ವಿಡಿಯೊದ ಮೂಲ ಪತ್ತೆಹಚ್ಚುವುದಕ್ಕಾಗಿ ಇನ್ವಿಡ್ ಟೂಲ್ ಬಳಸಿಕೊಂಡು ಶೋಧನಡೆಸಿದಾಗ, ಹಲವು ಪ್ರಮುಖ ಫ್ರೇಮ್ಗಳು ಕಂಡು ಬಂದವು. ಒಂದು ಫ್ರೇಮ್ ಅನ್ನು ಗೂಗಲ್ ಲೆನ್ಸ್ನಲ್ಲಿ ಹಾಕಿ ಹುಡುಕಿದಾಗ, ಇದೇ ರೀತಿಯ ಮಾಹಿತಿ ನೀಡುವ ಹಲವು ವಿಡಿಯೊಗಳು ಕಂಡು ಬಂದವು. ಮತ್ತಷ್ಟು ಶೋಧಕ್ಕೆ ಒಳಪಡಿಸಿದಾಗ, ಎನ್ಡಿಟಿವಿ ಯುಟ್ಯೂಬ್ ಚಾನೆಲ್ನಲ್ಲಿ ಮಾರ್ಚ್ 17ರಂದು ಅಪ್ಲೋಡ್ ಮಾಡಿದ ವಿಡಿಯೊ ಸಿಕ್ಕಿತು. ಅದು ಮಥುರಾದಲ್ಲಿ ಹೋಳಿಗೂ ಮುನ್ನ ನಡೆದಿದ್ದ ಸಮಾರಂಭದಲ್ಲಿ ನಡೆದ ಕಾಲ್ತುಳಿತದ ಪ್ರಕರಣದ ವಿಡಿಯೊವಾಗಿತ್ತು. ಹಾಗಾಗಿ, ಹಾಥರಸ್ನಲ್ಲಿ ನಡೆದಿರುವುದು ಎಂದು ಹೇಳಿಕೊಂಡ ವಿಡಿಯೊ ತುಣುಕುಗಳು ಅಲ್ಲಿಯದ್ದಲ್ಲ. ಮಥುರಾದಲ್ಲಿ ನಡೆದಿದ್ದ ಕಾಲ್ತುಳಿತದ್ದು ಎಂದು ಪಿಟಿಐ ಫ್ಯಾಕ್ಟ್ಚೆಕ್ ತಿಳಿಸಿದೆ.