<p><strong>ಬೆಂಗಳೂರು:</strong> ಜನ್ನತ್– 2 ಖ್ಯಾತಿಯ ನಟಿ, ಮಾಡೆಲ್ ಇಶಾ ಗುಪ್ತಾ ತಮ್ಮ ಬೋಲ್ಡ್ ಅಭಿನಯ ಹಾಗೂ ಲುಕ್ನಿಂದ ಹೆಚ್ಚು ಸದ್ದು ಮಾಡಿದವರು.</p><p>ಈ ಹಿಂದೆ ಕಂಗನಾ ರಣಾವತ್, ಸ್ವರಾ ಭಾಸ್ಕರ್, ರಾಧಿಕಾ ಆಪ್ಟೆ ಸೇರಿದಂತೆ ಅನೇಕ ನಟಿಯರು ಬಾಲಿವುಡ್ನಲ್ಲಿ ತಾವು ಎದುರಿಸಿರುವ ಕಾಸ್ಟಿಂಗ್ ಕೌಚ್ ಬಗ್ಗೆ ಮುಕ್ತವಾಗಿ ಮಾತನಾಡಿ, ಚಿತ್ರರಂಗದಲ್ಲಿನ ಕರಾಳ ಮುಖಗಳನ್ನು ಬಯಲಿಗೆಳದಿದ್ದರು.</p><p>ಇದೇ ರೀತಿ ಇಶಾ ಗುಪ್ತಾ ಕೂಡ ತಮಗೆ ಎದುರಾಗಿದ್ದ ಕಾಸ್ಟಿಂಗ್ ಕೌಚ್ ಅನುಭವವನ್ನು ಹೇಳಿಕೊಂಡಿದ್ದಾರೆ.</p><p>ಖಾಸಗಿ ವಾಹಿನಿಯೊಂದಕ್ಕೆ ಮಾತನಾಡಿರುವ ಇಶಾ, ಚಿತ್ರವೊಂದರಲ್ಲಿ ನಟಿಸಲು ನನಗೆ ಆಫರ್ ಬಂದಿತ್ತು. ಆ ಚಿತ್ರ ಅದಾಗಲೇ ಅರ್ಧ ಚಿತ್ರೀಕರಣ ಮುಗಿಸಿತ್ತು. ಅವರ ನನ್ನನ್ನು ಕರೆಸಿದ್ದ ಉದ್ದೇಶ ಬೇರೆಯದ್ದೇ ಇತ್ತು. ಲೈಂಗಿಕತೆ ಬಗೆಗಿನ ಚಿತ್ರ ಅದಾಗಿದ್ದರಿಂದ ಅದರಿಂದ ನಾನು ಹಿಂದೆ ಸರಿದೆ. ಆ ನಂತರ ನನಗೆ ಸಿನಿಮಾಗಳಲ್ಲಿ ಹೆಚ್ಚು ಅವಕಾಶಗಳು ಬಂದಿರಲಿಲ್ಲ ಎಂದು ಹೇಳಿಕೊಂಡಿದ್ದಾರೆ.</p><p>ಇನ್ನೊಂದು ಕಹಿ ಘಟನೆಯನ್ನು ಹೇಳಿಕೊಂಡಿರುವ ಅವರು, ಚಿತ್ರವೊಂದರ ಹೊರಾಂಗಣ ಚಿತ್ರೀಕರಣದಲ್ಲಿದ್ದಾಗ ನಿರ್ಮಾಪಕರ ಕಡೆಯವರು ಎಂದು ಹೇಳಿಕೊಂಡು ಬಂದಿದ್ದ ವ್ಯಕ್ತಿಗಳು ನನ್ನನ್ನು ಕಾಸ್ಟಿಂಗ್ ಕೌಚ್ ಬಲೆಗೆ ಕೆಡವಿದ್ದರು. ಆ ರಾತ್ರಿ ನನ್ನನ್ನು ಕೋಣೆಯಲ್ಲಿ ಒಬ್ಬಳೇ ಉಳಿದುಕೊಳ್ಳಲು ಹೇಳಿದ್ದರು. ಆದರೆ, ನಾನು ನನ್ನ ಕೋಣೆಯಲ್ಲಿ ಮಲಗಲು ನನ್ನ ಮೇಕಪ್ ಕಲಾವಿದನನ್ನು ಕರೆದಿದ್ದೆ. ನನಗೆ ರಕ್ಷಣೆ ಸಿಕ್ಕಿದ್ದರಿಂದ ಅವರ ಆಸೆ ಈಡೇರಿರಲಿಲ್ಲ ಎಂದು ಹೇಳಿಕೊಂಡಿದ್ದಾರೆ.</p><p>ಇಶಾ ಗುಪ್ತಾ ಅವರ 'ಒನ್ ಡೇ ಜಸ್ಟಿಸ್ ಡಿಲೇವರ್ಡ್' ಎಂಬ ಸಿನಿಮಾ ಇತ್ತೀಚೆಗೆ ತೆರೆ ಕಂಡಿತ್ತು. ಅವರ ಕೈಯಲ್ಲಿ ಇದೀಗ ಸಾಲು ಸಾಲು ಚಿತ್ರಗಳಿದ್ದು, ‘ಫೈಲ್ ನಂಬರ್ 323’, ‘ದೇಶಿ ಮ್ಯಾಜಿಕ್’, ‘ಹೇರಾ ಪೇರಿ–3’ ಸಿನಿಮಾಗಳಲ್ಲಿ ತೊಡಗಿಸಿಕೊಂಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಜನ್ನತ್– 2 ಖ್ಯಾತಿಯ ನಟಿ, ಮಾಡೆಲ್ ಇಶಾ ಗುಪ್ತಾ ತಮ್ಮ ಬೋಲ್ಡ್ ಅಭಿನಯ ಹಾಗೂ ಲುಕ್ನಿಂದ ಹೆಚ್ಚು ಸದ್ದು ಮಾಡಿದವರು.