<p>ಬೆಕ್ಕಣ್ಣ ತನ್ನ ಹತ್ತಿಪ್ಪತ್ತು ಚುರುಮುರಿ ಕಟಿಂಗ್ಸ್ ಹರಡಿಕೊಂಡು ಘನಗಂಭೀರವಾಗಿ ನೋಡುತ್ತಿತ್ತು.</p>.<p>‘ಏನಲೇ… ನಿನ್ನ ಚುರುಮುರಿ ಮ್ಯಾಲೆ ನೀನೇ ಪಿಎಚ್.ಡಿ ಮಾಡತೀಯೇನು?’ ಎಂದು ಕುಟುಕಿದೆ.</p>.<p>‘ಈ ಸಲದ ದಸರಾ ಕವಿಗೋಷ್ಠಿವಳಗೆ ಹಾಸ್ಯ-ಕಾವ್ಯ ಜುಗಲಬಂದಿ ಐತಂತೆ. ಹಾಸ್ಯ ವಿಭಾಗಕ್ಕೆ ದುಬ್ಬೀರಣ್ಣ, ತುರೇಮಣೆ ಅಂಕಲ್ಲು, ಮತ್ತೆ ನನ್ನ ಹೆಸ್ರೂ ಸೇರಿಸ್ರಿ ಅಂತ ಕೇಳೀವಿ. ಅಲ್ಲಿ ಓದಕ್ಕೆ ಒಂದೆರಡು ಛಲೋ ಚುರುಮುರಿ ಆರಿಸಾಕೆಹತ್ತೇನಿ’ ಬೆಕ್ಕಣ್ಣ ಭಲೇ ಸಂಭ್ರಮದಿಂದ ವಿವರಿಸಿತು.</p>.<p>‘ಮಂಗ್ಯಾನಂಥವ್ನೇ! ಅದಕ್ಕೆ ಹಾಸ್ಯ ಭಾಷಣಕಾರರಿನ್ನ ಕರೀತಾರಂತ. ರಗಡ್ ಮಂದಿ ಈಗಾಗ್ಲೇ ಅದಕ್ಕೆ ಕ್ಯೂ ನಿಂತಾರಂತ. ಈ ಚುರುಮುರಿಗಳು ಹಾಸ್ಯ ಅಲ್ಲಲೇ, ವಿಡಂಬನೆ’ ಎಂದು ತಿದ್ದಿದೆ.</p>.<p>‘ಹಂಗಾರೆ ನಾವು ಯಾವ ಪಟ್ಟಿವಳಗೂ ಇಲ್ಲ, ಯಾವ ಸಮ್ಮೇಳನಕ್ಕೂ ಇಲ್ಲ’ ಬೆಕ್ಕಣ್ಣ ಮೂತಿಯುಬ್ಬಿಸಿತು.</p>.<p>‘ಅಷ್ಟ್ಯಾಕೆ ಬ್ಯಾಸರಕಿ ಮಾಡಿಕೊಳ್ತಿ… ಭಾಳ ಮಂದಿ ಪೇಪರಿನಾಗೆ ನಿಮ್ಮನ್ನು ಓದ್ತಾರೇಳು’ ಎಂದು ಸಮಾಧಾನಿಸಿದೆ.</p>.<p>‘ಈ ಸುದ್ದಿ ಕೇಳಿಲ್ಲಿ… ಹೋದ ವರ್ಷ ಟರ್ಕಿವಳಗೆ ಭೂಕಂಪ ಆದಾಗ, 46 ವರ್ಷದ ಹಳೇ ಬಿಲ್ಡಿಂಗು ಬಿದ್ದು 96 ಮಂದಿ ಸತ್ತಿದ್ದರಂತ. ಈಗ ಆ ಬಿಲ್ಡರ್ನ ಹಿಡಿದು, ಅಲ್ಲಿನ ನ್ಯಾಯಾಲಯದಿಂದ ಬರೋಬ್ಬರಿ 865 ವರ್ಷ ಜೈಲುಶಿಕ್ಷೆ ವಿಧಿಸ್ಯಾರಂತೆ’ ಎಂದೆ.</p>.