<p><strong>ಮಾಂಸದಂಗಡಿಯ ನವಿಲು (ಕವಿತೆಗಳು)<br /> ಲೇ: ಎನ್.ಕೆ. ಹನುಮಂತಯ್ಯ, ಪ್ರ: ಲಡಾಯಿ ಪ್ರಕಾಶನ ನಂ.21, ಪುಟ:176 ಬೆಲೆ:₹ 140, ಪ್ರಸಾದ ಹಾಸ್ಟೇಲ್, ಗದಗ–582 101</strong><br /> <br /> ಅಕಾಲಿಕವಾಗಿ ತೀರಿಕೊಂಡ ಕವಿ ಎನ್.ಕೆ. ಹನುಮಂತಯ್ಯ ಅವರ ಈತನಕದ ಕವಿತೆಗಳನ್ನು ‘ಮಾಂಸದಂಗಡಿಯ ನವಿಲು’ವಿನಲ್ಲಿ ಸಂಕಲಿಸಲಾಗಿದೆ. ಎನ್ಕೆ ತಮ್ಮ ಜೀವಿತದ ಅವಧಿಯಲ್ಲೇ ‘ಹಿಮದ ಹೆಜ್ಜೆ’, ‘ಚಿತ್ರದ ಬೆನ್ನು’ ಎಂಬ ಎರಡು ಸಂಕಲನಗಳನ್ನು ಪ್ರಕಟಿಸಿದ್ದರು. ಆ ಸಂಕಲನಗಳ ಜೊತೆಗೆ ಅವರದೊಂದು ಅಪ್ರಕಟಿತ ಕವಿತೆಯನ್ನು ಇದು ಒಳಗೊಂಡಿದೆ. ಕವಿ ಹನುಮಂತಯ್ಯ ಕನ್ನಡಕ್ಕೆ ಹೊಸದೆನ್ನಿಸುವ ರೂಪಕಜಗತ್ತನ್ನು ಸೃಷ್ಟಿಸಿದ ಪ್ರತಿಭಾವಂತ ಯುವಕವಿಯಾಗಿದ್ದರು.<br /> <br /> ‘ಅಸ್ಪೃಶ್ಯ!/ ಹೌದು; ನಾನು ಗೋವು ತಿಂದು/ ಗೋವಿನಂತಾದವನು/ ನೀವು ನೀಡುವ ಮೇವು ತಿಂದು/ ನಿಮ್ಮಂಥ ಮನುಷ್ಯನಾಗಲಾರೆ/ ಮನುಷ್ಯರನ್ನು ತಿನ್ನಲಾರೆ’ (ಗೋವು ತಿಂದು ಗೋವಿನಂತಾದವನು – ಪು.88) ಎಂಬ ಸಾಲುಗಳು ಹೊಸ ರೂಪಕವನ್ನು ಕನ್ನಡ ಕಾವ್ಯದ ಓದುಗರ ಎದುರಿಗಿಟ್ಟಿದ್ದವು. ಈ ಬಗೆಯ ಸಾಲುಗಳನ್ನು ಎದುರುಗೊಂಡ ಓದುಗನ ಅನುಭವ, ಸಂವೇದನೆಗೆ ತಾಜಾ ನುಡಿಗಟ್ಟೊಂದು ಸೇರಿಕೊಂಡಿತ್ತು.</p>.<p>ಎನ್ಕೆ ಬರೆದಿರುವುದು 37 ಕವಿತೆಗಳ ಜೊತೆಗೆ ಇಲ್ಲಿ ಮೊದಲ ಬಾರಿಗೆ ಪ್ರಕಟವಾಗಿರುವ ‘ಅವಳ ಪರಿಮಳ’ ಕವಿತೆಯನ್ನು. ಇಷ್ಟು ಮಾತ್ರದಿಂದಲೇ ಗಾಢ ವಿಷಾದ, ನೋವು, ಸಂಕಟಗಳನ್ನು ತೀವ್ರವಾದ ಸಾಲುಗಳಲ್ಲಿ, ಚಿತ್ರಗಳಲ್ಲಿ ಹಿಡಿದಿಟ್ಟವರು ಈ ಕವಿ. ಆದ್ದರಿಂದಲೇ ಅವರ ಕಾವ್ಯ ಕನ್ನಡ ಕಾವ್ಯ ಜಗತ್ತಿನಲ್ಲಿ ಹಲವು ನಿರೀಕ್ಷೆಗಳನ್ನು ಹುಟ್ಟುಹಾಕಿತ್ತು.