ಬೆಂಬಲ ಬೆಲೆಯಡಿ ಲಾಭದ ಕೊಯ್ಲು

ಗದಗ: ಇಲ್ಲಿನ ಎಪಿಎಂಸಿ ರಾಜ್ಯದಲ್ಲೇ ಹೆಸರುಕಾಳು ಮತ್ತು ಈರುಳ್ಳಿಯ ಅಗ್ರ ಮಾರುಕಟ್ಟೆ. ಹಂಗಾಮಿನಲ್ಲಿ ಪ್ರತಿನಿತ್ಯ ಸರಾಸರಿ 7 ಸಾವಿರ ಕ್ವಿಂಟಲ್ನಷ್ಟು ಹೆಸರು ಮತ್ತು 5 ಸಾವಿರ ಕ್ವಿಂಟಲ್ನಷ್ಟು ಈರುಳ್ಳಿ ಆವಕವಾಗುತ್ತದೆ. ಪ್ರತಿ ವರ್ಷ ಆಗಸ್ಟ್ನಿಂದ ಡಿಸೆಂಬರ್ವರೆಗೆ ವರ್ತಕರಿಗೆ ಲಾಭದ ಕೊಯ್ಲಿನ ಸಮಯ.

. ಎಪಿಎಂಸಿ ಇ–ಹರಾಜಿನಲ್ಲಿ ಈರುಳ್ಳಿ ಮತ್ತು ಹೆಸರುಕಾಳಿಗೆ ಅತ್ಯಂತ ಕಡಿಮೆ ದರ ನಮೂದಿಸುವ ಮೂಲಕ ಈ ಉತ್ಪನ್ನಗಳಿಗೆ ಬೇಡಿಕೆ ಇಲ್ಲ ಎನ್ನುವ ಕೃತಕ ವಾತಾವರಣ ಸೃಷ್ಟಿಸಲಾಗುತ್ತದೆ. ಮುಕ್ತ ಮಾರುಕಟ್ಟೆಯಲ್ಲಿ ಒಂದು ಕ್ವಿಂಟಲ್ ಈರುಳ್ಳಿಗೆ ₹1500 ದರ ಇದ್ದರೆ, ಇ–ಹರಾಜಿನಲ್ಲಿ ಕ್ವಿಂಟಲ್ಗೆ ಕನಿಷ್ಠ ₹200ರಿಂದ ಗರಿಷ್ಠ ₹500 ನಮೂದಿಸುತ್ತಾರೆ. ಹೆಸರುಕಾಳಿಗೆ ಕ್ವಿಂಟಲ್ಗೆ ₹4 ಸಾವಿರ ದರ ಇದ್ದರೆ ಗರಿಷ್ಠ ₹2,500 ನಮೂದಿಸುತ್ತಾರೆ. ರೈತ 1 ಕ್ವಿಂಟಲ್ ಹೆಸರುಕಾಳು ಮಾರಾಟ ಮಾಡಿದಾಗ, ಏನಿಲ್ಲವೆಂದರೂ ಕನಿಷ್ಠ ₹1 ಸಾವಿರ ಲಾಭ ವರ್ತಕನ ಜೇಬು ಸೇರುತ್ತದೆ.ಎಪಿಎಂಸಿಗೆ ಮಾರಾಟಕ್ಕೆ ತಂದಿರುವ ಸರಕನ್ನು ಬೆಳೆಗಾರ ವಾಪಸ್ ಮನೆಗೆ ತೆಗೆದುಕೊಂಡು ಹೋಗಬೇಕು, ಇಲ್ಲವೇ ರಸ್ತೆಗೆ ಸುರಿಯಬೇಕು, ಎಂಬ ಅಸಹಾಯಕ ಸ್ಥಿತಿಯನ್ನು ವರ್ತಕರೇ ಸೃಷ್ಟಿಸುತ್ತಾರೆ.

. ಇದನ್ನೂ ಓದಿ: ಮೆಣಸಿನಕಾಯಿಗೂ 3 ಪರ್ಸೆಂಟ್ ಕಮಿಷನ್ !

