<p><strong>ಪ್ಯಾರಿಸ್:</strong> ಭಾರತ ಯುವ ಕುಸ್ತಿಪಟು ಅಮನ್ ಸೆಹ್ರಾವತ್ ಅವರು ಒಲಿಂಪಿಕ್ಸ್ ಪುರುಷರ ಕುಸ್ತಿ ಸ್ಪರ್ಧೆಗಳ 57 ಕೆ.ಜಿ. ವಿಭಾಗದಲ್ಲಿ ಅಗ್ರ ಶ್ರೇಯಾಂಕದ ಜಪಾನ್ನ ರೀ ಹಿಗುಚಿ ಅವರಿಗೆ 0–10 ರಿಂದ ಮಣಿದರು.</p>.<p>ರಿಯೊ ಒಲಿಂಪಿಕ್ಸ್ನಲ್ಲಿ (2016) ಬೆಳ್ಳಿ ಗೆದ್ದಿದ್ದ, 28 ವರ್ಷ ವಯಸ್ಸಿನ ಹಿಗುಚಿ ಅವರು ಕೇವಲ ಮೂರು ನಿಮಿಷಗಳಲ್ಲಿ ಮುಕ್ತಾಯಗೊಂಡ ಈ ಸೆಣಸಾಟವನ್ನು ಉತ್ತಮ ತಾಂತ್ರಿಕ ಕೌಶಲದ ಆಧಾರದಲ್ಲಿ ಗೆದ್ದರು.</p>.<p>ಪುರುಷರ ವಿಭಾಗದಲ್ಲಿ ಭಾರತದ ಏಕೈಕ ಕುಸ್ತಿಪಟುವಾಗಿ ಪ್ಯಾರಿಸ್ ಕ್ರೀಡೆಗಳಿಗೆ ಅರ್ಹತೆ ಪಡೆದಿದ್ದ ಅಮನ್ ಶುಕ್ರವಾರ ಕಂಚಿನ ಪದಕಕ್ಕಾಗಿ ನಡೆಯುವ ಪಂದ್ಯದಲ್ಲಿ ಉಜ್ಬೇಕಿಸ್ತಾನದ ಗುಲೊಮ್ಜಾನ್ ಅಬ್ದುಲ್ಲೇವ್ ಅವರನ್ನು ಎದುರಿಸಲಿದ್ದಾರೆ.</p>.<p>ಟೋಕಿಯೊ ಕ್ರೀಡೆಗಳಲ್ಲಿ ಈ ಕ್ಲಾಸ್ನಲ್ಲಿ ರವಿ ದಹಿಯಾ ಅವರು ಬೆಳ್ಳಿ ಗೆದ್ದಿದ್ದರು. ಆದರೆ ಈ ಬಾರಿ ರಾಷ್ಟ್ರೀಯ ಆಯ್ಕೆ ಟ್ರಯಲ್ಸ್ನಲ್ಲಿ ಅಮನ್, ರವಿ ಅವರನ್ನು ಸೋಲಿಸಿ ಒಲಿಂಪಿಕ್ಸ್ಗೆ ಅರ್ಹತೆ ಗಿಟ್ಟಿಸಿಕೊಂಡಿದ್ದರು.</p>.<p>ಇದಕ್ಕೆ ಮೊದಲು ಅಮನ್ ಕ್ವಾರ್ಟರ್ಫೈನಲ್ನಲ್ಲಿ ಮಾಜಿ ವಿಶ್ವ ಚಾಂಪಿಯನ್, ಅಲ್ಬೇನಿಯಾದ ಝೆಲಿಮ್ಖಾನ್ ಅಬಕರೊವ್ ಅವರನ್ನು ತಾಂತ್ರಿಕ ಕೌಶಲದ ಆಧಾರದಲ್ಲಿ ಸೋಲಿಸಿ ನಾಲ್ಕರ ಘಟ್ಟಕ್ಕೆ ಮುನ್ನಡೆದಿದ್ದರು.</p>.<p>21 ವರ್ಷದ ಅಮನ್ ಉತ್ತಮ ಲಯದಲ್ಲಿದ್ದು ಎರಡನೇ ಸುತ್ತಿನಲ್ಲಿ ಎದುರಾಳಿಯ ಕಾಲುಗಳನ್ನು ‘ಲಾಕ್’ ಮಾಡಿಟ್ಟರು. ಕೆಲವು ಬಾರಿ ಅವರನ್ನು ಕೆಡವಿ ಎಂಟು ಪಾಯಿಂಟ್ಸ್ ಗಳಿಸಿದರು. ಅಂತಿಮವಾಗಿ 12–0ಯಿಂದ ಗೆಲುವು ಪಡೆದರು.</p>.<p>ಪ್ರಿಕ್ವಾರ್ಟರ್ಫೈನಲ್ನಲ್ಲಿ ಅವರು ಮಾಜಿ ಯುರೋಪಿಯನ್ ಚಾಂಪಿಯನ್, ನಾರ್ತ್ ಮ್ಯಾಸಿಡೊನಿಯಾದ ವ್ಲಾದಿಮಿರ್ ಇಗೊರೊವ್ ಅವರನ್ನು 10–0ಯಿಂದ ಮಣಿಸಿದ್ದರು.