</p><p>ಈ ಹಿಂದೆ ಕಂಗನಾ ರಣಾವತ್, ಸ್ವರಾ ಭಾಸ್ಕರ್, ರಾಧಿಕಾ ಆಪ್ಟೆ ಸೇರಿದಂತೆ ಅನೇಕ ನಟಿಯರು ಬಾಲಿವುಡ್ನಲ್ಲಿ ತಾವು ಎದುರಿಸಿರುವ ಕಾಸ್ಟಿಂಗ್ ಕೌಚ್ ಬಗ್ಗೆ ಮುಕ್ತವಾಗಿ ಮಾತನಾಡಿ, ಚಿತ್ರರಂಗದಲ್ಲಿನ ಕರಾಳ ಮುಖಗಳನ್ನು ಬಯಲಿಗೆಳದಿದ್ದರು.</p><p>ಇದೇ ರೀತಿ ಇಶಾ ಗುಪ್ತಾ ಕೂಡ ತಮಗೆ ಎದುರಾಗಿದ್ದ ಕಾಸ್ಟಿಂಗ್ ಕೌಚ್ ಅನುಭವವನ್ನು ಹೇಳಿಕೊಂಡಿದ್ದಾರೆ.</p><p>ಖಾಸಗಿ ವಾಹಿನಿಯೊಂದಕ್ಕೆ ಮಾತನಾಡಿರುವ ಇಶಾ, ಚಿತ್ರವೊಂದರಲ್ಲಿ ನಟಿಸಲು ನನಗೆ ಆಫರ್ ಬಂದಿತ್ತು. ಆ ಚಿತ್ರ ಅದಾಗಲೇ ಅರ್ಧ ಚಿತ್ರೀಕರಣ ಮುಗಿಸಿತ್ತು. ಅವರ ನನ್ನನ್ನು ಕರೆಸಿದ್ದ ಉದ್ದೇಶ ಬೇರೆಯದ್ದೇ ಇತ್ತು. ಲೈಂಗಿಕತೆ ಬಗೆಗಿನ ಚಿತ್ರ ಅದಾಗಿದ್ದರಿಂದ ಅದರಿಂದ ನಾನು ಹಿಂದೆ ಸರಿದೆ. ಆ ನಂತರ ನನಗೆ ಸಿನಿಮಾಗಳಲ್ಲಿ ಹೆಚ್ಚು ಅವಕಾಶಗಳು ಬಂದಿರಲಿಲ್ಲ ಎಂದು ಹೇಳಿಕೊಂಡಿದ್ದಾರೆ.</p><p>ಇನ್ನೊಂದು ಕಹಿ ಘಟನೆಯನ್ನು ಹೇಳಿಕೊಂಡಿರುವ ಅವರು, ಚಿತ್ರವೊಂದರ ಹೊರಾಂಗಣ ಚಿತ್ರೀಕರಣದಲ್ಲಿದ್ದಾಗ ನಿರ್ಮಾಪಕರ ಕಡೆಯವರು ಎಂದು ಹೇಳಿಕೊಂಡು ಬಂದಿದ್ದ ವ್ಯಕ್ತಿಗಳು ನನ್ನನ್ನು ಕಾಸ್ಟಿಂಗ್ ಕೌಚ್ ಬಲೆಗೆ ಕೆಡವಿದ್ದರು. ಆ ರಾತ್ರಿ ನನ್ನನ್ನು ಕೋಣೆಯಲ್ಲಿ ಒಬ್ಬಳೇ ಉಳಿದುಕೊಳ್ಳಲು ಹೇಳಿದ್ದರು. ಆದರೆ, ನಾನು ನನ್ನ ಕೋಣೆಯಲ್ಲಿ ಮಲಗಲು ನನ್ನ ಮೇಕಪ್ ಕಲಾವಿದನನ್ನು ಕರೆದಿದ್ದೆ. ನನಗೆ ರಕ್ಷಣೆ ಸಿಕ್ಕಿದ್ದರಿಂದ ಅವರ ಆಸೆ ಈಡೇರಿರಲಿಲ್ಲ ಎಂದು ಹೇಳಿಕೊಂಡಿದ್ದಾರೆ.</p><p>ಇಶಾ ಗುಪ್ತಾ ಅವರ 'ಒನ್ ಡೇ ಜಸ್ಟಿಸ್ ಡಿಲೇವರ್ಡ್' ಎಂಬ ಸಿನಿಮಾ ಇತ್ತೀಚೆಗೆ ತೆರೆ ಕಂಡಿತ್ತು. ಅವರ ಕೈಯಲ್ಲಿ ಇದೀಗ ಸಾಲು ಸಾಲು ಚಿತ್ರಗಳಿದ್ದು, ‘ಫೈಲ್ ನಂಬರ್ 323’, ‘ದೇಶಿ ಮ್ಯಾಜಿಕ್’, ‘ಹೇರಾ ಪೇರಿ–3’ ಸಿನಿಮಾಗಳಲ್ಲಿ ತೊಡಗಿಸಿಕೊಂಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