<br /> <br /> ತನ್ನ ಪುಟ್ಟ ಕೈಗಳಲ್ಲಿ ಜಗತ್ತಿನ ಸಮಸ್ತವನ್ನೂ ಒಳಗೊಳ್ಳಲು ಯತ್ನಿಸಿದ ಈ ಕವಿ ಕಾತರ, ವಿಸ್ಮಯಗಳಿಂದ ಬರೆದದ್ದು ಈಗ ಒಂದೆಡೆ ಸಿಗುವಂತಾಗಿದೆ. ಇಲ್ಲಿ, ಇದೇ ಮೊದಲ ಬಾರಿಗೆ ಪ್ರಕಟವಾಗಿರುವ ‘ಅವಳ ಪರಿಮಳ’ ಕವಿತೆಯ ಒಂದು ಭಾಗ ಹೀಗಿದೆ: ‘ಈ ನಡುರಾತ್ರಿ/ ನನ್ನ ಎದೆಯಾಳದ ಒಲವಿನ ನಾಯಿಮರಿ/ ನಿದ್ದೆಯ ಕಚ್ಚಿಕೊಂಡು/ ನಿನ್ನ ಹೃದಯದ ಬಾಗಿಲಲ್ಲಿ ಮಲಗಿದೆ/ ದಯವಿಟ್ಟು ಹೊಡೆಯದೆ ಕಾಪಾಡು’ (ಪು.154). ಇದು ಎನ್ಕೆ ಮುಂದೆ ನಡೆಯಬಹುದಾಗಿದ್ದ ಕಾವ್ಯದ ಹೆಜ್ಜೆಗುರುತುಗಳನ್ನು ತೋರುವಂತಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಾಂಸದಂಗಡಿಯ ನವಿಲು (ಕವಿತೆಗಳು)<br /> ಲೇ: ಎನ್.ಕೆ. ಹನುಮಂತಯ್ಯ, ಪ್ರ: ಲಡಾಯಿ ಪ್ರಕಾಶನ ನಂ.21, ಪುಟ:176 ಬೆಲೆ:₹ 140, ಪ್ರಸಾದ ಹಾಸ್ಟೇಲ್, ಗದಗ–582 101</strong><br /> <br /> ಅಕಾಲಿಕವಾಗಿ ತೀರಿಕೊಂಡ ಕವಿ ಎನ್.ಕೆ. ಹನುಮಂತಯ್ಯ ಅವರ ಈತನಕದ ಕವಿತೆಗಳನ್ನು ‘ಮಾಂಸದಂಗಡಿಯ ನವಿಲು’ವಿನಲ್ಲಿ ಸಂಕಲಿಸಲಾಗಿದೆ. ಎನ್ಕೆ ತಮ್ಮ ಜೀವಿತದ ಅವಧಿಯಲ್ಲೇ ‘ಹಿಮದ ಹೆಜ್ಜೆ’, ‘ಚಿತ್ರದ ಬೆನ್ನು’ ಎಂಬ ಎರಡು ಸಂಕಲನಗಳನ್ನು ಪ್ರಕಟಿಸಿದ್ದರು. ಆ ಸಂಕಲನಗಳ ಜೊತೆಗೆ ಅವರದೊಂದು ಅಪ್ರಕಟಿತ ಕವಿತೆಯನ್ನು ಇದು ಒಳಗೊಂಡಿದೆ. ಕವಿ ಹನುಮಂತಯ್ಯ ಕನ್ನಡಕ್ಕೆ ಹೊಸದೆನ್ನಿಸುವ ರೂಪಕಜಗತ್ತನ್ನು ಸೃಷ್ಟಿಸಿದ ಪ್ರತಿಭಾವಂತ ಯುವಕವಿಯಾಗಿದ್ದರು.