<p>ಬರೆಯಲಾಗದ ಪದ ಎದೆಯಲ್ಲಿ ತುಂಬಿದಂತೆ ಜೀವರಕ್ತವೆಲ್ಲ ಕಣ್ಣೀರು, ನಗುವ<br /> ಆ ಕೇಡಿನ ಕಲ್ಲುಗಳನ್ನು ಗುದ್ದಿ ಗುದ್ದಿ ಪುಡಿ ಮಾಡುತ್ತೇನೆ ಮುಷ್ಠಿಯಲ್ಲಿ,<br /> ನೋವು ಯಾರಿಗಾದರೇನು<br /> ಮಾತು ಕೇಳದ ರೇಖೆಗಳಲ್ಲೇ ಅವಳ ರೂಪಕ್ಕೆ ಜೀವ ಕೊಡಬೇಕು, ಜಗದ<br /> ಎಲ್ಲ ಕಲಾವಿದರೂ ಸೋತಿರುವ ಈ ಸವಾಲಿಗೆ ನನ್ನ ಹೆಸರೂ ಸೇರಿಕೊಳ್ಳಲಿ.<br /> ತಹತಹದ ಪ್ರತಿ ದಿನ ಮುಖದ ತುಂಬ ಬೇಡವೆಂದರೂ ಹುಟ್ಟುವ<br /> ಮುಸುನಗುವಿನ ಹುಣ್ಣುಗಳಿಗೆ ಬೇಕಾದಷ್ಟು ಜಾಗ ಮಾಡಿಕೊಟ್ಟು ಹೊರಬೀಳುತ್ತೇನೆ, ಕಜ್ಜಿನಾಯಿಗಳಿಗೂ ಪ್ರೀತಿ ಹುಟ್ಟುವಂತೆ, ನಾನೂ ಹಾಗೆಯೇ<br /> ಆಗಲಿರುವ ಪುಣ್ಯಕ್ಕೆ ಮನಸೋತು, ಬಾಗಿನಮಿಸುವ ವಿಧೇಯತೆ<br /> ಬಲಿಗಾಗಿಯಲ್ಲ, ಕುತ್ತಿಗೆ ಕೊಯ್ಯಲು ತಯಾರಾಗಿರುವವರಿಗೆ ಹೇಳುವವರಾರು<br /> ಸುತ್ತಲೂ ಸುತ್ತುತ್ತಿರುವ ತರಹೇವಾರಿ ನೆರಳು ನಾನೇ ಇಲ್ಲ, ನನ್ನ ನೆರಳ<br /> ಕರುಳೂ, ಯಾರೋ ಚಿತ್ರಿಸಿರುವ ಈ ಬೆಸೆತಕ್ಕೆ ಬೆನ್ನಿಗಾದ ಗಾಯಗಳು,<br /> ಎದೆಯೇರಿಸಿ ನಡೆವ ನನಗೆ ಏನೂ ಅಲ್ಲ<br /> ಬೇಕಾದವರು ಬೇಡವಾದವರು ಅದಲು ಬದಲಾಗುತ್ತಾರೆ ತಮಗೆ ಬೇಕಾದಂತೆ,<br /> ಬೆಂಕಿ ಪಾದಗಳು ಈ ಗರಿಕೆಯ ನೆತ್ತಿಯ ಮೇಲೆ ಸರದಿಯಂತೆ, ಚಿಗುರಿಗೀಗ<br /> ಹಲವು ಬಣ್ಣ, ಹಸಿರು ಹಳದಿ ಕೆಂಪು ಕಪ್ಪು<br /> ಒಲಿಸಿಕೊಳ್ಳುವ ನಿವೇದನೆಯ ಮಂತ್ರಗಳ ಭಾಷೆ ನನಗೆ ಗೊತ್ತಿಲ್ಲ, ಬಿಲ್ಲು,<br /> ಬೆರಳು, ಬಾಣ, ಹೂಡುವ ಕೈ, ಕೈಕೈ ಮಿಲಾಯಿಸಿರುವ ಈ ಸಮಯ,<br /> ರಣಾಂಗಣವೆಲ್ಲ ಶತ್ರುಗಳು ಈಗೀಗ ನಾನೂ ಜೊತೆಗಿಲ್ಲ ನನ್ನೊಂದಿಗೆ<br /> ತಲೆಯ ತುಂಬ ತಲೆ ಕಡಿಯುವ ಹಂಬಲ ಹೊತ್ತವರೇ ಪ್ರೀತಿಯ ಹನಿ<br /> ತುಂಬುತ್ತಾರೆ ಕಣ್ಣ ಕೊಳದಲ್ಲಿ, ನಾನು ಕರುಣೆಯ ಬೀಜ ಊರಿ ನೈದಿಲೆಯ<br /> ತೋಟ ಬೆಳೆಯಬೇಕು ನನ್ನದೇ ಕೆಸರಲ್ಲಿ. ನನ್ನಾತ್ಮವ ಹೀಗೆ ಹನಿ ಹನಿ<br /> ಬಸಿಯಬೇಕು ಆಗಾಗ ಖಾಲಿಯಾಗಲು ಮತ್ತೆ ಮತ್ತೆ ತುಂಬಿಕೊಳ್ಳಲು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬರೆಯಲಾಗದ ಪದ ಎದೆಯಲ್ಲಿ ತುಂಬಿದಂತೆ ಜೀವರಕ್ತವೆಲ್ಲ ಕಣ್ಣೀರು, ನಗುವ<br /> ಆ ಕೇಡಿನ ಕಲ್ಲುಗಳನ್ನು ಗುದ್ದಿ ಗುದ್ದಿ ಪುಡಿ ಮಾಡುತ್ತೇನೆ ಮುಷ್ಠಿಯಲ್ಲಿ,<br /> ನೋವು ಯಾರಿಗಾದರೇನು<br /> ಮಾತು ಕೇಳದ ರೇಖೆಗಳಲ್ಲೇ ಅವಳ ರೂಪಕ್ಕೆ ಜೀವ ಕೊಡಬೇಕು, ಜಗದ<br /> ಎಲ್ಲ ಕಲಾವಿದರೂ ಸೋತಿರುವ ಈ ಸವಾಲಿಗೆ ನನ್ನ ಹೆಸರೂ ಸೇರಿಕೊಳ್ಳಲಿ.<br /> ತಹತಹದ ಪ್ರತಿ ದಿನ ಮುಖದ ತುಂಬ ಬೇಡವೆಂದರೂ ಹುಟ್ಟುವ<br /> ಮುಸುನಗುವಿನ ಹುಣ್ಣುಗಳಿಗೆ ಬೇಕಾದಷ್ಟು ಜಾಗ ಮಾಡಿಕೊಟ್ಟು ಹೊರಬೀಳುತ್ತೇನೆ, ಕಜ್ಜಿನಾಯಿಗಳಿಗೂ ಪ್ರೀತಿ ಹುಟ್ಟುವಂತೆ, ನಾನೂ ಹಾಗೆಯೇ<br /> ಆಗಲಿರುವ ಪುಣ್ಯಕ್ಕೆ ಮನಸೋತು, ಬಾಗಿನಮಿಸುವ ವಿಧೇಯತೆ<br /> ಬಲಿಗಾಗಿಯಲ್ಲ, ಕುತ್ತಿಗೆ ಕೊಯ್ಯಲು ತಯಾರಾಗಿರುವವರಿಗೆ ಹೇಳುವವರಾರು<br /> ಸುತ್ತಲೂ ಸುತ್ತುತ್ತಿರುವ ತರಹೇವಾರಿ ನೆರಳು ನಾನೇ ಇಲ್ಲ, ನನ್ನ ನೆರಳ<br /> ಕರುಳೂ, ಯಾರೋ ಚಿತ್ರಿಸಿರುವ ಈ ಬೆಸೆತಕ್ಕೆ ಬೆನ್ನಿಗಾದ ಗಾಯಗಳು,<br /> ಎದೆಯೇರಿಸಿ ನಡೆವ ನನಗೆ ಏನೂ ಅಲ್ಲ<br /> ಬೇಕಾದವರು ಬೇಡವಾದವರು ಅದಲು ಬದಲಾಗುತ್ತಾರೆ ತಮಗೆ ಬೇಕಾದಂತೆ,<br /> ಬೆಂಕಿ ಪಾದಗಳು ಈ ಗರಿಕೆಯ ನೆತ್ತಿಯ ಮೇಲೆ ಸರದಿಯಂತೆ, ಚಿಗುರಿಗೀಗ<br /> ಹಲವು ಬಣ್ಣ, ಹಸಿರು ಹಳದಿ ಕೆಂಪು ಕಪ್ಪು<br /> ಒಲಿಸಿಕೊಳ್ಳುವ ನಿವೇದನೆಯ ಮಂತ್ರಗಳ ಭಾಷೆ ನನಗೆ ಗೊತ್ತಿಲ್ಲ, ಬಿಲ್ಲು,<br /> ಬೆರಳು, ಬಾಣ, ಹೂಡುವ ಕೈ, ಕೈಕೈ ಮಿಲಾಯಿಸಿರುವ ಈ ಸಮಯ,<br /> ರಣಾಂಗಣವೆಲ್ಲ ಶತ್ರುಗಳು ಈಗೀಗ ನಾನೂ ಜೊತೆಗಿಲ್ಲ ನನ್ನೊಂದಿಗೆ<br /> ತಲೆಯ ತುಂಬ ತಲೆ ಕಡಿಯುವ ಹಂಬಲ ಹೊತ್ತವರೇ ಪ್ರೀತಿಯ ಹನಿ<br /> ತುಂಬುತ್ತಾರೆ ಕಣ್ಣ ಕೊಳದಲ್ಲಿ, ನಾನು ಕರುಣೆಯ ಬೀಜ ಊರಿ ನೈದಿಲೆಯ<br /> ತೋಟ ಬೆಳೆಯಬೇಕು ನನ್ನದೇ ಕೆಸರಲ್ಲಿ. ನನ್ನಾತ್ಮವ ಹೀಗೆ ಹನಿ ಹನಿ<br /> ಬಸಿಯಬೇಕು ಆಗಾಗ ಖಾಲಿಯಾಗಲು ಮತ್ತೆ ಮತ್ತೆ ತುಂಬಿಕೊಳ್ಳಲು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
