ಹಾಡಿನ ಹಕ್ಕಿ

ಹಾಡಿನ ಹಕ್ಕಿ ನೋಡಿದ್ದೀರಾ ಶಾಲೆಯ ಒಳಗೆ ಬಂದಿತ್ತಂತೆ ಪುಸ್ತಕದಲ್ಲಿ ಕಂಡಿತ್ತಂತೆ ಎಲ್ಲರ ತಲೆಯ ಹೊಕ್ಕಿತ್ತಂತೆ ಕಚಗುಳಿ ಇಟ್ಟು ಹಾರಿಹೋಯ್ತಂತೆ ಹಾಡಿನ ಹಕ್ಕಿ ಕಂಡಿದ್ದೀರಾ

. ಮಕ್ಕಳ ಸಂಗಡ ಬಂದಿತ್ತಂತೆ ಅಜ್ಜಿಯ ಕೊರಳಲಿ ಕೂತಿತ್ತಂತೆ ಸುಗ್ಗಿಯ ಹಾಡಲಿ ಕುಣಿದಿತ್ತಂತೆ ಖುಷಿ ಖುಷಿಯಾಗಿ ಹಾರಿಹೋಯ್ತಂತೆ ಹಾಡಿನ ಹಕ್ಕಿ ಬಂದಿತ್ತಂತೆ

. ಜಿಂಕೆ ಸಂಗಡ ಓಡಿತ್ತಂತೆ ನೀರಿನ ಆಟ ಆಡಿತ್ತಂತೆ ಗಾಳಿಯ ಸಂಗಡ ಸೇರಿತ್ತಂತೆ ಹಸಿರಲಿ ಬೆರೆತು ಉಳಿದಿತ್ತಂತೆ

. ಹಾಡಿನ ಹಕ್ಕಿ ನೀನೇ ಬೇಕು ಪಾಪು ತೊಟ್ಟಿಲು ತೂಗಲು ಬೇಕು ಜೋಕಾಲಿ ಹಗ್ಗ ಜೀಕಲು ಬೇಕು ಎಲ್ಲಾ ಕಡೆಯಲು ನೀನಿರಬೇಕು ನಿನ್ನಯ ಜೊತೆಗೆ ನಾನಿರಬೇಕು

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.