<p>ಪ್ರಪಂಚದೊಳಗೆ ನಾವಿರುವಂತೆ ನಮ್ಮೊಳಗೆ ಒಂದು ಪುಟ್ಟ ಪ್ರಪಂಚವಿದೆ. ಹೊರಗಿನ ಪ್ರಪಂಚ ಮತ್ತು ಒಳಗಿನ ಪ್ರಪಂಚಗಳೆರಡೂ ಒಂದಕ್ಕೊಂದು ಬೆಸೆದುಕೊಂಡಿದೆ. ಒಂದನ್ನೊಂದು ಬೆರೆತು, ಒಂದರಿಂದ ಮತ್ತೊಂದು ಪಡೆದುಕೊಂಡು, ಪಡೆದುಕೊಂಡಷ್ಟೆ ಸಲೀಸಾಗಿ ಬೇಡದ್ದನ್ನು ಅಲ್ಲಗಳೆಯುವಷ್ಟು ಗಟ್ಟಿ ಮನಸ್ಥಿತಿಯೊಂದನ್ನು ಕಟ್ಟಿಕೊಳ್ಳುವುದರಲ್ಲಿಯೇ ಬದುಕಿನ ಸ್ವಾರಸ್ಯ ಅಡಗಿದೆ. </p>.<p>ಧಾವಂತದ ಬದುಕಿನಲ್ಲಿ ಸ್ವೀಕರಿಸುವಷ್ಟೆ ಸರಳವಾಗಿ ನಿರಾಕರಿಸುವುದನ್ನು ಕಲಿಯಬೇಕು. ಅಂಥ ಕಲಿಕೆಗೆ ಸರಳ ಮಾರ್ಗಸೂಚಿಯಂತೆ ಕಾಣುತ್ತದೆ ‘ಬದುಕಿಗೊಂದು ಪುಟ್ಟ ಥ್ಯಾಂಕ್ಸ್’ ಎಂಬ ಪುಸ್ತಕ.</p>.<p>ನಾವಾಡುವ ಪ್ರತಿ ಮಾತಿನ ಹಿಂದೆಯೂ ಜವಾಬ್ದಾರಿಯುತ ನಡೆಯಿರಲಿ. ಪ್ರತಿ ಬಾರಿ ಸಂಕಲ್ಪ ಮಾಡುವಾಗ ಅಗಾಧ ಬದ್ಧತೆಯೊಂದು ಕೈಹಿಡಿದು ನಡೆಸುತ್ತಿರಲಿ, ಕೋಪಗೊಳ್ಳದೆ ಕ್ಷಮಿಸುವುದನ್ನು ಕಲಿತಾಗಲೇ ಜೀವನಪಥ ಮುಂದೆ ಸಾಗುತ್ತದೆ ಎಂಬಂಥ ಹಲವು ಆಶಯಗಳನ್ನು ಈ ಪುಸ್ತಕದಲ್ಲಿ ಕಾಣಬಹುದು. ಇಲ್ಲಿರುವ ಲೇಖನಗಳು ಬೋಧನೆಯಾಗದೆ ಆಪ್ತಸಲಹೆಯಂತಿವೆ. ಬಿಡಿ ಬಿಡಿ ಲೇಖನಗಳನ್ನು ಸಮಗ್ರವಾಗಿ ಗ್ರಹಿಸಿದಾಗ ಹಲವು ವಿಷಯಗಳ ಮೇಲೆ ಕೇಂದ್ರೀಕರಿಸಿದ ಪ್ರಬಂಧದಂತೆ ಅನಿಸದೇ ಇರಲಾರದು. </p>.<p>ಅನುಭವದ್ರವ್ಯ ಒಟ್ಟುಗೂಡಿದಷ್ಟು ಆಪ್ತಸಮಾಲೋಚನೆಯ ಹಾದಿ ಸರಾಗ. ಕೇಳಿಸಿಕೊಳ್ಳುವ ಕಿವಿಗಳ ಹಿಂದಿರುವ ಮನಸ್ಸು ತೆರೆದುಕೊಂಡಷ್ಟು ದುಗುಡ, ಹತಾಶೆ ತುಂಬಿಕೊಂಡ ಮನಸ್ಸು ಮುಕ್ತವಾಗಿ ಮುಂದುವರಿಯುತ್ತದೆ.</p>.<p>ಮನುಷ್ಯನ ಮನಸ್ಸಿನಾಳದಲ್ಲಿ ತಿಳಿ ನೀರಿನ ಕೊಳಕ್ಕೆ ಜಾಗವಿರುವಂತೆ ವ್ಯಾಕುಲತೆ, ಅಸ್ವಸ್ಥತೆ, ಬೇಸರ, ಹಟ, ದುಮ್ಮಾನ, ದುಃಖ, ಹತಾಶೆ, ನೋವು, ಸಂಕಟ ಎಲ್ಲವನ್ನು ಒಡಲಿನಲ್ಲಿಟ್ಟುಕೊಂಡ ಭಾವಸಮುದ್ರವೊಂದು ಭೋರ್ಗರೆಯುತ್ತಿರುತ್ತದೆ. ಇವೆರಡರಲ್ಲಿಯೂ ಈಜದೇ ಬದುಕು ಪುಟಕ್ಕಿಟ್ಟ ಬಂಗಾರವಾದೀತೆ?