. ಬೆಂಬಲ ಬೆಲೆಯಿಂದಲೂ ಲಾಭ: ಪ್ರತಿ ವರ್ಷ ಹೆಸರುಕಾಳು ಮತ್ತು ಈರುಳ್ಳಿಗೆ ಬೆಂಬಲ ಬೆಲೆ ಪ್ರಕಟಗೊಳ್ಳುವ ವೇಳೆಗೆ ಬಹುತೇಕ ರೈತರು ಈ ಉತ್ಪನ್ನಗಳನ್ನು ಮಾರಾಟ ಮಾಡಿರುತ್ತಾರೆ. ಈಗ ಮತ್ತೆ ವರ್ತಕರ ಸರದಿ. ರೈತರಿಂದ ಮೊದಲೇ ಈ ಉತ್ಪನ್ನಗಳನ್ನು ಖರೀದಿಸಿ ದಾಸ್ತಾನು ಮಾಡಿಕೊಂಡಿ ರುವ ಅವರು, ರೈತರ ಭೂ ದಾಖಲೆಗಳನ್ನು ಬಳಸಿಕೊಂಡು ಸರ್ಕಾರ ತೆರೆದಿರುವ ಬೆಂಬಲ ಬೆಲೆ ಕೇಂದ್ರಗಳಲ್ಲಿ ಮರು ಮಾರಾಟ ಮಾಡುತ್ತಾರೆ. ದಾಖಲೆಯಲ್ಲಿ ಮಾತ್ರ ರೈತ ಬೆಂಬಲ ಬೆಲೆಯ ‘ಫಲಾನುಭವಿ’ ಆಗಿರುತ್ತಾನೆ. ಲಾಭವು ವರ್ತಕನ ಜೇಬು ಸೇರುತ್ತದೆ.

. ಇದನ್ನೂ ಓದಿ: ಕಳಪೆ ಅಡಿಕೆ ಮಿಶ್ರಣ: ಅಧಿಕಾರಿಗಳ ಮೌನ

. ‘ಬೆಂಬಲ ಬೆಲೆಯ ಪ್ರಯೋಜನ ರೈತರಿಗೆ ಲಭಿಸುವುದೇ ಇಲ್ಲ. ಸರ್ಕಾರ ವನ್ನೇ ಮಣಿಸುವಷ್ಟರ ಮಟ್ಟಿಗೆ ಎಪಿಎಂಸಿಗಳಲ್ಲಿ ವರ್ತಕರ ಲಾಬಿ ಕೆಲಸ ಮಾಡುತ್ತಿದೆ’ ಎಂದು ಹೆಸರು ಬಹಿರಂಗಪಡಿಸಲು ಇಚ್ಛಿಸದ ಕೃಷಿ ಇಲಾಖೆ ಅಧಿಕಾರಿಯೊಬ್ಬರು ಹೇಳಿದರು.

. ರದ್ದುಗೊಂಡ ಇ–ಪಾವತಿ

. ರೈತರ ಕೃಷಿ ಉತ್ಪನ್ನದ ಮೊತ್ತವನ್ನು, ಆತನ ಖಾತೆಗೆ ಪಾವತಿಸುವ ಇ–ಪಾವತಿ ವ್ಯವಸ್ಥೆಯನ್ನು ವರ್ಷದ ಹಿಂದೆ ಗದಗ ಜಿಲ್ಲೆಯ 5 ಎಪಿಎಂಸಿಗಳಲ್ಲಿ ಪ್ರಾಯೋಗಿಕವಾಗಿ ಜಾರಿಗೊಳಿಸಲಾಗಿತ್ತು.ಇದರಿಂದ ಮಧ್ಯವರ್ತಿಗಳ ಹಾವಳಿಗೆ ಕಡಿವಾಣ ಬೀಳುತ್ತಿತ್ತು. ಆದರೆ, ವರ್ತಕರು ಈ ವ್ಯವಸ್ಥೆ ವಿರುದ್ಧ ಪ್ರತಿಭಟಿಸಿದ್ದರು. ಬಳಿಕ ಸರ್ಕಾರ ಈ ಆದೇಶ ವಾಪಸ್ ಪಡೆದಿತ್ತು.

