ಭವಿಷ್ಯ: ಈ ರಾಶಿಯ ಸ್ವಂತ ಉದ್ಯೋಗಿಗಳಿಗೆ ಲಾಭದಾಯಕ ದಿನ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

IND vs SA: ಸಂಜು ಸ್ಫೋಟಕ ಶತಕ, 10 ಸಿಕ್ಸರ್; ಭಾರತ 202/8

ಚೆಸ್‌ ಟೂರ್ನಿ: ಅರ್ಜುನ್‌ಗೆ ಮತ್ತೊಂದು ಜಯ

ಡಿ.6ರಿಂದ ಬೆಂಗಳೂರಿನಲ್ಲಿ ರಾಷ್ಟ್ರೀಯ ಕುಸ್ತಿ: ಅಮನ್ ಹಲವು ಕುಸ್ತಿ ತಾರೆಗಳು ಭಾಗಿ

SA vs IND T20: ಕಿಂಗ್ಸ್‌ಮೀಡ್‌ನಲ್ಲಿ ಟಾಸ್ ಸೋತ ಭಾರತ ಬ್ಯಾಟಿಂಗ್

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಶುಕ್ರವಾರ, 08 ನವೆಂಬರ್‌ 2024

ಚುರುಮುರಿ: ಉಲ್ಟಾ ಪಲ್ಟಾ!

ದಿನ ಭವಿಷ್ಯ: ಈ ರಾಶಿಯ ಸ್ವಂತ ಉದ್ಯೋಗಿಗಳಿಗೆ ಲಾಭದಾಯಕ ದಿನ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024