</p>.<p> ಸುಷ್ಮ ಸಿಂಧು ಅವರ ಈ ಲೇಖನಗಳು ಪತ್ರಿಕೆಗಾಗಿ ರೂಪುಗೊಂಡಿರುವುದರಿಂದ ಮನೋಭಿತ್ತಿಗೆ ಸಂಬಂಧಿಸಿದ ಮಾತುಗಳೆಲ್ಲ ಆಳಕ್ಕೆ ಇಳಿಯುವಷ್ಟು ವ್ಯವಧಾನವನ್ನು ತೋರಿಸುವುದಿಲ್ಲ. ನಿರ್ದಿಷ್ಟ ಸಮಸ್ಯೆ ಎದುರಿಸುತ್ತಿರುವವರು ನಿರ್ದಿಷ್ಟ ಲೇಖನ ಓದಿ ಆ ಕ್ಷಣಕ್ಕೆ ಬಿಡುಗಡೆ ಪಡೆಯಲಂತೂ ಅಡ್ಡಿಯಿಲ್ಲ. </p>.<p><strong>ಬದುಕಿಗೊಂದು ಪುಟ್ಟ ಥ್ಯಾಂಕ್ಸ್ </strong></p><p><strong>ಲೇ:</strong> ಸುಷ್ಮ ಸಿಂಧು</p><p><strong>ಪ್ರಕಾಶನ:</strong> ಸಾಹಿತ್ಯಲೋಕ ಪಬ್ಲಿಕೇಷನ್ಸ್</p><p><strong>ಮೊ:</strong> 99459 39436</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಪ್ರಪಂಚದೊಳಗೆ ನಾವಿರುವಂತೆ ನಮ್ಮೊಳಗೆ ಒಂದು ಪುಟ್ಟ ಪ್ರಪಂಚವಿದೆ. ಹೊರಗಿನ ಪ್ರಪಂಚ ಮತ್ತು ಒಳಗಿನ ಪ್ರಪಂಚಗಳೆರಡೂ ಒಂದಕ್ಕೊಂದು ಬೆಸೆದುಕೊಂಡಿದೆ. ಒಂದನ್ನೊಂದು ಬೆರೆತು, ಒಂದರಿಂದ ಮತ್ತೊಂದು ಪಡೆದುಕೊಂಡು, ಪಡೆದುಕೊಂಡಷ್ಟೆ ಸಲೀಸಾಗಿ ಬೇಡದ್ದನ್ನು ಅಲ್ಲಗಳೆಯುವಷ್ಟು ಗಟ್ಟಿ ಮನಸ್ಥಿತಿಯೊಂದನ್ನು ಕಟ್ಟಿಕೊಳ್ಳುವುದರಲ್ಲಿಯೇ ಬದುಕಿನ ಸ್ವಾರಸ್ಯ ಅಡಗಿದೆ. </p>.<p>ಧಾವಂತದ ಬದುಕಿನಲ್ಲಿ ಸ್ವೀಕರಿಸುವಷ್ಟೆ ಸರಳವಾಗಿ ನಿರಾಕರಿಸುವುದನ್ನು ಕಲಿಯಬೇಕು. ಅಂಥ ಕಲಿಕೆಗೆ ಸರಳ ಮಾರ್ಗಸೂಚಿಯಂತೆ ಕಾಣುತ್ತದೆ ‘ಬದುಕಿಗೊಂದು ಪುಟ್ಟ ಥ್ಯಾಂಕ್ಸ್’ ಎಂಬ ಪುಸ್ತಕ.</p>.