</p>.<h2><strong>ಅನ್ಶು ಮಲಿಕ್ಗೆ ಸೋಲು</strong></h2>.<p>ಮಹಿಳೆಯರ ವಿಭಾಗದ 57 ಕೆ.ಜಿ. ಸ್ಪರ್ಧೆಯಲ್ಲಿ ಭಾರತದ ಅನ್ಶು ಮಲಿಕ್ ಹೊರಬಿದ್ದರು. ಅವರು ಪ್ರಿಕ್ವಾರ್ಟರ್ಫೈನಲ್ ಬೌಟ್ನಲ್ಲಿ ಹಿರಿಯ ಕುಸ್ತಿಪಟು ಹೆಲೆನ್ ಲೂಯಿಸ್ ಮರೊಲಿಸ್ ಅವರಿಗೆ 2–7 ರಲ್ಲಿ ಸೋತರು.</p>.<p>ಈ ಸೆಣಸಾಟ 2021ರ ವಿಶ್ವಚಾಂಪಿಯನ್ಷಿಪ್ ಫೈನಲ್ನ ಪುನರಾವರ್ತನೆಯಂತೆ ಇತ್ತು. ಆ ಬಾರಿ ಅಮೆರಿಕದ ಅನುಭವಿ ಹೆಲೆನ್, ಭಾರತದ ಕುಸ್ತಿಪಟುವನ್ನು ಸೋಲಿಸಿದ್ದು, ಅನ್ಶು ಬೆಳ್ಳಿ ಗೆದ್ದಿದ್ದರು.</p>.<p>2016ರ ರಿಯೊ ಗೇಮ್ಸ್ನಲ್ಲಿ ಚಿನ್ನ, 2020ರ ಒಲಿಂಪಿಕ್ಸ್ನಲ್ಲಿ ಕಂಚು ಗೆದ್ದ ಹೆಲೆನ್ ಅವರು ಫೈನಲ್ ತಲುಪಿದಲ್ಲಿ ಅನ್ಶು ಅವರಿಗೆ ರೆಪೆಷಾಜ್ ಮೂಲಕ ಕಂಚಿನ ಪದಕಕ್ಕೆ ಪೈಪೋಟಿ ನಡೆಸುವ ಅವಕಾಶ ದಕ್ಕಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪ್ಯಾರಿಸ್:</strong> ಭಾರತ ಯುವ ಕುಸ್ತಿಪಟು ಅಮನ್ ಸೆಹ್ರಾವತ್ ಅವರು ಒಲಿಂಪಿಕ್ಸ್ ಪುರುಷರ ಕುಸ್ತಿ ಸ್ಪರ್ಧೆಗಳ 57 ಕೆ.ಜಿ. ವಿಭಾಗದಲ್ಲಿ ಅಗ್ರ ಶ್ರೇಯಾಂಕದ ಜಪಾನ್ನ ರೀ ಹಿಗುಚಿ ಅವರಿಗೆ 0–10 ರಿಂದ ಮಣಿದರು.</p>.<p>ರಿಯೊ ಒಲಿಂಪಿಕ್ಸ್ನಲ್ಲಿ (2016) ಬೆಳ್ಳಿ ಗೆದ್ದಿದ್ದ, 28 ವರ್ಷ ವಯಸ್ಸಿನ ಹಿಗುಚಿ ಅವರು ಕೇವಲ ಮೂರು ನಿಮಿಷಗಳಲ್ಲಿ ಮುಕ್ತಾಯಗೊಂಡ ಈ ಸೆಣಸಾಟವನ್ನು ಉತ್ತಮ ತಾಂತ್ರಿಕ ಕೌಶಲದ ಆಧಾರದಲ್ಲಿ ಗೆದ್ದರು.</p>.<p>ಪುರುಷರ ವಿಭಾಗದಲ್ಲಿ ಭಾರತದ ಏಕೈಕ ಕುಸ್ತಿಪಟುವಾಗಿ ಪ್ಯಾರಿಸ್ ಕ್ರೀಡೆಗಳಿಗೆ ಅರ್ಹತೆ ಪಡೆದಿದ್ದ ಅಮನ್ ಶುಕ್ರವಾರ ಕಂಚಿನ ಪದಕಕ್ಕಾಗಿ ನಡೆಯುವ ಪಂದ್ಯದಲ್ಲಿ ಉಜ್ಬೇಕಿಸ್ತಾನದ ಗುಲೊಮ್ಜಾನ್ ಅಬ್ದುಲ್ಲೇವ್ ಅವರನ್ನು ಎದುರಿಸಲಿದ್ದಾರೆ.</p>.