ಸ್ಟಾಪೇಜ್ ಅವಧಿಯ 16ನೇ ನಿಮಿಷ ಅರ್ಜೆಂಟೀನಾ ಗಳಿಸಿದ ಗೋಲಿನಿಂದ ಅರ್ಜೆಂಟೀನಾ ಪಂದ್ಯ 2–2 ಸಮಗೊಳಿಸಿದ ಸಂಭ್ರಮದಲ್ಲಿತ್ತು. ಪ್ರೇಕ್ಷಕರೂ ಆ ವೇಳೆ ಕ್ರೀಡಾಂಗಣಕ್ಕೆ ನುಗ್ಗಿದ್ದರು. ಆದರೆ ರೆಫ್ರಿಗಳು ಸೀಟಿ ಉದ್ದಿದ್ದರೂ, ಅದು ಪಂದ್ಯ ಮುಗಿದ ಸಂಕೇತದ ರೀತಿಯಲ್ಲಿರಲಿಲ್ಲ. ಹೀಗಾಗಿ ಪ್ರೇಕ್ಷಕರನ್ನು ಚದುರಿಸಿ ಖಾಲಿ ಕ್ರೀಡಾಂಗಣದಲ್ಲಿ ಪಂದ್ಯ ಕೆಲಕ್ಷಣ ನಡೆಯಿತು. ವಿಡಿಯೊ ಪರಿಶೀಲನೆಯ ನಂತರ ಮೆಡಿನಾ ಗಳಿಸಿದ ಎರಡನೇ ಗೋಲನ್ನು ಆಫ್ ಸೈಡ್ ಎಂದು ನಿರ್ಣಯಿಸಿದ ಪರಿಣಾಮ ಮೊರಾಕೊ 2–1 ರಿಂದ ಜಯಶಾಲಿಯಾಯಿತು.