<br /> <br /> ‘ಅಸ್ಪೃಶ್ಯ!/ ಹೌದು; ನಾನು ಗೋವು ತಿಂದು/ ಗೋವಿನಂತಾದವನು/ ನೀವು ನೀಡುವ ಮೇವು ತಿಂದು/ ನಿಮ್ಮಂಥ ಮನುಷ್ಯನಾಗಲಾರೆ/ ಮನುಷ್ಯರನ್ನು ತಿನ್ನಲಾರೆ’ (ಗೋವು ತಿಂದು ಗೋವಿನಂತಾದವನು – ಪು.88) ಎಂಬ ಸಾಲುಗಳು ಹೊಸ ರೂಪಕವನ್ನು ಕನ್ನಡ ಕಾವ್ಯದ ಓದುಗರ ಎದುರಿಗಿಟ್ಟಿದ್ದವು. ಈ ಬಗೆಯ ಸಾಲುಗಳನ್ನು ಎದುರುಗೊಂಡ ಓದುಗನ ಅನುಭವ, ಸಂವೇದನೆಗೆ ತಾಜಾ ನುಡಿಗಟ್ಟೊಂದು ಸೇರಿಕೊಂಡಿತ್ತು.</p>.<p>ಎನ್ಕೆ ಬರೆದಿರುವುದು 37 ಕವಿತೆಗಳ ಜೊತೆಗೆ ಇಲ್ಲಿ ಮೊದಲ ಬಾರಿಗೆ ಪ್ರಕಟವಾಗಿರುವ ‘ಅವಳ ಪರಿಮಳ’ ಕವಿತೆಯನ್ನು. ಇಷ್ಟು ಮಾತ್ರದಿಂದಲೇ ಗಾಢ ವಿಷಾದ, ನೋವು, ಸಂಕಟಗಳನ್ನು ತೀವ್ರವಾದ ಸಾಲುಗಳಲ್ಲಿ, ಚಿತ್ರಗಳಲ್ಲಿ ಹಿಡಿದಿಟ್ಟವರು ಈ ಕವಿ. ಆದ್ದರಿಂದಲೇ ಅವರ ಕಾವ್ಯ ಕನ್ನಡ ಕಾವ್ಯ ಜಗತ್ತಿನಲ್ಲಿ ಹಲವು ನಿರೀಕ್ಷೆಗಳನ್ನು ಹುಟ್ಟುಹಾಕಿತ್ತು.<br /> <br /> ತನ್ನ ಪುಟ್ಟ ಕೈಗಳಲ್ಲಿ ಜಗತ್ತಿನ ಸಮಸ್ತವನ್ನೂ ಒಳಗೊಳ್ಳಲು ಯತ್ನಿಸಿದ ಈ ಕವಿ ಕಾತರ, ವಿಸ್ಮಯಗಳಿಂದ ಬರೆದದ್ದು ಈಗ ಒಂದೆಡೆ ಸಿಗುವಂತಾಗಿದೆ. ಇಲ್ಲಿ, ಇದೇ ಮೊದಲ ಬಾರಿಗೆ ಪ್ರಕಟವಾಗಿರುವ ‘ಅವಳ ಪರಿಮಳ’ ಕವಿತೆಯ ಒಂದು ಭಾಗ ಹೀಗಿದೆ: ‘ಈ ನಡುರಾತ್ರಿ/ ನನ್ನ ಎದೆಯಾಳದ ಒಲವಿನ ನಾಯಿಮರಿ/ ನಿದ್ದೆಯ ಕಚ್ಚಿಕೊಂಡು/ ನಿನ್ನ ಹೃದಯದ ಬಾಗಿಲಲ್ಲಿ ಮಲಗಿದೆ/ ದಯವಿಟ್ಟು ಹೊಡೆಯದೆ ಕಾಪಾಡು’ (ಪು.154). ಇದು ಎನ್ಕೆ ಮುಂದೆ ನಡೆಯಬಹುದಾಗಿದ್ದ ಕಾವ್ಯದ ಹೆಜ್ಜೆಗುರುತುಗಳನ್ನು ತೋರುವಂತಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