<p>ಟೋಕಿಯೊ ಕ್ರೀಡೆಗಳಲ್ಲಿ ಈ ಕ್ಲಾಸ್ನಲ್ಲಿ ರವಿ ದಹಿಯಾ ಅವರು ಬೆಳ್ಳಿ ಗೆದ್ದಿದ್ದರು. ಆದರೆ ಈ ಬಾರಿ ರಾಷ್ಟ್ರೀಯ ಆಯ್ಕೆ ಟ್ರಯಲ್ಸ್ನಲ್ಲಿ ಅಮನ್, ರವಿ ಅವರನ್ನು ಸೋಲಿಸಿ ಒಲಿಂಪಿಕ್ಸ್ಗೆ ಅರ್ಹತೆ ಗಿಟ್ಟಿಸಿಕೊಂಡಿದ್ದರು.</p>.<p>ಇದಕ್ಕೆ ಮೊದಲು ಅಮನ್ ಕ್ವಾರ್ಟರ್ಫೈನಲ್ನಲ್ಲಿ ಮಾಜಿ ವಿಶ್ವ ಚಾಂಪಿಯನ್, ಅಲ್ಬೇನಿಯಾದ ಝೆಲಿಮ್ಖಾನ್ ಅಬಕರೊವ್ ಅವರನ್ನು ತಾಂತ್ರಿಕ ಕೌಶಲದ ಆಧಾರದಲ್ಲಿ ಸೋಲಿಸಿ ನಾಲ್ಕರ ಘಟ್ಟಕ್ಕೆ ಮುನ್ನಡೆದಿದ್ದರು.</p>.<p>21 ವರ್ಷದ ಅಮನ್ ಉತ್ತಮ ಲಯದಲ್ಲಿದ್ದು ಎರಡನೇ ಸುತ್ತಿನಲ್ಲಿ ಎದುರಾಳಿಯ ಕಾಲುಗಳನ್ನು ‘ಲಾಕ್’ ಮಾಡಿಟ್ಟರು. ಕೆಲವು ಬಾರಿ ಅವರನ್ನು ಕೆಡವಿ ಎಂಟು ಪಾಯಿಂಟ್ಸ್ ಗಳಿಸಿದರು. ಅಂತಿಮವಾಗಿ 12–0ಯಿಂದ ಗೆಲುವು ಪಡೆದರು.</p>.<p>ಪ್ರಿಕ್ವಾರ್ಟರ್ಫೈನಲ್ನಲ್ಲಿ ಅವರು ಮಾಜಿ ಯುರೋಪಿಯನ್ ಚಾಂಪಿಯನ್, ನಾರ್ತ್ ಮ್ಯಾಸಿಡೊನಿಯಾದ ವ್ಲಾದಿಮಿರ್ ಇಗೊರೊವ್ ಅವರನ್ನು 10–0ಯಿಂದ ಮಣಿಸಿದ್ದರು.</p>.<h2><strong>ಅನ್ಶು ಮಲಿಕ್ಗೆ ಸೋಲು</strong></h2>.<p>ಮಹಿಳೆಯರ ವಿಭಾಗದ 57 ಕೆ.ಜಿ. ಸ್ಪರ್ಧೆಯಲ್ಲಿ ಭಾರತದ ಅನ್ಶು ಮಲಿಕ್ ಹೊರಬಿದ್ದರು. ಅವರು ಪ್ರಿಕ್ವಾರ್ಟರ್ಫೈನಲ್ ಬೌಟ್ನಲ್ಲಿ ಹಿರಿಯ ಕುಸ್ತಿಪಟು ಹೆಲೆನ್ ಲೂಯಿಸ್ ಮರೊಲಿಸ್ ಅವರಿಗೆ 2–7 ರಲ್ಲಿ ಸೋತರು.</p>.<p>ಈ ಸೆಣಸಾಟ 2021ರ ವಿಶ್ವಚಾಂಪಿಯನ್ಷಿಪ್ ಫೈನಲ್ನ ಪುನರಾವರ್ತನೆಯಂತೆ ಇತ್ತು. ಆ ಬಾರಿ ಅಮೆರಿಕದ ಅನುಭವಿ ಹೆಲೆನ್, ಭಾರತದ ಕುಸ್ತಿಪಟುವನ್ನು ಸೋಲಿಸಿದ್ದು, ಅನ್ಶು ಬೆಳ್ಳಿ ಗೆದ್ದಿದ್ದರು.</p>.<p>2016ರ ರಿಯೊ ಗೇಮ್ಸ್ನಲ್ಲಿ ಚಿನ್ನ, 2020ರ ಒಲಿಂಪಿಕ್ಸ್ನಲ್ಲಿ ಕಂಚು ಗೆದ್ದ ಹೆಲೆನ್ ಅವರು ಫೈನಲ್ ತಲುಪಿದಲ್ಲಿ ಅನ್ಶು ಅವರಿಗೆ ರೆಪೆಷಾಜ್ ಮೂಲಕ ಕಂಚಿನ ಪದಕಕ್ಕೆ ಪೈಪೋಟಿ ನಡೆಸುವ ಅವಕಾಶ ದಕ್ಕಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