. 2017ರಲ್ಲಿ ಬೆಂಬಲ ಬೆಲೆ

. ಯೋಜನೆಯಡಿ ಜಿಲ್ಲೆಯ 5 ಕಡೆ ಖರೀದಿ ಕೇಂದ್ರ ತೆರೆದು, ಜಿಲ್ಲಾಡಳಿತವು ರೈತರಿಂದ ಕ್ವಿಂಟಲ್ಗೆ ₹ 624 ದರದಲ್ಲಿ ಈರುಳ್ಳಿ ಖರೀದಿಸಿತ್ತು. ಇದೇ ಈರುಳ್ಳಿಯನ್ನು ಮತ್ತೆ ಎಪಿಎಂಸಿ ವರ್ತಕರಿಗೆ ಹರಾಜಿನಲ್ಲಿ ಕ್ವಿಂಟಲ್ಗೆ ₹ 175ರಿಂದ ₹ 225 ದರದಲ್ಲಿ ಮರು ಮಾರಾಟ ಮಾಡಿತ್ತು. ಇದರಿಂದ ಜಿಲ್ಲಾಡಳಿತಕ್ಕೆ ಅಂದಾಜು ₹ 8 ಕೋಟಿ ನಷ್ಟವಾಗಿತ್ತು.

. ಇವನ್ನೂ ಓದಿ ಒಳಒಪ್ಪಂದದ ಏಟು: ಹೊರಗೇ ವಹಿವಾಟು ಕೊಬ್ಬರಿ: ಅರಳಿ ಮರದ ಕೆಳಗೆ ಪಿಸುಗುಡುವ ಬೆಲೆ! ಹೊರ ಭಾಗದ ರೈತರೇ ಇಲ್ಲಿ ಟಾರ್ಗೆಟ್!

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬೆಂಬಲ ಬೆಲೆಯಡಿ ಲಾಭದ ಕೊಯ್ಲು

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಹಿಂದಿನಿಂದಲೂ ಜೊತೆಗಿದ್ದ ಅಲ್ಪಸಂಖ್ಯಾತರು ನಮ್ಮ ಕೈ ಹಿಡಿಯಲಿಲ್ಲ: ನಿಖಿಲ್

Channapatna Bypoll | ಬಲಿಪಶು ಕಳಂಕದಿಂದ ಮುಕ್ತನಾಗಿದ್ದೇನೆ: ನಿಖಿಲ್

ಉಪಚುನಾವಣೆಯಲ್ಲಿ ಬಿಜೆಪಿ ಸೋಲಿಗೆ BSY, ವಿಜಯೇಂದ್ರ ಒಳ ಒಪ್ಪಂದ ಕಾರಣ: ಯತ್ನಾಳ

ಟಿಟಿ: ಕಲೈವನನ್‌ಗೆ ಪ್ರಶಸ್ತಿಯ ಗರಿ

ಸರಿಯಾದ ಆಟ ಕಂಡಕೊಂಡರೆ ನನಗೆ ಅವಕಾಶ: ಗುಕೇಶ್

ಐಪಿಎಲ್ ಮೆಗಾ ಹರಾಜು ಇಂದಿನಿಂದ: ಮರುಭೂಮಿಯಲ್ಲಿ ಪಂತ್‌ಗೆ ಒಲಿಯುವುದೇ ಜಾಕ್‌ಪಾಟ್

ಪರ್ತ್‌ ಟೆಸ್ಟ್: ರಾಹುಲ್–ಯಶಸ್ವಿ ಆಟಕ್ಕೆ ಬಸವಳಿದ ಆಸ್ಟ್ರೇಲಿಯಾ

ಒಳನೋಟ: ಗೋಡಂಬಿಗೆ ‘ಆಪತ್ತಿನ’ ಕಾಲ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಹಿಂದಿನಿಂದಲೂ ಜೊತೆಗಿದ್ದ ಅಲ್ಪಸಂಖ್ಯಾತರು ನಮ್ಮ ಕೈ ಹಿಡಿಯಲಿಲ್ಲ: ನಿಖಿಲ್

Channapatna Bypoll | ಬಲಿಪಶು ಕಳಂಕದಿಂದ ಮುಕ್ತನಾಗಿದ್ದೇನೆ: ನಿಖಿಲ್

ಉಪಚುನಾವಣೆಯಲ್ಲಿ ಬಿಜೆಪಿ ಸೋಲಿಗೆ BSY, ವಿಜಯೇಂದ್ರ ಒಳ ಒಪ್ಪಂದ ಕಾರಣ: ಯತ್ನಾಳ