<p>‘ಹಂಗಾರೆ ಅಂವ ಜೈಲುಶಿಕ್ಷೆ ಮುಗಿಸಕ್ಕೆ ಎಷ್ಟು ಸಲ ಟರ್ಕಿವಳಗೆ ಪುನರ್ಜನ್ಮ ಎತ್ತಿಬರಬಕು! ಪ್ರತಿಸಲ ಪುನರ್ಜನ್ಮ ಎತ್ತಿದಾಗಲೂ ದೇವರು ಅವನನ್ನ ಅದೇ ಬಿಲ್ಡರ್ ಮಾಡಿ ಹುಟ್ಟಿಸಬಕು!’</p>.<p>‘ಬಿಹಾರದಾಗೆ ಜುಲೈ ತಿಂಗಳಲ್ಲಿ 17 ದಿನದಾಗೆ 12 ಸೇತುವೆ ಕುಸೀತು. ಎರಡು ವರ್ಸದ ಹಿಂದೆ ಗುಜರಾತಿನ ಮೊರ್ಬಿ ಸೇತುವೆ ಕುಸೀತು. ಈ ಸೇತುವೆ ಬಿಲ್ಡರುಗಳನ್ನು ಹಿಡಿದು ಕೊನೇಪಕ್ಷ ಐವತ್ತು ವರ್ಷ ಜೈಲುಶಿಕ್ಷೆ ವಿಧಿಸಬೇಕು’ ಎಂದೆ.</p>.<p>‘ಜೈಲುಶಿಕ್ಷೆ ಎಲ್ಲಿ ಕೊಡತಾರೆ? ಇನ್ನಾ ಐವತ್ತು ಹೊಸಾ ಸೇತುವೆ ಕಾಂಟ್ರಾಕ್ಟ್ ಉಡುಗೊರೆ ಅವ್ರಿಗೇ ಕೊಡತಾರೆ’ ಬೆಕ್ಕಣ್ಣ ಸಿಟ್ಟಿನಿಂದ ಗುರುಗುಟ್ಟಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬೆಕ್ಕಣ್ಣ ತನ್ನ ಹತ್ತಿಪ್ಪತ್ತು ಚುರುಮುರಿ ಕಟಿಂಗ್ಸ್ ಹರಡಿಕೊಂಡು ಘನಗಂಭೀರವಾಗಿ ನೋಡುತ್ತಿತ್ತು.</p>.<p>‘ಏನಲೇ… ನಿನ್ನ ಚುರುಮುರಿ ಮ್ಯಾಲೆ ನೀನೇ ಪಿಎಚ್.ಡಿ ಮಾಡತೀಯೇನು?’ ಎಂದು ಕುಟುಕಿದೆ.</p>.<p>‘ಈ ಸಲದ ದಸರಾ ಕವಿಗೋಷ್ಠಿವಳಗೆ ಹಾಸ್ಯ-ಕಾವ್ಯ ಜುಗಲಬಂದಿ ಐತಂತೆ. ಹಾಸ್ಯ ವಿಭಾಗಕ್ಕೆ ದುಬ್ಬೀರಣ್ಣ, ತುರೇಮಣೆ ಅಂಕಲ್ಲು, ಮತ್ತೆ ನನ್ನ ಹೆಸ್ರೂ ಸೇರಿಸ್ರಿ ಅಂತ ಕೇಳೀವಿ. ಅಲ್ಲಿ ಓದಕ್ಕೆ ಒಂದೆರಡು ಛಲೋ ಚುರುಮುರಿ ಆರಿಸಾಕೆಹತ್ತೇನಿ’ ಬೆಕ್ಕಣ್ಣ ಭಲೇ ಸಂಭ್ರಮದಿಂದ ವಿವರಿಸಿತು.</p>.<p>‘ಮಂಗ್ಯಾನಂಥವ್ನೇ! ಅದಕ್ಕೆ ಹಾಸ್ಯ ಭಾಷಣಕಾರರಿನ್ನ ಕರೀತಾರಂತ. ರಗಡ್ ಮಂದಿ ಈಗಾಗ್ಲೇ ಅದಕ್ಕೆ ಕ್ಯೂ ನಿಂತಾರಂತ. ಈ ಚುರುಮುರಿಗಳು ಹಾಸ್ಯ ಅಲ್ಲಲೇ, ವಿಡಂಬನೆ’ ಎಂದು ತಿದ್ದಿದೆ.