<p>ನಾವಾಡುವ ಪ್ರತಿ ಮಾತಿನ ಹಿಂದೆಯೂ ಜವಾಬ್ದಾರಿಯುತ ನಡೆಯಿರಲಿ. ಪ್ರತಿ ಬಾರಿ ಸಂಕಲ್ಪ ಮಾಡುವಾಗ ಅಗಾಧ ಬದ್ಧತೆಯೊಂದು ಕೈಹಿಡಿದು ನಡೆಸುತ್ತಿರಲಿ, ಕೋಪಗೊಳ್ಳದೆ ಕ್ಷಮಿಸುವುದನ್ನು ಕಲಿತಾಗಲೇ ಜೀವನಪಥ ಮುಂದೆ ಸಾಗುತ್ತದೆ ಎಂಬಂಥ ಹಲವು ಆಶಯಗಳನ್ನು ಈ ಪುಸ್ತಕದಲ್ಲಿ ಕಾಣಬಹುದು. ಇಲ್ಲಿರುವ ಲೇಖನಗಳು ಬೋಧನೆಯಾಗದೆ ಆಪ್ತಸಲಹೆಯಂತಿವೆ. ಬಿಡಿ ಬಿಡಿ ಲೇಖನಗಳನ್ನು ಸಮಗ್ರವಾಗಿ ಗ್ರಹಿಸಿದಾಗ ಹಲವು ವಿಷಯಗಳ ಮೇಲೆ ಕೇಂದ್ರೀಕರಿಸಿದ ಪ್ರಬಂಧದಂತೆ ಅನಿಸದೇ ಇರಲಾರದು. </p>.<p>ಅನುಭವದ್ರವ್ಯ ಒಟ್ಟುಗೂಡಿದಷ್ಟು ಆಪ್ತಸಮಾಲೋಚನೆಯ ಹಾದಿ ಸರಾಗ. ಕೇಳಿಸಿಕೊಳ್ಳುವ ಕಿವಿಗಳ ಹಿಂದಿರುವ ಮನಸ್ಸು ತೆರೆದುಕೊಂಡಷ್ಟು ದುಗುಡ, ಹತಾಶೆ ತುಂಬಿಕೊಂಡ ಮನಸ್ಸು ಮುಕ್ತವಾಗಿ ಮುಂದುವರಿಯುತ್ತದೆ.</p>.<p>ಮನುಷ್ಯನ ಮನಸ್ಸಿನಾಳದಲ್ಲಿ ತಿಳಿ ನೀರಿನ ಕೊಳಕ್ಕೆ ಜಾಗವಿರುವಂತೆ ವ್ಯಾಕುಲತೆ, ಅಸ್ವಸ್ಥತೆ, ಬೇಸರ, ಹಟ, ದುಮ್ಮಾನ, ದುಃಖ, ಹತಾಶೆ, ನೋವು, ಸಂಕಟ ಎಲ್ಲವನ್ನು ಒಡಲಿನಲ್ಲಿಟ್ಟುಕೊಂಡ ಭಾವಸಮುದ್ರವೊಂದು ಭೋರ್ಗರೆಯುತ್ತಿರುತ್ತದೆ. ಇವೆರಡರಲ್ಲಿಯೂ ಈಜದೇ ಬದುಕು ಪುಟಕ್ಕಿಟ್ಟ ಬಂಗಾರವಾದೀತೆ?</p>.<p> ಸುಷ್ಮ ಸಿಂಧು ಅವರ ಈ ಲೇಖನಗಳು ಪತ್ರಿಕೆಗಾಗಿ ರೂಪುಗೊಂಡಿರುವುದರಿಂದ ಮನೋಭಿತ್ತಿಗೆ ಸಂಬಂಧಿಸಿದ ಮಾತುಗಳೆಲ್ಲ ಆಳಕ್ಕೆ ಇಳಿಯುವಷ್ಟು ವ್ಯವಧಾನವನ್ನು ತೋರಿಸುವುದಿಲ್ಲ. ನಿರ್ದಿಷ್ಟ ಸಮಸ್ಯೆ ಎದುರಿಸುತ್ತಿರುವವರು ನಿರ್ದಿಷ್ಟ ಲೇಖನ ಓದಿ ಆ ಕ್ಷಣಕ್ಕೆ ಬಿಡುಗಡೆ ಪಡೆಯಲಂತೂ ಅಡ್ಡಿಯಿಲ್ಲ. </p>.<p><strong>ಬದುಕಿಗೊಂದು ಪುಟ್ಟ ಥ್ಯಾಂಕ್ಸ್ </strong></p><p><strong>ಲೇ:</strong> ಸುಷ್ಮ ಸಿಂಧು</p><p><strong>ಪ್ರಕಾಶನ:</strong> ಸಾಹಿತ್ಯಲೋಕ ಪಬ್ಲಿಕೇಷನ್ಸ್</p><p><strong>ಮೊ:</strong> 99459 39436</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>