</p>.<p>‘ಹಂಗಾರೆ ನಾವು ಯಾವ ಪಟ್ಟಿವಳಗೂ ಇಲ್ಲ, ಯಾವ ಸಮ್ಮೇಳನಕ್ಕೂ ಇಲ್ಲ’ ಬೆಕ್ಕಣ್ಣ ಮೂತಿಯುಬ್ಬಿಸಿತು.</p>.<p>‘ಅಷ್ಟ್ಯಾಕೆ ಬ್ಯಾಸರಕಿ ಮಾಡಿಕೊಳ್ತಿ… ಭಾಳ ಮಂದಿ ಪೇಪರಿನಾಗೆ ನಿಮ್ಮನ್ನು ಓದ್ತಾರೇಳು’ ಎಂದು ಸಮಾಧಾನಿಸಿದೆ.</p>.<p>‘ಈ ಸುದ್ದಿ ಕೇಳಿಲ್ಲಿ… ಹೋದ ವರ್ಷ ಟರ್ಕಿವಳಗೆ ಭೂಕಂಪ ಆದಾಗ, 46 ವರ್ಷದ ಹಳೇ ಬಿಲ್ಡಿಂಗು ಬಿದ್ದು 96 ಮಂದಿ ಸತ್ತಿದ್ದರಂತ. ಈಗ ಆ ಬಿಲ್ಡರ್ನ ಹಿಡಿದು, ಅಲ್ಲಿನ ನ್ಯಾಯಾಲಯದಿಂದ ಬರೋಬ್ಬರಿ 865 ವರ್ಷ ಜೈಲುಶಿಕ್ಷೆ ವಿಧಿಸ್ಯಾರಂತೆ’ ಎಂದೆ.</p>.<p>‘ಹಂಗಾರೆ ಅಂವ ಜೈಲುಶಿಕ್ಷೆ ಮುಗಿಸಕ್ಕೆ ಎಷ್ಟು ಸಲ ಟರ್ಕಿವಳಗೆ ಪುನರ್ಜನ್ಮ ಎತ್ತಿಬರಬಕು! ಪ್ರತಿಸಲ ಪುನರ್ಜನ್ಮ ಎತ್ತಿದಾಗಲೂ ದೇವರು ಅವನನ್ನ ಅದೇ ಬಿಲ್ಡರ್ ಮಾಡಿ ಹುಟ್ಟಿಸಬಕು!’</p>.<p>‘ಬಿಹಾರದಾಗೆ ಜುಲೈ ತಿಂಗಳಲ್ಲಿ 17 ದಿನದಾಗೆ 12 ಸೇತುವೆ ಕುಸೀತು. ಎರಡು ವರ್ಸದ ಹಿಂದೆ ಗುಜರಾತಿನ ಮೊರ್ಬಿ ಸೇತುವೆ ಕುಸೀತು. ಈ ಸೇತುವೆ ಬಿಲ್ಡರುಗಳನ್ನು ಹಿಡಿದು ಕೊನೇಪಕ್ಷ ಐವತ್ತು ವರ್ಷ ಜೈಲುಶಿಕ್ಷೆ ವಿಧಿಸಬೇಕು’ ಎಂದೆ.</p>.<p>‘ಜೈಲುಶಿಕ್ಷೆ ಎಲ್ಲಿ ಕೊಡತಾರೆ? ಇನ್ನಾ ಐವತ್ತು ಹೊಸಾ ಸೇತುವೆ ಕಾಂಟ್ರಾಕ್ಟ್ ಉಡುಗೊರೆ ಅವ್ರಿಗೇ ಕೊಡತಾರೆ’ ಬೆಕ್ಕಣ್ಣ ಸಿಟ್ಟಿನಿಂದ ಗುರುಗುಟ್ಟಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
